20. janúar

Des – Janúar – Feb
Su	Má	Þr	Mi	Fi	Fö	La
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31
2025 Allir dagar

20. janúar er 20. dagur ársins samkvæmt gregoríska tímatalinu. 345 dagar (346 á hlaupári) eru eftir af árinu.

Atburðir

330 f.Kr. - Alexander mikli sigraði her Persaveldis undir stjórn landstjórans Ariobarzaness við Persahlið. Ariobarzanes hafði varist 17.000 grískum hermönnum með 700 ódauðlegum persneskum hermönnum í 30 daga.
649 - Kindasvind konungur Vísigota á Spáni gerði Rekkesvind son sinn að meðkonungi.
1045 - Giovanni dei Crescenzi–Ottaviani varð Silvester 3. páfi.
1265 - Fyrsta enska þingið sem kosið var til (De Montfort-þingið) kom saman í Westminsterhöll.
1327 - Játvarður 2. Englandskonungur var neyddur til að segja af sér og settur í dýflissu.
1343 - Jóhanna 1. varð drottning Napólí þegar Róbert afi hennar dó.
1479 - Ferdinand varð konungur Aragón.
1513 - Kristján 2. varð konungur Danmerkur og Noregs eftir lát Hans.
1523 - Kristján 2. rekinn frá völdum í Danmörku og frændi hans, Friðrik 2., tók við kórónunni.
1607 - Flóð í Bristolflóai olli 2000 dauðsföllum í Englandi.
1612 - Uppreisn hófst gegn pólskum hersveitum í Moskvu.
1613 - Friðarsamningar í Knäred á Hallandi bundu endi á Kalmarófriðinn.
1667 - Stríðinu um Úkraínu lauk með Andrusovo-friðarsamningnum þar sem Pólland lét frá sér Kíev, Smolensk og austurhluta Úkraínu til Rússlands.
1840 - Dumont D'Urville fann Adélie-land á Suðurheimsskautinu.
1885 - L.A. Thompson fékk einkaleyfi á rússíbananum.
1921 - Fyrsta stjórnarskrá Tyrklands samþykkt.
1937 - Franklin D. Roosevelt tók við embætti í annað sinn.
1942 - Wannsee-ráðstefnan um „endanlega lausn gyðingavandamálsins“ fór fram í Berlín.
1944 - Seinni heimsstyrjöld: Flugsveit breska hersins sleppti 2.300 tonnum af sprengjum yfir Berlin.
1956 - Vilhjálmur Einarsson var kosinn íþróttamaður ársins á Íslandi af íþróttafréttamönnum. Þetta var í fyrsta sinn sem kosið var og hlaut Vilhjálmur titilinn sex sinnum í röð.
1961 - John F. Kennedy var settur í embætti 35. forseta Bandaríkjanna.
1964 - Meet the Beatles, önnur breiðskífa Bítlanna sem kom út í Bandaríkjunum, kom út.
1969 - Fyrsta tifstjarnan var uppgötvuð, sú var í Krabba-stjörnuþokunni.
1970 - Stór-Lundúnaráðið tilkynnti að ráðist yrði í smíði flóðvarnargarðsins Thames Barrier, en vinna við hann hófst 1974.
1976 - Borgarastyrjöldin í Líbanon: Hundruð kristinna Líbana voru myrt af meðlimum PLO í Damour-blóðbaðinu.
1977 - Jimmy Carter tók við embætti forseta Bandaríkjanna.
1980 - Jimmy Carter tilkynnti að Bandaríkin myndu sniðganga ólympíuleikana í Moskvu.
1981 - Ronald W. Reagan tók við embætti sem forseti Bandaríkjanna.
1981 - Íranir slepptu 52 bandarískum gíslum sem verið höfðu í haldi í 14 mánuði.
1984 - Norski stjórnmálamaðurinn Arne Treholt var handtekinn vegna gruns um njósnir fyrir Sovétríkin.
1986 - Bretar og Frakkar tilkynntu áætlanir um jarðgöng undir Ermarsund.
1987 - Sendimanni erkibiskupsins af Kantaraborg, Terry Waite, var rænt í Líbanon.
1989 - George H. W. Bush tók við embætti sem 41. forseti Bandaríkjanna.
1990 - Yfir 130 mótmælendur voru drepnir af Rauða hernum í Bakú í Aserbaídsjan.
1990 - Herforingjastjórn Prosper Avril á Haítí lýsti yfir neyðarástandi og afnam borgararéttindi.
1991 - Skíðaskálinn í Hveradölum brann og var endurreistur ári síðar.
1993 - Bill Clinton tók við embætti sem 42. forseti Bandaríkjanna.
1996 - Yasser Arafat var kosinn forseti Palestínu.

2001 - George W. Bush tók við embætti sem 43. forseti Bandaríkjanna.
2007 - Fyrsti hópur gangandi manna náði á „óaðgengipólinn“ á Suðurheimskautinu.
2008 - Francis Joyon setti heimsmet í því að sigla einsamall á seglbát umhverfis jörðina eftir 57 daga siglingu og bætti fyrra met um fjórtán daga.
2009 - Barack Obama tók við embætti sem 44. forseti Bandaríkjanna.
2009 - Hörð mótmæli áttu sér stað við Alþingishúsið við upphaf fyrsta þingfundar ársins. Um kvöldið var hlaðinn bálköstur á Austurvelli og Óslóartréð brennt meðal annars. Þetta var fyrsti dagur búsáhaldabyltingarinnar.
2012 - 185 létust í röð sprengjuárása í Kano í Nígeríu.
2017 - Donald Trump tók við embætti sem 45. forseti Bandaríkjanna.
2018 - Bandaríkjastjórn hóf stjórnarverkfall vegna deilna um innflytjendalöggjöf.
2020 – Kórónaveirufaraldurinn 2019–2021: Yfirvöld í Kína staðfestu smit SARS-CoV-2 milli manna.
2021 - Joe Biden tók við embætti sem 46. forseti Bandaríkjanna.

Fædd

1554 - Sebastían 1. Portúgalskonungur (d. 1578).
1573 - Simon Marius, þýskur stjörnufræðingur (d. 1624).
1636 - Maximilian 1. fursti af Hohenzollern-Sigmaringen (d. 1689).
1716 - Karl 3. Spánarkonungur (d. 1788).
1775 - André-Marie Ampère, franskur eðlisfræðingur (d. 1836).
1826 - Benedikt Sveinsson, stjórnmálamaður.
1873 - Johannes V. Jensen, danskur rithöfundur og Nóbelsverðlaunahafi (d. 1950).
1901 - Anna frá Moldnúpi, íslenskur rithöfundur (d. 1979).
1920 - Federico Fellini, ítalskur kvikmyndaleikstjóri (d. 1993).
1926 - David Tudor, bandarískur píanóleikari og tónsmíðandi (d. 1996).
1930 - Buzz Aldrin, bandarískur geimfari.
1942 - Jón Hjartarson, íslenskur leikari.
1946 - David Lynch, bandarískur leikstjóri.
1947 - Þórhallur Sigurðsson (Laddi), skemmtikraftur.
1949 - Göran Persson, forsætisráðherra Svíþjóðar.
1951 - Ian Hill, breskur tónlistarmaður (Judas Priest).
1952 - Paul Stanley, bandarískur tónlistarmaður (KISS).
1953 - Jeffrey Epstein, bandarískur fjárfestir og kynferðisbrotamaður (d. 2019).
1960 - Michael Hutchence, ástralskur söngvari (INXS) (d.1997).
1965 - Greg Kriesel, bandarískur bassaleikari (The Offspring).
1971 - Derrick Green, bandarískur söngvari (Sepultura).
1977 - Rúnar Rúnarsson, íslenskur kvikmyndaleikstjóri.
1977 - Ilian Stoyanov, búlgarskur knattspyrnumaður.
1979 - Rob Bourdon, bandarískur tónlistarmaður (Linkin Park).

Dáin

1156 - Hinrik biskup, síðar verndardýrlingur Finnlands.
1606 - Alessandro Valignano, jesúítamunkur og trúboði (f. 1539).
1612 - Rúdolf 2. keisari hins Heilaga rómverska ríkis (f. 1552).
1639 - Mústafa 1. Tyrkjasoldán (f. 1592).
1745 - Karl 7. keisari (f. 1697).
1778 - Jón Ólafsson, varalögmaður (f. 1729).
1841 - Jörundur hundadagakonungur í Hobart í Tasmaníu (f. 1780).
1848 - Kristján 8. Danakonungur (f. 1786).
1850 - Adam Gottlob Oehlenschläger, danskt skáld (f. 1779).
1907 - Dmitri Mendelejev, rússneskur efnafræðingur (f. 1834).
1936 - Georg 5., Bretlandskonungur (f. 1865).
1943 - Akira Matsunaga, japanskur knattspyrnumaður (f. 1914).
1993 - Audrey Hepburn, bresk leikkona (f. 1929).
1994 - Matt Busby, skoskur knattspyrnustjóri (f. 1909).
2014 - Claudio Abbado, ítalskur hljómsveitarstjóri (f. 1933).
2015 - Edgar Froese, þýskur tónlistarmaður, stofnandi hljómsveitarinnar Tangerine Dream. (f. 1944).
2018 - Paul Bocuse, franskur kokkur (f. 1926).