Theodore John Kaczynski („Ted“) (fæddur 22. maí 1942; d. 10. júní 2023), einnig þekktur undir viðurnefninu unabomber var bandarískur stærðfræðingur sem er alræmdur fyrir öfgakennda herferð sína gegn nútíma tæknisamfélagi ásamt því að senda bréfasprengjur til fjölmargra háskóla og flugfélaga á árunum 1978 til 1995. Hann drap þrjá og særði 23.

Theodore John Kaczynski.

Í riti sínu „Iðnsamfélag og framtíð þess“ (einnig þekkt sem „Unabomber stefnulýsingin“) staðhæfir hann að gjörðir sínar hafi verið nauðsynlegar til þess að draga athygli fólks að þeirri sýn sinni hversu hættuleg nútíma tækniþróun er orðin manninum. Kaczynski vann að árásum sínum í von um að hvetja aðra til að berjast gegn því sem hann kallaði „stöðugt tækniokur“ og álítur vera að leggja mannkynið undir sig. Því hefur verið haldið fram að leitin að Theodore Kaczynski sé sú dýrasta í sögu bandarísku Alríkislögreglunar FBI.

Ævisaga breyta

Kaczynski fæddist í Chicago og foreldrar hans, Theodore Richard Kaczynski og Wanda Theresa Dombek, voru af pólskum ættum. Móðir hans var kennari en faðir hans starfaði við bjúgnagerð.

Frá fyrsta til fjórða bekkjar gekk Kaczynski í Sherman Elementary skólann í Chicago. Hann kláraði svo fimmta til áttunda bekk í Evergreen Park Central. Greindarpróf sem hann tók í fimmta bekk leiddu að þeirri niðurstöðu að hann gæti sleppt sjötta bekk og farið beint í þann sjöunda. Samkvæmt nokkrum greindarprófum hafði hann töluvert háa greindarvísitölu og foreldrum hans var sagt að sonur þeirra væri snillingur. Hann segir sjálfur að greindarvísitala sín hafi mælist á milli 160 og 170. En niðurstöður greindarprófanna sem hann tók í æsku hafa ekki fengist birtar opinberlega. Kaczynski segir sjálfur að það að hafa hoppað upp um bekk hafi haft veigamikil áhrif á líf sitt. Hann man eftir sér mjög utanveltu innan um alla eldri nemendurna og segist hafa þurft að þola bæði stríðni og svívirðingar frá þeim. Móðir hans, Wanda Kaczynski, hafði svo miklar áhyggjur félagslegum þroska hans að hún hugleiddi að skrá hann í félagsfræðirannsókn á vegum Bruno Bettelheim sem gekk út á að rannsaka hegðun einhverfra barna. Hann á að hafa óttast bæði annað fólk og byggingar, og hann lék sér heldur einn en innan um önnur börn. Hann náði hinsvegar að mynda vinatengsl við greindarskertan strák, en það voru í raun einu tengsl hans við önnur börn í æsku.

Kaczynski var dæmdur í ævilangt fangelsi án möguleika á náðun seinna meir. Hann var lokaður inni í Administrative Maximum Facility supermax in Florence, Colorado.

Kaczynski lést árið 2023 en hann var með krabbamein á lokastigi. Hann er talinn hafa svipt sig lífi.[1]

Tenglar breyta

Heimild breyta

Tilvísanir breyta

  1. Sagður hafa svipt sig lífi í fangelsinu Vísir, sótt 12/6 2023