15. desember

Nóv – Desember – Jan
Su	Má	Þr	Mi	Fi	Fö	La
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31
2025 Allir dagar

15. desember er 349. dagur ársins (350. á hlaupári) samkvæmt gregoríska tímatalinu. 16 dagar eru eftir af árinu.

Atburðir

687 - Sergíus varð páfi.
1025 - Konstantín 8. varð keisari Austrómverska keisaradæmisins.
1256 - Húlagú Kan hertók og lagði í rúst fjallavirki Hassassína, Alamút.
1607 - Gísli Oddsson ritaði um halastjörnu sem síðar varð þekkt sem halastjarna Halleys.
1788 - Fyrstu forsetakosningar í Bandaríkjunum hófust og lauk 10. janúar árið eftir.
1791 - Fyrstu tíu viðaukar bandarísku stjórnarskrárinnar tóku gildi.
1888 - Glímufélagið Ármann var stofnað á Íslandi.
1893 - Ríkisstjórnarskipti á Ítalíu: þriðja ríkisstjórn Crispis tók við af fyrstu ríkisstjórn Giolittis.
1953 - Fjórðungssjúkrahúsið á Akureyri var tekið í notkun.
1953 - Þverárvirkjun var gangsett.
1961 - Ísraelskur stríðsglæpadómstóll dæmdi Adolf Eichmann til dauða fyrir þátttökuna í helförinni.
1963 - Jórdanska flugfélagið Royal Jordanian var stofnað.
1970 - Sovéska geimfarið Venera 7 lenti á Venusi og sendi þaðan gögn til jarðar.
1972 - Umhverfisstofnun Sameinuðu þjóðanna var stofnuð.
1973 - Bandarísku geðlæknasamtökin tóku samkynhneigð út af lista yfir geðraskanir.
1976 - Líberíska olíuskipið MV Argo Merchant strandaði við Nantucket og brotnaði svo að 30 milljón lítrar af olíu láku í sjóinn.
1977 - Alþjóðasjóður um þróun landbúnaðar (IFAD) stofnaður. Er ein sérstofnana Sameinuðu þjóðirnar|Sameinuðu þjóðanna]].
1978 - Kvikmyndin Superman var frumsýnd.
1979 - Davíð Scheving Thorsteinsson keypti bjór í fríhöfninni við komu til landsins, en var meinað að hafa hann með sér. Þetta leiddi til rýmkunar á reglum um kaup á bjór í fríhöfninni.
1979 - Kanadamennirnir Chris Haney og Scott Abbott fundu upp spurningaspilið Trivial Pursuit.
1981 - Sendiráð Íraks í Beirút eyðilagðist í bílsprengju. Sýrlandi var kennt um sprenginguna.
1989 - Eiturlyfjabaróninn José Gonzalo Rodríguez Gacha var drepinn af kólumbísku lögreglunni.
1991 - Yfir 450 fórust þegar egypska ferjan Salem Express fórst í Rauðahafi.
1992 - Mani pulite: Bettino Craxi, aðalritari ítalska sósíalistaflokksins, fékk dómskvaðningu fyrir spillingu og brot gegn lögum um fjármögnun stjórnmálaflokka.
1992 - Fyrsta plata Dr. Dre, The Chronic, kom út í Bandaríkjunum.
1993 - Bandaríska kvikmyndin Listi Schindlers var frumsýnd.
1994 - Fyrsta útgáfa vafrans Netscape Navigator kom út.
1995 - Dæmt var í máli belgíska atvinnuknattspyrnumannsins Jean-Marcs Bosmans.
1995 - Innleiðing evrunnar sem almenns gjaldmiðils var ákveðin á fundi í Madríd.
1997 - Nelson Mandela sagði af sér sem leiðtogi Afríska þjóðarráðsins.

2000 - Þriðja og síðasta kjarnakljúfi Tsjernóbýlkjarnorkuversins var lokað.
2001 - Skakki turninn í Písa var opnaður almenningi eftir 11 ára viðgerðir.
2003 - Íslenska kvikmyndin Stella í framboði var frumsýnd.
2004 - Bobby Fischer fékk landvistarleyfi á Íslandi.
2004 - Íslenska ríkið keypti tíu þúsund skopteikningar eftir Sigmund Johanson Baldvinsen sem áður höfðu birst í Morgunblaðinu.
2009 - Fyrsta tilraunaflug Boeing 787-breiðþotunnar fór fram.
2011 - Bandaríkin lýstu formlega yfir stríðslokum í Íraksstríðinu.
2013 - Borgarastyrjöldin í Suður-Súdan hófst með átökum milli Núera og Dinka í Júba.
2015 - Hernaðarbandalag íslamskra ríkja gegn hryðjuverkum var stofnað.
2018 - Nærri 200 ríki heims samþykktu reglur fyrir útfærslu Parísarsamþykktarinnar á loftslagsráðstefnu í Katovice.

Fædd

37 - Neró, Rómarkeisari (d. 68).
130 - Lucius Verus, Rómarkeisari (d. 169).
1634 - Thomas Kingo, danskt sálmaskáld (d. 1703).
1734 - George Romney, enskur málari (d. 1802).
1810 - Peter Andreas Munch, norskur sagnfræðingur (d. 1863).
1832 - Gustave Eiffel, franskur verkfræðingur (d. 1923).
1852 - Henri Becquerel, franskur eðlisfræðingur og Nóbelsverðlaunahafi (d. 1908).
1860 - Niels Ryberg Finsen, læknir og Nóbelsverðlaunahafi (d. 1904).
1861 - Pehr Evind Svinhufvud, forseti Finnlands (d. 1944).
1903 - Aatami Kuortti, ingrískur prestur (d. 1997).
1906 - Edmond Debeaumarché, franskur andspyrnumaður (d. 1959).
1907 - Oscar Niemeyer, brasiliskur arkitekt (d. 2012).
1916 - Maurice Wilkins, breskur eðlisfræðingur og Nóbelsverðlaunahafi (d. 2004).
1931 - Klaus Rifbjerg, danskur rithöfundur (d. 2015).
1952 - Yukitaka Omi, japanskur knattspyrnumaður.
1953 - Herbert Guðmundsson, íslenskur tónlistarmaður.
1960 - Irma Boom, hollenskur hönnuður.
1963 - Cristiana Oliveira, brasilísk leikkona.
1970 - Michael Shanks, kanadískur leikari.
1970 - Katla Margrét Þorgeirsdóttir, íslensk leikkona.
1971 - Milena Miconi, ítölsk leikkona.
1973 - Gísli Örn Garðarsson, íslenskur leikari.
1980 - Annalena Baerbock, þýsk stjórnmálakona.
1983 - Zlatan Ljubijankić, slóvenskur knattspyrnumaður.
1984 - Ragnheiður Gröndal, íslensk söngkona.
1987 - Yosuke Kashiwagi, japanskur knattspyrnumaður.

Dáin

1263 - Hákon gamli, Noregskonungur (f. 1204).
1467 - Jöns Bengtsson Oxenstierna, erkibiskup í Svíþjóð (f. um 1417).
1673 - Margaret Cavendish, enskur rithöfundur (f. 1623).
1675 - Johannes Vermeer, hollenskur listmálari (f. 1632).
1677 - Þorkell Arngrímsson, læknir og prestur í Görðum á Álftanesi (f. 1629).
1890 - Sitjandi Naut, indíánahöfðingi (f. um 1831).
1893 - Philip W. Heyman, danskur athafnamaður (f. 1837).
1916 - Þórhallur Bjarnarson biskup (f. 1855).
1950 - Vallabhbhai Patel, indverskur stjórnmálamaður (f. 1875).
1966 - Walt Disney, bandarískur teiknimyndaframleiðandi (f. 1901).
1994 - Sigurður H. Pétursson, íslenskur gerlafræðingur (f. 1907).
1999 - Ármann Kr. Einarsson, íslenskur rithöfundur (f. 1915).
2004 - Guðmundur E. Sigvaldason, íslenskur jarðfræðingur (f. 1932).
2008 - Anne-Cath.Vestly, norskur barnabókahöfundur (f. 1920).
2013 - Joan Fontaine, bandarísk leikkona (f. 1917).

Hátíðis- og tyllidagar

Samkvæmt kvæði Jóhannesar úr Kötlum, „Jólin koma“ kemur jólasveinninn Þvörusleikir til byggða þennan dag.