18. júlí

Jún – Júlí – Ágú
Su	Má	Þr	Mi	Fi	Fö	La
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31
2025 Allir dagar

18. júlí er 199. dagur ársins (200. á hlaupári) samkvæmt gregoríska tímatalinu. 166 dagar eru eftir af árinu.

Atburðir

390 f.Kr. - Orrustan við Allium: Gallar undir stjórn Brennusar unnu sigur á Rómverjum og rændu Róm í kjölfarið.
64 - Eldur kviknaði í Róm og brann í níu daga. Sagt var að Neró keisari hafi leikið á hörpu meðan eldarnir geisuðu.
872 - Hafursfjarðarorusta: Haraldur hárfagri sigraði fjóra norska smákonunga í Hafursfirði.
1137 - Eiríkur lamb varð konungur Danmerkur.
1290 - Játvarður 1. Englandskonungur skipaði öllum gyðingum búsettum í Englandi (líklega um 16.000 að tölu) að yfirgefa landið fyrir allraheilagramessu um haustið (1. nóvember).
1323 - Tómas frá Aquino var tekinn í heilagra manna tölu af Jóhannesi 22. páfa.
1553 - María, dóttir Hinriks 8. og Katrínar af Aragon, var krýnd drottning Englands og Írlands. Lafði Jane Grey sagði sjálfviljug af sér.
1608 - Jóhann Sigmundur varð kjörfursti í Brandenborg við lát föður síns.
1630 - Karl 1. Gonzaga gafst upp fyrir keisarahernum undir stjórn Jóhanns af Aldringen sem rændi Mantúu í kjölfarið.
1828 - Ættarnöfn eru lögbundin í Danmörku.
1872 - Þýski stærðfræðingurinn Karl Weierstraß kynnti Weierstrassfallið.
1918 - Undirritaðir voru samningar milli Íslands og Danmerkur um frumvarp til sambandslaga milli landanna tveggja.
1925 - Minningabók Adolfs Hitlers, Mein Kampf, kom út í Þýskalandi.
1927 - Fyrsta ólympíuskákmótið sem skipulagt var af FIDE fór fram í London.
1931 - Hafin var bygging verkamannabústaða við Hringbraut, Bræðraborgarstíg og Ásvallagötu í Reykjavík.
1955 - Leiðtogar Sovétríkjanna, Bandaríkjanna, Bretlands og Frakklands hittust í Genf til að ræða öryggismál.
1961 - Félagið Varðberg var stofnað í Reykjavík.
1963 - Gasverksmiðjan Ísaga við Hlemmtorg í Reykjavík brann. Miklar sprengingar urðu í brunanum og skemmdust nálæg hús.
1970 - Laxárdeilan: 200 bíla lest Þingeyinga ók til Akureyrar til að mótmæla virkjanaáformum.
1972 - Anwar Sadat rak 20.000 sovéska ráðgjafa frá Egyptalandi.
1984 - Byssumaður myrti 21 í skothríð á McDonald's-veitingastað í San Ysidro í San Diego.
1989 - Bandaríska leikkonan Rebecca Schaeffer var myrt af geðsjúkum aðdáanda. Atvikið leiddi til setningar fyrstu laga gegn eltihrellum í Kaliforníu.
1991 - Landamærastríði Máritaníu og Senegal lauk með undirritun samkomulags milli ríkjanna.
1992 - Neil Kinnock sagði af sér sem formaður Breska verkamannaflokksins.
1994 - Borgarastríðinu í Rúanda lauk þegar liðsveitir Front patriotique rwandais náðu Gisenyi á sitt vald.
1995 - Eldgos hófst í Soufriere Hills-eldfjallinu á Montserrat og stendur enn.
2000 - Alex Salmond sagði af sér sem leiðtogi Skoska þjóðarflokksins.
2001 - 60 vagna járnbrautarlest fór út af teinunum í göngum í Baltimore í Bandaríkjunum. Eldur kviknaði og stóð í marga daga og varð til þess að miðborg Baltimore lokaðist.
2002 - Abdul Kalam varð forseti Indlands.
2003 - Evrópuráðstefnan gaf út fyrstu drög að nýrri stjórnarskrá Evrópu.
2003 - Breski vopnaeftirlitsmaðurinn David Kelly sem dregið hafði í efa skýrslu um fund gereyðingarvopna í Írak fannst látinn.
2004 - Þúsundir Palestínumanna mótmæltu tilnefningum Yasser Arafat í heimastjórn Palestínumanna.
2006 - Eldgos hófst í fjallinu Mayon á Filippseyjum.

2007 - Úrvalsvísitala kauphallarinnar á Íslandi náði hámarki, 9.016,48 punktum, en tók að falla hratt eftir það.
2015 - 115 létust þegar sprengja sprakk á markaði í Bagdad. Íslamska ríkið lýsti ábyrgð á hendur sér.
2016 - Hryðjuverkaárásin í Würzburg 2016: 17 ára afganskur flóttamaður réðist með exi og hníf á fólk í lest milli Treuchtlingen og Würzburg. Hann náði að særa 5 áður en lögregla skaut hann til bana.
2018 - Donald Trump Bandaríkjaforseti og Vladímír Pútín Rússlandsforseti hittust á leiðtogafundi í Helsinki.
2019 – Brennuárásin á Kyoto Animation: 36 létust þegar maður kveikti í skrifstofum japanska teiknimyndafyrirtækisins Kyoto Animation.
2021 - Pegasusverkefnið: Alþjóðleg rannsókn leiddi í ljós að margar ríkisstjórnir notuðu njósnabúnað frá ísraelska fyrirtækinu NSO Group til að fylgjast með stjórnarandstæðingum, blaðamönnum og aðgerðasinnum.
2022 - Droupadi Murmu var kjörin forseti Indlands, fyrst kvenna af frumbyggjaættum.

Fædd

1501 - Ísabella frá Kastilíu, eiginkona Kristjáns 2. Danakonungs (d. 1526).
1552 - Rúdolf 2., keisari hins Heilaga rómverska ríkis, konungur Ungverjalands og Bæheims og erkihertogi af Austurríki (d. 1612).
1635 - Robert Hooke, enskur vísindamaður (d. 1703).
1670 - Giovanni Battista Bononcini, ítalskt tónskáld (d. 1747).
1811 - William Makepeace Thackeray, breskur rithöfundur (d. 1863).
1815 - Ludvig Holstein-Holsteinborg, danskur forsætisráðherra (d. 1892).
1831 - Johann Martin Schleyer, þýskur prestur (d. 1912).
1853 - Hendrik Antoon Lorentz, hollenskur eðlisfræðingur og Nóbelsverðlaunahafi (d. 1928).
1865 - Oddur Björnsson, íslenskur prentari og útgefandi (d. 1945).
1867 - Margaret Brown, bandarísk yfirstéttarkona (d. 1932).
1883 - Lev Kamenev, sovéskur stjórnmálamaður (d. 1936).
1887 - Vidkun Quisling, norskur stjórnmálamaður (d. 1945).
1909 - Andrej Gromyko, sovéskur stjórnmálamaður og ríkiserindreki (d. 1989).
1910 - Eðvarð Sigurðsson, íslenskur verkalýðsforingi (d. 1983).
1918 - Nelson Mandela, suðurafrískur stjórnmálamaður (d. 2013).
1921 - John Glenn, bandarískur geimfari (d. 2016).
1921 - Jón Óskar, íslenskt skáld og rithöfundur (d. 1998).
1922 - Thomas Samuel Kuhn, bandarískur vísindaheimspekingur (d. 1996).
1922 - Ken Noritake, japanskur knattspyrnumaður (d. 1994).
1930 - Vilborg Dagbjartsdóttir, íslenskur rithöfundur (d. 2021).
1937 - Hunter S. Thompson, bandarískur rithöfundur (d. 2005).
1948 - Ólafur Gunnarsson, íslenskur rithöfundur.
1951 - Þorvaldur Gylfason, íslenskur hagfræðingur.
1952 - Eggert Þorleifsson, íslenskur leikari.
1970 - Ármann Jakobsson, íslenskufræðingur og rithöfundur.
1970 - Sverrir Jakobsson, íslenskur sagnfræðingur.
1972 - Bárður Oskarsson, færeyskur myndlistarmaður.
1972 - Hannes Hlífar Stefánsson, íslenskur skákmeistari.
1973 - Kristín Rós Hákonardóttir, íslensk afrekskona í sundi.
1975 - Daron Malakian, bandarískur gítarleikari í System of a Down.
1978 - Virginia Raggi, ítölsk stjórnmálakona.
1980 - Kristen Bell, bandarísk leikkona.
1985 - Chace Crawford, bandarískur leikari.

Dáin

1137 - Eiríkur eymuni Danakonungur.
1450 - Frans 1., hertogi af Bretagne (f. 1414).
1610 - Michelangelo Merisi da Caravaggio, ítalskur listmálari (f. 1571).
1698 - Johann Heinrich Heidegger, svissneskur heimspekingur (f. 1633).
1727 - Páll Vídalín, lögmaður sunnan og austan (f. 1667).
1780 - Henrik Hielmstierne, íslensk-danskur embættismaður, aðalsmaður, sagnfræðingur og bókasafnari (f. 1715).
1780 - Gerhard Schøning, norskur skjalavörður (f. 1722).
1803 - Magnús Ketilsson, sýslumaður í Búðardal (f. 1732).
1817 - Jane Austen, enskur rithöfundur (f. 1775).
1832 - Frederik Christopher Trampe, danskur embættismaður (f. 1779).
1872 - Benito Juárez, forseti Mexíkó (f. 1806).
1892 - Thomas Cook, bresku ferðasölumaður (f. 1808).
1899 - Horatio Alger, Jr., bandarískur rithöfundur (f. 1832).
1926 - Bjarni Jónsson frá Vogi, alþingismaður og ritstjóri (f. 1863).
1957 - Jón Sveinsson, fyrsti bæjarstjóri Akureyrar (f. 1889)
1982 - Roman Jakobson, rússneskur málfræðingur (f. 1982).
1986 - Stanley Rous, enskur forseti FIFA (f. 1895).
1990 - Yves Chaland, franskur myndasöguhöfundur (f. 1957).