27. febrúar

27. febrúar er 58. dagur ársins samkvæmt gregoríska tímatalinu. 307 dagar (308 á hlaupári) eru eftir af árinu.

Atburðir

• 684- Rui Zong varð keisari Tangveldisins og Zhong Zong var settur í stofufangelsi.
• 1510 - Portúgalinn Afonso de Albuquerque lagði Goa á Indlandi undir sig.
• 1534 - Anabaptistar undir forystu Jan Matthys tóku yfir borgina Münster í Þýskalandi og lýstu yfir stofnun Nýju Jerúsalem.
• 1594 - Hinrik 4. var krýndur konungur Frakklands.
• 1617 - Ingrísku styrjöldinni lauk með Stolbovo-samningnum milli Rússlands og Svíþjóðar. Svíþjóð fékk þar meðal annars Ingríu og Rússland missti aðgang að Eystrasalti.
• 1638 - Skammvinnt eldgos varð „í fjöllum, eyðimörkum og óbyggðum“ austanlands, eins og Sjávarborgarannáll segir frá.
• 1700 - Eyjan Nýja-Bretland var uppgötvuð.
• 1927 - Kolakrani var reistur í Reykjavíkurhöfn. Hann var þá talinn með fullkomnustu slíkum tækjum á Norðurlöndum. Kraninn stóð í tæplega 41 ár (til 17. febrúar 1968).
• 1928 - Togarinn Jón forseti strandaði við Stafnes. Fimmtán skipverjar fórust en tíu var bjargað.
• 1933 - Ríkisþinghúsið í Berlín brann til grunna.
• 1941 - Togarinn Gullfoss frá Reykjavík fórst með allri áhöfn, 19 manns, út af Snæfellsnesi.
• 1953 - Í Hnífsdal fauk barnaskólahúsið af grunni í ofviðri og splundraðist. Í húsinu voru tveir kennarar og 36 börn og slösuðust sum barnanna.
• 1964 - Ríkisstjórn Ítalíu bað um aðstoð til að varna því að Skakki turninn félli á hliðina.
• 1973 - American Indian Movement hertók Wounded Knee á Pine Ridge-verndarsvæðinu í Suður-Dakóta.
• 1974 - People Magazine kom út í fyrsta sinn.
• 1975 - Hornstrandir norðan og vestan Skorarheiðar í Norður-Ísafjarðarsýslu voru friðlýstar.
• 1976 - Polisario lýstu yfir stofnun sjálfstæðs ríkis í Vestur-Sahara.
• 1977 - Skákeinvígi Boris Spasskí og Vlastimíl Hort hófst.
• 1980 - Skæruliðar M-19 hertóku sendiráð Dóminíska lýðveldisins í Kólumbíu.
• 1988 - Sumqayit-ofsóknirnar gegn Armenum í Sumqayit í sovéska Aserbaísjan hófust.
• 1989 - Caracazo, hrina mótmæla, gripdeilda og morða, gekk yfir Caracas í Venesúela.
• 1990 - Fáni Lettlands aftur tekinn í notkun í Lettlandi.
• 1991 - Persaflóastríðið: Írakar féllust á vopnahlé og samþykktu að afvopnast. George H. W. Bush lýsti yfir sigri.
• 1993 - Gamanþátturinn Limbó í leikstjórn Óskars Jónassonar var frumsýndur á RÚV.
• 1996 - Tölvuleikurinn Pokémon kom út fyrir GameBoy í Japan.
• 1997 - Skilnaður varð löglegur á Írlandi.
• 1999 - Olusegun Obasanjo var kosinn forseti Nígeríu í fyrstu forsetakosningum í landinu frá árinu 1983.

• 2007 - Björgunarsveitin Húnar var stofnuð á Hvammstanga.
• 2010 - Jarðskjálfti sem mældist 8,8 á Richter skók Síle. Skjálftaflóðbylgja myndaðist við skjálftann og dreifðist hún um Kyrrahaf.
• 2014 - Rússland sendi óeinkennisklædda hermenn til Krímskaga í Úkraínu. Skömmu síðar var Krímskagi innlimaður í Rússland eftir umdeilda atkvæðagreiðslu íbúa.
• 2015 - Rússneski stjórnarandstæðingurinn Boris Nemtsov var myrtur á götu í Moskvu.
• 2017 - Sameinuðu þjóðirnar lýstu yfir hungursneyð í Suður-Súdan og nokkrum dögum síðar í Sómalíu.
• 2019 – Donald Trump Bandaríkjaforseti og Kim Jong-un leiðtogi Norður-Kóreu funduðu í Hanoi í Víetnam um hugsanlega afvopnun Norður-Kóreu. Fundinum var slitið næsta dag án samnings.

Fædd

• 272 - Konstantínus mikli, keisari Rómaveldis (d. 337).
• 1814 - Samuel Kleinschmidt, þýskur trúboði (d. 1886).
• 1844 - P. Nielsen, danskur kaupmaður (d. 1931).
• 1859 - Bertha Pappenheim, austurrísk baráttukona (d. 1936).
• 1861 - Rudolf Steiner, austurrískur heimspekingur (d. 1925).
• 1874 - Francis MacDonald Cornford, enskur fornfræðingur (d. 1943).
• 1881 - Sveinn Björnsson, fyrsti forseti Íslands (d. 1952).
• 1888 - Ásta Magnúsdóttir, íslenskur embættismaður (d. 1962).
• 1902 - John Steinbeck, bandarískur rithöfundur og Nóbelsverðlaunahafi (d. 1968).
• 1910 - Robert Buron, franskur stjórnmálamaður (d. 1973).
• 1912 - Lawrence Durrell, breskur rithöfundur (d. 1990).
• 1913 - Paul Ricœur, franskur heimspekingur (d. 2005).
• 1914 - Ási í Bæ, texta- og lagahöfundur (d. 1985).
• 1928 - Ariel Sharon, fyrrverandi Forsætisráðherra Ísraels (d. 2014).
• 1932 - Elizabeth Taylor, bresk-bandarísk leikkona (d. 2011).
• 1934 - Ralph Nader, bandarískur stjórnmálamaður.
• 1934 - Reynir Karlsson, íslenskur knattspyrnumaður (d. 2014).
• 1944 - Roger Scruton, breskur heimspekingur (d. 2020).
• 1951 - Lee Atwater, bandarískur stjórnmálaráðgjafi (d. 1991).
• 1955 - Rainhard Fendrich, austurrískur söngvari.
• 1962 - Adam Baldwin, bandarískur leikari.
• 1962 - Grant Show, bandarískur leikari.
• 1965 - Bjarkey Gunnarsdóttir, íslensk stjórnmálakona.
• 1966 - Baltasar Kormákur, íslenskur leikari og leikstjóri.
• 1972 - Eggert Hilmarsson, íslenskur tónlistarmaður.
• 1978 - James Beattie, enskur knattspyrnumaður.
• 1980 - Bobby Valentino, bandarískur söngvari.
• 1980 - Chelsea Clinton, dóttir Bills Clinton.
• 1981 - Josh Groban, bandarískur söngvari.
• 1985 - Thiago Neves, brasilískur knattspyrnumaður.
• 1995 - Kosuke Nakamura, japanskur knattspyrnumaður.
• 1996 - Sylvía Erla Scheving, íslensk söngkona.

Dáin

• 1465 - Jón Stefánsson Krabbe, Skálholtsbiskup.
• 1608 - John Still, enskur biskup (f. um 1543).
• 1706 - John Evelyn, enskur rithöfundur (f. 1620).
• 1936 - Ívan Petrovítsj Pavlov, rússneskur lífeðlisfræðingur (f. 1849).
• 1970 - Reizo Fukuhara, japanskur knattspyrnumaður (f. 1931).
• 1992 - Algirdas Julien Greimas, litháískur táknfræðingur (f. 1917).
• 1993 - Lillian Gish, bandarísk leikkona (f. 1893).
• 2015 - Leonard Nimoy, bandarískur leikari (f. 1931).
• 2015 - Boris Nemtsov, rússneskur vísindamaður (f. 1959).