Guðmundur G. Hagalín

Guðmundur Gíslason Hagalín (10. október 1898 í Lokinhömrum í Arnarfirði26. febrúar 1985 á Akranesi) var íslenskur rithöfundur, blaðamaður, ritstjóri, ævisagnahöfundur og bókavörður.

Fjölskylda Guðmundar bjó í fyrstu að Lokinhömrum, þar sem Guðmundur fæddist, en fluttist síðar að Haukadal í Dýrafirði. Guðmundur lauk gagnfræðaprófi og hóf árið 1917 nám í Menntaskólanum í Reykjavík. Árið 1918 gerðist hann blaðamaður í Reykjavík og síðar á Seyðisfirði en þar var hann ritstjóri blaðanna Austurlands og Austanfara. Hann dvaldi í Noregi árin 1924-27 en flutti árið 1928 til Ísafjarðar og starfaði þar sem bókavörður og kennari. Árið 1965 fluttist hann í Borgarfjörð og bjó á Kleppjárnsreykjum í Reykholtsdal.

Hann stofnaði ásamt fleirum Félag íslenskra rithöfunda árið 1945. Árið 1955 var hann skipaður bókafulltrúi ríkisins og gegndi því starfi til 1969.

Bækur Hagalíns breyta

  • Blindsker (1921)
  • Vestan úr fjörðum (1924)
  • Veður öll válynd (1925)
  • Brennumenn (1927)
  • Kristrún í Hamravík (1933)
  • Sturla í Vogum I-II (1938)
  • Gróður og sandfok (1943)
  • Blítt lætur veröldin (1943)
  • Móðir Ísland (1945)
  • Konungurinn á Kálfskinni (1945)
  • Útilegubörnin í Fannadal (unglingasaga, 1953)
  • Sól á náttmálum (1957)
  • Töfrar draumsins (1961)
  • Márus á Valshamri og meistari Jón (1967)
  • Segið nú amen séra Pétur (1975)
  • Hamingjan er ekki alltaf ótukt (1977)

Ævisaga Hagalíns (9 bindi) breyta

  • Ég veit ekki betur (1951)
  • Sjö voru sólir á lofti (1952)
  • Ilmur liðinna daga (1953)
  • Hér er kominn Hoffinn (1954)
  • Hrævareldar og himinljómi (1955)
  • Fílabeinshöllin (1959)
  • Stóð ég úti í tunglsljósi (1973)
  • Ekki fæddur í gær (1976)
  • Þeir vita það fyrir vestan (1979)

Ævisögur annarra (Guðmundur G. Hagalín skráði) breyta

  • Virkir dagar I-II (saga Sæmundar Sæmundssonar skipstjóra, 1936­-38)
  • Saga Eldeyjar-Hjalta I-II (1939)
  • Á torgi lífsins (saga Þórðar Þorsteinssonar á Sæbóli, 1952)
  • Konan í dalnum og dæturnar sjö (saga Moniku Helgadóttur á Merkigili, 1954)
  • Í kili skal kjörviður (saga Mariníusar Eskilds Jessens, 1957)
  • Í vesturvíking (saga Jóns Oddssonar skipstjóra, 1960)
  • Það er engin þörf að kvarta og Margt býr í þokunni (saga Kristínar Kristjánsson, 1961-62)
  • Að duga eða drepast (saga Björns Eiríkssonar, 1962)
  • Í fararbroddi (saga Haralds Böðvarssonar, 1964-65)
  • Danskurinn í bæ (saga Adams Hoffritz, 1966)
  • Sonur bjargs og báru (saga Sigurðar Jóns Guðmundssonar, stofnanda Belgjagerðarinnar í Reykjavík, 1968)
  • Eldur er bestur (saga Helga Hermanns Eiríkssonar, 1970)

Heimild breyta

Tengt efni breyta

Tenglar breyta