1985

Árþúsund:	2. árþúsundið
Aldir:	19. öldin; 20. öldin ; 21. öldin;
Áratugir:	1961–1970; 1971–1980; 1981–1990; 1991–2000; 2001–2010;
Ár:	1982; 1983; 1984; 1985; 1986; 1987; 1988;

Árið 1985 (MCMLXXXV í rómverskum tölum) var 85. ár 20. aldar sem hófst á þriðjudegi. Árið var kallað alþjóðlegt ár æskunnar hjá Sameinuðu þjóðunum.

Atburðir Breyta

Janúar Breyta

Hitatölur á Ítalíu í janúar 1985.

1. janúar - Íslensk málstöð var stofnuð.
1. janúar - DNS-kerfið var stofnað á Internetinu.
1. janúar - Grænland dró sig út úr Evrópusambandinu.
1. janúar - Vodafone setti af stað fyrsta farsímakerfið í Bretlandi.
4. janúar - Kaffibaunamálið komst í hámæli þegar Helgarpósturinn greindi frá rannsókn skattrannsóknarstjóra á kaupum SÍS á kaffibaunum frá Brasilíu.
5. janúar - Richard Stallman sagði starfi sínu hjá MIT lausu og hóf á fullu vinnu við GNU-verkefnið.
8. janúar - Reykingabann tók gildi á Rauða torginu í Moskvu.
12. janúar - Metfrost urðu á Mið-Ítalíu. Fjöldi ólífutrjáa drapst.
13. janúar - 418 létust og 559 særðust í einu mannskæðasta lestarslysi sögunnar við Awash í Eþíópíu.
14. janúar - Jóhannes Páll 2. páfi útnefndi Þorlák helga verndardýrling Íslands.
15. janúar - Tancredo Neves var kjörinn forseti Brasilíu af brasilíska þinginu.
21. janúar - Sprenging olli skemmdum á Borobudur í Indónesíu.
27. janúar - Efnahagssamvinnustofnun Svartahafsríkja var stofnuð.
28. janúar - Lagið „We Are the World“ var tekið upp í Hollywood af samtökunum USA for Africa.

Febrúar Breyta

1. febrúar - Keiluhöllin var opnuð í Öskjuhlíð.
3. febrúar - Desmond Tutu varð fyrsti þeldökki biskup biskupakirkjunnar í Jóhannesarborg.
4. febrúar - Landamærin milli Spánar og Gíbraltar voru opnuð í fyrsta sinn frá 1969.
6. febrúar - Steve Jobs hætti störfum hiá Apple Computer.
7. febrúar – „New York, New York“ varð opinber söngur New York-borgar.
15. febrúar - Bandaríska kvikmyndin Morgunverðarklúbburinn kom út.
16. febrúar - Ísrael hóf brottkvaðningu herliðs frá Líbanon.
19. febrúar - Fyrsti þáttur bresku sápuóperunnar EastEnders var sendur út á BBC One.
19. febrúar - 148 létust þegar Boeing 727-þota rakst á sjónvarpsmastur í lendingu á Bilbao á Spáni.
23. febrúar - Torfi Ólafsson setti heimsmet í réttstöðulyftu í flokki unglinga, lyfti 322,5 kg.
25. febrúar - Réttarhöld yfir Arne Treholt hófust í Noregi.
28. febrúar - Írski lýðveldisherinn gerði sprengjuvörpuárás á lögreglustöð í Newry með þeim afleiðingum að 9 lögreglumenn létust.

Mars Breyta

Eyðilegging jarðskjálftans í Chile.

Mars - Önnur breiðskífa bandarísku hljómsveitarinnar Slayer, Hell Awaits, kom út.
1. mars - Julio María Sanguinetti varð fyrsti lýðræðislega kjörni forseti Úrúgvæ eftir 12 ára herforingjastjórn.
2. mars - Kvikmyndin Hringurinn eftir Friðrik Þór Friðriksson var frumsýnd í Reykjavík.
2. mars - Kraftlyftingasamband Íslands var stofnað.
3. mars - Jarðskjálfti upp á 8.0 stig á Richter reið yfir Santiago og Valparaiso í Chile með þeim afleiðingum að 177 létust.
8. mars - Bílsprengja sem beint var gegn íslamska klerkinum Sayyed Mohammad Hussein Fadlallah sprakk í Beirút með þeim afleiðingum að 80 létust.
11. mars - Mikhaíl Gorbatsjev varð aðalritari sovéska kommúnistaflokksins.
11. mars - Mohamed Al-Fayed keypti bresku verslunina Harrods.
15. mars - Íslenska kvikmyndin Hvítir mávar var frumsýnd á Seyðisfirði.
17. mars - Heimssýningin Expo '85 var opnuð í Tsukuba í Japan.
18. mars - Ástralska sápuóperan Grannar hóf göngu sína á Seven Network.
19. mars - Íslenska matvælafyrirtækið Kjarnafæði var stofnað á Akureyri.
21. mars - Kanadíski íþróttamaðurinn Rick Hansen hóf Man in Motion-leiðangurinn sem safnaði 25 milljónum dala fyrir rannsóknir á mænuskaða.
25. mars - Maríukirkja var vígð í Breiðholti í Reykjavík.
25. mars - Bandaríska kvikmyndin Amadeus fékk óskarsverðlaun sem besta kvikmyndin.
29. mars - Manni var bjargað úr jökulsprungu sem hann féll í í Kverkfjöllum eftir 32 klukkustundir.
30. mars - Mótefni gegn eyðniveiru fundust í fyrsta sinn í blóði Íslendings.

Apríl Breyta

Madonna ásamt hljómsveit á The Virgin Tour.

6. apríl - Herforinginn Suwwar al-Dhahab leiddi valdarán í Súdan.
7. apríl - Fyrsta gervihjartaígræðslan í Evrópu fór fram á Karolinska sjukhuset í Svíþjóð. Sjúklingurinn lifði í þrjá mánuði.
10. apríl - Madonna hóf tónleikaferðalagið The Virgin Tour.
11. apríl - Einræðisherra Albaníu, Enver Hoxha, lést og Ramiz Alia tók við völdum 20 dögum síðar.
12. apríl - 18 Spánverjar létust í sprengjutilræði á vegum Samtakanna heilagt stríð á veitingastað nálægt Madrid á Spáni.
14. apríl - Alan García var kjörinn forseti Perú.
15. apríl - Banni við giftingum fólks af ólíkum kynþætti var aflétt í Suður-Afríku.
23. apríl - Coca-Cola Company gaf út nýja útgáfu af kóka kóla undir heitinu New Coke. Viðbrögð urðu svo neikvæð að fyrirtækið tók aftur upp gömlu uppskriftina þremur mánuðum síðar.

Maí Breyta

Hitabeltisstormurinn gengur yfir Bangladess.

1. maí - Hundrað ára afmælis Jónasar Jónssonar frá Hriflu var minnst með því að afhjúpa brjóstmynd af honum við Arnarhvál í Reykjavík.
4. maí - Bobbysocks sigruðu Söngvakeppni evrópskra sjónvarpsstöðva fyrir Noreg með laginu „La det swinge“.
11. maí - Mafíunefndarréttarhöldin: FBI lagði fram ákærur á hendur meintum forystumönnum fimm mafíufjölskyldna í New York.
11. maí - 56 létust þegar viðarstúka brann á Valley Parade-leikvanginum í Bradford á Englandi.
13. maí - Þing Kúveit veitti konum kosningarétt. Rétturinn var afturkallaður árið 1999 og endurvakinn árið 2005.
16. maí - Rannsóknarráðið British Antarctic Survey kynnti rannsóknir sem sýndu fram á gat í ósonlaginu yfir Suðurskautslandinu.
23. maí - Smáþjóðaleikarnir voru settir í fyrsta sinn í San Marínó.
23. maí - Stefna Íslendinga í afvopnunarmálum var staðfest á Alþingi: Á Íslandi verða ekki staðsett kjarnorkuvopn.
23. maí - Thomas Patrick Cavanaugh var dæmdur í lífstíðarfangelsi fyrir að reyna að selja Sovétmönnum teikningar af torséðu flugvélinni B-2 Spirit.
25. maí - Hitabeltisfellibylur og áhlaðandi ollu því að um 10.000 manns létust og 250.000 misstu heimili sín í Bangladess.
29. maí - Óeirðir brutust út í úrslitaleik Meistaradeildar Evrópu milli Liverpool F.C. og Juventus á Heysel-leikvangi í Belgíu með þeim afleiðingum að 38 áhorfendur létust og 600 slösuðust.
31. maí - 41 skýstrokkur gekk yfir Ohio í Bandaríkjunum með þeim afleiðingum að 77 létust.

Júní Breyta

Upprunalegi Schengen-sáttmálinn frá 1985.

4. júní - Farø-brýrnar milli Sjálands og Falsturs voru opnaðar í Danmörku.
6. júní - Radio Studio 54 Network hóf útsendingar í Kalabríu.
14. júní - Schengen-sáttmálinn var undirritaður af fulltrúum fimm Evrópuríkja um borð í skipinu Princesse Marie-Astrid á Móselánni við Schengen í Lúxemborg.
14. júní - TWA flug 847: Hópur úr Hezbollah rændi farþegaflugvél skömmu eftir flugtak frá Aþenu og hélt farþegum í gíslingu í þrjá daga. Einn farþegi var myrtur.
15. júní - Á Bæ í Lóni var afhjúpaður minnisvarði um Úlfljót lögsögumann, sem tók saman fyrstu lög íslenska þjóðveldisins.
15. júní - Teiknimyndagerðin Studio Ghibli var stofnuð í Tókýó.
17. júní - Í Vestmannaeyjum var afhjúpuð höggmynd til minningar um Guðríði Símonardóttur (Tyrkja-Guddu).
17. júní - Discovery Channel hóf útsendingar í Bandaríkjunum.
20. júní - Arne Treholt var dæmdur í 20 ára fangelsi fyrir njósnir.
21. júní - Fáni Grænlands var dreginn upp í fyrsta sinn.
23. júní - Air India flug 182 fórst yfir Atlantshafi sunnan við Írland þegar sprengja sprakk um borð. 329 létust.
27. júní - Þjóðvegurinn Route 66 var felldur út úr þjóðvegakerfinu í Bandaríkjunum.
28. júní - Verðbréfaþing Íslands var stofnað.

Júlí Breyta

LiveAid í Philadelphia.

3. júlí - Bandaríska kvikmyndin Aftur til framtíðar var frumsýnd.
3. júlí - Francesco Cossiga var kjörinn forseti Ítalíu.
8. júlí - Írska flugfélagið Ryanair hóf starfsemi.
10. júlí - Skipi Greenpeace-samtakanna, Rainbow Warrior, var sökkt með sprengjum í höfninni í Auckland af útsendurum frönsku leyniþjónustunnar DGSE.
13. júlí - LiveAid tónleikarnir fóru fram á nokkrum stöðum um heiminn. Þeir áttu að vera mikilvægur liður í að styrkja stöðu bágstaddra í Afríku.
13. júlí - Ný útvarpslög voru samþykkt á Alþingi þar sem rekstur útvarps- og sjónvarpsstöðva var gefinn frjáls. Lögin tóku gildi 1. janúar árið eftir.
13. júlí - Sergei Bubka náði fyrstur manna að stökkva yfir 6 metra í stangarstökki.
19. júlí - Tvær stíflur sem héldu námuvinnslufor í Val di Stava á Ítalíu brustu með þeim afleiðingum að 268 létust.
20. júlí - Forseti Suður-Afríku, P. W. Botha, lýsti yfir neyðarástandi vegna vaxandi óeirða.
23. júlí - Commodore kynnti Amiga-tölvuna.
28. júlí - Íslandsmet var sett í fallhlífastökki á Akureyri er fimm fallhlífastökkvarar mynduðu stjörnu og héldu henni í 45 sekúndur.
29. júlí - Í Þorlákshöfn var vígð kirkja í minningu Þorláks biskups Þórhallssonar og var það fyrsta kirkja þar síðan 1770.

Ágúst Breyta

Flakið af Delta Air Lines 191.

2. ágúst - Delta Air Lines flug 191 hrapaði við Dallas í Texas með þeim afleiðingum að 137 létust.
2. ágúst - 350 tonn af olíu láku í Limafjörð í Danmörku eftir að vesturþýskt tankskip strandaði.
5. ágúst - Kertum var fleytt á Reykjavíkurtjörn þegar 40 ár voru liðin frá því að kjarnorkusprengju var varpað var á Hiroshima í Japan. Síðan hefur þetta verið gert árlega.
6. ágúst - Afhjúpaður var minnisvarði um Sigfús Sigfússon þjóðsagnasafnara í landi Miðhúsa á Fljótsdalshéraði, en þar var hann fæddur.
10. ágúst - Hafnarfjarðarganga haldin í baráttunni gegn kjarnorkuvopnum.
12. ágúst - Japan Airlines flug 123 fórst í Japan með þeim afleiðingum að 520 létust.
14. ágúst - Accomarca-fjöldamorðin: Hermenn myrtu tugi óvopnaðra þorpsbúa í Ayacucho í Perú.
20. ágúst - Íran-Kontra-hneykslið: Fyrstu flugskeytin af BGM-71 TOW-gerð voru send til Íran í skiptum fyrir gísla í Líbanon.
23. ágúst - Fjöldahandtökur fóru fram í Soweto í Suður-Afríku eftir mótmæli gegn stjórn hvíta minnihlutans.
25. ágúst - 6500 konur tóku þátt þegar kvennahlaupið Tjejmilen var haldið í annað sinn í Stokkhólmi.
27. ágúst - Ibrahim Babangida varð forseti Nígeríu eftir valdarán.
28. ágúst - Fyrsta reykingabannið í Bandaríkjunum var sett í öllum veitingastöðum í Aspen í Colorado.
31. ágúst - Bandaríski fjöldamorðinginn Richard Ramirez var handtekinn í Los Angeles.

September Breyta

Rústir sjúkrahúss í Mexíkóborg eftir jarðskjálftann.

1. september - Flakið af Titanic fannst á 3800 metra dýpi í fransk-bandarískum leiðangri undir stjórn Robert Ballard og Jean-Louis Michel.
7. september - Flóð varð í Dölunum og Helsingjalandi þegar stífla í Noppikoski brast.
12. september - Íslandsmet var sett í fallhlífarstökki er fallhlífarstökkvarar frá Akureyri stukku úr 21 þúsund feta hæð og voru í frjálsu falli í tvær mínútur áður en fallhlífarnar voru opnaðar.
13. september - Bandaríska kvikmyndin Eftir miðnætti var frumsýnd.
13. september - Japanski tölvuleikurinn Super Mario Bros. var gefinn út.
13. september - Steve Jobs sagði af sér stjórnarsetu hjá Apple og stofnaði NeXT.
15. september - Sif Sigfúsdóttir var kjörin fegurðardrottning Norðurlanda, 17 ára gömul.
16. september - Líkamsræktarsalurinn World Class hóf starfsemi í Skeifunni í Reykjavík.
19. september - Jarðskjálfti sem mældist 8,1 á Richter skók Mexíkóborg með þeim afleiðingum að 10.000 manns biðu bana.
21. september - Í Þjóðleikhúsinu var flutt óperan Grímudansleikur eftir Verdi. Kristján Jóhannsson söng aðalhlutverkið og var í gagnrýni Morgunblaðsins sagður syngja stórkostlega.
22. september - Plaza-samningurinn um lækkun Bandaríkjadals var undirritaður af fulltrúum fimm ríkja.
23. september - Blaðamaðurinn Giancarlo Siani var myrtur af glæpasamtökunum Camorra.
24. september - Vestnorræna þingmannaráðið var stofnað í Nuuk.
28. september - Uppþotin í Brixton 1985 hófust þegar lögreglan skaut móður grunaðs manns til bana.

Október Breyta

Flugtak Atlantis

1. október - Íslensku bókaútgáfurnar Helgafell og Vaka sameinuðust sem Vaka-Helgafell.
3. október - Geimskutlan Atlantis hélt í jómfrúarferð sína.
4. október - Frjálsa hugbúnaðarstofnunin var stofnuð í Bandaríkjunum.
7. október - Fjórir meðlimir PLO rændu skemmtiferðaskipinu Achille Lauro
10. október - Tvær bandarískar orrustuþotur flugu í veg fyrir egypska flugvél sem flutti palestínsku ræningjana og neyddi hana til að lenda á Sikiley.
12. október - 22 punda vatnableikja, 88 sentimetra löng, veiddist í Skorradalsvatni og var þetta stærsta bleikja sem veiðst hafði á Íslandi.
18. október - Leikjatölvan Nintendo Entertainment System kom á markað í Bandaríkjunum.
19. október - Lagið „Take on me“ með norsku hljómsveitinni A-ha náði fyrsta sæti á bandaríska vinsældarlistanum Billboard Hot 100.
22. október - Á Bíldudal féllu fimm aurskriður úr fjallinu niður í þorpið og ollu nokkrum skemmdum. Mikil úrkoma hafði verið dagana á undan.
30. október - Eduard Shevardnadze, utanríkisráðherra Sovétríkjanna, kom í opinbera heimsókn til Íslands.

Nóvember Breyta

Eldgosið í Nevado del Ruiz.

4. nóvember - Okurmálið kom upp þegar Hermann Björgvinsson hjá Verðbréfamarkaðnum var handtekinn vegna gruns um okurlánastarfsemi.
5. nóvember - Fjalakötturinn í Aðalstræti var rifinn.
6. nóvember - Íran-kontrahneykslið: Bandarískir fjölmiðlar sögðu frá því að Ronald Reagan hefði samþykkt vopnasendingu til Írans.
9. nóvember - Minnisvarði var afhjúpaður á Skógum í Þorskafirði um Matthías Jochumsson skáld, sem fæddist þar 150 árum áður.
9. nóvember - Garrí Kasparov sigraði Anatólí Karpov, 22 ára gamall, og varð við það yngsti óumdeildi heimsmeistarinn í skák.
13. nóvember - Grandi hf. var stofnaður með sameiningu Ísbjarnarins og Bæjarútgerðar Reykjavíkur.
13. nóvember - Armeroharmleikurinn: Bærinn Armero í Kólumbíu grófst í eldskýi eftir eldgos í Nevado del Ruiz. Yfir 20.000 manns létu lífið.
14. nóvember - Hólmfríður Karlsdóttir var kjörin Ungfrú heimur 22 ára gömul.
15. nóvember - Mikið illviðri fylgdi krappri lægð sem gekk yfir Ísland. Járnplötur fuku víða og eitt elsta tré í Reykjavík brotnaði.
18. nóvember - Myndasagan Kalli og Kobbi (Calvin & Hobbes) hóf göngu sína í 35 bandarískum dagblöðum.
19. nóvember - Ronald Reagan og Mikhaíl Gorbatsjev hittust í fyrsta sinn í Genf í Sviss.
20. nóvember - Stýrikerfið Windows 1.0 kom út.
23. nóvember - EgyptAir flugi 648 var rænt af meðlimum hryðjuverkahóps Abu Nidal og flogið til Möltu þar sem egypska sérsveitin réðist á flugvélina með þeim afleiðingum að 60 létust.

Desember Breyta

1. desember - Samtök íberóamerískra ríkja voru stofnuð.
6. desember - Hafskip hf. var gert gjaldþrota og var þetta stærsta gjaldþrotamál á Íslandi um langan aldur.
8. desember - Samtök um svæðisbundna samvinnu Suður-Asíuríkja voru stofnuð.
12. desember - Arrow Air flug 1285 hrapaði eftir flugtak á Nýfundnalandi. 256 farþegar létust.
12. desember - Sænska kvikmyndin Líf mitt sem hundur var frumsýnd.
16. desember - Mafíuforingjarnir Paul Castellano og Thomas Bilotti voru skotnir til bana að undirlagi John Gotti sem þá varð leiðtogi Gambinufjölskyldunnar.
17. desember - Opnuð var brú á Bústaðavegi í Reykjavík, yfir Kringlumýrarbraut, 72 m á lengd og 26 m breið.
24. desember - Hægriöfgamaðurinn David Lewis Rice myrti mannréttindalögfræðinginn Charles Goldmark og fjölskyldu hans í Seattle.
26. desember - Íslenska kvikmyndin Löggulíf var frumsýnd.
27. desember - Árásirnar á flugvellina í Vín og Róm: Meðlimir hryðjuverkasamtaka Abu Nidal gerðu árásir á tveimur flugvöllum með hríðskotarifflum og handsprengjum. 19 létust og hundruð særðust.
27. desember - Náttúrufræðingurinn Dian Fossey fannst myrt í Rúanda.
29. desember - Brjóstmynd af Gunnari Thoroddsen var afhjúpuð við Fríkirkjuveg 11 þegar 75 ár voru frá fæðingu hans.
31. desember - Sinubrunar urðu vegna flugelda á höfuðborgarsvæðinu, því að þurrt var og auð jörð.

Ódagsettir atburðir Breyta

Bandaríska hálfleiðarafyrirtækið Qualcomm var stofnað.
World Charter for Prostitutes' Rights var tekinn upp af Alþjóðanefnd um réttindi vændisfólks.
Íslenska hljómsveitin Sniglabandið var stofnuð.
Rússneska hljómsveitin Aria var stofnuð.

Fædd Breyta

22. janúar - Mohamed Sissoko, malískur knattspyrnumaður.
23. janúar - Dong Fangzhuo, kínverskur knattspyrnumaður.
28. janúar - J. Cole, bandarískur rappari.
31. janúar - Thor Möger Pedersen, danskur stjórnmálamaður.
5. febrúar - Cristiano Ronaldo, portúgalskur knattspyrnumaður.
10. febrúar - Anette Sagen, norsk skíðastökkskona.
14. febrúar - Philippe Senderos, svissneskur knattspyrnumaður.
19. febrúar - Haylie Duff, bandarísk leikkona.
20. febrúar - Yulia Volkova, rússnesk söngkona.
25. febrúar - Joakim Noah, bandarískur körfuknattleiksmaður.
1. mars - Andreas Ottl, þýskur knattspyrnumaður.
2. mars - Reggie Bush, bandarískur ruðningsleikmaður.
10. mars - Lassana Diarra, franskur knattspyrnumaður.
12. mars - Bradley Wright-Philips, enskur knattspyrnumaður.
19. mars - Caroline Seger, sænsk knattspyrnukona.
26. mars - Keira Knightley, ensk leikkona.
27. mars - Guillaume Joli, franskur handknattleiksmaður.
31. mars - Jessica Szohr, bandarísk leikkona.
1. apríl - Elena Berkova, rússnesk klámmyndaleikkona og söngkona.
16. apríl - Sam Tillen, enskur knattspyrnumaður.
27. apríl - Dóra Stefánsdóttir, íslensk knattspyrnukona.
2. maí - Lily Allen, bresk söngkona.
16. maí - Dóri DNA, íslenskur rappari og uppistandari.
18. maí - Guðbjörg Gunnarsdóttir, íslensk knattspyrnukona.
28. maí - Colbie Caillat, bandarísk tónlistarkona.
4. júní - Lukas Podolski, pólskur knattspyrnumaður.
12. júní - Kendra Wilkinson, bandarísk fyrirsæta.
17. júní - Gunnar Jónsson, íslenskur tónlistarmaður.
27. júní - Svetlana Kuznetsova, rússnesk tenniskona.
30. júní - Michael Phelps, bandarískur sundmaður.
2. júlí - Ashley Tisdale, bandarísk söng- og leikkona.
18. júlí - Chace Crawford, bandarískur leikari.
15. júlí - Sif Atladóttir, íslensk knattspyrnukona.
24. júlí - Dóra María Lárusdóttir, íslensk knattspyrnukona.
4. ágúst - Antonio Valencia, knattspyrnumaður frá Ekvador.
3. september- Scott Carson, enskur knattspyrnumaður.
10. september - Laurent Koscielny, franskur knattspyrnumaður.
16. september - Johan Absalonsen, danskur knattspyrnumaður.
17. september - Tomas Berdych, tékkneskur tennisleikari.
8. október - Bruno Mars, bandarískur leikari og tónlistarmaður.
23. október - Masiela Lusha, bandarísk leikkona og leikstjóri.
24. október - Wayne Rooney, enskur knattspyrnumaður.
14. nóvember - Thomas Vermaelen, belgískur knattspyrnumaður.
20. nóvember - Kristín Svava Tómasdóttir, íslenskt ljóðskáld.
25. nóvember - Marcus Hellner, sænskur skíðaíþróttamaður.
27. nóvember - Klara Ósk Elíasdóttir, íslensk söngkona.
8. desember - Dwight Howard, bandarískur körfuknattleiksmaður.
19. desember - Gary Cahill, enskur knattspyrnumaður.
28. desember - Hana Soukupová, tékknesk fyrirsæta.

Dáin Breyta

3. janúar - Oddný Guðmundsdóttir, íslenskur rithöfundur og kennari (f. 1908).
26. febrúar - Guðmundur G. Hagalín, íslenskur rithöfundur (f. 1898).
28. febrúar - David Byron, breskur söngvari (Uriah Heap) (f. 1947).
10. mars - Cornelis B. van Niel, hollenskur örverufræðingur (f. 1897).
28. mars - Marc Chagall, franskur myndlistarmaður (f. 1887).
29. mars - George Peter Murdock, bandarískur mannfræðingur (f. 1897).
29. mars - Jeanine Deckers, „syngjandi nunnan“ (f. 1933).
11. apríl - Enver Hoxha, einræðisherra í Albaníu (f. 1908).
1. maí - Ási í Bæ, íslenskur rithöfundur (f. 1914).
27. maí - Kai Lindberg, danskur stjórnmálamaður (f. 1899).
16. júlí - Heinrich Böll, þýskur rithöfundur og Nóbelsverðlaunahafi (f. 1917).
12. ágúst - Kyu Sakamoto, japanskur söngvari og leikari (f. 1941).
7. september - George Pólya, ungverskur stærðfræðingur (f. 1887).
22. september - Ernest Nagel, tékkneskur vísindaheimspekingur (f. 1901).
24. september - Ron Lewin, enskur knattspyrnumaður (f. 1920).
2. október - Rock Hudson, bandarískur leikari (f. 1925).
11. október - Orson Welles, bandarískur kvikmyndaleikstjóri (f. 1915).
29. október - Einar Guðfinnsson, íslenskur athafnamaður (f. 1898).
17. nóvember - Lon Nol, kambódískur herforingi (f. 1913).
5. desember - Frankie Muniz, bandarískur leikari
7. desember - Robert Graves, enskt ljóðskáld (f. 1895).
26. desember - Dian Fossey, bandarískur dýrafræðingur (f. 1932).

Nóbelsverðlaunin Breyta

Eðlisfræði - Klaus von Klitzing
Efnafræði - Herbert A Hauptman, Jerome Karle
Læknisfræði - Michael S Brown, Joseph L Goldstein
Bókmenntir - Claude Simon
Friðarverðlaun - samtökin Læknar á móti kjarnorkustríði
Hagfræði - Franco Modigliani