1998

Árþúsund:	2. árþúsundið
Aldir:	19. öldin; 20. öldin ; 21. öldin;
Áratugir:	1971–1980; 1981–1990; 1991–2000; 2001–2010; 2011–2020;
Ár:	1995; 1996; 1997; 1998; 1999; 2000; 2001;

Árið 1998 (MCMXCVIII í rómverskum tölum) var 98. ár 20. aldar og almennt ár sem byrjaði á fimmtudegi samkvæmt gregoríska tímatalinu.

Atburðir Breyta

Janúar Breyta

Bill Clinton lýsir því yfir að hafa ekki átt í sambandi við Monicu Lewinsky.

1. janúar - Ný íslensk skipulags- og byggingarlög tóku gildi. Samkvæmt þeim er allt landið skipulagsskylt.
1. janúar - Haraldur Örn Ólafsson, Ólafur Örn Haraldsson og Ingþór Bjarnason komust á Suðurpólinn eftir fimmtíu daga göngu.
1. janúar - Landsbanka Íslands var breytt í almenningshlutafélag.
2. janúar - Yfirvöld í Rússlandi gáfu út nýjar rúblur til að reyna að hemja verðbólgu í landinu.
4. janúar - Ramka-fjöldamorðin: Yfir 170 voru myrt í þremur þorpum í Alsír.
6. janúar - Litla hafmeyjan í Kaupmannahöfn missti höfuðið í annað sinn.
7. janúar - Monica Lewinsky undirritaði yfirlýsingu um að hún hefði ekki átt í kynferðissambandi við Bill Clinton.
10. janúar - Mesti 10 mínútna vindhraði mældist við Esju, 62,5 metrar á sekúndu.
11. janúar - Yfir 100 manns voru myrt í Sidi-Hamed-fjöldamorðunum í Alsír.
12. janúar - 19 evrópsk lönd bönnuðu klónun á mönnum.
13. janúar - Alfredo Ormando kveikti í sér á torginu við Péturskirkjuna í Róm í mótmælaskyni við afstöðu kirkjunnar til samkynhneigðar.
14. janúar - 26 lönd undirrituðu samkomulag um bann við olíuleit og -vinnslu á Suðurskautslandinu.
17. janúar - Paula Jones ásakaði Bill Clinton, forseta Bandaríkjanna, um kynferðislega áreitni.
21. janúar - Opinber heimsókn Jóhannesar Páls 2. páfa til Kúbu hófst.
22. janúar - Theodore Kaczynski játaði að hann væri Unabomber. Hann var dæmdur í lífstíðarfangelsi án möguleika á náðun.
26. janúar - Lewinsky-hneykslið: Bill Clinton neitaði að hafa átt í kynferðislegu sambandi við Monicu Lewinsky.
26. janúar - Compaq keypti Digital Equipment Corporation.
28. janúar - Byssumenn héldu 400 börnum í gíslingu í skóla í Manila á Filippseyjum.
28. janúar - Leikvangurinn Stade de France var opnaður í París.

Febrúar Breyta

Íshokkíleikur milli Rússlands og Tékklands á Vetrarólympíuleikunum í Nagano.

2. febrúar - mbl.is, fréttavefur Morgunblaðsins, var opnaður sem sérstakur fjölmiðill eftir að hafa verið vefútgáfa blaðsins í nokkur ár.
3. febrúar - Blóðbaðið í Cermis átti sér stað þegar bandarísk herflugvél sleit streng kláfferju skíðasvæðis í Dólómítunum á Ítalíu. 20 létu lífið.
4. febrúar - 2.323 létust þegar jarðskjálfti reið yfir Takhar-hérað í Afganistan.
4. febrúar - Kráareigandinn Dragan Joksović var skotinn til bana í Stokkhólmi sem leiddi til stríðs milli gengja í veitingahúsageiranum í Svíþjóð.
7. febrúar - Vetrarólympíuleikarnir hófust í Nagano, Japan.
16. febrúar - 202 létust þegar China Airlines flug 676 hrapaði á íbúabyggð við Chiang Kai-shek-flugvöll á Taívan.
20. febrúar - Kofi Annan og Saddam Hussein gerðu samkomulag um áframhald vopnaeftirlits Sameinuðu þjóðanna í Írak og komu þannig í veg fyrir hernaðaríhlutun Breta og Bandaríkjamanna.
28. febrúar - Kosóvóstríðið hófst með árásum serbneskrar lögreglu á þorpin Likošane og Ćirez

Mars Breyta

Viagra

1. mars - Kvikmyndin Titanic varð fyrsta bandaríska kvikmyndin sem náði yfir 1 milljarði dala í tekjur.
2. mars - Gögn frá geimfarinu Galileo bentu til þess að á tungli Júpíters, Evrópu, væri haf undir þykkri íshellu.
2. mars - Wolfgang Přiklopil rændi hinni 10 ára gömlu Natöschu Kampusch.
5. mars - NASA tilkynnti að könnunarfarið Clementine hefði fundið nægilegt vatn í gígum á Tunglinu til að hægt væri að koma þar upp nýlendu. Þessar niðurstöður voru síðar dregnar í efa.
11. mars - Þingkosningar voru haldnar í Danmörku: Ríkisstjórn Poul Nyrup Rasmussen hélt velli.
13. mars - Rannsóknarhópurinn High-Z Supernova Search Team gaf fyrstur út þá niðurstöðu að alheimurinn þendist út á síauknum hraða.
17. mars - Uffe Ellemann-Jensen sagði af sér sem formaður danska hægriflokksins Venstre.
23. mars - Kvikmyndin Titanic vann ellefu Óskarsverðlaun og jafnaði þar með met Ben Húr frá 1959. Lokakafli Hringadróttinssögu jafnaði metið aftur árið 2004.
23. mars - Kjalarnes varð hluti af Reykjavík.
23. mars - Boris Jeltsín rak ríkisstjórn Rússlands og skipaði Sergej Kirijenko forsætisráðherra.
24. mars - Mitchell Johnson og Andrew Golden skutu fjóra nemendur og einn kennara til bana í miðskóla í Jonesboro í Arkansas.
26. mars - Oued Bouaicha-fjöldamorðin áttu sér stað í Alsír. 52 voru myrt með eggvopnum, þar af 32 ungabörn.
27. mars - Matvæla- og lyfjaeftirlit Bandaríkjanna samþykkti lyfið Sildenafil frá Pfizer sem var selt undir heitinu Viagra.
29. mars - Vasco da Gama-brúin í Portúgal var vígð.
31. mars - Netscape gaf frumkóða Mozilla-vafrans út með frjálsu afnotaleyfi.

Apríl Breyta

Akashi Kaikyō-brúin

Apríl - Intel setti Celeron-örgjörvann á markað.
2. apríl - Maurice Papon var dæmdur í fangelsi í Frakklandi fyrir að hafa sent gyðinga í útrýmingarbúðir nasista í Síðari heimsstyrjöld.
5. apríl - Stærsta hengibrú heims, Akashi Kaikyō-brúin milli eyjanna Shikoku og Honshū í Japan, var opnuð fyrir umferð.
6. apríl - Pakistan prófaði meðaldrægar eldflaugar sem hægt væri að nota til að ráðast á Indland.
6. apríl - Bandaríski fjárfestingabankinn Citigroup varð til við sameiningu Citicorp og Travellers Group.
10. apríl - Föstudagssáttmálinn var undirritaður á Norður-Írlandi.
20. apríl - Þýsku hryðjuverkasamtökin Rote Armee Fraktion voru leyst upp (að talið er).
22. apríl - Dýragarðurinn Disney's Animal Kingdom var opnaður í Walt Disney World í Orlandó í Flórída.
23. apríl - Júgóslavíuher veitti sveit úr Frelsisher Kosóvó fyrirsát þar sem þeir reyndu að smygla vopnum frá Albaníu til Kosóvó.

Maí Breyta

Suharto les upp afsögn sína.

Maí - Vefurinn Kvikmyndir.is var opnaður.
1. maí - Ecofin kom saman til að samþykkja lista yfir ríki sem fengju að taka upp evruna.
2. maí - Ákveðið var að evran skyldi tekin upp 1. janúar 1999. Danmörk, Svíþjóð, Bretland og Grikkland ákváðu af ólíkum ástæðum að taka hana ekki upp.
3. maí - Fyrsta áfangi Grafarvogslaugar var opnaður.
9. maí - Dana International sigraði Söngvakeppni evrópskra sjónvarpsstöðva 1998 með laginu „Diva“.
11. maí - Indverjar framkvæmdu þrjár kjarnorkutilraunir neðanjarðar. Í einni þeirra sprengdu þeir vetnissprengju.
11. maí - Fyrstu evrumyntirnar voru slegnar í Pessac í Frakklandi. Þær voru síðan bræddar aftur.
13. maí - Uppþotin í Indónesíu í maí 1998: Reiður múgur réðist á verslanir fólks af kínverskum uppruna í Djakarta.
19. maí - Gervihnötturinn Galaxy IV bilaði sem varð til þess að 80-90% af símboðum heims hættu að virka.
21. maí - Suharto sagði af sér sem forseti Indónesíu eftir 32 ára valdatíma í kjölfar uppþotanna í Djakarta.
22. maí - Bandaríska kvikmyndin Fear and Loathing in Las Vegas var frumsýnd.
26. maí - Bear Grylls varð yngstur Breta til að komast á tind Everestfjalls.
26. maí - National Sorry Day var haldinn í fyrsta sinn í Ástralíu til að minnast ranginda sem frumbyggjar Ástralíu voru beittir.
28. maí - Pakistan framkvæmdi Chagai-I-kjarnorkutilraunina og sprengdi 5 kjarnorkusprengjur í Chagai-hæðum. Þetta varð til þess að landið var beitt viðskiptaþvingunum.
29. maí - Ný lög í Svíþjóð gerðu kaup á vændi refsiverð frá 1. janúar 1999.
30. maí - Allt að 5.000 manns fórust þegar jarðskjálfti reið yfir Afganistan.
30. maí - Pakistan framkvæmdi Chagai-II-kjarnorkutilraunina.

Júní Breyta

Lestarslysið í Eschede.

2. júní - Tölvuvírusinn CIH var uppgötvaður í Taívan.
3. júní - Lestarslysið í Eschede: Yfir 100 létust þegar hraðlest fór út af teinunum milli Hannóver og Hamborgar í Þýskalandi.
5. júní - Bandaríska kvikmyndin Hið fullkomna morð var frumsýnd.
6. júní - Sveitarfélagið Skagafjörður varð til við sameiningu 11 sveitarfélaga á norðurlandi vestra og Sveitarfélagið Hornafjörður varð til við sameiningu allra sveitarfélaga í Austur-Skaftafellssýslu.
7. júní - Sveitarfélagið Árborg varð til við sameiningu 4 sveitarfélaga á suðurlandi og Fjarðabyggð varð til við sameiningu 3 sveitarfélaga á Austfjörðum.
7. júní - Borgarastyrjöldin í Gíneu-Bissá hófst þegar Ansumane Mané tók völdin í herskála í Bissá.
7. júní - James Byrd Jr. var barinn til bana af þremur hvítum mönnum í Jasper, Texas.
7. júní - Ítalski hjólreiðamaðurinn Marco Pantani sigraði Giro d'Italia í fyrsta skipti.
9. júní - Heimsmeistaramót landsliða í knattspyrnu karla 1998 hófst í Frakklandi.
10. júní - Þjóðlendulögin voru samþykkt á Alþingi.
14. júní - Austurbrúin í Stórabeltistengingunni var opnuð fyrir umferð.
18. júní - Kinza Clodumar var settur af sem forseti Nárú með vantrausti.
19. júní - Bandaríska teiknimyndin Múlan var frumsýnd.
25. júní - Windows 98 kom út.
27. júní - Kuala Lumpur-flugvöllur var opnaður í Malasíu.
30. júní - Joseph Estrada varð forseti Filippseyja.

Júlí Breyta

Hvalfjarðargöng.

2. júlí - Skáldsagan Harry Potter og leyniklefinn eftir J. K. Rowling kom út.
5. júlí - Japanar sendu geimkönnunarfar til Mars.
6. júlí - Alþjóðaflugvöllurinn í Hong Kong var opnaður.
6. júlí - Bandaríski tennisleikarinn Pete Sampras sigraði Wimbledon-mótið.
11. júlí - Hvalfjarðargöngin voru opnuð.
12. júlí - Frakkar sigruðu Heimsmeistaramót landsliða í knattspyrnu karla 1998 með 3-0 sigri á Brasilíu.
12. júlí - Skjáborðsumhverfið KDE kom út í útgáfu 1.0.
17. júlí - Bandaríska kvikmyndin Það er eitthvað við Mary var frumsýnd.
17. júlí - 120 lönd samþykktu stofnun Alþjóðlega sakamáladómstólsins.
17. júlí - Jarðneskum leifum Nikulásar 2. Rússakeisara og fjölskyldu hans var komið fyrir í kapellu í Sankti Pétursborg.
17. júlí - Jarðskjálfti reið yfir Papúu Nýju-Gíneu með þeim afleiðingum að yfir 2000 létust.
17. júlí - Blóðbaðið í Klečka hófst.
24. júlí - Bandaríska kvikmyndin Björgun óbreytts Ryans var frumsýnd.
30. júlí - Obuchi Keizo tók við af Ryūtarō Hashimoto sem forsætisráðherra Japans.
30. júlí - Skemmtistaðurinn Tunglið við Lækjargötu gjöreyðilagðist í eldsvoða.

Ágúst Breyta

Bandaríska sendiráðið í Naíróbí eftir sprengjutilræðið.

1. ágúst - Eitt dýrasta frímerki heims, Gul tre skilling banco frá 1855, var selt fyrir 14 milljón sænskar krónur.
2. ágúst - Ítalski hjólreiðamaðurinn Marco Pantani sigraði Tour de France-keppnina.
4. ágúst - Afríkustríðið mikla hófst í Kongó.
5. ágúst - Bandaríska kvikmyndin Halloween H20: 20 Years Later var frumsýnd.
7. ágúst - Bílasprengjur sprungu við sendiráð Bandaríkjanna í Naíróbí og Dar es Salaam með þeim afleiðingum að yfir 200 létust. Samtökin heilagt stríð og Al-Kaída voru bendluð við árásirnar.
7. ágúst - Yfir 12.000 fórust í Kína þegar áin Jangtse flaut yfir bakka sína.
15. ágúst - Apple Inc. kynnti iMac til sögunnar.
15. ágúst - Sprengjuárásin í Omagh: Írski lýðveldisherinn sprengdi bílasprengju í Omagh á Norður-Írlandi með þeim afleiðingum að 29 létust.
17. ágúst - Fjármálakreppan í Rússlandi 1998 hófst.
21. ágúst - Ferjufyrirtækið Scandlines varð til við sameiningu ferjudeildar dönsku járnbrautanna og þýsks ferjufyrirtækis.
24. ágúst - Fyrsta RFID-tækinu var komið fyrir í manneskju í Bretlandi.
26. ágúst - Tölvuvírusinn CIH fór í gang og réðist á Windows 9x-stýrikerfi.
27. ágúst - Íslenska kvikmyndin Sporlaust var frumsýnd.

September Breyta

Bandaríska strandgæsluskipið Hudson leitar að braki úr Swissair flugi 111.

1. september - Kio Briggs var handtekinn í Leifsstöð með yfir 2000 e-töflur í farangri sínum.
2. september - Swissair flug 111 nauðlenti nálægt Peggys Cove í Nova Scotia í Kanada. Allir 229 farþegar sem voru um borð létu lífið.
4. september - Google var stofnað af Larry Page og Sergey Brin, nemendum við Stanford-háskóla.
4. september - Skrunda-1, síðustu sovésku ratsjárstöðinni í Lettlandi var lokað.
9. september - Háhyrningurinn Keikó kom til Vestmannaeyja og var sleppt í Klettsvík.
10. september - Alexander Kusminik hóf skotárás um borð í rússneska kafbátnum Vepr (K-157) og myrti 7 manns.
12. september - Fimmenningarnir frá Miami voru handteknir fyrir njósnir.
18. september - Bandaríska kvikmyndin Rush Hour var frumsýnd.
21. september - Listaháskóli Íslands var stofnaður.
23. september - Íslenska kvikmyndin Dansinn var frumsýnd.
24. september - Sveinn Waage var kosinn Fyndnasti maður Íslands þegar uppistandskeppnin var haldin í fyrsta sinn.
24. september - Mohammad Khatami Íransforseti dró til baka fatwa gegn Söngvum Satans sem hafði verið í gildi frá 1989.
28. september - Sósíaldemókratar sigruðu þingkosningar í Þýskalandi. Gerhard Schröder varð kanslari.

Október Breyta

Gardermoen-flugvöllur.

2. október - Bandaríska kvikmyndin Kvöld í klúbbnum var frumsýnd.
5. október - IBM gaf út RISC-örgjörvann POWER3.
6. október - Matthew Shepard var barinn illa í Laramie, Wyoming.
7. október - South Park-þátturinn „Chef Aid“ var sendur út þar sem Chewbacca-vörninni var lýst.
8. október - Gardermoen-flugvöllur var opnaður í Noregi.
12. október - Íslenska heimildarmyndin Popp í Reykjavík var frumsýnd.
14. október - Eric Rudolph var kærður fyrir fjórar sprengjuárásir í Atlanta.
16. október - Augusto Pinochet var settur í stofufangelsi þar sem hann leitaði lækninga í Bretlandi.
17. október - 1.082 létust þegar olíuleiðsla sprakk í Nígeríu.
23. október - Kvikmyndin Fucking Åmål var frumsýnd í kvikmyndahúsum í Svíþjóð.
24. október - Norska sápuóperan Hotel Cæsar hóf göngu sína á TV 2.
28. október - Flugmaður Air China, Yuan Bin, rændi farþegaþotu og flaug henni til Taívan.
29. október - Fellibylurinn Mitch gekk yfir Mið-Ameríku með þeim afleiðingum að um 18.000 fórust.

Nóvember Breyta

Voyager 1.

1. nóvember - Mika Häkkinen varð heimsmeistari ökuþóra í Formúlu 1-kappakstri.
11. nóvember - Samtök ferðaþjónustunnar voru stofnuð á Íslandi.
17. nóvember - Geimkönnunarfarið Voyager 1 náði lengra út í geim en Pioneer 10 hafði gert.
19. nóvember - Dvergplánetan 19521 Chaos var uppgötvuð utan við sporbaug Plútós.
20. nóvember - Fyrsta hluta Alþjóðlegu geimstöðvarinnar var skotið á loft frá Kasakstan.
21. nóvember - Tölvuleikurinn The Legend of Zelda: Ocarina of Time kom út.
23. nóvember - Game Boy Color kom út í Evrópu.
24. nóvember - Marc Hodler ljóstraði upp um mútur í aðdraganda þess að Salt Lake City var valin til að halda Vetrarólympíuleikana 2002.
24. nóvember - Fjarreikistjarnan Gliese 86 b var uppgötvuð á braut um hvíta dverginn Gliese 86.
27. nóvember - Sjötta kynslóð tölvuleikjavéla hófst með útgáfu Dreamcast frá Sega.
28. nóvember - Stofnfundur Frjálslynda flokksins var haldinn í Rúgbrauðsgerðinni.

Desember Breyta

Tomahawk-flugskeyti tekur á loft frá bandarískum tundurspilli.

4. desember - Öðrum hluta Alþjóðlegu geimstöðvarinnar, Unity, var skotið á loft í geimskutlunni Endeavor.
6. desember - Hugo Chávez var kjörinn forseti Venesúela.
8. desember - 81 manns voru myrtir í Tadjena-fjöldamorðunum í Alsír.
14. desember - Júgóslavíuher drap 36 meðlimi Frelsishers Kosóvó.
16. desember - Eyðimerkurrefsaðgerðin: Bill Clinton fyrirskipaði loftárásir á Írak.
17. desember - Jarðskjálftar fundust við Grímsvötn.
18. desember - Gos hófst í Grímsvötunum og var það í fyrsta skipti sem vísindamenn gátu fylgst með eldgosi undir stórum jökli.
19. desember - Vantraust á Bill Clinton Bandaríkjaforseta kom fram á Bandaríkjaþingi vegna meinsæris í Lewinsky-málinu.
23. desember - Leikjatölvan PocketStation kom á markað.
28. desember - Eldgosi lauk í Grímsvötnum.

Ódagsettir atburðir Breyta

Íslenska Vefstofan var stofnuð.
Íslenska hljómsveitin Írafár var stofnuð.
Íþróttafélagið Hvíti riddarinn var stofnað í Mosfellsbæ.
Samfélag trúlausra var stofnað á Íslandi.
Íslenska líftæknifyrirtækið Prokaria var stofnað.
Bandaríska hljómsveitin 30 Seconds to Mars var stofnuð.
Íslenska hljómsveitin Í svörtum fötum var stofnuð.
Breska hljómsveitin Oceansize var stofnuð.
Íslenska útgerðarfyrirtækið Brim hf. var stofnað.
Franska hljómsveitin Télépopmusik var stofnuð.
Íslenska líftæknifyrirtækið Biogels var stofnað.
Íslenska fyrirtækið Fjárvaki ehf. var stofnað.
Finnska pappírsfyrirtækið Stora Enso var stofnað.
Fyrsta heimsmeistarakeppnin í mýrarbolta var haldin í Finnlandi.

Fædd Breyta

6. apríl - Alfons Sampsted, íslenskur knattspyrnumaður.
12. maí - Sveinn Aron Guðjohnsen, íslenskur knattspyrnumaður.
21. maí - Ari Ólafsson, íslenskur söngvari.
1. júlí - Mikael Anderson, íslenskur knattspyrnumaður.
8. júlí - Jaden Smith, bandarískur leikari og söngvari.
18. september - Christian Pulisic, bandarískur knattspyrnumaður.
7. október - Trent Alexander-Arnold, enskur knattspyrnumaður.
12. október - Anton Karl Kristensen, íslenskur leikstjóri.
3. desember - Elísabet Hulda Snorradóttir, íslensk fyrirsæta.
8. desember - Maximilian Eggestein, þýskur knattspyrnumaður.
20. desember - Kylian Mbappé, franskur knattspyrnumaður.

Dáin Breyta

6. febrúar - Falco, austurrískur tónlistarmaður (f. 1957).
6. febrúar - Carl Wilson, bandarískur tónlistarmaður (The Beach Boys) (f. 1946).

Halldór Laxness

8. febrúar - Halldór Laxness, íslenskur rithöfundur og Nóbelsverðlaunahafi (f. 1902).
5. apríl - Jónas Árnason, íslenskur stjórnmálamaður og leikskáld (f. 1923).
14. apríl - Björn Sv. Björnsson, íslenskur SS-maður (f. 1909).
15. apríl - Pol Pot, leiðtogi rauðu khmeranna í Kambódíu (f. 1925).
19. apríl - Octavio Paz, mexíkóskur rithöfundur (f. 1914).
14. maí - Frank Sinatra, bandarískur söngvari og kvikmyndaleikari (f. 1915).
29. maí - Barry M. Goldwater, bandarískur þingmaður (f. 1909).
5. júní - Dieter Roth, íslenskur myndlistarmaður (f. 1930).
10. júní - Hammond Innes, enskur rithöfundur (f. 1913).
27. júlí - Gísli Halldórsson, íslenskur leikari (f. 1927).
2. ágúst - Otto Bumbel, brasilískur knattspyrnuþjálfari (f. 1914).
6. september - Akíra Kúrósava, japanskur kvikmyndaleikstjóri (f. 1910).
12. október - Guðrún Katrín Þorbergsdóttir, íslenskur stjórnmálamaður (f. 1934).
12. október - Ásta B. Þorsteinsdóttir, íslenskur stjórnmálamaður (f. 1945).
31. október - Hulda Dóra Jakobsdóttir, íslenskur stjórnmálamaður (f. 1911).
6. nóvember - Niklas Luhmann, þýskur félagsfræðingur (f. 1927).
24. nóvember - John Chadwick, enskur fornfræðingur (f. 1920).
25. nóvember - Nelson Goodman, bandarískur heimspekingur (f. 1906).