3. febrúar

Jan – Febrúar – Mar
Su	Má	Þr	Mi	Fi	Fö	La
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28
2025 Allir dagar

3. febrúar er 34. dagur ársins samkvæmt gregoríska tímatalinu. 331 dagur (332 á hlaupári) er eftir af árinu.

Atburðir

1116 - Stefán 2. varð konungur Ungverjalands.
1483 - Þorleifur Björnsson hirðstjóri kom með lið til Reykhóla, þar sem Andrés Guðmundsson hafði búið um sig í virki. Menn Andrésar skutu úr byssum að mönnum Þorleifs svo að einn féll en margir særðust og hinir þurftu að leita skjóls í kirkju. Innan fárra daga varð Andrés þó að gefast upp.
1488 - Bartolomeu Dias og áhöfn hans sigldu fyrir Góðrarvonarhöfða, fyrstir Evrópubúa.
1505 - Víkurkirkja í Reykjavík var vígð af Stefáni Jónssyni Skálholtsbiskupi.
1509 - Sjóorrustan við Diu: Francisco de Almeida sigraði sameinaðan sjóher Egypta, araba og Indverja. Portúgalir urðu eftir þetta einráðir á vestanverðu Indlandshafi.
1517 - Tyrkjaveldi náði Kaíró á sitt vald.
1637 - Túlípanabólan í Hollandi sprakk með þeim afleiðingum að þúsundir túlípanaspekúlanta misstu aleiguna.
1645 - James Graham og her konungssinna vann sigur á skoskum sáttmálamönnum í orrustunni við Inverlochy.
1815 - Fyrsta ostabúið tók til starfa í Sviss.
1917 - Bandaríkin riftu stjórnmálasambandi við Þýskaland.
1930 - Íslandsbanki (hinn eldri) varð gjaldþrota. Nokkrum vikum síðar tók Útvegsbanki Íslands hann yfir.
1944 - Hótel Ísland við Aðalstræti í Reykjavík brann til kaldra kola. Einn maður fórst í brunanum.
1944 - Bandarískar sveitir tóku Marshall-eyjar.
1951 - Dick Button vann bandaríska meistaramótið í listhlaupi á skautum, fjórða sinn í röð.
1959 - Dagurinn þegar tónlistin dó: rokkstjörnurnar Buddy Holly, Ritchie Valens og The Big Bopper fórust í flugslysi.
1972 - Vetrarólympíuleikarnir 1972 hófust í Sapporo í Japan.
1981 - Litla-Brekka við Suðurgötu í Reykjavík, síðasti torfbær borgarinnar, var rifin. Þar bjó Eðvarð Sigurðsson, alþingismaður.
1982 - Hafez al-Assad, forseti Sýrlands, skipaði hernum að hreinsa Múslimska bræðralagið úr borginni Harram.
1985 - Desmond Tutu varð fyrsti þeldökki biskup biskupakirkjunnar í Jóhannesarborg.
1986 - Bandaríska tölvubrellufyrirtækið Pixar var stofnað upp úr tölvudeild Lucasfilms.
1988 - Bandaríkjaþing hafnaði beiðni Ronald Reagan Bandaríkjaforseta um fjárveitingu til stuðnings Kontraskæruliðum í Níkaragva.
1989 - P. W. Botha sagði af sér embætti forseta Suður-Afríku.
1989 - Einræðisherrann Alfredo Stroessner var hrakinn frá völdum í Paragvæ.
1990 - 200 verðmætum fornminjum var stolið úr safni muna frá Herculaneum í Napólí.
1991 - Fárviðri gekk yfir Ísland og varð mikið eignatjón. Sterkasta vindhviða sem mælst hefur á Íslandi, 237 km/klst, mældist í Vestmannaeyjum.
1991 - Ítalski kommúnistaflokkurinn var lagður niður.
1994 - Alþjóðadómstóllinn úrskurðaði að Aouzou-ræman við landamæri Líbýu og Tjad skyldi tilheyra Tjad.
1998 - Blóðbaðið í Cermis átti sér stað þegar bandarísk herflugvél sleit streng kláfferju skíðasvæðis í Dólómítunum á Ítalíu. 20 létu lífið.
2004 - Sæstrengurinn FARICE-1 var tekinn í notkun.
2004 - Bandaríska leyniþjónustan CIA viðurkenndi að engar sannanir hefðu fundist fyrir gereyðingarvopnum í Írak.
2006 - Bandaríska kvikmyndin Bandidas var frumsýnd.

2006 - Mótmæli gegn Múhameðsteikningunum mögnuðust upp. Pakistan, Íran og Mógadisjú kölluðu eftir viðskiptabanni á Danmörku.
2007 - 135 létust og yfir 300 særðust þegar bílasprengja sprakk á fjölmennum markaði í Bagdad.
2010 - Höggmyndin L'Homme qui marche I eftir Alberto Giacometti seldist fyrir 65 milljón pund á uppboði sem var metfé fyrir listaverk.
2011 - ICANN tók síðasta IP-talnabálkinn í notkun.
2016 - Lík ítalska vísindamannsins Giulio Regeni fannst illa útleikið í vegkanti milli Kaíró og Alexandríu í Egyptalandi.
2017 - Bann við komu fólks frá tilteknum löndum til Bandaríkjanna sem Donald Trump hafði sett 27. janúar var dæmt ólöglegt í hæstarétti.

Fædd

1338 - Jóhanna af Bourbon, Frakklandsdrottning (d. 1378).
1525 - Giovanni Pierluigi da Palestrina, ítalskt tónskáld (d. 1594).
1641 - Kristján Albrekt, biskupsfursti af Lýbiku og hertogi af Slésvík, Holtsetalandi og Gottorp (d. 1695).
1761 - Dorothea von Medem, lettneskur erindreki og hertogaynja af Kúrlandi (d. 1821).
1821 - Elizabeth Blackwell, fyrsta bandaríska konan sem lauk læknisprófi (d. 1910).
1874 - Gertrude Stein, bandarískur rithöfundur (d. 1946).
1889 - Risto Ryti, 5. forseti Finnlands (d. 1956).
1898 - Alvar Aalto, finnskur arkitekt (d. 1976).
1908 - Oddbjørn Hagen, norskur skíðamaður (d. 1983).
1920 - Henry Heimlich, bandarískur eðlisfræðingur.
1932 - Michael Martin, bandarískur heimspekingur (d. 2015).
1947 - Maurizio Micheli, ítalskur leikari.
1948
- Henning Mankell, sænskur rithöfundur (d. 2015).
- Carlos Filipe Ximenes Belo, austurtímorskur biskup og Nóbelsverðlaunahafi.
1950 - Morgan Fairchild, bandarísk leikkona.
1959
- Fredric Lehne, bandarískur leikari.
- Chan Santokhi, súrínamskur stjórnmálamaður.
1963 - Brian Greene, bandarískur eðlisfræðingur.
1976 - Isla Fisher, áströlsk leikkona.
1984 - Elizabeth Holmes, bandarísk athafnakona og fjársvikari.
1990 - Sean Kingston, bandarískur tónlistarmaður.

Dáin

865 - Ansgar, postuli Norðurlanda (f. 801).
1014 - Sveinn tjúguskegg, konungur Danmerkur og Englands (f. um 960).
1116 - Kalman, konungur Ungverjalands (f. 1070).
1399 - John af Gaunt, föðurbróðir Ríkharðs 2. Englandskonungs og faðir Hinriks Bolingbroke (Hinriks 4.).
1468 - Johann Gutenberg, þýskur uppfinningamaður (f. 1398).
1520 - Steinn Sture yngri, ríkisstjóri Svíþjóðar (f. 1493).
1908 - Ferdinand Meldahl, danskur arkitekt (f. 1827).
1921 - Colin Archer, norskur skipasmiður (f. 1832).
1924 - Woodrow Wilson, Bandaríkjaforseti (f. 1856).
1925 - Hugo Gering, þýskur miðaldafræðingur (f. 1847).
1959 - The Big Bopper, bandarískur söngvari (f. 1930).
1959 - Buddy Holly, bandarískur söngvari (f. 1936).
1959 - Ritchie Valens, bandarískur söngvari (f. 1941).
1960 - Fred Buscaglione, ítalskur tónlistarmaður (f. 1921).
1975 - Umm Kulthum, egypsk söngkona (f. 1900).
1993 - Einar Olgeirsson, íslenskur stjórnmálamaður (f. 1902).
1999 - Þorsteinn Hannesson, íslenskur tónlistarmaður (f. 1917).
2004 - Matthías Viðar Sæmundsson, íslenskur bókmenntafræðingur (f. 1954).
2008 - Sigurveig Jónsdóttir, íslensk leikkona (f. 1931).
2011 - Maria Schneider, frönsk leikkona (f. 1952).
2016 - Joe Alaskey, bandarískur leikari (f. 1952).
2021 - Birgir Lúðvíksson, fv. formaður Knattspyrnufélagsins Fram (f. 1937).