1976

Árþúsund:	2. árþúsundið
Aldir:	19. öldin; 20. öldin ; 21. öldin;
Áratugir:	1951–1960; 1961–1970; 1971–1980; 1981–1990; 1991–2000;
Ár:	1973; 1974; 1975; 1976; 1977; 1978; 1979;

Árið 1976 (MCMLXXVI í rómverskum tölum) var 76. ár 20. aldar og hlaupár sem hófst á fimmtudegi.

Atburðir

Janúar

Cray-1 með gleri yfir hluta tölvunnar til að sýna innri gerð hennar

Janúar - Fyrsta fjöldaframleidda ofurtölvan, Cray-1, var sett á markað.
1. janúar - Garðabær og Njarðvík fengu kaupstaðarréttindi.
3. janúar - Flytja þurfti 20.000 manns frá heimilum sínum við Tønder og Ribe á Suður-Jótlandi í Danmörku vegna stormflóðs.
9. janúar - Marokkóskir hermenn héldu inn í borgina Dakhla í Vestur-Sahara.
12. janúar - Síðustu spænsku hermennirnir fóru frá Vestur-Sahara.
13. janúar - Mikill jarðskjálfti, 6,5 stig á Richter, varð í grennd við Kópasker og olli miklu tjóni.
14. janúar – Ólafur Jóhann Sigurðsson varð fyrsti Íslendingurinn til að hljóta bókmenntaverðlaun Norðurlandaráðs.
15. janúar - Odvar Nordli varð forsætisráðherra Noregs.
16. janúar - Réttarhöld hófust yfir hluta hryðjuverkahópsins Rote Armee Fraktion í Stuttgart í Þýskalandi.
18. janúar - Borgarastyrjöldin í Líbanon: Kristnir herflokkar myrtu yfir þúsund múslima í hverfinu Karantina í Beirút.
20. janúar - Borgarastyrjöldin í Líbanon: Hundruð kristinna Líbana voru myrt af meðlimum PLO í Damour-blóðbaðinu.
21. janúar – Atli Heimir Sveinsson varð fyrsti Íslendingurinn til að hljóta tónskáldaverðlaun Norðurlandaráðs.
21. janúar - Reglulegt farþegaflug með Concorde-þotum hófst.
27. janúar - Fyrsta orrustan um Amgala hófst þegar marokkóskir hermenn réðust á alsírska hermenn í Amgala-vininni í Vestur-Sahara.
29. janúar - IRA stóð fyrir tólf sprengjutilræðum í West End í London.

Febrúar

Árekstur milli varðskipsins Óðins og bresku freigátunnar HMS Scylla.

4. febrúar - Vetrarólympíuleikarnir 1976 voru settir í Innsbruck í Austurríki.
4. febrúar - Um 22.000 manns létust af völdum jarðskjálfta í Gvatemala og Hondúras og ein milljón missti heimili sín.
6. febrúar - Lockheed-hneykslið varð í kjölfar rannsókna Church-nefndarinnar í Bandaríkjunum á fyrirtækjunum Lockheed og Northrop.
7. febrúar - Hua Guofeng tók við stjórnartaumum í Kína eftir lát Zhou Enlai.
13. febrúar - Yfirmaður herforingjastjórnarinnar í Nígeríu, Murtala Mohammed, var myrtur í valdaránstilraun.
15. febrúar - Stjórnarskrá Kúbu var samþykkt í þjóðaratkvæðagreiðslu.
16. febrúar - Nokkur vestræn ríki lýsa stuðningi við stjórn MPLA í Angóla.
19. febrúar – Ísland sleit stjórnmálasambandi við Bretland vegna deilna um fiskveiðiheimildir.
23. febrúar - Árekstur varð milli varðskipsins Óðins og freigátunnar HMS Scylla.
27. febrúar - Polisario lýstu yfir stofnun sjálfstæðs ríkis í Vestur-Sahara.

Mars

Flugvél frá Air Viking á Heathrow-flugvelli árið 1975

mars – Rúnar Júlíusson og María Baldursdóttir stofnuðu hljómplötuútgáfuna Geimstein í Keflavík.
2. mars - Air Viking varð gjaldþrota.
4. mars - Stjórnarskrárþing Norður-Írlands var leyst upp og við tók bein stjórn breska þingsins.
11. mars - Stjörnuskoðunarfélag Seltjarnarness var stofnað.
12. mars – Arnarflug var stofnað og keypti vélar Air Viking.
13. mars - Herstöðvaandstæðingar loka Keflavíkurflugvelli til að mótmæla hersetunni, aðild að Nató og framgöngu Breta í þorskastríðunum.
16. mars - Harold Wilson sagði af sér embætti forsætisráðherra Bretlands.
24. mars - Ummæli Ólafs Jóhannessonar dómsmálaráðherra um „Vísismafíuna“ voru dæmd dauð og ómerk hjá héraðsdómi Reykjavíkur.
24. mars - Argentínuher steypti Ísabellu Perón af stóli.
29. mars - Herforingjastjórn undir forystu Jorge Videla tók við völdum í Argentínu.
30. mars - Gaukshreiðrið eftir Milos Forman hlaut Óskarsverðlaun sem besta kvikmyndin.

Apríl

Brotherhood of Man í Söngvakeppni evrópskra sjónvarpsstöðva

1. apríl – Tölvufyrirtækið Apple var stofnað af Steve Jobs, Steve Wozniak og Mike Markkula.
1. apríl - Postverk Føroya tók við póstþjónustu í Færeyjum af Post- og Telegrafvæsnet.
1. apríl - Opinbera lestarfyrirtækið Conrail var stofnað í Bandaríkjunum til að taka við rekstri 13 gjaldþrota járnbrauta.
2. apríl - Rauðu kmerarnir neyddu Norodom Sihanouk til að segja af sér konungstign í Kampútseu.
3. apríl - Breska hljómsveitin Brotherhood of Man sigraði Söngvakeppni evrópskra sjónvarpsstöðva með laginu „Save Your Kisses for Me“.
5. apríl - James Callaghan varð forsætisráðherra Bretlands.
7. apríl - Deng Xiaoping var sviptur öllum embættum vegna ásakana um „hægrimennsku“.
9. apríl - Síðasta kvikmynd Alfred Hitchcock, Fjölskyldugáta, kom út í Bandaríkjunum.
11. apríl - Apple I fór á markað í Bandaríkjunum.
13. apríl - Fjörutíu létust í sprengingu í vopnaverksmiðju í Lapua í Finnlandi.
22. apríl - Ingmar Bergman flutti frá Svíþjóð vegna ásakana um skattaundanskot.
23. apríl - Fyrsta hljómplata Ramones kom út í Bandaríkjunum.

Maí

Maí - Tim Severin sigldi af stað frá Írlandi til Ameríku á húðskipi („currach“).
4. maí - Réttarhöld fóru fram yfir hægriöfgahreyfingunni Ordine Nuovo í Tórínó á Ítalíu: Níu voru dæmdir en 32 leystir undan sök.
6. maí - Jarðskjálfti reið yfir Fríúlí á Ítalíu með þeim afleiðingum að yfir 900 létust.
9. maí - Ulrike Meinhof fannst hengd í klefa sínum í Stuttgart-Stammheim.
15. maí - Keflavíkurgangan mikla fór fram á Íslandi. Þetta var fjölmennasta Keflavíkurganga frá upphafi.
19. maí - Fyrsta skóflustunga var tekin að Húsi verslunarinnar í Reykjavík.
23. maí - Samningar náðust milli íslenskra og breskra stjórnvalda í Landhelgismálinu.
24. maí - Concorde hóf reglulegt flug milli London og Washington DC.
31. maí - Universidade Estadual de Feira de Santana var stofnaður í Brasilíu.
31. maí - Sýrlendingar hófu þátttöku í borgarastyrjöldinni í Líbanon.

Júní

Teton-stíflan fellur saman

1. júní – Bretar samþykktu 200 mílna efnahagslögsögu Íslands. Þar með lauk seinna þorskastríðinu.
2. júní – Stjórnmálasambandi var komið aftur á milli Íslands og Bretlands.
5. júní - Teton-stíflan í Idaho féll saman.
9. júní - Benny Goodman kom til Íslands og hélt tónleika á Listahátíð í Reykjavík. Hann hefur verið nefndur „konungur sveiflunnar“.
13. júní - Mikil óveður gengu yfir Iowa í Bandaríkjunum. Skýstrokkur eyddi bænum Jordan.
16. júní - Lokakeppni Evrópumótsins í knattspyrnu hófst í Júgóslavíu.
16. júní - Soweto-uppreisnin hófst í Suður-Afríku.
19. júní - Karl 16. Gústaf Svíakonungur gekk að eiga Silviu Renate Sommerlath.
24. júní - Norður- og Suður-Víetnam sameinuðust í eitt Víetnam með Hanoi sem höfuðborg.
26. júní - CN-turninn í Torontó í Kanada var opnaður.
27. júní - Palestínskir hryðjuverkamenn rændu flugvél frá Air France með 246 farþega innanborðs og flugu henni til Entebbe í Úganda.
29. júní - Seychelleseyjar fengu sjálfstæði frá Bretlandi.

Júlí

Andlitið á Mars: Fræg ljósmynd sem lendingarfar Viking 1 sendi frá Mars í júlí 1976

Júlí - Z80-örgjörvinn fór á markað.
4. júlí – Herjólfur kom fyrst til Vestmannaeyja.
4. júlí - Ísraelsher frelsaði eitt hundrað gísla um borð í Air France-vél á flugvellinum í Entebbe í Úganda.
4. júlí - Bandaríkjamenn héldu upp á 200 ára afmæli sjálfstæðisyfirlýsingarinnar.
6. júlí - Hljómsveitin The Damned kom fyrst fram sem upphitunarhljómsveit fyrir The Sex Pistols í 100 Club í London.
9. júlí - Hitamet var sett í Reykjavík, 24,3 °C.
17. júlí - Sumarólympíuleikarnir voru settir í Montréal í Kanada.
20. júlí - Lendingarfar Viking 1 lenti á Mars.
25. júlí - Gosbrunnur í syðri hluta Tjarnarinnar í Reykjavík var opnaður. Sendiherra Bandaríkjanna gaf brunninn.
27. júlí - Fyrsta tilfelli ebólaveiki kom upp í Súdan.
27. júlí - Gestir á ráðstefnu samtaka uppgjafarhermanna, American Legion, í The Bellevue Stratford Hotel í Philadelphia, Pennsylvaníu, fengu einkenni lungnabólgu sem var síðar kölluð hermannaveiki.
28. júlí - Jarðskjálfti í Tangshan, Kína.

Ágúst

Ummerki eftir flóðbylgjuna á Mindanao á Filippseyjum.

Ágúst - Fyrsta leikjatölvan af annarri kynslóð, Fairchild Channel F, kom út í Bandaríkjunum.
1. ágúst - Niki Lauda hlaut alvarleg brunasár í Formúlu 1-keppni í Þýskalandi.
7. ágúst - Viking-áætlunin: Viking 2 fór á sporbaug um Mars.
8. ágúst - Kirkja Jesú Krists hinna síðari daga heilögu var stofnuð í Reykjavík.
16. ágúst - Lagið „Dancing Queen“ með hljómsveitinni ABBA var gefið út í Svíþjóð.
16. ágúst - Hljómsveitin Ramones kom fram í fyrsta sinn á skemmtistaðnum CBGB í New York-borg.
17. ágúst - 6000 manns létust á Mindanao á Filippseyjum eftir að jarðskjálfti olli flóðbylgju.
25. ágúst - Félag kartöflubænda á suðurlandi var stofnað á Íslandi.
25. ágúst - Jacques Chirac sagði af sér embætti forsætisráðherra Frakklands.

September

Höfundar og leikarar Star Trek-þáttanna við vígslu geimskutlunnar Enterprise.

September - BBC hleypti textavarpi af stokkunum undir nafninu Ceefax.
1. september - Annar ebólafaraldur hófst í Saír.
3. september - Lendingarfar Viking 2 lenti á Mars.
10. september - Tvær flugvélar rákust á í flugi yfir flugvellinum í Zagreb með þeim afleiðingum að 176 létust.
11. september - Fjölbrautaskóli Suðurnesja var settur í fyrsta skipti.
11. september - Farþegaþota frá TWA, sem hafði verið rænt, hafði viðkomu á Keflavíkurflugvelli til þess að taka eldsneyti. Vélin stóð við í tvær klukkustundir, en fór síðan til Parísar, þar sem ræningjarnir gáfust upp.
15. september - Ný félagsvísindadeild tók til starfa við Háskóla Íslands.
16. september - Blýantanóttin: Hópi námsmanna var rænt af útsendurum herforingjastjórnarinnar í Argentínu. Þau voru síðan pyntuð og flest þeirra myrt að talið er.
17. september - Fyrsta geimskutlan var fullsmíðuð og fékk nafnið Enterprise.
20. september - Fyrsta „alþjóðlega pönkhátíðin“ var haldin í 100 Club í London.
20. september - Fjarskiptafyrirtækið Intersputnik var stofnað í Moskvu.
25. september - Hljómsveitin U2 var stofnuð í Dublin á Írlandi.
28. september - Stevie Wonder gaf út metsöluplötuna Songs in the Key of Life.

Október

MV George Prince snúið við bryggju 20 tímum eftir áreksturinn.

6. október - Fjöldamorðin í Thammasat-háskóla: Tugir námsmanna sem höfðu mótmælt endurkomu hershöfðingjans Thanom Kittikachorn til Taílands voru myrtir af vopnuðum konungssinnum. Síðar sama dag tók ný herforingjastjórn við völdum í landinu.
8. október - Thorbjörn Fälldin varð forsætisráðherra Svíþjóðar.
8. október - Hjónin Finnbogi Rútur Valdimarsson og Hulda Dóra Jakobsdóttir voru kjörin fyrstu heiðursborgarar Kópavogs.
10. október - Fjórmenningaklíkan í Kína var handtekin. Það markar endalok Menningarbyltingarinnar.
18. október - Ford hóf fjöldaframleiðslu á Ford Fiesta í verksmiðju sinn í Valensíu á Spáni.
19. október - Ný bandarísk höfundalög afnámu skráningarskyldu, lengdu gildistíma, afnámu fordæmisrétt og lögfestu sanngjörn afnot.
20. október - George Prince-ferjuslysið: 78 manns létust þegar ferja á Mississippifljóti fórst eftir árekstur við norska olíuskipið SS Frosta.
22. október - Fyrsta breska pönkplatan, smáskífan New Rose með bresku hljómsveitinni The Damned, kom út í London.
23. október - Alexandersflugvöllur í Skagafirði var tekinn í notkun.
25. október - Tónlistarfélagið Vísnavinir var stofnað með tónleikum í Norræna húsinu í Reykjavík.
31. október - Fyrsta skóflustunga var tekin að Borgarleikhúsinu í Reykjavík.

Nóvember

2. nóvember - Demókratinn Jimmy Carter vann sigur á Gerald Ford í forsetakosningum í Bandaríkjunum.
4. nóvember - Ítölsku stjórnmálasamtökin Lotta continua leystust upp í kjölfar þings samtakanna í Rimini.
7. nóvember – Fyrsti hluti Hitaveitu Suðurnesja var tekinn í notkun.
15. nóvember - Fyrsti gingapinn uppgötvaðist við eyna Oahu á Hawaii.
21. nóvember - Þriggja þrepa eldflaug var í fyrsta sinn skotið frá Evrópu á Andøya-eldflaugaskotpallinum.
21. nóvember - Sýrlandsher lagði Líbanon undir sig.
22. nóvember - Ísraelsher kom sér fyrir við landamærin að Líbanon.
23. nóvember - Flugvél frá Olympic Airways fórst á Ólympsfjalli með þeim afleiðingum að fimmtíu létust.
23. nóvember - Jacques Mayol setti met í fríköfun þegar hann kafaði niður á 100 metra á 3:39 við eyjuna Elbu.
24. nóvember - Minnst 3.840 manns létust vegna jarðskjálfta sem nam 7,3 á Richter í Van og Muradiye í Tyrklandi.
29. nóvember - Ítölsku hryðjuverkasamtökin Prima Linea gerðu árás á samtök stjórnenda FIAT í Tórínó.

Desember

Olía lekur úr flaki Argo Merchant við Nantucket.

1. desember - José López Portillo varð forseti Mexíkó.
1. desember - Hljómsveitin Sex Pistols varð fræg að endemum eftir sjónvarpsviðtal í kvöldþætti Bill Grundy.
3. desember - Bob Marley varð fyrir skoti í morðtilraun í Kingston á Jamaíka.
3. desember - Patrick Hillery var kjörinn forseti Írlands.
4. desember - Jean-Bédel Bokassa útnefndi sjálfan sig Bokassa 1. keisara Mið-Afríkulýðveldisins.
6. desember - Skæruliðasveitir Viet Cong voru leystar upp og meðlimir urðu hluti af Alþýðuher Víetnam.
8. desember - Hljómplata Eagles, Hotel California, kom út.
15. desember - Líberíska olíuskipið MV Argo Merchant strandaði við Nantucket og brotnaði svo að 30 milljón lítrar af olíu láku í sjóinn.
25. desember - Flugvél frá Egypt Air hrapaði við Bangkok með þeim afleiðingum að 50 létust.