Séð og heyrt
Séð og heyrt var íslenskt slúðurtímarit sem kom út frá 1996 til 2016, fyrst tvisvar í mánuði en síðan í hverri viku á fimmtudögum. Blaðið var prentað á glanspappír og einkenndist af stórum myndum og stuttum textum. Þar fór mest fyrir fréttum af ástamálum misþekktra einstaklinga. Útgefandi blaðsins var tímaritaútgáfan Fróði, en árið 2006 var stofnað nýtt fyrirtæki, Birtíngur útgáfufélag, um tímaritaútgáfu Fróða sem hafði verið rekið með tapi um árabil.
Blaðið var gert að fyrirmynd hins skandínavíska Se og hør[1] sem er öllu eldra og með öllu óskylt hvað eignarhald varðar. Árið 1997 kvörtuðu skandinavísku útgefendurnir yfir því að íslenski útgefandinn hefði hermt eftir útliti og innihaldi þeirra blaðs og stefndu þeim fyrir höfundaréttarbrot. Málið var fellt niður árið 2002.[1][2]
Tilvísanir
breyta- ↑ 1,0 1,1 „Stela uppsetningu“. DV. 25. september 1997.
- ↑ Fréttablaðið, 21. janúar 2002
