21. desember

21. desember er 355. dagur ársins (356. á hlaupári) samkvæmt gregoríska tímatalinu. 10 dagar eru eftir af árinu. Vetrarsólstöður eru þennan dag og er þetta því sá dagur ársins sem nóttin er lengst og birtu nýtur skemmst, um það bil 4 klst. og 10 mínútur.

Atburðir

• 69 - Vespasíanus varð keisari Rómar.
• 860 - Aðalbert varð Englandskonungur.
• 1124 - Lamberto varð Honóríus 2. páfi.
• 1844 - Jónas Hallgrímsson orti stökur, sem hefjast á: „Enginn grætur Íslending...“
• 1929 - Varðskipið Þór strandaði við Húnaflóa, mannbjörg varð.
• 1930 - Ríkisútvarpið hóf útsendingar.
• 1940 - Fyrsta tölublað tímaritsins Faxa kom út á Íslandi.
• 1945 - Ölfusárbrú var formlega opnuð fyrir umferð. Hún er hengibrú með 84 metra á milli stöpla og leysti af hólmi brú frá 1891.
• 1952 - Kveikt var á stóru jólatré á Austurvelli, sem var gjöf frá Óslóarbúum til Reykvíkinga og hefur það verið fastur siður árlega síðan.
• 1969 - Árnagarður var vígður, en þar er Stofnun Árna Magnússonar til húsa auk kennsluhúsnæðis fyrir Háskóla Íslands.
• 1975 - Sex manna hópur palestínskra skæruliða, þar á meðal Sjakalinn Carlos, tóku orkumálaráðherra 13 OPEC-ríkja í gíslingu í Vínarborg.
• 1975 - Samþykkt um votlendi sem hafa alþjóðlegt gildi, einkum fyrir fuglalíf sem var undirrituð í Ramsar í Íran 1971 tók gildi.
• 1981 - Belís fékk sjálfstæði frá Bretlandi.
• 1984 - Sovéska könnunarfarinu Vega 2 var skotið upp.
• 1988 - Flugslys varð við Lockerbie í Bretlandi. Alls dóu 270 manns, þar af 243 farþegar, 16 í áhöfn og 11 á jörðu niðri.
• 1988 - Bandaríska fjármálafyrirtækið Drexel Burnham Lambert viðurkenndi innherjaviðskipti og samþykkti að greiða 650 milljón dala sekt.
• 1989 - Leiðtogi Rúmeníu, Nicolae Ceaușescu, hélt ræðu frammi fyrir 110.000 manns utan við höfustöðvar kommúnistaflokksins í Búkarest. Fólkið gerði hróp að honum og hann skipaði hernum að ráðast gegn því.
• 1990 - Skipafélagið Samskip var stofnað um skiparekstur Sambands íslenskra samvinnufélaga.
• 1991 - Evró-Atlantshafssamstarfsráðið kom saman í fyrsta sinn.
• 1992 - Slobodan Milošević var endurkjörinn forseti Serbíu.

• 2001 - Ný kvikmyndalög tóku gildi á Íslandi og Kvikmyndamiðstöð Íslands var stofnuð.
• 2001 - Ríkisstjórn Argentínu lýsti yfir gjaldfalli.
• 2004 - Íraskir uppreisnarmenn gerðu árás á herstöð Bandaríkjamanna í Mósúl. 22 létust í árásinni.
• 2007 - Schengensvæðið stækkaði: Aðildarlönd sem bættust við voru Eistland, Lettland, Litháen, Malta, Pólland, Slóvakía, Slóvenía, Tékkland og Ungverjaland.
• 2010 - Tunglmyrkva bar upp á vetrarsólstöður á norðurhveli jarðar og sumarsólstöður á suðurhveli jarðar í fyrsta sinn frá árinu 1638.
• 2012 - Nýtt tímabil hófst samkvæmt tímatali Asteka.
• 2012 - Forsætisráðherra Ítalíu, Mario Monti, sagði af sér.
• 2020 - Fyrstu Covid-19-smitin greindust á Suðurskautslandinu, í O'Higgins-rannsóknarstöðinni.

Fædd

• 1118 - Thomas Becket, erkibiskup í Kantaraborg (d. 1170).
• 1401 - Masaccio, ítalskur listmálari (d. 1428).
• 1603 - Roger Williams, enskur guðfræðingur (d. 1684).
• 1878 - Carl Wilhelm von Sydow, sænskur þjóðfræðingur (d. 1952).
• 1887 - Axel Revold, norskur myndlistarmaður (d. 1962).
• 1904 - Þorsteinn Ö. Stephensen, íslenskur leikari (d. 1991).
• 1916 - Brandur Brynjólfsson, íslenskur knattspyrnumaður (d. 1999).
• 1917 - Heinrich Böll, þýskur rithöfundur (d. 1985).
• 1929 - Örlygur Hálfdánarson, íslenskur bókaútgefandi (d. 2020).
• 1932 - Hringur Jóhannesson, íslenskur myndlistarmaður (d. 1996).
• 1935 - Jidéhem, belgískur myndasöguhöfundur (d. 2017)
• 1937 - Jane Fonda, bandarísk leikkona.
• 1940 - Frank Zappa, bandarískur tónlistarmaður (d. 1993).
• 1942 - Hu Jintao, leiðtogi Alþýðulýðveldisins Kína.
• 1942 - Crispin Wright, breskur heimspekingur.
• 1943 - Masafumi Hara, japanskur knattspyrnuleikari.
• 1948 - Samuel L. Jackson, bandarískur leikari.
• 1949 - Thomas Sankara, forseti Búrkína Fasó (d. 1987).
• 1958 - Ray Romano, bandarískur gamanleikari.
• 1966 - Kiefer Sutherland, kanadískur leikari.
• 1967 - Mikheil Saakashvili, forseti Georgíu.
• 1975 - Charles Michel, forsætisráðherra Belgíu og forseti evrópska ráðsins.
• 1977 - Emmanuel Macron, forseti Frakklands.
• 1977 - Regína Ósk Óskarsdóttir, íslensk söngkona.
• 1978 - Kevin Federline, bandarískur dansari.
• 1981 - Cristian Zaccardo, ítalskur knattspyrnumaður.
• 1987 - Diljá Mist Einarsdóttir, íslensk stjórnmálakona.

Dáin

• 1118 - Paskalis 2. páfi.
• 1295 - Margrét af Provence, Frakklandsdrottning, kona Loðvíks 9. (f. um 1221).
• 1343 - Helgi Sigurðsson, íslenskur ábóti.
• 1375 - Giovanni Boccaccio, ítalskur rithöfundur (f. 1313).
• 1418 - Jóhann 23., fyrrverandi mótpáfi (f. um 1370).
• 1549 - Margrét, drottning Navarra, kona Hinriks 2. (f. 1492).
• 1610 - Katrín Gústafsdóttir Vasa, dóttir Gústafs Vasa (f. 1539).
• 1877 - Torfi Einarsson, íslenskur stjórnmálamaður (f. 1812).
• 1882 - Francesco Hayez, ítalskur listmálari (f. 1791).
• 1937 - Frank B. Kellogg, bandarískur stjórnmálamaður (f. 1856).
• 1940 - F. Scott Fitzgerald, bandarískur rithöfundur (f. 1896).
• 1945 - George S. Patton, bandarískur hershöfðingi (f. 1885).
• 1971 - Ásta Sigurðardóttir, íslenskur rithöfundur (f. 1930).
• 1982 - Ants Oras, eistneskur rithöfundur (f. 1900).
• 1989 - Stefán A. Pálsson, stórkaupmaður og formaður Knattspyrnufélagsins Fram (f. 1901).
• 1996 - Sigfús Halldórsson, íslenskur lagahöfundur (f. 1920).
• 2006 - Saparmyrat Nyýazow, forseti Túrkmenistans (f. 1940).
• 2013 - Peter Geach, breskur heimspekingur (f. 1916).

Hátíðis- og tyllidagar

• Samkvæmt kvæði Jóhannesar úr Kötlum, „Jólin koma“ kemur jólasveinninn Gluggagægir til byggða þennan dag.