10. desember

Nóv – Desember – Jan
Su	Má	Þr	Mi	Fi	Fö	La
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31
2025 Allir dagar

10. desember er 344. dagur ársins (345. á hlaupári) samkvæmt gregoríska tímatalinu. 21 dagur er eftir af árinu.

Atburðir

741 - Sakarías varð páfi.
1317 - Birgir Magnússon hélt gestaboðið í Nyköping, þar sem hann tók bræður sína, Eirík og Valdimar, til fanga og varpaði þeim í dýflissu þar sem þeir létust á útmánuðum 1318.
1508 - Heilaga bandalagið milli Maximilíans 1. keisara hins Heilaga rómverska ríkis, Júlíusar 2. páfa, Loðvíks 12. Frakkakonungs og Ferdinands 2. af Aragóníu, var myndað gegn Feneyingum.
1680 - Karl 11. Svíakonungur gerðist einvaldur.
1684 - Edmund Halley las afleiðslu lögmála Keplers út frá kenningu Newtons um þyngdaraflið upp á fundi hjá Konunglega breska vísindafélaginu.
1807 - James Johnston skipherra uppgötvaði Johnstoneyju í Kyrrahafinu.
1886 - Í Þjóðólfi birtist fyrsta íslenska auglýsingin um tannlækningar er Oscar Nickolin auglýsti „tannlækningar án þess að draga tennurnar úr“.
1898 - Parísarsáttmálinn 1898 var undirritaður. Þá fengu Bandaríkin yfirráð yfir Púertó Ríkó og Spánverjar viðurkenndu sjálfstæði Kúbu.
1901 - Nóbelsverðlaunin voru veitt í fyrsta sinn í Stokkhólmi.
1907 - Fyrsta bílferð norðanlands átti sér stað þegar vörubíl var ekið frá Akureyri að Grund í Eyjafirði.
1924 - Rauði kross Íslands var stofnaður í Reykjavík. Fyrsti formaður var Sveinn Björnsson, síðar forseti Íslands.
1936 - Játvarður 8. Englandskonungur undirritaði afsögn sína.
1939 - Rauði kross Íslands og Norræna félagið stóðu fyrir söfnun í nokkrar vikur til handa Finnum vegna innrásar Rússa í Finnland.
1948 - Mannréttindayfirlýsing Sameinuðu þjóðanna var samþykkt.
1955 - Halldór Laxness veitti viðtöku Nóbelsverðlaunum sínum í Stokkhólmi.
1970 - Aleksandr Solzhenitsyn var neitað um fararleyfi frá Sovétríkjunum til að taka við bókmenntaverðlaunum Nóbels.
1972 - Minjasafnskirkjan á Akureyri, fyrrum Svalbarðskirkja, var endurvígð sem guðshús og safngripur Minjasafnsins á Akureyri.
1975 - Skæruliðasamtökin Polisario hófu vopnaða baráttu við hernámslið Marokkó og Máritaníu í Vestur-Sahara.
1982 - Ísland skrifaði undir hafréttarsáttmála Sameinuðu þjóðanna ásamt 119 öðrum þjóðum, en þessi sáttmáli hafði verið baráttumál Íslands í áratugi.
1983 - Raúl Alfonsín tók við embætti sem forseti Argentínu.
1984 - Bandaríska fyrirtækið Cisco Systems var stofnað.
1991 - Á fundi 12 aðildarlanda Evrópusambandsins í Maastricht var ákveðið að taka upp nánara stjórnmála- og efnahagssamband með sameiginlegri mynt.
1993 - Tölvuleikurinn Doom kom á markað.
1993 - Drammens Teater í Drammen í Noregi eyðilagðist í bruna.
1997 - Astana varð höfuðborg Kasakstan í stað Almaty.

2001 - Nýsjálenska kvikmyndin Hringadróttinssaga: Föruneyti hringsins var frumsýnd.
2005 - Unnur Birna Vilhjálmsdóttir sigraði í keppninni Ungfrú heimur 2005 í Sanya í Kína.
2008 - Fyrstu lýðræðislegu kosningarnar voru haldnar á krúnunýlendunni Sark sem varð þar með síðasta svæðið í Evrópu þar sem lénskerfi var lagt niður.
2009 - Bandaríska kvikmyndin Avatar var frumsýnd.
2010 - Afhending friðarverðlauna Nóbels fór fram en viðtakandinn, Liu Xiaobo var ekki viðstaddur því hann sat í fangelsi í heimalandi sínu, Kína.
2016 - 38 létust og 166 slösuðust í sprengingu í miðborg Istanbúl.
2019 - Sanna Marin varð yngsti forsætisráðherra í sögu Finnlands, 34 ára.

Fædd

1394 - Jakob 1. Skotakonungur (d. 1437).
1610 - Adriaen van Ostade, hollenskur listmálari (d. 1685).
1699 - Kristján 6. Danakonungur (d. 1746).
1804 - Carl Gustav Jacob Jacobi, þýskur stærðfræðingur (d. 1851).
1815 - Ada Lovelace, enskur stærðfræðingur (d. 1852).
1830 - Emily Dickinson, bandarískt skáld (d. 1886).
1889 - Theodór Árnason, íslenskur þýðandi (d. 1952).
1891 - Nelly Sachs, þýskur rithöfundur (d. 1970).
1907 - Lucien Laurent, franskur knattspyrnumaður (d. 2005).
1908 - Mario Evaristo, argentínskur knattspyrnumaður (d. 1993).
1917 - D.R. Shackleton Bailey, enskur fornfræðingur (d. 2005).
1941 - Kyu Sakamoto, japanskur söngvari og leikari (d. 1985).
1942 - Aritatsu Ogi, japanskur knattspyrnumaður.
1954 - Florentin Smarandache, rúmenskur stærðfræðingur.
1960 - Kenneth Branagh, breskur leikari.
1972 - Brian Molko, söngvari og gítarleikari (Placebo).
1981 - Hólmar Örn Rúnarsson, íslenskur knattspyrnumaður.
1982 - Sultan Kösen, hæsti maður heims.
1985 - Lê Công Vinh, víetnamskur knattspyrnumaður.

Dáin

1636 - Randal MacDonnell, írskur jarl.
1865 - Leópold 1. Belgíukonungur (f. 1790).
1893 - Johan Fritzner, norskur orðabókarhöfundur (f. 1812).
1896 - Alfred Nobel, sænskur efnafræðingur (f. 1833).
1936 - Luigi Pirandello, ítalskt leikskáld (f. 1867).
1942 - Ólafur Kalstað Þorvarðsson, Sundhallarforstjóri og formaður Knattspyrnufélagsins Fram (f. 1911).
1967 - Otis Redding, bandarískur söngvari (f. 1941).
2002 - Andres Küng, sænskur rithöfundur (f. 1945).
2005 - Richard Pryor, bandarískur gamanleikari (f. 1940)
2006 - Augusto Pinochet, einræðisherra í Chile (f. 1915)