1997

Árþúsund:	2. árþúsundið
Aldir:	19. öldin; 20. öldin ; 21. öldin;
Áratugir:	1971–1980; 1981–1990; 1991–2000; 2001–2010; 2011–2020;
Ár:	1994; 1995; 1996; 1997; 1998; 1999; 2000;

Árið 1997 (MCMXCVII í rómverskum tölum) var 97. ár 20. aldar sem hófst á miðvikudegi samkvæmt gregoríska tímatalinu.

Atburðir breyta

Janúar breyta

Fólk brýtur steina niður til að kasta í lögreglu í Vlore í Albaníu.

1. janúar - Kofi Annan tók við starfi aðalritara Sameinuðu þjóðanna.
5. janúar - Rússar drógu herlið sitt frá Téténíu.
14. janúar - Nokkrir grískir fornleifafræðingar lýstu því yfir að þeir hefðu hugsanlega fundið leifar skóla Aristótelesar, Lýkeion.
16. janúar - Uppreisnin í Albaníu hófst vegna pýramídasvindls.
17. janúar - Ísrael lét Palestínuríki eftir herstöð sína í Hebron á Vesturbakkanum.
17. janúar - Fyrsti löglegi skilnaðurinn fór fram á Írlandi.
18. janúar - Hútúar myrtu sex spænska hjálparstarfsmenn og þrjá hermenn í norðvesturhluta Rúanda.
18. janúar - Norski ævintýramaðurinn Børge Ousland varð fyrstur til að komast yfir Suðurskautslandið einn og án aðstoðar.
22. janúar - Madeleine Albright varð fyrsti kvenkyns utanríkisráðherra Bandaríkjanna.
23. janúar - Mir Qazi var dæmdur til dauða í Bandaríkjunum fyrir skotárás á höfuðstöðvar CIA.
31. janúar - Japanski tölvuleikurinn Final Fantasy VII var settur á markað.

Febrúar breyta

Geimfarar vinna við Hubble-sjónaukann.

4. febrúar - 73 létust þegar tvær ísraelskar herþyrlur á leið til Líbanon rákust saman.
4. febrúar - Forseti Serbíu, Slobodan Milošević, viðurkenndi ósigur í kosningunum í nóvember árið áður.
5. febrúar - Stóru bankarnir þrír í Sviss, Credit Suisse, Swiss Bank Corporation og UBS, kynntu stofnun 71 milljóna dala sjóðs handa fólki sem lifði helförina af.
5. febrúar - Bandarísku fjárfestingarbankarnir Morgan Stanley og Dean Witter Reynolds sameinuðust.
10. febrúar - Sandline-málið komst í hámæli þegar ástralskir fjölmiðlar greindu frá því að ríkisstjórn Papúu Nýju-Gíneu hefði ráðið málaliða til að kveða niður uppreisn á Bougainville-eyju.
13. febrúar - Viðhald á Hubble-sjónaukanum hófst.
13. febrúar - Dow Jones-vísitalan komst í fyrsta sinn yfir 7.000 stig.
14. febrúar - Sænska bruggverksmiðjan Pripps komst í eigu norsku iðnsamsteypunnar Orkla.
22. febrúar - Í Roslin í Skotlandi tikynntu genasérfræðingar að þeir hefðu klónað fullorðna kind sem þeir nefndu Dollý.
23. febrúar - Eldur gaus upp í rússnesku geimstöðinni Mír.
27. febrúar - Skilnaður varð löglegur á Írlandi.
28. febrúar - Jarðskjálfti reið yfir norðurhluta Íran við borgina Ardabil með þeim afleiðingum að 1100 manns létust.

Mars breyta

3. mars - Björk Guðmundsdóttir hlaut Tónlistarverðlaun Norðurlandaráðs.
4. mars - Bill Clinton bannaði alríkisstyrki til rannsókna á klónun manna.
6. mars - Borgarastyrjöldin á Srí Lanka: Tamíltígrar náðu herstöð á sitt vald og drápu 200.
9. mars - Bandaríski rapparinn The Notorious B.I.G. var myrtur í Los Angeles.
10. mars - Bandaríska sjónvarpsþáttaröðin Vampírubaninn Buffy hóf göngu sína á WB.
13. mars - Indversku kærleiksboðberarnir völdu systur Nirmala sem eftirmann móður Teresu.
16. mars - Sandline-málið: Papúski herforinginn Jerry Singirok lét handtaka Tim Spicer og málaliða frá Sandline International.
22. mars - Tara Lipinski varð yngsti heimsmeistari sögunnar í listdansi á skautum.
23. mars - Bresku sakamálaþættirnir Barnaby ræður gátuna hófu göngu sína á ITV.
26. mars - 39 meðlimir nýtrúarhreyfingarinnar Heaven's Gate frömdu fjöldasjálfsmorð í San Diego.
26. mars - Sandline-málið: Julius Chan sagði af sér sem forsætisráðherra Papúu Nýju-Gíneu.
28. mars - Ítalska strandgæsluskipið Sibilla sigldi á albanska vélskipið Katër i Radës með 120 flóttamenn um borð með þeim afleiðingum að 80 þeirra drukknuðu.
31. mars - Barnaþættirnir Stubbarnir hófu göngu sína á BBC Two.

Apríl breyta

Hale-Bopp 1. apríl.

1. apríl - Hale-Bopp-halastjarnan náði sólnánd.
1. apríl - Teiknimyndaþættirnir Pokémon hófu göngu sína á TV Tokyo.
1. apríl - Borgarhverfið Užupis í Vilnius lýsti yfir sjálfstæði sem „lýðveldið Užupis“.
3. apríl - Thalit-fjöldamorðin: Allir íbúar Thalit í Alsír nema einn voru myrtir af skæruliðum.
11. apríl - Dómkirkjan í Tórínó skemmdist í eldi.
13. apríl - Tiger Woods varð yngsti kylfingurinn í sögunni sem sigraði Masters-golfmótið.
14. apríl - 343 fórust í eldi í tjaldbúðum pílagríma í nágrenni Mekka.
21. apríl - Fyrsta geimgreftrunin fór fram þegar jarðneskar leifar 24 manna voru sendar út í geim með Pegasusflaug.
22. apríl - Haouch Khemisti-fjöldamorðin í Alsír áttu sér stað.
22. apríl - Eftir 126 daga umsátur um japanska sendiráðið í Líma í Perú réðust stjórnarliðar inn í bygginguna og drápu alla skæruliða Túpac Amaru.
23. apríl - Omaria-fjöldamorðin áttu sér stað í Omaria, litlu þorpi í suðurhluta Alsír þar sem 42 þorpsbúar, konur og börn voru drepin.
29. apríl - Alþjóðlegi efnavopnasamningurinn tók gildi. Hann skyldar aðildarríki til þess að hætta þróun, framleiðslu, söfnun og notkun efnavopna.

Maí breyta

Húsgrunnur í Jarrell, Texas, eftir skýstrokkinn 27. maí.

1. maí - Þingkosningar fóru fram í Bretlandi. 18 ára stjórn Íhaldsflokksins lauk þegar Verkamannaflokkurinn vann kosningasigur.
2. maí - Tony Blair tók við embætti forsætisráðherra Bretlands af John Major.
3. maí - Katrina & The Waves sigruðu Söngvakeppni evrópskra sjónvarpsstöðva 1997 fyrir Bretland með laginu „Love shine a light“.
6. maí - Englandsbanki var gerður að sjálfstæðri og óháðri stofnun.
8. maí - Dagskrárblokkin Playhouse Disney hóf göngu sína á Disney Channel.
9. maí - Hópur sjálfstæðissinna sem voru kallaðir Serenissimi hertóku um stutt skeið Klukkuturn heilags Markúsar í Feneyjum.
10. maí - 1.560 manns fórust í jarðskjálfta nálægt Ardekul í Íran.
11. maí - Ofurtölvan Deep Blue sigraði Garrí Kasparov í skák með 3½ vinningi gegn 2½.
16. maí - Mobutu Sese Seko var rekinn í útlegð frá Saír.
17. maí - Her Laurent-Désiré Kabila hélt inn í Kinsasa í Saír.
21. maí - Björn Ólafsson, Einar Stefánsson og Hallgrímur Magnússon urðu fyrstir Íslendinga til að stíga á tind Everestfjalls.
25. maí - Johnny Paul Koroma rændi völdum í Síerra Leóne.
27. maí - Ný lög um fjárreiður íslenska ríkisins voru samþykkt. Þau færðu reikningsskil ríkisstofnana og ríkisins í heild nær því sem tíðkast hjá fyrirtækjum. Sama ár skilaði ríkissjóður afgangi í fyrsta sinn í mörg ár.
27. maí - Skýstrokkur gekk yfir bæinn Jarrell í Texas með þeim afleiðingum að 27 íbúar bæjarins fórust.
27. maí - Eric S. Raymond kynnti ritgerð sína The Cathedral and the Bazaar á Linuxráðstefnu í Þýskalandi.
31. maí - Sambandsbrúin, lengsta brú heims yfir ísilagt hafsvæði, var opnuð milli Eyju Játvarðs prins og Nýju-Brúnsvíkur í Kanada.

Júní breyta

Eldgosið í Soufrière Hills.

1. júní - Járnbrautargöng við Stórabeltisbrúna voru opnuð.
1. júní - Flugfélag Íslands var stofnað með sameiningu innanlandsdeildar Flugleiða og Flugfélags Norðurlands.
1. júní - Hugo Banzer sigraði forsetakosningar í Bólivíu.
2. júní - Timothy McVeigh var dæmdur fyrir 15 morð vegna sprengjutilræðisins í Oklahómaborg.
3. júní - Lionel Jospin varð forsætisráðherra Frakklands.
7. júní - Tölvunotandi með notandanafnið _eci gaf út kóða hugbúnaðar sem var síðar þekktur sem WinNuke.
10. júní - Leiðtogi rauðu kmeranna, Pol Pot, fyrirskipaði aftöku varnarmálaráðherra síns, Son Sen, og 11 fjölskyldumeðlima rétt áður en hann flúði sjálfur úr fylgsni sínu í norðurhluta Kambódíu.
11. júní - Breska þingið samþykkti algjört bann við skammbyssum.
13. júní - Timothy McVeigh var dæmdur til dauða fyrir hryðjuverk.
16. júní - Skæruliðar myrtu um 50 þorpsbúa í Daïat Labguer-blóðbaðinu í Alsír.
22. júní - Sænski tónlistarmaðurinn Ted Gärdestad framdi sjálfsmorð með því að stökkva fyrir lest.
25. júní - Eldfjallið Soufrière Hills gaus á Montserrat.
25. júní - Ómannað Progressgeimfar rakst á geimstöðina Mír.
26. júní - Fyrsta bókin í Harry Potter-bókaröðinni, Harry Potter og viskusteinninn, kom út í London.
27. júní - Bandaríska teiknimyndin Herkúles var frumsýnd.
28. júní - Mike Tyson beit eyrað af Evander Holyfield í keppni um meistaratitil í hnefaleikum.
30. júní - Bretar létu yfirráð yfir Hong Kong í hendur Kínverja.

Júlí breyta

Flóðin 1997 í Wrocław.

1. júlí - Stjórn Hong Kong færðist til Kínverska alþýðulýðveldisins.
1. júlí - Ný lögreglulög tóku gildi á Íslandi og embætti Ríkislögreglustjóra var búið til.
4. júlí - Könnunarfar NASA, Mars Pathfinder, lenti á Mars.
4. júlí - Ein verstu flóð 20. aldar hófust með skýfalli í Tékklandi, Þýskalandi og Póllandi.
5. júlí - Frjálslyndi flokkurinn var stofnaður á Ítalíu.
5. júlí - Hun Sen rændi völdum í Kambódíu.
8. júlí - Mayo Clinic uppgötvaði að megrunarlyfið fen-phen gæti valdið alvarlegum hjarta- og lungnaskaða.
10. júlí - ETA rændu spænska stjórnmálamanninum Miguel Ángel Blanco og myrtu hann.
10. júlí - Vísindamenn í London gáfu út að erfðarannsóknir á beinagrind Neanderdalsmanns styddu kenninguna um uppruna nútímamannsins í Afríku.
11. júlí - Yfir 90 létust þegar eldur kom upp á hóteli á Pattaya í Taílandi.
12. júlí - Japanska teiknimyndin Mononoke prinsessa var frumsýnd.
21. júlí - Seglskipið Constitution var sjósett í fyrsta sinn í 116 ár.
25. júlí - Kocheril Raman Narayanan varð fyrsti forseti Indlands úr hópi stéttleysingja.
27. júlí - 17.000 manns þurftu að flýja heimili sín í Słubice í Póllandi þegar áin Oder rauf flóðvarnargarða.
30. júlí - 18 fórust í skriðu í Snowy Mountains í Ástralíu.

Ágúst breyta

Björgunarfólk við Thredbo-skriðuna í Ástralíu.

1. ágúst - Flugvélaframleiðendurnir Boeing og McDonnell Douglas sameinuðust.
2. ágúst - Ástralska skíðakennaranum Stuart Diver var bjargað úr Thredbo-skriðunni í Nýju Suður-Wales.
3. ágúst - Milli 40 og 76 þorpsbúar voru myrtir í Oued El-Had- og Mezouara-fjöldamorðunum í Alsír.
3. ágúst - Tvær Kómoreyja, Anjouan og Mohéli, reyndu að ganga aftur undir nýlendustjórn Frakka.
4. ágúst - 185.000 bílstjórar hjá United Parcel Service fóru í verkfall.
6. ágúst - Microsoft keypti hlutabréf í Apple Computer að andvirði 150 milljóna dala til að aðstoða þá í fjárhagsvandræðum.
6. ágúst - Korean Air flug 801 fórst við Gvam. 228 létust.
7. ágúst - Sprengja sprakk á Stokkhólmsleikvanginum en enginn slasaðist. Hópur sem mótmælti umsókn Svía um að halda Ólympíuleikana 2004 stóð á bak við sprenginguna.
13. ágúst - Bandarísku teiknimyndaþættirnir South Park hófu göngu sína á Comedy Central.
17. ágúst - Íslenska kvikmyndin Blossi/810551 var frumsýnd.
20. ágúst - Yfir 60 voru myrtir og 15 rænt í Souhane-fjöldamorðunum í Alsír.
21. ágúst - Þriðja breiðskífa Oasis, Be Here Now, kom út.
25. ágúst - Síðasti leiðtogi Austur-Þýskalands, Egon Krenz, var dæmdur í 6 og hálfs árs fangelsi vegna morða á fólki sem reyndi að komast yfir Berlínarmúrinn á tímum Kalda stríðsins.
26. ágúst - 60-100 manns voru myrt í Ben Ali-fjöldamorðunum í Alsír.
26. ágúst - Sjálfstæða alþjóðlega afvopnunarnefndin var stofnuð sem hluti af friðarferlinu á Norður-Írlandi.
29. ágúst - Yfir 100 manns voru myrt í Rais-fjöldamorðunum í Alsír.
31. ágúst - Díana prinsessa af Wales og Dodi Al-Fayed létust í bílslysi í París.

September breyta

Útför Díönu prinsessu.

5. september - 87 voru myrtir í Beni Messous-fjöldamorðunum í Alsír.
6. september - Útför Díönu prinsessu fór fram í Westminster Abbey. Yfir tveir milljarðar manna fylgdust með athöfninni í sjónvarpi.
6. september - 3,5 milljónir manna hlýddu á Jean Michel Jarre í Moskvu.
7. september - Knattspyrnufélagið Framherjar-Smástund var stofnað í Vestmannaeyjum.
7. september - Fyrsta prufuflug Lockheed Martin F-22 Raptor-orrustuþotunnar fór fram.
11. september - Skotar samþykktu í þjóðaratkvæðagreiðslu að endurreisa skoska þingið eftir 290 ára samband við England.
15. september - Bandaríska netfyrirtækið Google var stofnað.
18. september - Íslenska kvikmyndin María var frumsýnd í Þýskalandi.
18. september - Bílsprengja á vegum Al-Kaída sprakk í Mostar í Bosníu og Hersegóvínu.
19. september - 53 voru myrtir í Guelb El-Kebir-fjöldamorðunum í Alsír.
21. september - Íslamski hjálpræðisherinn lýsti einhliða yfir vopnahléi í Alsír.
26. september - 234 létust þegar Garuda Indonesia flug 152 hrapaði í lendingu í Medan á Súmötru.
26. september - Kirkja heilags Frans í Assisi á Ítalíu skemmdist mikið í jarðskjálfta.
28. september - Estonia-minnisvarðinn um fórnarlömb Estonia-slyssins var vígður í Stokkhólmi.

Október breyta

Þotubifreiðin ThrustSSC á enn hraðametið á jörðu niðri.

2. október - Mikið hneykslismál kom upp þegar í ljós kom að þéttiefni sem notað var í Hallandsås-göngunum í Svíþjóð gaf frá sér eiturefni sem barst í grunnvatn.
5. október - Christina Odenberg varð fyrsti kvenkyns biskup Svíþjóðar.
8. október - Réttarhöld yfir franska nasistanum Maurice Papon hófust í Bordeaux.
9. október - Íslenska kvikmyndin Perlur og svín var frumsýnd.
11. október - Pride Fighting Championships, samtök um blandaðar bardagaíþróttir, héldu sitt fyrsta mót í Tókýó.
11. október - Evrópuráðið ákvað að stofna mannréttindadómstól.
12. október - 43 voru myrtir í Sidi Daoud-fjöldamorðunum í Alsír.
13. október - Gamanþátturinn Fóstbræður hóf göngu sína á Stöð 2.
13. október - Stærsti banki Norðurlanda, Merita-Nordbanken, varð til við sameiningu Nordbanken og Merita.
15. október - Andy Green varð fyrstur til að ná hljóðraða á jörðu niðri í þotubifreiðinni ThrustSSC.
15. október - NASA sendi Cassini-Huygens-könnunarfarið til Satúrnusar.
16. október - Fyrsta litmyndin birtist á forsíðu The New York Times.
24. október - Bresk-bandaríska kvikmyndin A Life Less Ordinary var frumsýnd.
27. október - Dow Jones-vísitalan hrapaði um 7,2% vegna fjármálakreppunnar í Asíu.

Nóvember breyta

1. nóvember - Fjármálakreppan í Asíu: Heimsbankinn og Þróunarbanki Asíu samþykktu neyðaráætlun til bjargar efnahag Indónesíu.
3. nóvember - Yfir 3000 létust þegar fellibylur gekk yfir Víetnam.
6. nóvember - Svartbók kommúnismans kom út í Frakklandi.
9. nóvember - Fjármálakreppan í Asíu: Chuan Leekpai varð forsætisráðherra Taílands eftir afsögn Chavalit Yongchaiyudh.
10. nóvember - MCI WorldCom varð til við sameiningu WorldCom og MCI Communications. Þetta var stærsti fyrirtækjasamruni bandarískrar sögu.
11. nóvember - Mary McAleese var kjörin forseti Írlands. Þetta var í fyrsta sinn sem kona tók við af konu sem kjörinn þjóðhöfðingi.
11. nóvember - Olíuleiðsla gegnum Téténíu var opnuð á ný.
12. nóvember - Ramzi Yousef var dæmdur fyrir að hafa skipulagt sprengjutilræðið í World Trade Center 1993.
17. nóvember - 62 ferðamenn voru myrtir af 6 íslömskum öfgamönnum við Leghof Hatsjepsút í Lúxor, Egyptalandi.
19. nóvember - Fyrsta sjöburafæðingin þar sem öll börnin lifðu átti sér stað í Des Moines í Iowa.
21. nóvember - Fjármálakreppan í Asíu: Suður-Kórea óskaði eftir 60 milljarða dala aðstoð frá Alþjóðagjaldeyrissjóðnum.
27. nóvember - Umhverfisrannsóknarverkefni NASA, Tropical Rainfall Measuring Mission, var hleypt af stokkunum.

Desember breyta

Höga kusten-brúin í Svíþjóð.

1. desember - Höga kusten-brúin, lengsta hengibrú Svíþjóðar, var opnuð.
1. desember - Skæruliðahópurinn Ranvir Sena réðist á og myrti 63 stéttleysingja í Lakshmanpur-Bathe á Indlandi.
3. desember - Fulltrúar 121 lands undirrituðu samning um bann við notkun jarðsprengja í Ottawa í Kanada. Bandaríkin, Rússland, Alþýðulýðveldið Kína, Suður-Kórea og 32 önnur lönd ákváðu að standa utan samningsins.
10. desember - Astana varð höfuðborg Kasakstan í stað Almaty.
11. desember - Kýótóbókunin var undirrituð.
15. desember - Nelson Mandela sagði af sér sem leiðtogi Afríska þjóðarráðsins.
16. desember - 38. þáttur Pokémon-teiknimyndaþáttanna var sendur út í Japan og olli því að fjöldi barna fékk flogakast.
19. desember - Kvikmyndin Titanic var frumsýnd í Bandaríkjunum.
22. desember - Vopnaður hópur myrti 45 frumbyggja í messu í Chiapas í Mexíkó.
24. desember - 50-100 þorpsbúar voru myrtir í Sid El-Antri-fjöldamorðunum í Alsír.
27. desember - Norður-Hérað var stofnað með sameiningu þriggja sveitarfélaga á Austurlandi.
27. desember - Leiðtogi sambandssinna á Norður-Írlandi, Billy Wright, var myrtur í Long Kesh-fangelsi.
29. desember - Hafist var handa við að drepa allt fiðurfé í Hong Kong til að hefta útbreiðslu fuglaflensu.
30. desember - Um 400 íbúar 4 þorpa voru myrtir í Relizane-fjöldamorðunum í Alsír.
31. desember - Ólafur Skúlason lét af embætti biskups Íslands.

Ódagsettir atburðir breyta

Fuglaflensuveiran fannst í mönnum í fyrsta skipti.
Íslenska leikjafyrirtækið CCP var stofnað.
Íslenska veffyrirtækið Gæðamiðlun var stofnað.
ReykjavíkurAkademían var stofnuð.
Vinna við GNOME-verkefnið hófst.
Fyrsta breiðskífa Sigur Rósar, Von, kom út.
Bandaríska hljómsveitin The Shins var stofnuð.
Íslenska hljómsveitin múm var stofnuð.
Félag múslima á Íslandi var stofnað.
Íslenski kvikmyndavefurinn Kvikmyndir.is var stofnaður.
Bandaríska hljómsveitin Gym Class Heroes var stofnuð.
Breska byggingarfyrirtækið Northern Rock varð að banka.
Íslenska líftæknifyrirtækið Primex var stofnað.
Fyrsta skáldsaga Arnaldar Indriðasonar, Synir duftsins, kom út.
Íslenska hljómsveitin Land og synir var stofnuð.
DVB-T-staðallinn um stafrænt sjónvarp var gefinn út.

Fædd breyta

13. janúar - Luis Díaz, kólumbískur knattspyrnumaður.
14. febrúar - Breel Embolo, svissneskur knattspyrnumaður.
23. febrúar - Benjamin Henrichs, þýskur knattspyrnumaður.
12. mars - Ómar Ingi Magnússon, íslenskur handknattleiksmaður.
12. mars - Dean Henderson, enskur knattspyrnumaður.
16. mars - Dominic Calvert-Lewin, enskur knattspyrnumaður.
18. mars - Ciara Bravo, bandarísk leikkona.
26. mars - Glowie, íslensk söngkona.
12. apríl - Brynjar Snær Grétarsson, íslenskur körfuknattleiksmaður.
23. apríl - Alex Ferris, kanadískur leikari.
1. maí - Snorri Másson, íslenskur fréttamaður.
10. maí - Richarlison, brasilískur knattspyrnumaður.
15. júní - Albert Guðmundsson, íslenskur knattspyrnumaður.
12. júlí - Malala Yousafzai, pakistönsk baráttukona.
1. september - Jung Kook, suðurkóreskur söngvari.
30. október - Sean Longstaff, enskur knattspyrnumaður.
31. október - Marcus Rashford, enskur knattspyrnumaður.
24. nóvember - Marco Richter, þýskur knattspyrnumaður.
25. nóvember - Annalísa Hermannsdóttir, íslensk leikkona.

Dáin breyta

5. janúar - André Franquin, belgískur myndasöguhöfundur (f. 1924).
2. febrúar - Sanford Meisner, bandarískur leikari (f. 1904).
19. febrúar - Deng Xiaoping, leiðtogi Alþýðulýðveldisins Kína (f. 1904).
6. mars - Eyjólfur Konráð Jónsson, íslenskur stjórnmálamaður (f. 1928).
26. mars - Marshall Applewhite, stofnandi sértrúarsöfnuðarins Heaven's Gate (f. 1931).
5. apríl - Allan Ginsberg, bandarískt skáld (f. 1926).
29. maí - Jeff Buckley, bandarískur söngvari og lagahöfundur (f. 1966).
12. júní - Guðmundur J. Guðmundsson, verkalýðsforingi og stjórnmálamaður (f. 1927).
26. júní - Israel Kamakawiwo'ole, havaískur söngvari (f. 1959).
1. júlí - Robert Mitchum, bandarískur leikari (f. 1917).
2. júlí - James Stewart, bandarískur leikari (f.1908).
4. júlí - Miguel Najdorf, pólskur stórmeistari í skák (f. 1910).
15. júlí - Gianni Versace, ítalskur tískuhönnuður (f. 1946).
2. ágúst - William S. Burroughs, bandarískur rithöfundur (f. 1914).
4. ágúst - Jeanne Calment, langlífasta manneskja heims svo vitað sé (f. 1875).
13. ágúst - Hannes Sigfússon, ljóðskáld og þýðandi (f. 1922).
31. ágúst - Díana prinsessa af Wales (f. 1961).
5. september - Móðir Teresa, albönsk nunna (f. 1910).

Roy Lichtenstein

29. september - Roy Lichtenstein, bandarískur myndlistarmaður (f. 1923).
4. október - Gunpei Yokoi, japanskur tölvuleikjahönnuður (f. 1941).
24. október - Don Messick, bandarískur leikari (f. 1926).
5. nóvember - Isaiah Berlin, breskur heimspekingur (f. 1909).
9. nóvember - Carl Gustav Hempel, þýskur vísindaheimspekingur (f. 1905).
25. nóvember - Hastings Banda, forseti Malaví (f. 1906).
28. nóvember - Álfheiður Kjartansdóttir, íslenskur blaðamaður (f. 1925).
14. desember - Stubby Kaye, bandarískur leikari (f. 1918).
18. desember - Chris Farley, bandarískur leikari (f. 1964).
24. desember - Tóshíro Mífúne, japanskur leikari (f. 1920).
26. desember - Jón Magnússon, knattspyrnumaður og formaður Knattspyrnufélagsins Fram og Fimleikafélags Hafnarfjarðar (f. 1911).
27. desember - Lúðvík Þorgeirsson, íslenskur kaupmaður og formaður Knattspyrnufélagsins Fram (f. 1910).