6. mars

Feb – Mar – Apr
Su	Má	Þr	Mi	Fi	Fö	La
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31
2025 Allir dagar

6. mars er 65. dagur ársins (66. á hlaupári) samkvæmt gregoríska tímatalinu. 300 dagar eru eftir af árinu.

Atburðir

1447 - Nikulás 5. varð páfi.
1454 - Kasimír 4. Póllandskonungur hafnaði bandalagi við Þýsku riddarana.
1521 - Ferdinand Magellan kom til Gvam, fyrstur Evrópubúa.
1836 - Orrustunni um Alamo lauk með ósigri Texasbúa.
1853 - Óperan La Traviata eftir Giuseppe Verdi var frumsýnd í Vínarborg.
1857 - Dred Scott-málið: Hæstiréttur Bandaríkjanna kvað upp þann úrskurð að svertingjar væru ekki bandarískir ríkisborgarar og gætu því ekki farið í mál til að krefjast frelsis.
1857 - Sex vermenn á leið frá Þingvöllum til Reykjavíkur urðu úti á Mosfellsheiði. Átta komust af.
1869 - Dmitri Mendelejev kynnti lotukerfið í fyrsta sinn.
1873 - Við Vestrahorn við suðausturströnd Íslands fórust fimmtán franskar skútur og rak tugi líka á land. Margir Frakkar voru jarðsettir á Stafafelli í Lóni.
1890 - Tröllafjarðarorrustan milli gufuknúins togara og árabáta átti sér stað í Noregi.
1905 - Fyrsti togarinn í eigu Íslendinga, Coot, kom til Hafnarfjarðar.
1930 - Fryst matvæli voru seld í fyrsta skipti í Bandaríkjunum.
1940 - Vopnahlé í stríði Finna og Rússa gekk í gildi.
1957 - Gana lýsti yfir sjálfstæði frá Bretlandi.
1970 - Þrír meðlimir hryðjuverkahópsins Weathermen dóu þegar sprengja sem þeir ætluðu að koma fyrir á dansleik hersins sprakk.
1975 - Íran og Írak gerðu með sér Alsírsáttmálann sem batt endi á landamæradeilur ríkjanna.
1978 - Bandaríski klámblaðakóngurinn Larry Flint var skotinn í Lawrenceville í Georgíu.
1980 - Marguerite Yourcenar varð fyrsta konan sem fékk inngöngu í Frönsku akademíuna.
1983 - Konrad Hallenbarter skíðaði Vasahlaupið á innan við 4 tímum fyrstur manna.
1984 - Kolanámumenn í Bretlandi hófu verkfall sem stóð í ár.
1987 - 193 fórust þegar bresku ferjunni Herald of Free Enterprise hvolfdi í höfninni í Zeebrugge í Belgíu.
1988 - Flavíusaðgerðin: Breskir sérsveitarmenn skutu tvo írska lýðveldishermenn á Gíbraltar. Fjöldi hefndaraðgerða fylgdi í kjölfarið.
1989 - Frjálsíþróttafélag ÍBV var stofnað í Vestmannaeyjum.
1992 - Tölvuvírusinn Michelangelo hóf að smitast milli tölva.
1994 - Moldóvar höfnuðu sameiningu við Rúmeníu í þjóðaratkvæðagreiðslu.
1995 - Ráðstefna Sameinuðu þjóðanna um fátækt og félagslegt misrétti hófst í Kaupmannahöfn.
1996 - Íslenska tímaritið Séð og heyrt kom út í fyrsta sinn.
1996 - Téténskir uppreisnarmenn réðust á höfuðstöðvar rússneska hersins í Grosní með þeim afleiðingum að 70 rússneskir hermenn og 130 uppreisnarmenn létu lífið.
1997 - Borgarastyrjöldin á Srí Lanka: Tamíltígrar náðu herstöð á sitt vald og drápu 200.

2007 - Fyrrum aðstoðamaður Bandaríkjaforseta, I. Lewis Libby, var dæmdur sekur fyrir meinsæri og hindrun réttvísinnar í tengslum við Plame-málið þar sem nafni leyniþjónustumanns var lekið í fjölmiðla.
2010 - Fyrsta þjóðaratkvæðagreiðsla á Íslandi frá stofnun lýðveldis fór fram. Kosið var um svonefnd Icesave-lög, sem forseti Íslands, Ólafur Ragnar Grímsson, hafði synjað staðfestingar. Þátttaka var 62%; þar af sögðu rúm 93% nei.
2012 - Sádíhneykslið hófst þegar sænska ríkisútvarpið sagði frá samstarfi Svía og Sádiaraba um stofnun vopnaverksmiðju í Sádi-Arabíu.
2013 - Á skömmum tíma snjóaði mikið og hvessti veður á Íslandi. Færð varð mjög slæm víða um land og 15 til 20 bíla árekstur varð á Hafnarfjarðarvegi við Kópavogslæk.
2015 - Geimfarið Dawn komst á braut um dvergreikistjörnuna Ceres. Þetta var í fyrsta sinn í sögu mannkyns sem geimfar komst á braut um dvergreikistjörnu.
2021 - Erkiklerkurinn Ali al-Sistani og Frans páfi hittust í Nadjaf í Írak, sem var fyrsti fundur páfa og erkiklerks.

Fædd

1340 - John af Gaunt, fyrsti hertoginn af Lancaster (d. 1399).
1405 - Jóhann 2., konungur Kastilíu (d. 1454).
1459 - Jacob Fugger, þýskur bankamaður (d. 1525).
1475 - Michelangelo Buonarroti, ítalskur listamaður (d. 1564).
1619 - Cyrano de Bergerac, franskt skáld (d. 1655).
1761 - Antoine-Francois Andreossy, franskur herforingi (d. 1828).
1902 - Sigfús Sigurhjartarson, stjórnmálamaður og ritstjóri (d. 1952).
1917 - Donald Davidson, bandarískur heimspekingur (d. 2003).
1923 - Ingólfur Guðbrandsson, íslenskur ferðamálafrömuður.
1926 - Jón Nordal, íslenskt tónskáld.
1927 - Gabriel García Márquez, kólumbískur rithöfundur, blaðamaður og Nóbelsverðlaunahafi (d. 2014).
1929 - Tom Foley, bandarískur stjórnmálamaður (d. 2013).
1936 - Choummaly Sayasone, forseti Laos.
1937 - Valentína Tereshkova, rússneskur geimfari.
1946 - David Gilmour, fyrrum gítarleikari Pink Floyd.
1951 - Jón Sigurðsson, íslenskur körfuknattleiksmaður.
1961 - Sigmundur Ernir Rúnarsson, íslenskur fjölmiðlamaður.
1968 - Moira Kelly, bandarísk leikkona.
1969 - Jintara Poonlarp, taílensk söngkona.
1972 - Shaquille O'Neal, bandarískur körfuknattleiksmaður.
1977 - Giorgos Karagounis, grískur knattspyrnumaður.
1978 - Teruaki Kurobe, japanskur knattspyrnumaður.
1991 - Vignir Fannar Víkingsson, íslenskur knattspyrnumaður.
1996 - Timo Werner, þýskur knattspyrnumaður.

Dáin

1052 - Emma af Normandí, Englandsdrottning (f. um 985).
1683 - Guarino Guarini, ítalskur arkitekt (f. 1624).
1754 - Henry Pelham, breskur stjórnmálamaður (f. 1694).
1888 - Louisa May Alcott, bandarískur rithöfundur (f. 1832).
1950 - Albert Lebrun, franskur stjórnmálamaður (f. 1871).
1968 - Jón Eyþórsson, íslenskur veðurfræðingur (f. 1895).
1973 - Pearl S. Buck, bandarískur rithöfundur (f. 1892).
1982 - Ayn Rand, bandarískur rithöfundur (f. 1905).
1983 - Donald Duart Maclean, breskur njósnari fyrir Sovétríkin (f. 1913).
1986 - Georgia O'Keeffe, bandarísk myndlistarkona (f. 1887).
1990 - Taro Kagawa, japanskur knattspyrnumaður (f. 1922).
1993 - Tryggvi Emilsson, íslenskur rithöfundur (f. 1902).
1994 - Ken Noritake, japanskur knattspyrnumaður (f. 1922).
1997 - Eyjólfur Konráð Jónsson, íslenskur stjórnmálamaður (f. 1928).
2016 - Jenna Jensdóttir, íslenskur rithöfundur (f. 1918).
2016 - Nancy Reagan, bandarísk leikkona, forsetafrú Bandaríkjanna (f. 1921).