23. janúar

23. janúar er 23. dagur ársins samkvæmt gregoríska tímatalinu. 342 dagar (343 á hlaupári) eru eftir af árinu.

Atburðir

• 393 - Þeódósíus mikli lýsti son sinn Honoríus, meðkeisara í Vestrómverska keisaradæminu.
• 1045- Játvarður góði gekk að eiga Edit af Wessex og hóf byggingu Westminster Abbey.
• 1295 - Benedetto Caetani varð Bonifasíus 8. páfi.
• 1579 - Utrechtsambandið sameinaði norðurhéruð Niðurlanda í Héraðssamband Niðurlanda og Vilhjálmur þögli varð ríkisstjóri.
• 1608 - Frakkland og Holland gerðu með sér varnarbandalag fyrir milligöngu Pierre Jeannin.
• 1698 - Georg Lúðvík af Hanóverætt varð kjörfursti af Hanóver.
• 1719 - Furstadæmið Liechtenstein varð til.
• 1741 - Sjö manns fórust í húsbruna á Hvítárvöllum í Borgarfirði.
• 1793 - Önnur skipting Póllands milli Prússlands, Rússlands, Heilaga rómverska ríkisins og Danmerkur var samþykkt.
• 1831 - Fáni Belgíu var formlega tekinn upp.
• 1907 - Jón forseti, fyrsti togarinn sem var smíðaður fyrir Íslendinga, kom til Íslands.
• 1943 - Duke Ellington spilaði í fyrsta sinn í Carnegie Hall.
• 1973 - Eldgos hófst á Heimaey.
• 1977 - Sjónvarpsþáttaröðin Rætur hóf göngu sína á ABC.
• 1978 - Svíþjóð bannaði notkun á gasi í þrýstihylkjum, sem talið er að skaði ósonlagið.
• 1979 - Fyrsti reyklausi dagurinn á Íslandi.
• 1989 - 275 manns fórust í jarðskjálfta sem gekk yfir Sovétlýðveldið Tadjikistan.
• 1997 - Mir Qazi var dæmdur til dauða í Bandaríkjunum fyrir skotárás á höfuðstöðvar CIA.
• 2001 - Fimm manneskjur kveiktu í sér á Tiananmentorgi í Beijing.
• 2002 - Bandaríska blaðamanninum Daniel Pearl var rænt og hann myrtur í Pakistan.
• 2004 - Yfir 50 fórust þegar eldur kom upp í brúðkaupsveislu í Srirangam á Indlandi.
• 2005 - Viktor Júsjenkó tók við embætti sem þriðji forseti Úkraínu.
• 2007 - Ríkisútvarpinu var breytt í opinbert hlutafélag.
• 2007 - Baráttusamtök eldri borgara og öryrkja voru stofnuð á Íslandi.

• 2008 - Palestínumenn sprengdu gat á landamæramúr við landamæri Egyptalands. Fjöldi fólks flykktist í gegn til að kaupa mat og aðrar nauðsynjar.
• 2009 - Uppreisnarleiðtoginn Laurent Nkunda var tekinn höndum af Rúandaher.
• 2011 - Þúsundir mótmæltu vegna stjórnarkreppunnar í Belgíu.
• 2012 - Evrópusambandið tók upp viðskiptaþvinganir gagnvart Íran vegna kjarnorkuáætlunarinnar.
• 2013 - Fyrstu Pebble-snjallúrin komu á markað.
• 2015 - Salman prins tók við konungdómi í Sádí-Arabíu.
• 2020 – Kórónaveirufaraldurinn 2019–2021: Kínverska borgin Wuhan var sett í sóttkví.
• 2022 - Roch Marc Christian Kaboré, forseta Búrkína Fasó, var steypt af stóli í valdaráni hersins.
• 2022 - Yfir 100 létust á Madagaskar, Malaví og Mósambík þegar hitabeltisstormurinn Ana gekk þar yfir.

Fædd

• 1737 - John Hancock, bandarískur stjórnmálamaður (d. 1793).
• 1813 - Camilla Collett, norskur rithöfundur og kvenréttindasinni (d. 1895).
• 1832 - Édouard Manet, franskur listmálari (d. 1883).
• 1862 - David Hilbert, þýskur stærðfræðingur (d. 1943).
• 1862 - Frank Shuman, bandarískur verkfræðingur (d. 1918).
• 1896 - Karlotta af Lúxemborg, stórhertogaynja (d. 1985).
• 1897 - Sir William Stephenson, íslensk-kanadískur athafnamaður, hugvitsmaður og njósnari, talinn ein helsta fyrirmyndin að James Bond (d. 1989).
• 1898 - Sergei Eisenstein, rússneskur kvikmyndagerðarmaður (d. 1948).
• 1899 - Jakob Guðjohnsen, íslenskur verkfræðingur (d. 1968).
• 1910 - Django Reinhardt, belgískur gítarleikari (d. 1953).
• 1930 - Derek Walcott, enskt skáld.
• 1942 - Helena Eyjólfsdóttir, íslensk söngkona.
• 1942 - Sighvatur Björgvinsson, íslenskur stjórnmálamaður.
• 1947 - Megawati Sukarnoputri, indónesísk stjórnmálakona.
• 1949 - Þuríður Sigurðardóttir, íslensk söngkona og myndlistarmaður.
• 1952 - Valgeir Guðjónsson, íslenskur tónlistarmaður.
• 1954 - Guðný Halldórsdóttir, íslenskur leikstjóri.
• 1956 - Kazumi Tsubota, japanskur knattspyrnumaður.
• 1957 - Ólafur Ólafsson, íslenskur kaupsýslumaður.
• 1960 - Max Keiser, bandarískur útvarpsmaður.
• 1966 - Haraldur Benediktsson, íslenskur stjórnmálamaður.
• 1967 - Magdalena Andersson, forsætisráðherra Svíþjóðar.
• 1973 - Dee Caffari, ensk siglingakona.
• 1973 - Júdíf, rússnesk söngkona.
• 1984 - Arjen Robben, hollenskur knattspyrnumaður.
• 1984 - Dragan Mrđa, serbneskur knattspyrnumaður.
• 1985 - Dong Fangzhuo, kínverskur knattspyrnumaður.
• 1993 - Ryota Oshima, japanskur knattspyrnumaður.
• 1994 - Chan Vathanaka, kambódískur knattspyrnumaður.

Dáin

• 1002 - Ottó 3., keisari hins Heilaga rómverska ríkis (f. 980).
• 1516 - Ferdinand 2. af Aragóníu (f. 1452).
• 1570 - James Stewart, jarl af Moray, ríkisstjóri Skotlands (f. um 1531).
• 1622 - William Baffin, enskur landkönnuður (f. 1584).
• 1803 - Arthur Guinness, írskur bruggari (f. 1725).
• 1806 - William Pitt yngri, breskur stjórnmálamaður (f. 1759).
• 1883 - Gustave Doré, franskur myndlistarmaður (f. 1832).
• 1944 - Edvard Munch, norskur listamaður (f. 1863).
• 1963 - Józef Gosławski, pólskur myndhöggvari (f. 1908).
• 1989 - Salvador Dalí, katalónskur listamaður (f. 1904).
• 1999 - Jakob Benediktsson, íslenskur ritstjóri (f. 1907).
• 2002 - Robert Nozick, bandarískur heimspekingur (f. 1938).
• 2002 - Pierre Bourdieu, franskur félagsvísindamaður (f. 1930).
• 2003 - Rúrik Haraldsson, íslenskur leikari (f. 1926).
• 2004 - Vasílíj Mítrokhín, rússneskur leyniþjónustumaður (f. 1922).
• 2004 - Helmut Newton, ástralskur ljósmyndari (f. 1920).
• 2011 - Jack LaLanne, bandarískur leikari (f. 1914).
• 2015 - Abdullah bin Abdul Aziz al-Saud, konungur Sádi-Arabíu (f. 1924).
• 2019 - Loftur Jóhannesson, íslenskur vopnasali (f. 1930).
• 2021 - Larry King, bandarískur útvarps- og sjónvarpsmaður (f. 1933).
• 2021 – Hal Holbrook, bandarískur leikari (f. 1925).