30. júlí

Jún – Júlí – Ágú
Su	Má	Þr	Mi	Fi	Fö	La
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31
2024 Allir dagar

30. júlí er 211. dagur ársins (212. á hlaupári) samkvæmt gregoríska tímatalinu. 154 dagar eru eftir af árinu.

Atburðir

• 657 - Vítalíanus páfi tók við embætti.
• 1514 - Rússar hertóku pólsku borgina Smolensk.
• 1588 - Englendingar unnu sigur á Flotanum ósigrandi.
• 1609 - Franski landkönnuðurinn Samuel de Champlain tók þátt í orrustu milli Húronindíána og Írókesa og skaut tvo höfðingja Írókesa til bana.
• 1619 - Burgeisaþingið, fyrsta þing landnema í Norður-Ameríku kom saman í Jamestown, Virginíu.
• 1626 - Um tíu þúsund manns létust þegar jarðskjálfti reið yfir Napólí á Ítalíu.
• 1627 - Ítölsku bæirnir Torremaggiore og San Severino hrundu í jarðskjálfta.
• 1797 - Geir Vídalín var vígður biskup og fór vígslan fram á Hólum, en aðsetur biskups skyldi vera í Reykjavík.
• 1874 - Kristján 9. Danakonungur kom til Íslands til að vera viðstaddur þjóðhátíð í byrjun ágúst. Hann var fyrsti konungur Íslands sem kom til landsins.
• 1907 - Friðrik 8. Danakonungur kom til Íslands og ferðaðist um Suðurland auk þess að fara til Ísafjarðar, Akureyrar og Seyðisfjarðar.
• 1909 - Giftar konur fengu kosningarétt á Íslandi, svo og þær vinnukonur sem greiddu opinber gjöld.
• 1912 - Taishō keisari tók við völdum í Japan.
• 1927 - Fyrsta ólympíuskákmótinu lauk með sigri Ungverja.
• 1930 - Fyrstu heimsmeistarakeppninni í knattspyrnu lauk í Úrúgvæ.
• 1932 - Sumarólympíuleikar voru settir í Los Angeles.
• 1946 - Bifreið var ekið í fyrsta sinn úr Fljótum um Lágheiði og til Ólafsfjarðar og tók ferðin 6 klukkustundir.
• 1950 - Skúli Guðmundsson setti Íslandsmet í hástökki sem stóð í 10 ár.
• 1951 - Örn Clausen varð Norðurlandameistari í tugþraut, þá 22 ára gamall.
• 1961 - Brú var vígð yfir Hornafjarðarfljót og var hún þá næstlengsta brú Íslands, 255 metrar.
• 1964 - Íslensk málnefnd var stofnuð þegar Gylfi Þ. Gíslason, menntamálaráðherra, undirritaði reglugerð þess efnis.
• 1971 - 162 létust í árekstri Boeing 727-farþegaþotu og herþotu í Japan.
• 1977 - Stálvík í Garðabæ hleypti af stokkunum fyrsta skuttogara, sem smíðaður var á Íslandi, Stálvík, SI.
• 1980 - Vanúatú fékk sjálfstæði frá Bretlandi og Frakklandi.
• 1980 - Jerúsalemlögin voru samþykkt af ísraelska þinginu.
• 1993 - Bæjarhátíðin Neistaflug var haldin í fyrsta sinn í Neskaupstað.
• 1994 - Langferðabíll með 32 erlenda ferðamenn valt út af veginum fyrir ofan Bólstaðarhlíð í Austur-Húnavatnssýslu. Fjölmargir slösuðust og ellefu voru lagðir á sjúkrahús.
• 1997 - 18 fórust í skriðu í Snowy Mountains í Ástralíu.
• 1998 - Obuchi Keizo tók við af Ryūtarō Hashimoto sem forsætisráðherra Japans.
• 1998 - Skemmtistaðurinn Tunglið við Lækjargötu gjöreyðilagðist í eldsvoða.
• 2000 - Stafkirkja var vígð í Vestmannaeyjum. Hún var gjöf frá Norðmönnum.
• 2002 - Eftir Enron- og Worldcom-hneykslin undirritaði George W. Bush Sarbanes-Oxley-lögin um ábyrgð stjórnarmanna og aukið gagnsæi.

• 2003 - Síðasta Volkswagen bjallan var framleidd í Mexíkó. Þá höfðu 21.529.464 bílar af þessari gerð verið framleiddir frá 1938.
• 2004 - Yfir 15 létust þegar sprenging varð í gasröri utan við belgíska bæinn Ath.
• 2006 - Árásin á Qana: 54 almennir borgarar létust í loftárás Ísraelshers á bæinn Qana í suðurhluta Líbanon.
• 2010 - Airblue flug 202 hrapaði við Islamabad í Pakistan. Allir 152 um borð fórust. Þetta var versta flugslys í sögu Pakistan.
• 2012 - Rafmagnsleysið á Indlandi 2012: 620 milljónir manna voru án rafmagns í versta rafmagnsleysi sögunnar.
• 2017 - Vladimír Pútín rak 755 bandaríska erindreka frá Rússlandi vegna viðskiptaþvingana.
• 2019 – Skyndskilnaðir að íslömskum hætti voru bannaðir á Indlandi.
• 2020 - Mars 2020: NASA sendi geimfar til Mars með tvo marsbíla sem eiga að kanna hvort líf geti hafa þróast á Mars.

Fædd

• 1549 - Ferdínand 1. de' Medici, stórhertogi Toskana (d. 1609).
• 1610 - Lorens von der Linde, sænskur hermarskálkur (d. 1670).
• 1641 - Reinier de Graaf, hollenskur læknir (d. 1673).
• 1818 - Emily Brontë, enskur rithöfundur (d. 1848).
• 1857 - Thorstein Veblen, bandarískur hagfræðingur (d. 1929).
• 1863 - Henry Ford, bandarískur athafnamaður (d. 1947).
• 1888 - Jón Dúason, íslenskur hagfræðingur (d. 1967).
• 1888 - Werner Jaeger, þýskur fornfræðingur (d. 1961).
• 1889 - Magnús Björnsson á Syðra-Hóli, íslenskur rithöfundur (d. 1963).
• 1903 - Anna Borg, íslensk leikkona (d. 1963).
• 1918 - Auður Laxness, íslensk handverkskona (d. 2012).
• 1943 - Giovanni Goria, fyrrum forsætisráðherra Ítalíu (d. 1994).
• 1945 - Patrick Modiano, franskur rithöfundur og Nóbelsverðlaunahafi.
• 1947 - Arnold Schwarzenegger, bandarískur kvikmyndaleikari.
• 1948 - Sigurður Pálsson, íslenskt skáld (d. 2017).
• 1954 - Emil Gunnar Guðmundsson, íslenskur leikari.
• 1956 - Árni Sigfússon, bæjarstjóri Reykjanesbæjar.
• 1960 - Árni Þór Sigurðsson, íslenskur stjórnmálamaður.
• 1961 - Laurence Fishburne, bandarískur leikari.
• 1963 - Lisa Kudrow, bandarísk leikkona.
• 1964 - Jürgen Klinsmann, þýskur knattspyrnumaður.
• 1971 - Claude Dambury, franskur knattspyrnumaður.
• 1974 - Tryggvi Guðmundsson, íslenskur knattspyrnumaður.
• 1974 - Hilary Swank, bandarisk leikkona.
• 1982 - Yvonne Strahovski, áströlsk leikkona.
• 1990 - Ragnhildur Alda Vilhjálmsdóttir, íslensk stjórnmálakona.
• 1992 - Fabiano Caruana, bandarískur skákmeistari.
• 1999 - Joey King, bandarísk leikkona.
• 1999 - Gísli Þorgeir Kristjánsson, íslenskur handknattleiksmaður.

Dáin

• 579 - Benedikt 1. páfi.
• 1284 - Sturla Þórðarson sagnaritari (f. um 1215).
• 1825 - Benedikt Gröndal eldri, íslenskur lögmaður (f. 1762).
• 1898 - Otto von Bismarck, kanslari Þýskalands (f. 1815).
• 1912 - Meiji keisari Japans (f. 1852).
• 1968 - Jón Leifs, íslenskt tónskáld (f. 1899).
• 1988 - Ólafur Jóhann Sigurðsson, íslenskur rithöfundur (f. 1918).
• 1993 - Tryggvi Emilsson, íslenskur rithöfundur (f. 1902).
• 1994 - Stefán Jónsson frá Möðrudal, íslenskur myndlistarmaður (f. 1908).
• 2007 - Michelangelo Antonioni, ítalskur leikstjóri (f. 1912).
• 2007 - Ingmar Bergman, sænskur leikstjóri (f. 1918).