4. nóvember

4. nóvember er 308. dagur ársins (309. á hlaupári) samkvæmt gregoríska tímatalinu. 57 dagar eru eftir af árinu.

Helstu atburðir

• 1333 - Flóð í ánni Arnó olli gífurlegu tjóni í Flórens.
• 1520 - Stokkhólmsvígin hófust eftir að Kristján 2. hafði verið krýndur konungur Svíþjóðar í Stokkhólmi.
• 1605 - Upp komst um Púðursamsærið þegar varðmenn fundu Guy Fawkes í kjallara Westminsterhallar.
• 1650 - Vilhjálmur 3. varð Óraníufursti við fæðingu þar sem faðir hans, Vilhjálmur 2. Óraníufursti, lést nokkrum dögum áður.
• 1677 - Brúðkaup Maríu Englandsprinsessu og Vilhjálms 3. af Óraníu.
• 1856 - Forsetakosningar í Bandaríkjunum. James Buchanan vann sigur á sitjandi forseta, Millard Fillmore, og varð 15. forseti Bandaríkjanna.
• 1869 - Tímaritið Nature kom fyrst út í Bretlandi.
• 1897 - Fjórir bátar fórust á Ísafjarðardjúpi í ofsaveðri og einn á Skjálfanda og með þeim tuttugu og tveir menn.
• 1926 - Leópold prins af Belgíu gekk að eiga Ástríði Svíaprinsessu.
• 1942 - Áhöfn Brúarfoss bjargaði 44 mönnum úr áhöfn enska skipsins Daleby, sem sökkt var á milli Íslands og Bandaríkjanna.
• 1950 - Samningur um verndun mannréttinda og mannfrelsis var undirritaður á ráðherrafundi Evrópuráðsins.
• 1956 - Rauði herinn gerði innrás í Ungverjaland til að berja niður uppreisn.
• 1966 - Áin Arnó flaut yfir bakka sína við Flórens og færði hálfa borgina í kaf.
• 1969 - Tveir strætisvagnar skullu saman á Skúlagötu í Reykjavík og slösuðust sautján farþegar.
• 1976 - Ítölsku stjórnmálasamtökin Lotta continua leystust upp í kjölfar þings samtakanna í Rimini.
• 1979 - Gíslatakan í Teheran: Um 300 íranskir stúdentar hertóku bandaríska sendiráðið í Teheran og tóku 52 gísla.
• 1980 - Ronald Reagan sigraði Jimmy Carter í forsetakosningum í Bandaríkjunum.
• 1985 - Okurmálið kom upp þegar Hermann Björgvinsson hjá Verðbréfamarkaðnum var handtekinn vegna gruns um okurlánastarfsemi.
• 1989 - Fellibylurinn Gay olli miklu tjóni í héraðinu Chumphon í Taílandi.
• 1991 - Afríska þjóðarráðið leiddi almennt verkfall og krafðist aðildar að stjórn Suður-Afríku.
• 1992 - Breska þingið samþykkti Maastricht-sáttmálann með naumum meirihluta.
• 1994 - Fyrsta ráðstefnan um viðskiptamöguleika Veraldarvefsins var haldin í San Francisco.

• 1995 - Yitzhak Rabin forsætisráðherra Ísraels var skotinn til bana af öfgasinnuðum Ísraela.
• 2001 - Fellibylurinn Michelle gekk yfir Kúbu og olli miklu tjóni.
• 2008 - Barack Obama var kosinn forseti Bandaríkjanna og þar með fyrstur svartra manna til að gegna því embætti.
• 2016 - Parísarsamkomulagið tók gildi 30 dögum eftir að 55 lönd höfðu fullgilt samninginn.
• 2018 - Þjóðaratkvæðagreiðsla um sjálfstæði frá Frakklandi var haldin í Nýju-Kaledóníu þar sem tillagan var felld með 56,4% atkvæða.
• 2019 – LeBarón- og Langford-morðin: Níu Bandaríkjamenn voru myrtir af mexíkósku glæpagengi er þeir óku til brúðkaups rétt sunnan við landamærin.

Fædd

• 1470 - Játvarður 5., konungur Englands (d. 1483).
• 1593 - Jón Ólafsson Indíafari (d. 1679).
• 1618 - Aurangzeb, Mógúlkeisari (d. 1707).
• 1761 - Bertrand Andrieu, franskur málmskurðarmeistari (d. 1822).
• 1871 - Ottó N. Þorláksson, verkalýðsfrömuður og fyrsti forseti ASÍ. (d. 1966)
• 1873 - G.E. Moore, enskur heimspekingur (d. 1958).
• 1897 - Cornelis B. van Niel, hollenskur örverufræðingur (d. 1985).
• 1899 - Jóhannes úr Kötlum, íslenskt skáld (d. 1972).
• 1908 - Józef Rotblat, pólsk-breskur eðlisfræðingur og Nóbelsverðlaunahafi (d. 2005).
• 1916 - Walter Cronkite, bandarískur fréttamaður (d. 2009).
• 1923 - Gunnar Huseby, tvöfaldur Evrópumeistari í kúluvarpi (d. 1995).
• 1925 - Doris Roberts, bandarísk leikkona (d. 2016).
• 1932 - Thomas Klestil, forseti Austurríkis (d. 2004).
• 1937 - Loretta Swit, bandarísk leikkona.
• 1946 - Laura Bush, bandarísk forsetafrú.
• 1948 - Amadou Toumani Touré, forseti Malí (d. 2020).
• 1957 - Karl Ágúst Úlfsson, íslenskur leikari.
• 1969 - Matthew McConaughey, bandarískur leikari.
• 1969 - Sean 'P. Diddy' Combs, bandarískur rappari.
• 1969 - Samantha Smith, bandarísk leikkona.
• 1970 - Malena Ernman, sænsk söngkona.
• 1972 - Luis Figo, portúgalskur knattspyrnumaður.
• 1975 - Eggert Páll Ólason, íslenskur lögfræðingur.
• 1987 - Þórdís Kolbrún Reykfjörð Gylfadóttir, íslensk stjórnmálakona.

Dáin

• 1485 - Françoise d'Amboise, hertogaynja af Bretagne, kona Péturs 2. hertoga (f. 1427).
• 1697 - Þorlákur Thorlacius Þórðarson, íslenskur skólameistari (f. 1675).
• 1698 - Rasmus Bartholin, danskur náttúrufræðingur (f. 1625).
• 1849 - Felix Mendelssohn, tonskald (f. 1809).
• 1924 – Gabriel Fauré, franskt tónskáld (f. 1845).
• 1959 - Friedrich Waismann, austurrískur stærðfræðingur (f. 1896).
• 1995 - Yitzhak Rabin, fyrrum forsætisráðherra Ísraels og handhafi friðarverðlauna Nóbels (f. 1922).
• 1995 - Gilles Deleuze, franskur heimspekingur (f. 1925).