18. ágúst

Júl – Ágúst – Sep
Su	Má	Þr	Mi	Fi	Fö	La
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31
2024 Allir dagar

18. ágúst er 230. dagur ársins (231. á hlaupári) samkvæmt gregoríska tímatalinu. 135 dagar eru eftir af árinu.

Atburðir

684 - Orrustan um Marj Rahit: Múslimar unnu sigur á Abd Allah ibn al-Zubayr og tryggðu þannig yfirráð Úmajada yfir Sýrlandi.
1477 - María af Búrgund giftist Maximilían 1., síðar keisara hins Heilaga rómverska ríkis.
1685 - Loðvík 14. gaf út Fontainebleu-tilskipunina þar sem hann lýsti mótmælendatrú ólöglega og afnam þannig þau réttindi sem húgenottar höfðu fengið með Nantes-tilskipuninni 1598.
1786 - Reykjavík fékk kaupstaðarréttindi ásamt Grundarfirði, Ísafirði, Akureyri, Seyðisfirði og Vestmannaeyjum. Þetta ár voru Íslendingar 38 þúsund, en Reykvíkingar töldust 167.
1786 - Konungleg auglýsing um afnám einokunarverslunar á Íslandi gefin út. Einokuninni lauk þó ekki fyrr en um áramótin 1787-1788.
1877 - Bandaríkjamaðurinn Asaph Hall uppgötvaði tunglið Fóbos.
1886 - Haldið var upp á afmæli Reykjavíkurkaupstaðar með samkomu á Austurvelli og samsæti á Hótel Íslandi. Bæjarbúar töldust vera 3540 og því var spáð að þeir yrðu tífalt fleiri árið 1986, en sá fjöldi náðist fyrir 1940.
1906 - Sambandsflokkurinn var stofnaður í Færeyjum.
1920 - Konur í Bandaríkjunum fengu kosningarétt.
1945 - Svavar Guðnason, listmálari, sýndi verk sín í Listamannaskálanum og var þetta fyrsta sýning á Íslandi þar sem öll verkin voru abstrakt.
1954 - Minnismerki um Skúla Magnússon landfógeta var afhjúpað í gamla kirkjugarðinum við Aðalstræti í Reykjavík. Guðmundur Einarsson frá Miðdal er höfundur verksins, sem Verslunarmannafélag Reykjavíkur gaf.
1957 - Á frjálsíþróttamóti í Reykjavík voru sett tvö Íslandsmet, sem bæði stóðu lengi. Hilmar Þorbjörnsson hljóp 100 metra á 10,3 sekúndum og Pétur Rögnvaldsson hljóp 110 metra grindahlaup á 14,6 sekúndum.
1960 - Fæðingarheimili Reykjavíkur tók til starfa.
1961 - Grasagarður Reykjavíkur var formlega opnaður.
1962 - Nýtt dagblað, Mynd, dagblað, óháð, ofar flokkum, hóf göngu sína í Reykjavík. Það kom út þar til 28. september sama ár.
1966 - Tekin var fyrsta skóflustunga að myndlistarhúsi á Miklatúni. Það gerði Jóhannes S. Kjarval og var húsið síðar nefnt Kjarvalsstaðir honum til heiðurs.
1971 - Ástralía og Nýja Sjáland hættu þátttöku í Víetnamstríðinu og drógu herlið sitt til baka.
1978 - Á eyjunni Cavallo hleypti Viktor Emmanúel af Savoja af skotum á eftir gúmmíbátaþjófum. Eitt skot hafnaði í 19 ára syni þýska auðkýfingsins Ryke Geerd Hamer sem svaf í bát þar nærri með þeim afleiðingum að hann lést. Viktor Emmanúel var síðar sýknaður af ákæru fyrir morð en dæmdur fyrir ólöglegan vopnaburð.
1983 - Fellibylurinn Alicia gekk yfir Texas. 22 létust og eignatjón var metið á 3,8 milljarða dala (á verðlagi ársins 2005).
1983 - Fimm létust og 18 særðust þegar Douglas Crabbe ók vörubíl inn á bar vegahótels við Uluru í Ástralíu.
1986 - Haldið var upp á 200 ára kaupstaðarafmæli Reykjavíkur. Talið var að 70 - 80 þúsund manns hafi verið í miðbænum þegar mest var. Þar var í boði stærsta terta, sem sögur fara af á Íslandi, 200 metra löng. Íslenska ríkið gaf Reykjavíkurborg Viðeyjarstofu og Viðeyjarkirkju í afmælisgjöf. Flugeldasýning var rétt fyrir miðnættið.
1988 - Endurbótum lauk á Viðeyjarstofu og Viðeyjarkirkju.
1989 - Kólumbíski forsetaframbjóðandinn Luis Carlos Galán var myrtur í Bogotá.
1990 - Listaverkið Sólfar eftir Jón Gunnar Árnason var afhjúpað við Sæbraut í Reykjavík.
1991 - Valdaránstilraunin í Sovétríkjunum 1991 hófst á því að valdaránsmenn hnepptu Mikhaíl Gorbatsjev í stofufangelsi á Krímskaga.
1992 - Maður grunaður um fíkniefnasölu var handtekinn í Mosfellsbæ og fundust 1,2 kílógrömm af kókaíni í bíl hans. Í aðgerð lögreglunnar varð lögreglumaður fyrir mjög alvarlegu slysi.
1992 - Forsætisráðherra Bretlands, John Major, tilkynnti um flugbannsvæðin yfir Írak til verndar Kúrdum.
1993 - Kapellbrücke, viðarbrú frá 14. öld í Luzern í Sviss, eyðilagðist í eldi.
1994 - Írski glæpaforinginn Martin Cahill var myrtur í Dublin.
1995 - Bandaríska kvikmyndin Mortal Kombat var frumsýnd.
1996 - Menningarnótt var haldin í fyrsta sinn í Reykjavík.
1996 - Bandaríski blaðamaðurinn Gary Webb gaf út fyrstu greinina af þremur í San Jose Mercury News þar sem hann sýndi fram á tengsl milli krakkverslunar í Los Angeles og Kontraskæruliða í Níkaragva.

2001 - Leikhópurinn Vesturport var stofnaður með uppsetningu á leikritinu Diskópakk (Disco Pigs) eftir Enda Walsh á horni Vesturgötu og Norðurstígs í Gamla Vesturbænum.
2003 - Norðurlandasamningur um almannatryggingar var undirritaður.
2003 - Menntaskólinn Hraðbraut hóf starfsemi sína.
2005 - Fyrsta sameiginlega heræfing Rússa og Kínverja, Peace Mission 2005, hófst á Shandong-skaga.
2008 - Andarnefjur sáust á Pollinum á Akureyri og voru í meira en mánuð. Flestar voru þær fjórar.
2008 - Pervez Musharraf sagði af sér sem forseti Pakistan.
2014 - Fornleifauppgröftur hófst við Borgring í Danmörku. Hann leiddi í ljós hringborg frá víkingatímanum.
2016 - Neyðarástandi vegna skógarelda var lýst yfir í Kaliforníu.
2017 - Stunguárásin í Turku: Marokkóskur hælisleitandi stakk 10 og myrti 2 í Turku í Finnlandi.
2018 - Asíuleikarnir 2018 hófust í Indónesíu.
2019 - Um 100 manns komu saman í minningarathöfn um jökulinn Ok á Íslandi.

Fædd

1685 - Brook Taylor, enskur stærðfræðingur (d. 1731).
1692 - Loðvík-Hinrik af Bourbon-Condé, forsætisráðherra Frakklands (d. 1740).
1750 - Antonio Salieri, ítalskt tónskáld (d. 1825).
1792 - John Russell, jarl af Russell, breskur stjórnmálamaður (d. 1878).
1822 - Bogi Thorarensen, amtmaður á Íslandi (d. 1867).
1830 - Franz Jósef 1. Austurríkiskeisari (d. 1916).
1840 - Jónas Jónassen, landlæknir á Íslandi (d. 1910).
1892 - Loftur Guðmundsson, íslenskur ljósmyndari og kvikmyndagerðarmaður (d. 1952).
1892 - Hal Foster, kanadískur myndasöguhöfundur (d. 1982).
1922 - Alain Robbe-Grillet, franskur rithöfundur (d. 2008)
1927 - Rosalynn Carter, bandarísk forsetafrú (d. 2023).
1933 - Roman Polanski, pólskur kvikmyndaleikstjóri.
1936 - Robert Redford, bandarískur leikari.
1939 - Johnny Preston, bandarískur söngvari (d. 2011).
1952 - Patrick Swayze, bandarískur leikari (d. 2009).
1954 - Rustem Khamitov, rússneskur stjórnmálamaður.
1969 - Christian Slater, bandarískur leikari.
1969 - Edward Norton, bandarískur leikari.
1971 - Aphex Twin, breskur raftónlistarmaður.
1983 - Mika, líbanskur söngvari.
1987 - Haraldur Leví Gunnarsson, íslenskur trommuleikari.
1988 - Ásgeir Erlendsson, íslenskur sjónvarpsmaður.
1994 - Arnar Freyr Ársælsson, íslenskur handknattleiksmaður.

Dáin

472 - Ricimer, yfirmaður Vestrómverska hersins og raunverulegur stjórnandi ríkisins.
1095 - Ólafur hungur, Danakonungur (f. um 1050).
1227 - Djengis Khan, höfðingi Mongólaveldisins.
1276 - Hadríanus 5. páfi.
1503 – Alexander 6. páfi (f. 1431).
1559 – Páll 4. páfi (f. 1476).
1613 - Giovanni Artusi, ítalskt tónskáld (f. um 1540).
1620 - Wanli, keisari Kína (f. 1563).
1642 - Guido Reni, ítalskur listmálari (f. 1575).
1850 - Honoré de Balzac, franskur rithöfundur (f. 1799).
1940 - Walter P. Chrysler, bandarískur bílasmiður (f. 1875).
1990 - Burrhus Frederic Skinner, bandarískur atferlisfræðingur (f. 1904).
2004 - Gylfi Þ. Gíslason, íslenskur stjórnmálamaður (f. 1917).
2009 - Kim Dae-jung, forseti Suður-Kóreu (f. 1924).
2011 - Jean Tabary, franskur myndasöguhöfundur (f. 1930)