15. september

15. september er 258. dagur ársins (259. á hlaupári) samkvæmt gregoríska tímatalinu. 107 dagar eru eftir af árinu.

Atburðir

• 668 - Keisarinn Konstans 2. var myrtur í baði í hallarbyltingu í Sýrakúsu á Sikiley. Hirðin sneri aftur til Konstantínópel eftir 5 ára fjarveru.
• 1590 - Úrbanus 7. var kjörinn páfi. Hann dó úr malaríu tólf dögum síðar og telst hafa verið skemmstan tíma í embætti af öllum páfum.
• 1604 - Svíar biðu ósigur fyrir Pólsk-litháíska samveldinu í orrustunni við Weissenstein.
• 1644 - Innósentíus 10. tók við sem páfi eftir lát Úrbanusar 8..
• 1647 - Brynjólfur Sveinsson biskup fékk Flateyjarbók að gjöf.
• 1821 – Gvatemala, El Salvador, Hondúras, Níkaragva og Kosta Ríka fengu sjálfstæði frá Spáni.
• 1929 - Kvæðamannafélagið Iðunn var stofnað.
• 1947 - Átta ára stúlka, Þórunn S. Jóhannsdóttir, hélt sína fyrstu píanótónleika í Reykjavík og var sögð undrabarn. Síðar varð hún eiginkona Vladimirs Ashkenazy, píanóleikara og hljómsveitarstjóra.
• 1962 - BSRB gerði sinn fyrsta kjarasamning við ríkið.
• 1964 - Breska dagblaðið The Sun var stofnað.
• 1967 - Sjónvarpsútsendingar varnarliðsins á Keflavíkurflugvelli voru takmarkaðar við flugvallarsvæðið og næsta nágrenni.
• 1967 - Þjóðgarður var stofnaður í Skaftafelli.
• 1972 - Franska kvikmyndin Háttvísir broddborgarar var frumsýnd.
• 1973 - Karl 16. Gústaf varð konungur Svíþjóðar, við andlát afa síns, Gústafs 6. Adolfs.
• 1976 - Ný félagsvísindadeild tók til starfa við Háskóla Íslands.
• 1981 - Út af Rit veiddist risalúða, sem reyndist vera 268 sentimetra löng og vó yfir fjórðung úr tonni.
• 1985 - Sif Sigfúsdóttir var kjörin fegurðardrottning Norðurlanda, en hún var þá 17 ára gömul.
• 1986 - Frakkland tók upp vegabréfsáritanir fyrir öll ríki utan Evrópubandalagsins að Sviss undanskildu.
• 1987 - Jóhannes Páll 2. páfi kom í opinbera heimsókn til Los Angeles í Bandaríkjunum.
• 1991 - Sósíaldemókratar í Svíþjóð biðu sinn versta kosningaósigur í 60 ár í þingkosningum. Forsætisráðherrann, Ingvar Carlsson, sagði af sér.
• 1993 - Kaþólski presturinn Pino Puglisi var myrtur í Palermó vegna baráttu sinnar gegn sikileysku mafíunni.
• 1994 - Helgi Áss Grétarsson varð heimsmeistari í skák í flokki 20 ára og yngri og varð jafnframt stórmeistari í skák.
• 1995 - Íslenska kvikmyndin Tár úr steini var frumsýnd.
• 1997 - Lénið Google var fyrst skráð. Fyrirtækið var formlega stofnað ári síðar.

• 2000 - Sumarólympíuleikar voru settir í Sydney.
• 2003 - Skæruliðar úr Þjóðfrelsisher Kólumbíu rændu átta erlendum ferðamönnum í Ciudad Perdida. Þeim var sleppt 100 dögum síðar.
• 2008 - Lehman Brothers, eitt stærsta fjármálafyrirtæki í heimi, varð gjaldþrota sem leiddi meðal annars til falls Glitnis.
• 2011 - Tveir úr áhöfn norsku farþegaferjunnar Nordlys fórust þegar eldur kom upp í skipinu.
• 2012 - Tónlistarhúsið í Stafangri var opnað.
• 2017 - 13 ára ferð geimkönnunarfarsins Cassini–Huygens lauk þegar það steyptist til jarðar á Satúrnusi.
• 2021 - Bandaríkin, Ástralía og Bretland undirrituðu þríhliða varnarsamninginn AUKUS til að mynda mótvægi við vaxandi umsvifum Kína.

Fædd

• 1254 - Marco Polo, ítalskur landkönnuður (d. 1324).
• 1307 - Einar Hafliðason, íslenskur rithöfundur (d. 1393).
• 1603 - Tokugawa Yorifusa, japanskur lávarður og níundi sonur Tokugawa Ieyasu (d. 1661).
• 1613 - François de la Rochefoucauld, franskur rithöfundur (d. 1680).
• 1643 - Jón Vigfússon, Hólabiskup (d. 1690).
• 1649 - Titus Oates, enskur prestur (d. 1705).
• 1789 - James Fenimore Cooper, bandarískur rithöfundur (d. 1851).
• 1830 - Porfirio Díaz, forseti Mexíkó (d. 1915).
• 1857 - William Howard Taft, Bandaríkjaforseti (d. 1930).
• 1884 - Samúel Jónsson, íslenskur myndlistarmaður (d. 1969).
• 1890 - Agatha Christie, enskur rithöfundur (d. 1976).
• 1904 - Úmbertó 2., síðasti konungur Ítalíu (d. 1983).
• 1908 - Miško Kranjec, slóvenskur rithöfundur (d. 1983).
• 1915 - Jens Otto Krag, danskur stjórnmálamaður (d. 1978).
• 1934 - Bjarni Jónsson, íslenskur myndlistarmaður (d. 2008).
• 1935 - Amalía Jóna Jónsdótirr, fyrsti íslenski kvenfangavörður á Íslandi.
• 1939 - John M. Dillon, írskur fornfræðingur.
• 1942 - Wen Jiabao, kínverskur stjórnmálamaður.
• 1942 - Emmerson Mnangagwa, forseti Simbabve.
• 1960 - Katsuyoshi Shinto, japanskur knattspyrnumaður.
• 1971 - Ragnar Bragason, íslenskur leikstjóri.
• 1972 - Letizia Spánardrottning.
• 1977 - Chimamanda Ngozi Adichie, nigeriskur rithofundur.
• 1978 - Eiður Smári Guðjohnsen, íslenskur knattspyrnumaður.
• 1980 - Katrín Atladóttir, íslensk badmintonkona.
• 1980 - Jolin Tsai, kínversk söngkona.
• 1981 - Guðrún Sóley Gunnarsdóttir, íslensk knattspyrnukona.
• 1984 - Harry Bretaprins.
• 1997 - Sigurður Sævar Magnúsarson, íslenskur myndlistarmaður.

Dáin

• 1700 - André Le Nôtre, franskur landslagsarkitekt (f. 1613).
• 1859 - Isambard Kingdom Brunel, enskur verkfræðingur (f. 1806).
• 1864 - John Hanning Speke, breskur landkönnuður (f. 1827).
• 1926 - Rudolf Eucken, þýskur heimspekingur og Nóbelsverðlaunahafi (f. 1846).
• 1960 - Héctor Castro, úrúgvæskur knattspyrnumaður (f. 1904).
• 1972 - Ásgeir Ásgeirsson, 2. forseti Íslands (f. 1894).
• 1973 - Gústaf 6. Adólf, konungur Svíþjóðar (f. 1882).
• 2007 - Colin McRae, skoskur rallýökumaður og fyrrverandi heimsmeistari (f. 1968).
• 2020 - Moussa Traoré, forseti Malí (f. 1936).
• 2022 - Ragnar Arnalds, stjórnmálamaður og rithöfundur (f. 1938).