13. september

Ágú – September – Okt
Su	Má	Þr	Mi	Fi	Fö	La
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30
2024 Allir dagar

13. september er 256. dagur ársins (257. á hlaupári) samkvæmt gregoríska tímatalinu. 109 dagar eru eftir af árinu.

Atburðir

604 - Sabiníanus varð páfi.
1502 - Orrustan við Smolinavatn í Líflandi: Þýska riddarareglan sigraði her Rússa undir stjórn Ívans 3. og stöðvaði útþenslu Rússlands við Eystrasalt.
1598 - Filippus 3. varð konungur Spánar og Portúgals.
1645 - Skoskir sáttmálamenn unnu sigur á her James Graham af Montrose í orrustunni við Philiphaugh.
1731 - Mesti mannfjöldi í 200 ár var samankominn á Þingvöllum þegar æðstu embættismenn landsins sóru Kristjáni konungi 6. hollustueiða. Voru það um 600 manns.
1791 - Loðvík 16. samþykkti lokagerð stjórnarskrár Frakklands.
1891 - Guðfinna Jónsdóttir var myrt við Svartárvatn á Norðaustur-Íslandi.
1894 - Frídagur verslunarmanna var haldinn hátíðlegur í fyrsta sinn í Reykjavík, en var síðar færður fram í ágústbyrjun.
1923 - Spænski herinn framdi valdarán. Miguel Primo de Rivera varð einræðisherra.
1934 - Rotaryklúbbur Reykjavíkur, sá fyrsti hér á landi, var stofnaður.
1938 - Súdetaþjóðverjar hófu uppreisn gegn stjórn Tékka. Uppreisnin var kæfð niður en Neville Chamberlain, forsætisráðherra Bretlands, sendi Adolf Hitler símskeyti og fór fram á fund um Súdetaland.
1971 - Attica-óeirðirnar í New York: Lögregla og fangaverðir hófu skothríð á Attica-fangelsið með þeim afleiðingum að 9 gíslar og 29 fangar létu lífið.
1974 - Japanski rauði herinn hertók franska sendiráðið í Haag, Hollandi.
1980 - Norðvesturhlíð Skessuhorns var klifin en hafði fram til þessa verið talin ókleif. Tveir ungir menn unnu afrekið.
1980 - Rokk gegn her, tónleikar Samtaka herstöðvaandstæðinga, voru haldnir í Laugardalshöll.
1981 - Borgarfjarðarbrúin var vígð, næstlengsta brú á Íslandi, 520 metra löng.
1981 - Fjölbrautaskóli Suðurlands var settur í fyrsta sinn.
1982 - Grace Kelly fékk heilablóðfall meðan hún ók bifreið sinni. Bíllinn hrapaði niður fjallshlíð. Hún lést á sjúkrahúsi daginn eftir.
1985 - Bandaríska kvikmyndin Eftir miðnætti var frumsýnd.
1985 - Japanski tölvuleikurinn Super Mario Bros. var gefinn út.
1985 - Steve Jobs sagði af sér stjórnarsetu hjá Apple og stofnaði NeXT.
1986 - Jarðskjálfti lagði fimmtung grísku borgarinnar Kalamata í rúst. 20 létust.
1987 - Skransafnarar fundu geislavirk efni í yfirgefnum spítala í Goiânia í Brasilíu. Í kjölfarið létust fjórir vegna geislaeitrunar og hundruð reyndust hafa orðið fyrir geislun.
1992 - Guðrún Helgadóttir hlaut Norrænu barnabókaverðlaunin fyrir bók sína, Undan illgresinu.
1993 - Oslóarsamkomulagið var formlega undirritað í Washington D.C. af Yasser Arafat og Yitzhak Rabin.
1994 - Bókmenntaverðlaun Tómasar Guðmundssonar voru veitt í fyrsta sinn og hlaut þau Helgi Ingólfsson.
1996 - Alija Izetbegović var kjörinn forseti Bosníu og Hersegóvínu.
1996 - Bandaríska kvikmyndin Feeling Minnesota var frumsýnd.
1999 - Íbúðasprengjurnar í Rússlandi: 119 létust þegar sprengja sprakk í fjölbýlishúsi við Kasjirskoje-hraðbrautina í Moskvu.

2000 - Steve Jobs kynnti betaútgáfu Mac OS X.
2001 - Borgaralegt flug hófst aftur í Bandaríkjunum eftir árásirnar 11. september.
2006 - Stærsta dvergreikistjarna sólkerfisins, 2003 UB₃₁₃, fékk formlega nafnið Eris.
2007 - Yfirlýsing um réttindi frumbyggja var samþykkt af allsherjarþingi Sameinuðu þjóðanna.
2013 - Samninganefnd um inngöngu Íslands í Evrópusambandið var formlega leyst upp.
2013 - Bein nýrrar manntegundar, Homo naledi, fundust í helli í Suður-Afríku.
2014 - Bandaríkin lýstu Íslamska ríkinu stríð á hendur.
2017 - Alþjóðaólympíunefndin tilkynnti að Sumarólympíuleikarnir 2024 yrðu haldnir í París og Sumarólympíuleikarnir 2028 í Los Angeles.
2021 – Þingkosningar fóru fram í Noregi. Vinstriblokkin með Verkamannaflokk Jonasar Gahr Støre í fararbroddi vann sigur á hægristjórn Ernu Solberg.

Fædd

1087 - Jóhannes 2. Komnenos, Býsanskeisari (d. 1143).
1630 - Olof Rudbeck, sænskur vísindamaður (d. 1702).
1689 - Johan Fredrik Peringskiöld, sænskur fornfræðingur (d. 1725).
1819 - Clara Schumann, píanisti og tónskáld (d. 1896).
1853 - Hans Christian Gram, danskur örverufræðingur (d. 1938).
1860 - John J. Pershing, bandarískur hershöfðingi (d. 1948).
1863 - Arthur Henderson, breskur stjórnmálamaður og Nóbelsverðlaunahafi (d. 1935).
1874 - Arnold Schoenberg, austurrískt tónskáld (d. 1951).
1908 - Carlos Peucelle, argentínskur knattspyrnumaður (d. 1990).
1913 - Tadao Horie, japanskur knattspyrnumaður (d. 2003).
1916 - Roald Dahl, breskur rithöfundur (d. 1990).
1917 - Jón Þórarinsson, íslenskt tónskáld (d. 2012).
1928 - Robert Indiana, bandarískur myndlistarmaður.
1935 - Vilborg Harðardóttir, íslensk blaðakona (d. 2002).
1940 - Óscar Arias Sánchez, forseti Kosta Ríka og Nóbelsverðlaunahafi.
1941 - Ahmet Necdet Sezer, fyrrverandi forseti Tyrklands.
1944 - Jacqueline Bisset, bresk leikkona.
1945 - Andres Küng, sænskur blaðamaður (d. 2002).
1952 - Edda Björgvinsdóttir, íslensk leikkona.
1954 - Shigeharu Ueki, japanskur knattspyrnumaður.
1959 - Sólveig Pálsdóttir, íslensk leikkona.
1959 - Chris Hansen, bandarískur blaðamaður.
1964 - Mladen Mladenović, króatískur knattspyrnumaður.
1970 - Louise Lombard, bresk leikkona.
1971 - Goran Ivanisevic, króatískur tennisleikari.
1971 - Helgi Kolviðsson, íslenskur knattspyrnumaður.
1980 - Gilberto Ribeiro Gonçalves, brasilískur knattspyrnumaður.
1989 - Thomas Müller, þýskur knattspyrnumaður.
1989 - Vera Illugadóttir, íslensk dagskrárgerðarkona.
1994 - Yngvi Ásgeirsson, íslenskur knattspyrnumaður.
1956 - Guðmundur Ásgeir Geirsson framreiðslumaður

Dáin

81 - Títus, rómverskur keisari (f. 39).
1260 - Skarðs-Snorri Narfason, íslenskur höfðingi (f. um 1175).
1321 - Dante Alighieri, ítalskt skáld (f. 1265).
1409 - Ísabella af Valois, Englandsdrottning (f. 1389).
1488 - Karl 2., hertogi af Bourbon (f. 1434).
1506 - Andrea Mantegna, ítalskur listmálari (f. 1431).
1592 - Michel de Montaigne, franskur heimspekingur (f. 1533).
1598 - Filippus 2. Spánarkonungur (f. 1526).
1741 - Charles Rollin, franskur sagnfræðingur (f. 1661).
1870 - Orla Lehmann, danskur stjórnmálamaður (f. 1810).
1872 - Ludwig Andreas Feuerbach, þýskur heimspekingur (f. 1804).
1928 - Italo Svevo, ítalskur rithöfundur (f. 1861).
1931 - Lili Elbe, dönsk myndlistarkona (f. 1882).
1996 - Tupac Amaru Shakur, bandarískur rappari, leikari og skáld.
1998 - George Wallace, bandarískur stjórnmálamaður (f. 1919).
1999 - Benjamin S. Bloom, bandarískur uppeldisfræðingur (f. 1913).
2012 - Steindór Hjörleifsson, íslenskur leikari (f. 1926).