1996

Árþúsund:	2. árþúsundið
Aldir:	19. öldin; 20. öldin ; 21. öldin;
Áratugir:	1971–1980; 1981–1990; 1991–2000; 2001–2010; 2011–2020;
Ár:	1993; 1994; 1995; 1996; 1997; 1998; 1999;

Árið 1996 (MCMXCVI í rómverskum tölum) var 96. ár 20. aldar og hlaupár sem hófst á mánudegi samkvæmt gregoríska tímatalinu.

Atburðir breyta

Janúar breyta

Scandia og North Cape á strandstað.

1. janúar - Fahd bin Abdul Aziz al-Saud konungur Sádí-Arabíu fékk bróður sínum, Abdullah bin Abdul Aziz al-Saud, völdin í hendur.
3. janúar - Farsíminn Motorola StarTAC kom á markað.
5. janúar - Hamasliðinn Yahya Ayyash var myrtur með farsímasprengju sem ísraelska öryggisstofnunin Shin Bet hafði komið fyrir.
7. janúar - Yfir 150 manns fórust í snjóhríð sem gekk yfir austurhluta Bandaríkjanna.
8. janúar - 300 manns fórust þegar flutningaþota hrapaði á markað í Kinsasa í Saír.
9.-20. janúar - Harðir bardagar geisuðu milli rússneska hersins og skæruliða Téténa.
14. janúar - Jorge Sampaio var kjörinn forseti Portúgal.
18. janúar - North Cape-olíulekinn hófst þegar tankskipið North Cape og dráttarbáturinn Scandia strönduðu við Rhode Island.
19. janúar - Yfir 100 manns fórust þegar ferja frá Indónesíu sökk við norðurodda Súmötru.
20. janúar - Yasser Arafat var kosinn forseti Palestínu.
21. janúar - Síðasta kjarnorkutilraun Frakka fór fram.
27. janúar - Herforinginn Ibrahim Baré Maïnassara steypti lýðræðislega kjörnum forseta Níger, Mahamane Ousmane, af stóli.
29. janúar - Tölvuleikurinn Duke Nukem 3D kom út í fyrsta sinn.
29. janúar - Óperuhúsið La Fenice í Feneyjum eyðilagðist í eldi.
31. janúar - Sænska hryllingsmyndin Jägarna var frumsýnd.
31. janúar - Tamíltígrar gerðu sprengjuárás á Seðlabanka Srí Lanka í Kólombó. 86 létust og 1400 særðust.
31. janúar - 122 létust þegar 9,1 tonn af dínamíti sprungu í ólöglegri sprengiefnaverksmiðju undir íbúðarblokk í Shaoyang í Kína.

Febrúar breyta

Skáktölvan Deep Blue.

4. febrúar - 322 fórust og þúsundir misstu heimili sín þegar jarðskjálfti reið yfir Lijiang í Kína.
6. febrúar - Birgenair flug 301 hrapaði í hafið á leið frá Karíbahafinu til Þýskalands með þeim afleiðingum að 189 farþegar fórust.
7. febrúar - René Préval tók við embætti forseta Haítí.
8. febrúar - Docklands-sprengjan sprakk í London og markaði endalok vopnahlés IRA.
8. febrúar - Bill Clinton undirritaði ný bandarísk fjarskiptalög.
9. febrúar - Frumefnið kópernikín var búið til með samruna kjarna blýs og sinks.
10. febrúar - IBM-ofurtölvan Deep Blue sigraði Garrí Kasparov í fyrsta sinn.
14. febrúar - Til átaka kom þegar stjórn Filippseyja reyndi að senda hundruð bátafólks frá Víetnam aftur heim.
15. febrúar - Tankskipið Sea Empress strandaði við suðurströnd Wales og 73.000 tonn af hráolíu láku út í sjó.
15. febrúar - Scott-skýrslan um sölu vopnabúnaðar til Írans á 9. áratugnum kom út í Bretlandi.
17. febrúar - Garry Kasparov sigraði tölvuna Deep Blue í skák.
17. febrúar - Biak-jarðskjálftinn reið yfir Papúahérað í Indónesíu. 166 fórust í flóðbylgju sem fylgdi í kjölfarið.
18. febrúar - Sprengja IRA sprakk í strætisvagni í London með þeim afleiðingum að sprengjumaðurinn lést og 9 aðrir særðust.
21. febrúar - Fahd konungur tók aftur við völdum í Sádí-Arabíu.
25. febrúar - 25 létust og 80 særðust í tveimur sjálfsmorðssprengjuárásum í Ísrael. Hamas lýsti ábyrgð á tilræðinu á hendur sér.
27. febrúar - Tölvuleikurinn Pokémon kom út fyrir GameBoy í Japan.
28. febrúar - Alanis Morissette hlaut verðlaun fyrir plötu ársins á Grammýverðlaunahátíðinni, yngst allra fram að því.
29. febrúar - Ríkisstjórn Bosníu og Hersegóvínu lýsti því yfir að umsátrinu um Sarajevó væri lokið.
29. febrúar - Faucett flug 251 hrapaði í Andesfjöllum. Allir 123 um borð fórust.

Mars breyta

3. mars - José María Aznar varð forsætisráðherra Spánar.
3. og 4. mars - 32 létust í tveimur sjálfmorðssprengjuárásum í Ísrael. Hamassamtökin lýstu ábyrgð á hendur sér en Yasser Arafat fordæmdi þær í sjónvarpsávarpi.
6. mars - Íslenska tímaritið Séð og heyrt kom út í fyrsta sinn.
6. mars - Téténskir uppreisnarmenn réðust á höfuðstöðvar rússneska hersins í Grosní með þeim afleiðingum að 70 rússneskir hermenn og 130 uppreisnarmenn létu lífið.
11. mars - John Howard varð forsætisráðherra Ástralíu.
13. mars - Thomas Hamilton ruddist inn í leikfimisal grunnskólans í Dunblane í Skotlandi og skaut á allt kvikt og myrti sextán börn á aldrinum fimm til sex ára, auk þess sem hann skaut kennara þeirra til bana og særði tólf önnur börn. Hann beindi síðan byssu að sjálfum sér og svipti sig lífi.
15. mars - Hollenski flugvélaframleiðandinn Fokker varð gjaldþrota.
16. mars - Robert Mugabe var kjörinn forseti Simbabve.
18. mars - 163 létu lífið í eldsvoða á skemmtistaðnum Ozone Disco í Quezon-borg á Filippseyjum.
20. mars - Ríkisstjórn Bretlands tilkynnti að kúariða hefði að öllum líkindum borist í menn.
21. mars - Íslenska kvikmyndin Draumadísir var frumsýnd.
22. mars - Fyrsti tölvuleikurinn í leikjaröðinni Resident Evil kom út í Japan.
22. mars - Göran Persson varð forsætisráðherra Svíþjóðar.
23. mars - Fyrstu forsetakosningarnar voru haldnar í kínverska lýðveldinu á Tævan. Sitjandi forseti, Lee Teng-hui, var kjörinn.
24. mars - Marcopper-námaslysið átti sér stað á eyjunni Marinduque á Filippseyjum.
26. mars - Alþjóðagjaldeyrissjóðurinn samþykkti 10,2 milljarða dala lán til Rússlands til að standa undir efnahagsumbótum.
28. mars - Þrír breskir hermenn voru dæmdir sekir um að hafa nauðgað og myrt Louise Jensen á Kýpur.

Apríl breyta

Handtökumynd af Theodore Kaczynski.

1. apríl - Sveitarfélagið Halifax var myndað úr fjórum eldri sveitarfélögum.
3. apríl - Boeing 737-herflugvél rakst á fjall norðan við Ragusa í Króatíu. Allir um borð, 35 talsins, létust, þar á meðal viðskiptaráðherra Bandaríkjanna Ron Brown.
3. apríl - Theodore Kaczynski var handtekinn í fjallakofa sínum í Montana, grunaður um að vera „Unabomber“.
3. apríl - Tútsar í Búrúndí hófu fjöldamorð á hútúum.
11. apríl - Ísraelsher hóf Þrúgur reiðinnar-aðgerðina með árásum á Líbanon í hefndarskyni fyrir hryðjuverkaárásir Hezbollah-samtakanna.
11. apríl - 17 létust á Düsseldorf-flugvelli vegna reyks úr brennandi frauðplasti.
18. apríl - Qana-fjöldamorðin í Líbanon: Í það minnsta 106 líbanskir borgarar létu lífið er ísraelski herinn beitti sprengjum gegn byrgi SÞ nálægt Qana.
18. apríl - Hópur íslamista í Egyptalandi skutu á hótel í Kaíró og drápu 18 gríska ferðamenn í hefndarskyni fyrir Qana-fjöldamorðin.
21. apríl - Ólífubandalagið undir forystu Romano Prodi sigraði í þingkosningum á Ítalíu.
26. apríl - Samningur um öryggismál var undirritaður af fimm ríkjum í Sjanghæ.
28. apríl - Blóðbaðið í Port Arthur: Martin Bryant drap 35 á ferðamannastað í Tasmaníu.
28. apríl - Yfir 60 létust þegar sprengja sprakk í Bhaiperu í Pakistan.

Maí breyta

Keck I og II á Mauna Kea á Hawaii.

8. maí - Stjórnarskrá Suður-Afríku tók gildi. Stjórnarskráin þykir nokkuð nýstárleg því hún tryggir ríkisborgurum víðtæk réttindi og valddreifingu.
8. maí - Stjörnukíkirinn Keck II var tekinn í notkun á Hawaii.
10. maí - Bandaríska stórslysamyndin Skýstrókur var frumsýnd.
10. maí - Harmleikurinn á Everest 1996: 8 fjallgöngumenn létust þegar stormur skall skyndilega á Everestfjalli. Fyrir lok mánaðarins höfðu 4 aðrir látist.
10. maí - Í kjölfar blóðbaðsins í Port Arthur bannaði ríkisstjórn Ástralíu sjálfvirka og hálfsjálfvirka riffla.
11. maí - ValuJet flug 592 hrapaði í Everglades í Flórída. Allir 110 um borð fórust.
13. maí - Um 600 manns létust þegar skýstrokkur gekk yfir Bangladess.
15. maí - Indónesíuher bjargaði 9 gíslum úr haldi Frelsishreyfingar Papúa. Tveir gíslar fundust látnir.
18. maí - Eimear Quinn sigraði Söngvakeppni evrópskra sjónvarpsstöðva fyrir Írland með laginu „The Voice“. Framlag Íslands var lagið „Sjúbidú“ sem Anna Mjöll Ólafsdóttir söng.
18. maí - Ansari X-verðlaunin voru kynnt til sögunnar.
20. maí - Mafíuforinginn Giovanni Brusca var handtekinn á Sikiley.
21. maí - Nær 1000 manns fórust þegar ferjan Bukoba sökk í Viktoríuvatni.
21. maí - Borgarastyrjöldin í Alsír: Sjö munkar úr Atlasklaustrinu í Alsír voru myrtir.
23. maí - Svíinn Göran Kropp náði tindi Mount Everest án súrefniskúta eftir að hafa hjólað að fjallinu frá Svíþjóð.
27. maí - Samið var um vopnahlé í Fyrsta Téténíustríðinu.
29. maí - Likudflokkurinn undir forystu Benjamin Netanyahu vann nauman sigur í þingkosningum í Ísrael.
30. maí - Hoover-stofnunin lét frá sér bjartsýna skýrslu þar sem ályktað var að hnattræn hlýnun myndi draga úr dánartíðni í Norður-Ameríku.

Júní breyta

Leikur Skotlands og Hollands á Evrópumeistaramótinu í knattspyrnu.

1. júní - Sex sveitarfélög á norðanverðum Vestfjörðum sameinuðust undir nafninu Ísafjarðarbær.
2. júní - Sænski listamaðurinn Lars Vilks lýsti yfir stofnun örríkisins Ladóníu.
4. júní - Geimflaugin Ariane 5 sprakk eftir flugtak frá Frönsku Gvæjana. Verkefnið hafði kostað Evrópuríki 7,5 milljarða dala og tekið 11 ár.
7. júní - Hópur frá IRA myrti rannsóknarlögreglumanninn Jerry McCabe við misheppnað bankarán í Adare í Limerick-sýslu.
8. júní - Evrópumeistaramót landsliða í knattspyrnu karla hófst á Englandi.
15. júní - Sprengjuárásin í Manchester 1996: 200 særðust og stór hluti af miðborg Manchester eyðilagðist þegar sprengja á vegum IRA sprakk.
19. júní - Farið var að afgreiða einkamerki á bíla á Íslandi.
19. júní - Boris Jeltsín sigraði fyrri umferð fyrstu frjálsu forsetakosninganna í Rússlandi.
20. júní - Þúsundir stuðningsmanna Megawati Sukarnoputri tókust á við lögreglu í Jakarta í Indónesíu.
23. júní - Leikjatölvan Nintendo 64 kom fyrst út í Japan.
25. júní - Bandaríska kvikmyndin Head Above Water var frumsýnd.
25. júní - 19 bandarískir hermenn létust í sprengingu í Khobar í Sádí-Arabíu.
26. júní - Írska blaðakonan Veronica Guerin var myrt í bíl sínum rétt utan við Dublin.
27. júní - Lög um staðfesta samvist samkynhneigðra para tóku gildi á Íslandi.
28. júní - Stjórnarskrá Úkraínu varð að lögum.
29. júní - Forsetakosningar á Íslandi 1996: Ólafur Ragnar Grímsson var kjörinn forseti Íslands.
29. júní - Tónleikar til stuðnings Prince's Trust voru haldnir í Hyde Park í London. Hljómsveitin The Who kom þar fram í fyrsta sinn frá 1989.
30. júní - Radovan Karadžić sagði af sér sem forseti Bosníuserba og Biljana Plavšić tók við.

Júlí breyta

Bjarne Riis í Tour de France.

1. júlí - Ný lög um réttindi og skyldur starfsmanna ríkisins tóku gildi á Íslandi. Þau fólu meðal annars í sér afnám æviráðningar opinberra starfsmanna.
1. júlí - Þýsku réttritunarumbæturnar voru samþykktar af flestum þýskumælandi ríkjum.
2. júlí - Bræðurnir Lyle og Erik Menendez voru dæmdir í lífstíðarfangelsi í Los Angeles fyrir að myrða foreldra sína.
3. júlí - Boris Jeltsín sigraði aðra umferð forsetakosninga og var endurkjörinn forseti Rússlands.
5. júlí - Í Roslin-stofnuninni í Skotlandi fæddist gimbur sem hafði verið klónuð og því eingetin. Hlaut hún nafnið Dolly og lifði til 2003. Dolly var fyrsta klónaða spendýrið.
11. júlí - Russell-dómurinn gaf út handtökutilskipanir á hendur Radovan Karadžić og Ratko Mladić fyrir stríðsglæpi.
16. júlí - Matareitrun af völdum Escherichia coli olli veikindum 6000 barna í Japan og dauða tveggja.
17. júlí - Samband portúgölskumælandi landa var stofnað.
17. júlí - TWA flug 800 sprakk undan strönd Long Island í Bandaríkjunum. Allir um borð, 230 manns, fórust.
19. júlí - Sumarólympíuleikar voru settir í Atlanta.
19. júlí - Forseti Bosníuserba, Radovan Karadžić, sagði af sér vegna ásakana um stríðsglæpi.
21. júlí - Danski hjólreiðamaðurinn Bjarne Riis sigraði í Tour de France-keppninni.
24. júlí - 56 létust þegar sprengja sprakk í lest utan við Kólombó á Srí Lanka.
25. júlí - Her Búrúndí framdi valdarán og gerði Pierre Buyoya aftur að forseta.
27. júlí - Einn lést og 111 særðust þegar sprengja sprakk í Centennial Olympic Park í Atlanta í Bandaríkjunum.
29. júlí - Windows NT 4.0 kom út.

Ágúst breyta

Mynd tekin með rafeindasmásjá af yfirborði loftsteinsins ALH 84001.

1. ágúst - Ólafur Ragnar Grímsson tók við sem forseti Íslands af Vigdísi Finnbogadóttur.
1. ágúst - Menntaskólinn Hraðbraut var stofnaður.
6. ágúst - Skáldsagan Game of Thrones, fyrsta sagan í bókaröð George R.R. Martin, kom út í Bandaríkjunum.
6. ágúst - NASA sagði frá því að loftsteinninn ALH 84001 gæti innihaldið leifar af frumstæðum lífverum.
7. ágúst - 87 manns fórust á tjaldstæði í rigningum við Huesca á Spáni.
13. ágúst - Könnunarfarið Galileo sendi frá sér gögn sem bentu til þess að vatn væri að finna á einu af tunglum Júpíters.
13. ágúst - Belgíski barnaníðingurinn Marc Dutroux var handtekinn ásamt eiginkonu sinni og hjálparmanni.
14. ágúst - Flugeldur varð til þess að háspennuvír féll á hóp af fólki í Arequipa í Perú með þeim afleiðingum að 35 létust.
16. ágúst - Airstan-atvikið: Áhöfn rússneskrar Il-76-herflugvélar sluppu úr haldi Talíbana eftir 378 daga í haldi og tókst að fljúga burt á flugvél sinni.
17. ágúst - Skáldsagan Fight Club eftir Chuck Palahniuk kom út.
18. ágúst - Menningarnótt var haldin í fyrsta sinn í Reykjavík.
18. ágúst - Bandaríski blaðamaðurinn Gary Webb gaf út fyrstu greinina af þremur í San Jose Mercury News þar sem hann sýndi fram á tengsl milli krakkverslunar í Los Angeles og Kontraskæruliða í Níkaragva.
19. ágúst - Netscape Navigator 3.0 kom út. Þetta var fyrsti vafrinn með innbyggðan JavaScript-túlk.
21. ágúst - Fyrrum forseti Suður-Afríku, F. W. de Klerk, baðst formlega afsökunar á glæpum stjórnarinnar á Apartheid-tímanum.
23. ágúst - Bandaríska gamanmyndin She's the One var frumsýnd.
23. ágúst - Osama bin Laden skrifaði yfirlýsingu um heilagt stríð gegn herliði Bandaríkjanna í Sádí-Arabíu.
26. ágúst - Fyrrum leiðtogi Suður-Kóreu, Chun Doo-hwan, var dæmdur til dauða fyrir uppreisn og landráð.
28. ágúst - Karl Bretaprins og Díana prinsessa skildu.
29. ágúst - Íslenska dagblaðið Dagur-Tíminn kom út í fyrsta sinn.
29. ágúst - 141 fórust þegar rússnesk Vnukovo Airlines flug 2801 rakst á fjall við flugvöllinn á Spitsbergen.

September breyta

Skilti við Vestfjarðagöng.

1. september - Ný norsk ríkissjónvarpsstöð, NRK2, hóf reglulegar útsendingar.
2. september - Stjórnvöld á Filippseyjum sömdu um frið við skæruliðasamtökin Moro National Liberation Front.
4. september - Skæruliðasveitir FARC í Kólumbíu hófu árás á herstöð í Guaviare. Átökin stóðu í þrjár vikur og kostuðu yfir 130 lífið.
7. september - Skotið var á bíl rapparans 2Pac fyrir utan hnefaleikvang í Las Vegas. Hann lést af sárum sínum sex dögum síðar.
9. september - Tölvuleikurinn Crash Bandicoot kom fyrst út.
12. september - Ricardo López sendi Björk Guðmundsdóttur pakka með sýrusprengju og framdi síðan sjálfsmorð. Scotland Yard komst yfir pakkann nokkrum dögum síðar.
13. september - Alija Izetbegović var kjörinn forseti Bosníu og Hersegóvínu.
14. september - Vestfjarðagöng milli Ísafjarðar, Önundarfjarðar og Súgandafjarðar á Vestfjörðum voru vígð.
18. september - Norðurkóreskur kafbátur af Sang-O-gerð strandaði við Suður-Kóreu. Áhöfnin var skotin til bana af suðurkóreska hernum.
19. september - Norðurskautsráðið var stofnað í Ottawa í Kanada.
20. september - Tígrishellisleirbrennslan uppgötvaðist í Hangzhou í Kína.
20. september - Pakistanski stjórnarandstöðuleiðtoginn Murtaza Bhutto lést í skotbardaga við lögreglu.
24. september - Bill Clinton undirritaði samninginn um allsherjarbann við tilraunum með kjarnavopn.
25. september - Síðasta þvottahúsi Magðalenusystra var lokað á Írlandi.
27. september - Talíbanar í Afganistan náðu höfuðborginni Kabúl á sitt vald eftir að hafa hrakið forsetann Burhanuddin Rabbani úr landi og tekið leiðtogann Mohammad Najibullah af lífi.
29. september - Jarðskjálfti upp á 5 stig á Richter fannst við Bárðarbungu.
30. september - Eldgos hófst undir Vatnajökli, milli Bárðarbungu og Grímsvatna sem stóð til 13. október.

Október breyta

Hjólabúnaður af TAM flugi 402 í íbúð í São Paulo.

2. október - Andrej Lúkanov, fyrrum forsætisráðherra Búlgaríu, var myrtur.
2. október - Aeroperú flug 603 hrapaði í Kyrrahafið þegar öll tæki um borð biluðu skömmu eftir flugtak frá Límaflugvelli í Perú. Allir um borð, 70 að tölu, fórust.
3. október - Kvikmynd Friðriks Þórs Friðrikssonar, Djöflaeyjan, var frumsýnd.
7. október - Bandaríska fjölmiðlafyrirtækið News Corporation, hleypti fréttastöðinni Fox News af stokkunum.
22. október - 30 fangar létust þegar eldur braust út í fangelsi í Caracas í Venesúela.
23. október - Réttarhöld yfir O. J. Simpson hófust í Santa Monica í Kaliforníu.
25. október - Gro Harlem Brundtland sagði af sér embætti forsætisráðherra í Noregi og Torbjørn Jagland tók við.
30. október - Bardagar brutust út þegar tútsar undir stjórn Laurent Kabila náðu Uvira í Saír á sitt vald og hófu morð á flóttamönnum hútúa.
31. október - 96 farþegar létust auk þriggja á jörðu niðri þegar TAM Transportes Aéreos Regionais flug 402 hrapaði á íbúðahverfi í São Paulo.

Nóvember breyta

Bitar úr Skeiðarárbrúnni sem skemmdist að hluta í jökulhlaupinu úr Grímsvötnum.

1. nóvember - Fréttastöðin Al Jazeera hóf göngu sína í Doha í Katar.
5. nóvember - Forseti Pakistan, Farooq Leghari, leysti ríkisstjórn Benazir Bhutto frá völdum vegna ásakana um spillingu.
5. nóvember - Bill Clinton sigraði forsetakosningar í Bandaríkjunum gegn frambjóðanda Repúblikana, Bob Dole.
5. nóvember - Jökulhlaup hófst úr Grímsvötnum og varði í 2 daga.
7. nóvember - Fellibylur gekk yfir Andhra Pradesh á Indlandi með þeim afleiðingum að 2000 fórust.
7. nóvember - NASA skaut könnunarfarinu Mars Global Surveyor á loft.
8. nóvember - 141 lést þegar Boeing 727-farþegaþota hrapaði í Atlantshafið í aðflugi að Lagosflugvelli.
12. nóvember - Tvær farþegaþotur frá Saudi Arabian Airlines og Kazakhstan Airlines rákust á yfir Nýju Delí á Indlandi með þeim afleiðingum að 349 létust.
16. nóvember - Auður Laxness, eiginkona Halldórs Laxness, gaf handritadeild Landsbókasafns bréfasafn manns síns.
16. nóvember - Dagur íslenskrar tungu haldinn hátíðlegur í fyrsta skipti.
16. nóvember - Móður Teresu var veittur heiðursborgararéttur í Bandaríkjunum.
17. nóvember - 32 létust í sprengingu í Kaspijsk í Rússlandi.
17. nóvember - Emil Constantinescu var kjörinn forseti Rúmeníu.
18. nóvember - Fuglafræðingurinn Tony Silva var dæmdur í 7 ára fangelsi fyrir að vera leiðtogi páfagaukasmyglhrings.
19. nóvember - Geimskutlan Columbia lauk við lengstu geimferð Geimskutluáætlunarinnar, 17 daga og 15 tíma.
20. nóvember - Eldur kviknaði í Garley-byggingunni í Hong Kong. 41 fórst í eldinum.
21. nóvember - Yfir 100.000 mótmæltu afturköllun útvarpsleyfis Radio 101 í Sagreb í Króatíu.
23. nóvember - Ethiopian Airlines flugi 961 var rænt. Flugvélin hrapaði síðan í Indlandshaf þegar hún varð uppiskroppa með eldsneyti. 125 af 175 um borð fórust.

Desember breyta

1. desember - Meðferðarheimilið Byrgið var stofnað.
5. desember - Madeleine Albright var tilnefnd sem fyrsti kvenkyns utanríkisráðherra Bandaríkjanna.
9. desember - Sameinuðu þjóðirnar hleyptu af stokkunum aðgerðinni Olía fyrir mat í Írak.
12. desember - Uday Hussein, elsti sonur Saddam Hussein, slasaðist alvarlega eftir að gerð var tilraun til að myrða hann.
13. desember - Fyrsta skóflustungan að Grafarvogslaug var tekin.
13. desember - Kofi Annan var kjörinn aðalritari Sameinuðu þjóðanna.
17. desember - Skæruliðahreyfingin Túpac Amaru tók 72 gísla í sendiráði Japana í Líma í Perú.
19. desember - Ísland og Norgur undirrituðu Schengensamninginn.
20. desember - Apple Computer keypti hugbúnaðarfyrirtæki Steve Jobs, NeXT.
25. desember - Barnafegurðardrottningin JonBenét Ramsey var myrt í kjallara húss foreldra sinna í Boulder Kóloradó.
25. desember - Líbýskt flutningaskip rakst á vélbát með fjölda flóttafólks um borð. 283 drukknuðu í þessu mannskæðasta sjóslysi Miðjarðarhafsins frá lokum Síðari heimsstyrjaldar.
27. desember - Talíbanar í Afganistan náðu Bagramflugvelli á sitt vald.
29. desember - Borgarastyrjöldinni í Gvatemala lauk með undirritun friðarsamninga milli ríkisstjórnar Gvatemala og skæruliðahreyfingarinnar URNG.
30. desember - Aðskilnaðarsinnar Bodoa í Assam gerðu sprengjuárás á farþegalest með þeim afleiðingum að 26 létust.

Ódagsettir atburðir breyta

Bandaríska hljómsveitin Electric Six var stofnuð.
Ásatrúarfélagið Bifröst var stofnað í Noregi.
Sænska hljómsveitin Johnossi var stofnuð.
Breska tímaritið Wallpaper* var stofnað.
Íslenska tímaritið Undirtónar var stofnað.
Rússneska hljómsveitin Tracktor Bowling var stofnuð.

Fædd breyta

1. janúar - Mahmoud Dahoud, þýskur knattspyrnumaður.
11. janúar - Leroy Sané, þýskur knattspyrnumaður.
13. janúar - Aníta Hinriksdóttir, íslensk frjálsíþróttakona.
11. febrúar - Jonathan Tah, þýskur knattspyrnumaður.
27. febrúar - Sylvía Erla Scheving, íslensk söngkona.
6. mars - Timo Werner, þýskur knattspyrnumaður.
11. apríl - Dele Alli, enskur knattspyrnumaður.
14. apríl - Abigail Breslin, bandarísk leikkona.
16. apríl - Kento Misao, japanskur knattspyrnumaður.
17. apríl - Dee Dee Davis, bandarísk leikkona.
6. maí - Dominic Scott Kay, bandarískur leikari.
3. júní - Lukas Klostermann, þýskur knattspyrnumaður.
5. júlí - Dolly, fyrsta klónaða spendýrið (d. 2003).
23. ágúst - Yosuke Ideguchi, japanskur knattspyrnumaður.
12. september - Colin Ford, bandarískur leikari.
4. desember - Diogo Jota, portúgalskur knattspyrnumaður.
8. desember - Scott McTominay, enskur knattspyrnumaður.
11. desember - Hailee Steinfeld, bandarísk leikkona.

Dáin breyta

3. janúar - Anna Sigurðardóttir, stofnandi Kvennasögusafns Íslands (d. 1908).
8. janúar - François Mitterrand, Frakklandsforseti (f. 1916).
28. janúar - Joseph Brodsky, rússneskt skáld (f. 1940).
2. febrúar - Gene Kelly, bandarískur dansari, leikari og leikstjóri (f. 1912).
20. febrúar - Solomon Asch, bandarískur sálfræðingur (f. 1907).
13. mars - Róska, íslensk listakona (f. 1940).
18. mars - Odysseas Elytis, grískt skáld (f. 1911).
26. mars - David Packard, verkfræðingur og annar stofnenda Hewlett-Packard (f. 1912).
1. apríl - Hjörtur Eldjárn Þórarinsson, íslenskur bóndi (f. 1920).
17. apríl - Piet Hein, danskur stærðfræðingur og skáld (f. 1905).
20. apríl – Christopher Robin Milne, sonur rithöfundarins A.A. Milne og eigandi Bangsímons (f. 1920).
30. apríl - Juan Hohberg, argentínskur/úrúgvæskur knattspyrnumaður og -þjálfari (f. 1926).
11. maí - Nnamdi Azikiwe, fyrsti forseti Nígeríu (f. 1904).
8. júní - Filippía Kristjánsdóttir, íslenskt skáld (f. 1905).

Ella Fitzgerald árið 1974.

15. júní - Ella Fitzgerald, bandarísk söngkona (f. 1917).
26. júní - Veronica Guerin, írsk blaðakona (f. 1958).
6. júlí - Einar Kristjánsson, íslenskur rithöfundur (f. 1911).
15. júlí - Guðmundur Steinsson, íslenskt leikskáld (f. 1925).
17. júlí - Hringur Jóhannesson, íslenskur myndlistarmaður (f. 1932).
2. ágúst - Obdulio Varela, úrúgvæskur knattspyrnumaður (f. 1917).
12. ágúst - Viktor Ambartsúmjan, sovésk-armenskur vísindamaður (f. 1908).
13. september - Tupac Shakur, bandarískur rappari (f. 1971).
17. september - Spiro Agnew, varaforseti Bandaríkjanna (f. 1918).
20. september - Pál Erdős, ungverskur stærðfræðingur (f. 1913).
19. desember - Marcello Mastroianni, ítalskur leikari (f. 1924).
20. desember - Carl Sagan, bandarískur stjörnufræðingur, rithöfundur og sjónvarpsmaður (f. 1934).
21. desember - Sigfús Halldórsson, íslenskur lagahöfundur (f. 1920).
27. desember - Lúðvík Þorgeirsson, íslenskur knattspyrnumaður (f. 1910).