31. mars

31. mars er 90. dagur ársins (91. á hlaupári) samkvæmt gregoríska tímatalinu. 275 dagar eru eftir af árinu.

Atburðir

• 1344 - Jón Sigurðsson Skálholtsbiskup aflagði Ágústínusarreglu í Viðey og klaustrið varð aðsetur Benediktsmunka til 1352.
• 1376 - Gregoríus 11. páfi bannfærði alla stjórnendur Flórens og setti borgina í bann.
• 1492 - Ferdínand og Ísabella fyrirskipuðu brottrekstur allra gyðinga frá Spáni nema þeir snerust til kaþólskrar trúar.
• 1532 - Englendingar börðust við þýska kaupmenn um hafnaraðstöðu á Básendum og biðu ósigur.
• 1547 - Hinrik 2. varð konungur Frakklands.
• 1814 - Napóleonsstyrjaldirnar: Alexander 1. Rússakeisari og Friðrik Vilhjálmur 3. Prússakonungur riðu inn í París.
• 1829 - Francesco Saverio Castiglioni varð Píus 8. páfi.
• 1854 - Sjóguninn af Japan neyddist til að undirrita friðar- og vináttusamning við bandaríska flotaforingjann Matthew C. Perry.
• 1856 - Krímstríðinu lauk með friðarsamningum í París.
• 1863 - Kona kaus í fyrsta sinn í bæjarstjórnarkosningum á Íslandi og var það Maddama Vilhelmina Lever á Akureyri.
• 1880 - Wabash í Indiana í Bandaríkjunum varð fyrsti raflýsti bær heimsins.
• 1889 - Eiffelturninn var vígður.
• 1905 - Gull fannst við jarðborun í Vatnsmýri við Öskjuhlíð í Reykjavík. Magnið var of lítið til að vera vinnanlegt.
• 1909 - Björn Jónsson tók við ráðherraembætti af Hannesi Hafstein. Björn sat í tvö ár.
• 1909 - Serbía viðurkenndi yfirráð Austurríkis yfir Bosníu-Hersegóvínu.
• 1917 - Bandaríkin keyptu Dönsku Vestur-Indíur af Dönum og borguðu 25 milljónir dollara fyrir. Síðan hafa eyjarnar heitið Bandarísku Jómfrúreyjar.
• 1931 - Jarðskjálfti lagði Managva í Níkaragva í rúst og 2.000 manns dóu.
• 1948 - Heimastjórnarlögin 1948 voru gefin út um stöðu Færeyja í Danmörku.
• 1949 - Samtök rafverktaka stofnuð í Reykjavík.
• 1955 - Togarinn Jón Baldvinsson strandaði við Reykjanes. Allri áhöfninni var bjargað, 42 mönnum.
• 1959 - Tenzin Gyatso, fjórtándi Dalaí Lama, fékk pólitískt hæli á Indlandi.
• 1964 - Brasilíski herinn framdi valdarán gegn João Goulart, forseta Brasilíu.
• 1966 - Sovétríkin skutu upp geimfarinu Luna 10 og komu því á sporbaug um tunglið.
• 1967 - Á Raufarhöfn mældist 205 cm snjódýpt og þykir það með fádæmum í þéttbýli á Íslandi.
• 1969 - Kjörís hóf starfsemi í Hveragerði.
• 1970 - Japanski rauði herinn rændi flugvél Japan Airlines á leið frá Tókýó til Fukuoka með 131 farþega.
• 1974 - Breska flugfélagið British Airways var stofnað.
• 1979 - Steingrímur Hermannsson tók við af Ólafi Jóhannessyni sem formaður Framsóknarflokksins.
• 1979 - Varnarsamningur milli Möltu og Bretlands rann út og síðasti breski hermaðurinn fór frá eyjunni.
• 1979 - Ísrael sigraði Söngvakeppni evrópskra sjónvarpsstöðva með laginu „Hallelujah“ sem flutt var af söngkonunni Gali Atari og sönghópnum Milk & Honey.
• 1986 - 167 létust þegar Boeing 747-farþegavél hrapaði í Mexíkó.
• 1989 - Línuhraðall, tæki til geislameðferðar vegna krabbameina, var tekinn í notkun á Landspítala Íslands.
• 1990 - Nefskattsóeirðirnar í Bretlandi: „Önnur orrustan um Trafalgar“ átti sér stað þegar óeirðir brutust út á Trafalgartorgi í London.
• 1991 - Varsjárbandalagið var leyst upp.
• 1991 - Fyrstu fjölflokkakosningarnar voru haldnar í Albaníu.
• 1991 - Yfir 99% kjósenda í þjóðaratkvæðagreiðslu um sjálfstæði Georgíu samþykktu.
• 1994 - Tímaritið Nature sagði frá uppgötvun fyrstu heilu hauskúpu Australopithecus afarensis í Eþíópíu.
• 1995 - Bandarísk-mexíkóska söngkonan Selena var myrt af fyrrum starfsmanni sínum, Yolanda Saldívar.
• 1997 - Barnaþættirnir Stubbarnir hófu göngu sína á BBC Two.
• 1998 - Netscape gaf frumkóða Mozilla-vafrans út með frjálsu afnotaleyfi.
• 1999 - Bandaríska kvikmyndin Fylkið var frumsýnd.
• 2002 - Svissneska flugfélagið Swissair varð gjaldþrota.
• 2003 - 400 fórust í aurskriðu sem fór yfir námubæinn Chima í Bólivíu.
• 2006 - Menntaskólinn í Reykjavík sigrar Morfís það árið.
• 2007 - Íbúar Hafnarfjarðar höfnuðu stækkun Álversins í Straumsvík.
• 2009 - 200 flóttamenn fórust í Miðjarðarhafi milli Líbíu og Ítalíu.
• 2009 - Benjamin Netanyahu myndaði stjórn í Ísrael þrátt fyrir að hafa beðið lægri hlut fyrir Tzipi Livni í kosningum.

• 2011 - Mayotte varð frönsk handanhafssýsla og þar með hluti af Frakklandi.
• 2011 - Hersveitir Alassane Ouattara héldu inn í höfuðborg Fílabeinsstrandarinnar til að setja forsetann, Laurent Gbagbo, af eftir að hann hafði neitað að viðurkenna tap í forsetakosningum árið áður.
• 2012 - Fyrsta danska hraðbrautin sem reist var sem einkaframkvæmd, Sønderborg-hraðbrautin, var opnuð ári fyrr en áætlað var.
• 2013 - Fyrsta tilvikið þar sem fuglaflensuveiran H7N9 smitaðist í mann greindist í Kína.
• 2014 - Alþjóðadómstóllinn úrskurðaði að hvalveiðar Japana í Suður-Íshafi gætu ekki talist í vísindaskyni og ættu ekki að fá fleiri leyfi.
• 2015 - Muhammadu Buhari varð forseti Nígeríu.
• 2016 - Stríðsglæpadómstóll Sameinuðu þjóðanna sýknaði serbneska þjóðernissinnann Vojislav Šešelj af ásökunum um glæpi gegn mannkyni.
• 2017 - Kvennaskólinn í Reykjavík sigrar í Gettu betur í annað sinn.

Fædd

• 1499 - Píus 4. páfi (d. 1565).
• 1519 - Hinrik 2. Frakkakonungur (d. 1559).
• 1596 - René Descartes, heimspekingur og stærðfræðingur (d. 1650).
• 1675 - Benedikt 14. páfi (d. 1758).
• 1684 - Francesco Durante, ítalskt tónskáld (d. 1755).
• 1723 - Friðrik V Danakonungur (d. 1766).
• 1732 - Joseph Haydn, austurrískt tónskáld (d. 1809).
• 1781 - Bjarni Thorsteinsson, amtmaður (d. 1876).
• 1791 - Páll Melsteð, amtmaður, sýslumaður og alþingismaður (d. 1861).
• 1809 - Nikolaj Gogol, rússneskur rithöfundur (d. 1852).
• 1819 - Chlodwig zu Hohenlohe-Schillingsfürst, þýskur stjórnmálamaður (d. 1901).
• 1835 - Theodor Wisén, sænskur norrænufræðingur (d. 1892).
• 1872
  • Aleksandra Kollontaj, sovésk stjórnmálakona og erindreki (d. 1952).
  • Helgi Pjeturss, íslenskur jarðfræðingur (d. 1949).
• 1914 - Octavio Paz, mexíkóskur rithöfundur og Nóbelsverðlaunahafi (d. 1998).
• 1919 - Stefán Hörður Grímsson, íslenskt skáld (d. 2002).
• 1921 - Jón Múli Árnason, íslenskur útvarpsmaður (d. 2002).
• 1928 - Sigurður A. Magnússon, íslenskur rithöfundur (d. 2017).
• 1934 - Shirley Jones, bandarísk leikkona.
• 1935 - Richard Chamberlain, bandarískur leikari.
• 1936 - Towa Carson, sænsk söngkona.
• 1939 - Zviad Gamsakhurdia, forseti Georgíu (d. 1993).
• 1943 - Christopher Walken, leikari
• 1948 - Al Gore, fyrrverandi varaforseti Bandaríkjanna.
• 1964 - Olexander Túrtsínov, úkraínskur stjórnmálamaður.
• 1967 - Ľubomír Luhový, slóvakískur knattspyrnumaður.
• 1968 - César Sampaio, brasilískur knattspyrnumyndir.
• 1971 - Ewan McGregor, skoskur leikari.
• 1973 - Þrúður Vilhjálmsdóttir, íslensk leikkona.
• 1973 - Kristján Guy Burgess, íslenskur stjórnmálafræðingur.
• 1982 - Chloé Zhao, kínverskur kvikmyndaleikstjóri.
• 1985 - Jessica Szohr, bandarísk leikkona.

Dáin

• 1296 - Þorvarður Þórarinsson, íslenskur goðorðsmaður og riddari af ætt Svínfellinga.
• 1340 – Ívan 1. af Moskvu (f. 1288).
• 1547 - Frans 1. Frakkakonungur (f. 1494).
• 1621 - Filippus 3. Spánarkonungur (f. 1578).
• 1631 - John Donne, enskur rithöfundur (f. 1572).
• 1727 - Isaac Newton, enskur vísindamaður (f. 1642).
• 1748 - Árni Hallvarðsson, prestur á Hvalsnesi á Suðurnesjum (f. 1712).
• 1837 - John Constable, enskur listmálari (f. 1776).
• 1850 - John C. Calhoun, varaforseti Bandaríkjanna (f. 1782).
• 1855 - Charlotte Brontë, enskur rithöfundur (f. 1816).
• 1917 - Emil von Behring, þýskur örverufræðingur og nóbelsverðlaunahafi (f. 1854).
• 1945 - Anna Frank, dagbókarhöfundur (f. 1929).
• 1980 - Jesse Owens, bandarískur íþróttamaður (f. 1913).
• 1988 - William McMahon, færsætisráðherra Ástralíu (f. 1908).
• 1993 - Brandon Lee, bandarískur leikari (f. 1965).
• 1995 - Selena, bandarísk söngkona (f. 1971).
• 2008 - Gunnar Gíslason, íslenskur prestur (f. 1914).
• 2009 - Raul Alfonsin, forseti Argentínu (f. 1927).
• 2016 - Imre Kertész, ungverskur rithöfundur (f. 1929).
• 2017 - Tino Insana, bandarískur leikari (f. 1948).