15. júlí

15. júlí er 196. dagur ársins (197. á hlaupári) samkvæmt gregoríska tímatalinu. 169 dagar eru eftir af árinu.

Atburðir

• 649 - Gaozong varð keisari Tangveldisins eftir lát Taizong.
• 1099 - Krossfarar í fyrstu krossferðinni unnu Jerúsalem eftir mánaðarlangt umsátur og myrtu nánast alla íbúa borgarinnar.
• 1162 - Ladislás 2. varð konungur Ungverjalands.
• 1235 - Friðrik 2. keisari gekk að eiga Ísabellu af Englandi, systur Hinriks 3.
• 1240 - Rússneski furstinn Alexander Nevskíj sigraði Svía í orrustunni við Nevu.
• 1410 - Pólverjar og Litháar sigruðu her Þýsku riddaranna í orrustunni við Tannenberg.
• 1435 - Danakonungur samdi um frið við greifana í Holtsetalandi.
• 1567 - María Stúart beið ósigur fyrir skoska aðlinum við Carberry Hill og var fangelsuð í Loch Leven-kastala.
• 1609 - Svíar unnu lokasigur á kósakkaher falska Dímítríj 2. í orrustunni við Tver.
• 1662 - Konunglega breska vísindafélagið fékk konungsbréf.
• 1685 - James Scott var tekinn af lífi á Tower Hill í London.
• 1799 - Franskur skipstjóri fann Rósettusteininn í egypska hafnarbænum Rosetta.
• 1870 - Manitoba varð fylki í Kanada.
• 1923 - Warren G. Harding Bandaríkjaforseti rak síðasta fleyg í teina milli Fairbanks og Seward og Alaska-lestarkerfið var klárað.
• 1958 - Tilraun Meselsons og Stahl birtist í PNAS, en með henni sýndu Matthew Meselson og Franklin Stahl fram á að lífverur tvöfalda erfðaefni sitt með því að afrita hvorn DNA-þráðinn fyrir sig.
• 1980 - Dansk Sojakagefabrik á Íslandsbryggju í Kaupmannahöfn sprakk í loft upp.
• 1983 - Leikjatölvan Nintendo Entertainment System kom fyrst út í Japan.
• 1988 - Fyrsta staðfesta tilfelli selapestar í Eystrasalti.

• 2003 - Mozilla Foundation var stofnuð.
• 2009 - 168 fórust þegar Caspian Airlines flug 7908 hrapaði við Qazvin í Íran.
• 2010 - Hjónabönd samkynhneigðra voru heimiluð í Argentínu, fyrstu suðuramerískra landa.
• 2012 - Lagið „Gangnam Style“ með kóreska tónlistarmanninum Psy var birt á YouTube.
• 2012 - Danski fornleifafræðingurinn Olaf Olsen játaði að hafa sem ungur kommúnisti látið Sovétríkjunum í té persónuupplýsingar.
• 2016 - Hópur innan tyrkneska hersins hóf misheppnaða tilraun til valdaráns. Miklar hreinsanir fylgdu í kjölfarið.

Fædd

• 1573 - Inigo Jones, enskur arkitekt (d. 1652).
• 1606 - Rembrandt, hollenskur listamaður (d. 1669).
• 1858 - Emmeline Pankhurst, ensk súffragetta (d. 1928).
• 1867 - Jean-Baptiste Charcot, franskur vísindamaður (d. 1936).
• 1888 - Alexander Jóhannesson, íslenskur málfræðingur (d. 1965).
• 1892 - Walter Benjamin, þýskur heimspekingur (d. 1940).
• 1907 - Gunnar Salómonsson, íslenskur aflraunamaður (d. 1960).
• 1910 - Aleksandar Tirnanić, júgóslavneskur knattspyrnumaður og -þjálfari (d. 1992).
• 1919 - Iris Murdoch, breskur rithöfundur (d. 1999).
• 1926 - Leopoldo Galtieri, argentínskur einræðisherra (d. 2003).
• 1930 - Jacques Derrida, franskur heimspekingur (d. 2004).
• 1939 - Aníbal Cavaco Silva, forseti Portúgals.
• 1939 - Peter Hacker, breskur heimspekingur.
• 1946 - Hassanal Bolkiah, soldán af Brúnei.
• 1946 - Linda Ronstadt, bandarísk söngkona.
• 1952 - Ágúst Ásgeirsson, íslenskur blaðamaður.
• 1954 - Mario Kempes, argentínskur knattspyrnumaður.
• 1955 - John H. Cox, bandarískur lögfræðingur.
• 1956 - Marky Ramone, bandarískur trommari (Ramones)
• 1957 - Kristján Þór Júlíusson, íslenskur stjórnmálamaður.
• 1961 - Forest Whitaker, bandarískur leikari.
• 1964 - Tetsuji Hashiratani, japanskur knattspyrnumaður.
• 1965 - Yasutoshi Miura, japanskur knattspyrnumaður.
• 1969 - Alexander Vasilyev, rússneskur söngvari.
• 1972 - Scott Foley, bandarískur leikari.
• 1973 - John Dolmayan, trommuleikari System of a Down.
• 1974 - Takashi Hirano, japanskur knattspyrnumaður.
• 1979 - Edda Garðarsdóttir, íslensk handknattleikskona.
• 1985 - Sif Atladóttir, íslensk knattspyrnukona.
• 1991 - Shogo Taniguchi, japanskur knattspyrnumaður.
• 1992 - Yoshinori Muto, japanskur knattspyrnumaður.

Dáin

• 1015 - Valdimar gamli, stórfursti í Garðaríki (f. um 958).
• 1274 - Bonaventure, ítalskur guðfræðingur og dýrlingur (f. 1221).
• 1291 - Rúdolf 1. ,keisari hins Heilaga rómverska ríkis (f. 1218).
• 1626 - Einar Sigurðsson í Eydölum, íslenskt skáld (f. 1539).
• 1803 - Snorri Björnsson, prestur á Húsafelli (f. 1710).
• 1904 - Anton Tsjekhov, rússneskur smásagnahöfundur og leikskáld (f. 1860).
• 1916 - Ilja Métsjníkoff, rússneskur líffræðingur og handhafi Nóbelsverðlaunanna í lífeðlisfræði (f. 1845).
• 1948 - John J. Pershing, bandarískur herforingi (f. 1860).
• 1992 - Hammer DeRoburt, fyrsti forseti Nárú (f. 1922).
• 1993 - Sigurður Ólafsson, íslenskur söngvari og hestamaður (f. 1916).
• 1996 - Guðmundur Steinsson, íslenskt leikskáld (f. 1925).
• 1997 - Gianni Versace, ítalskur tískuhönnuður (f. 1946).
• 2013 - Jóhann G. Jóhannsson, íslenskur tónlistarmaður (f. 1947).
• 2019 - Þorsteinn Ingi Sigfússon, íslenskur eðlisfræðingur (f. 1954).