Luis Díaz

Luis Fernando Díaz Marulanda (fæddur 13. janúar 1997) er kólumbískur knattspyrnumaður sem spilar sem vængmaður fyrir Liverpool FC og kólumbíska landsliðið.

Luis Díaz
Upplýsingar
Fullt nafn	Luis Fernando Díaz Marulanda
Fæðingardagur	1. janúar 1997 (1997-13-01)
Fæðingarstaður	Barrancas, Kólumbía
Hæð	1,78m
Leikstaða	Vængmaður
Núverandi lið
Núverandi lið	Liverpool FC
Númer	23
Meistaraflokksferill1
Ár	Lið	Leikir (mörk)
2016-2017	Baranquilla FC	34 (3)
2017-2019	Atletico Junior	67 (15)
2019-2022	FC Porto	77 (26)
2022-	Liverpool FC	41 (12)
Landsliðsferill2
2017 2018-	Kólumbía U20 Kólumbía	5 (0) 43 (9)
1 Leikir með meistaraflokkum og mörk talið í aðaldeild liðsins og síðast uppfært nóv. 2023. 2 Landsliðsleikir og mörk uppfærð nóv. 2023.

Díaz hóf ferilinn með Baranquilla í heimalandinu en gekk til liðs við FC Porto ári 2019. Vann hann deildartitil í Primeira Liga ásamt bikartitlum.

Í janúar 2022 hélt hann til Liverpool fyrir £37.5 milljónir og samning í 5 ár. Hann skoraði sitt fyrsta mark fyrir félagið í febrúar á móti Norwich City.

Hann hefur spilað með landsliðinu síðan 2018 og lenti hann í 3. sæti með liðinu 2021 á Copa America. Þar var hann markahæstur ásamt Lionel Messi.

Díaz á ættir að rekja til Wayu-frumbyggja í N-Kólumbíu. Árið 2023 var foreldrum hans rænt í Kólumbíu.