9. október

Sep – Október – Nóv
Su	Má	Þr	Mi	Fi	Fö	La
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31
2025 Allir dagar

9. október er 282. dagur ársins (283. á hlaupári) samkvæmt gregoríska tímatalinu. 83 dagar eru eftir af árinu.

Atburðir

1192 - Þriðja krossferðin endaði með ósköpum og Ríkharður ljónshjarta og Saladín soldán gerðu með sér samning um rétt pílagríma til að heimsækja landið helga.
1264 - Alfons 10. Kastilíukonungur náði borginni Jerez de la Frontera á Spáni af Márum.
1390 - Hinrik 3. tók við af föður sínum, Jóhanni 1., sem konungur Kastilíu og León.
1514 - Loðvík 12. Frakkakonungur gekk að eiga Maríu Tudor, systur Hinriks 8. Englandskonungs. Hann dó tæpum þremur mánuðum síðar.
1617 - Pavíasamningurinn var gerður milli Spánar og Savoja og fól í sér að Savoja skilaði Mantúu héraðinu Montferrat.
1650 - Ákveðið var að sænska krúnan skyldi ganga í arf til karlkyns afkomenda Karls Gústafs af Pfalz.
1696 - Alþingisbókin, fyrsta íslenska tímaritið, var prentuð í Skálholti af Jóni Snorrasyni.
1740 - Menn Hollenska Austurindíafélagsins drápu 5-10.000 kínverska íbúa Batavíu á Jövu.
1874 - Alþjóðapóstsambandið stofnað í Bern í Sviss. Er nú ein sérstofnana Sameinuðu þjóðanna.
1914 - Umsátri Þjóðverja um Antwerpen lauk með uppgjöf borgarinnar.
1926 - Kvikmyndin Hús í svefni var frumsýnd í Danmörku.
1943 - Á Hvoli í Mýrdal fannst lifandi leðurblaka og lifði hún í 10 daga. Leðurblaka hefur aldrei áður fundist á Íslandi.
1950 - Stofnað var til Afreksmerkis hins íslenska lýðveldis, sem veita má þeim sem leggja líf og limi í hættu við að bjarga öðrum úr lífsháska.
1962 - Úganda hlaut sjálfstæði frá Bretlandi.
1963 - Skáldatími eftir Halldór Laxness kom út. Bókin vakti mikla athygli, enda gerir höfundurinn upp við sósíalismann í henni.
1965 - Dagur Leifs Eiríkssonar hins heppna var í fyrsta skipti haldinn hátíðlegur á Íslandi.
1971 - TF-EIR, þyrla Landhelgisgæslunnar brotlenti á Rjúpnafelli. Flugmaður og farþegi sluppu án meiðsla og höfðu gengið 40 kílómetra frá slysstaðnum er þeir fundust.
1979 - Samtökin Geðhjálp voru stofnuð á Íslandi.
1982 - Þættir úr félagsheimili hófu göngu sína í Ríkissjónvarpinu.
1983 - Jangúnsprengjutilræðið: Utanríkisráðherra Suður-Kóreu, Lee Bum Suk, og 21 annar létust.
1986 - Fyrsta einkarekna sjónvarpsstöðin á Íslandi, Stöð 2, tók til starfa undir stjórn Jóns Óttars Ragnarssonar.
1986 - Bandaríska fjölmiðlafyrirtækið News Corporation eignaðist Metromedia og lagði grunninn að Fox Broadcasting Company.
1986 - Langlífasti söngleikur heims Óperudraugurinn eftir Andrew Lloyd Webber hóf göngu sína í Her Majesty's Theatre í London.
1992 - Vígð var ný brú yfir Markarfljót. Brúin er 250 metra löng og með henni styttist hringvegurinn um 5 kílómetra.
1997 - Íslenska kvikmyndin Perlur og svín var frumsýnd.
2001 - Sjónvarpsþáttaröðin Sjálfstætt fólk hóf göngu sína á Stöð 2.
2001 - Miltisbrandsárásirnar 2001: Önnur bréfasending með miltisbrandi var send af stað.
2006 - Norður-Kórea tilkynnti að landið hefði framkvæmt sína fyrstu kjarnorkutilraun.

2007 - Yoko Ono afhjúpaði Friðarsúluna í Viðey á afmælisdegi John Lennon.
2008 - Bankahrunið á Íslandi: Kaupþing banki var þjóðnýttur af íslenska ríkinu og skilanefnd sett yfir hann.
2009 - Milljónatjón varð í óveðri um allt Ísland.
2009 - Um 90 fórust í skriðum á Filippseyjum.
2013 - Yoko Ono var útnefnd heiðursborgari Reykjavíkur.
2017 - Íslenska karlalandsliðið í knattspyrnu tryggði sér í fyrsta sinn sæti á HM í knattspyrnu með 2:0 sigri á Kósóvó í Laugardal.
2019 - Her Tyrklands hóf innrás á yfirráðasvæði Rojava í Norður-Sýrlandi í kjölfar þess að Donald Trump Bandaríkjaforseti tilkynnti að Bandaríkjaher myndi ekki skipta sér að hernaðaraðgerðum Tyrkja á svæðinu.
2019 - Tveir létust í hryðjuverkaárás á sýnagógu í Halle á Þýskalandi á jom kippúr-hátíðinni.

Fædd

1201 - Robert de Sorbon, guðfræðingur og stofnandi Sorbonne-háskóla (d. 1274).
1261 - Dinis, konungur Portúgals (d. 1325).
1328 - Pétur 1., konungur Kýpur (d. 1369).
1585 - Heinrich Schütz, þýskt tónskáld (d. 1672).
1757 - Karl 10. Frakkakonungur (d. 1836).
1788 - József Kossics, slóvenskur rithöfundur (d. 1867).
1804 - Ingibjörg Einarsdóttir, eiginkona Jóns Sigurðssonar (d. 1879).
1859 - Alfred Dreyfus, franskur hermaður (d. 1935).
1859 - Sæmundur Stefánsson, íslenskur holdsveikisjúklingur (d. 1945).
1879 - Max von Laue, þýskur eðlisfræðingur (d. 1960).
1888 - Níkolaj Búkharín, sovéskur stjórnmálamaður (d. 1938).
1889 - Jakob Jóhannesson Smári, íslenskt skáld (d. 1972).
1892 - Ivo Andrić, júgóslavneskur rithöfundur og Nóbelsverðlaunahafi (d. 1975).
1936 - Brian Blessed, enskur leikari.
1938 - Heinz Fischer, forseti Austurríkis.
1938 - Takehiko Kawanishi, japanskur knattspyrnumaður.
1939 - Ángel Rubén Cabrera, úrúgvæskur knattspyrnumaður (d. 2010).
1940 - John Lennon, tónlistarmaður og bítill (d. 1980).
1944 - Magdalena Margrét Kjartansdóttir, íslenskur myndlistarmaður.
1947 - France Gall, fronsk songkona.
1947 - Guðmundur Ólafsson, íslenskur hagfræðingur.
1950 - Jody Williams, bandarískur aðgerðasinni.
1952 - Sharon Osbourne, bresk raunveruleikastjarna og umboðsmaður.
1959 - Boris Nemtsov, rússneskur stjórnmálamaður (d. 2015).
1966 - David Cameron, breskur stjórnmálamaður.
1971 - Ragnhildur Geirsdóttir, íslenskur verkfræðingur.
1974 - Sigurður Helgi Pálmason, Alþingismaður og þáttastjórnandi
1974 - Ágúst Mogensen, afbrotafræðingur og sérfræðingur í umferðaröryggismálum
1975 - Sean Lennon, breskur tónlistarmaður.
1981 - Ryoichi Maeda, japanskur knattspyrnumaður.
1982 - Grétar Sigfinnur Sigurðarson, íslenskur knattspyrnumaður.
1991 - Yusuke Minagawa, japanskur knattspyrnumaður.

Dáin

1047 - Klemens 2. páfi.
1296 - Loðvík 3. hertogi af Bæjaralandi (f. 1269).
1597 - Ashikaga Yoshiaki, japanskur sjógun (f. 1537).
1688 - Claude Perrault, franskur arkitekt (f. 1613).
1696 - Einar Þorsteinsson biskup á Hólum (f. 1633).
1864 - Rudolf Keyser, norskur sagnfræðingur (f. 1803).
1942 - Símun av Skarði, færeyskt skáld og stjórnmálamaður (f. 1872).
1943 - Pieter Zeeman, hollenskur eðlisfræðingur og nóbelsverðlaunahafi (f. 1865).
1953 - Ingibjörg Benediktsdóttir, skáldkona (f. 1885).
1958 - Píus 12. páfi (f. 1876).
1961 - Werner Jaeger, þýskur fornfræðingur (f. 1888).
1967 - Che Guevara, byltingarmaður og einn af hershöfðingjum Fidels Castos (f. 1928).
1995 - Alec Douglas-Home, forsætisráðherra Bretlands (f. 1903).
2002 - Aileen Wuornos, bandarískur raðmorðingi (f. 1956).
2004 - Jacques Derrida, franskur heimspekingur (f. 1930).
2010 - Maurice Allais, franskur hagfræðingur (f. 1911).
2017 - Pálmi Jónsson, íslenskur stjórnmálamaður (f. 1929).