2. nóvember

Okt – Nóvember – Des
Su	Má	Þr	Mi	Fi	Fö	La
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30
2025 Allir dagar

2. nóvember er 306. dagur ársins (307. á hlaupári) samkvæmt gregoríska tímatalinu. 59 dagar eru eftir af árinu.

Atburðir

472 - Olybríus dó eftir um fjögurra mánaða setu á keisarastóli. Búrgundíski hershöfðinginn Gundobad hafði öll völd í Vestrómverska ríkinu og beið með það í nokkra mánuði að skipa nýjan keisara.
676 - Dónus varð páfi.
1576 - Rúdolf 2. varð keisari hins Heilaga rómverska ríkis.
1852 - Forsetakosningar fóru fram í Bandaríkjunum. Franklin Pierce vann sigur á Winfield Scott.
1880 - Forsetakosningar fóru fram í Bandaríkjunum. James Garfield sigraði Winfield S. Hancock.
1903 - Breska dagblaðið Daily Mirror var stofnað.
1906 - Fyrsta kvikmyndahús á Íslandi hóf göngu sína í Fjalakettinum við Aðalstræti í Reykjavík og nefndist Reykjavíkur Biograftheater og varð seinna Gamla bíó. Þegar Fjalakötturinn var rifinn 1985 var bíósalurinn talinn einn sá elsti uppistandandi í heiminum.
1912 - Skátafélag Reykjavíkur var stofnað í Fjósinu, bakhúsi Menntaskólans í Reykjavík.
1913 - Morgunblaðið hóf göngu sína. Stofnandi og fyrsti ritstjóri þess var Vilhjálmur Finsen.
1914 - Lög um notkun bifreiða gengu í gildi. Réttur til að stjórna bifreið var bundinn við 21 árs aldur. Hámarksökuhraði var 15 km/klst í þéttbýli en 35 km/klst utan þess.
1930 - Slysavarnadeildin Þorbjörn var stofnuð í Grindavík og voru stofnfélagar 56 karlar og konur í þorpinu.
1936 - Sjónvarpsstöðin BBC Television Service var stofnuð.
1941 - Mesta flugslys á Íslandi fram til þessa varð er bandarískur Martin PBM-I Mariner-flugbátur fórst á Langahrygg Fagradalsfjalli á Reykjanesi og með honum 11 menn.
1946 - Íslendingar tóku við yfirstjórn flugumferðar yfir Norður-Atlantshafi, allt frá Hjaltlandseyjum til Grænlands og upp á norðurpól.
1976 - Demókratinn Jimmy Carter vann sigur á Gerald Ford í forsetakosningum í Bandaríkjunum.
1982 - Breska útvarpsstöðin Channel 4 var stofnuð.
1983 - Apartheid-stjórnarskrá Suður-Afríku var breytt svo litaðir og asískir íbúar fengu takmörkuð pólitísk réttindi.
1988 - Fyrsti tölvuormurinn sem dreifði sér um Internetið, Morrisormurinn, hóf göngu sína.
1990 - Útsendingarfyrirtækin British Satellite Broadcasting og Sky Television sameinuðust í kjölfar mikils tapreksturs og mynduðu fyrirtækið BSkyB.
1993 - Rudy Giuliani var kjörinn borgarstjóri New York-borgar.

2000 - Verslunarmiðstöðin Glerártorg var opnuð á Akureyri.
2000 - Fyrsta fastaáhöfnin hóf búsetu í Alþjóðlegu geimstöðinni.
2001 - Glocal Forum um borgarsamstarf var stofnað.
2001 - Bandaríska teiknimyndin Skrímsli hf. var frumsýnd.
2004 - George W. Bush sigraði forsetakosningar í Bandaríkjunum.
2005 - Neðri deild spænska þingsins samþykkti lög um sjálfstæði Katalóníu.
2006 - Málverkið No. 5, 1948 eftir Jackson Pollock varð dýrasta málverk heims þegar það seldist fyrir 140 milljónir dala í einkasölu.
2014 - Milliríkjanefnd um loftslagsbreytingar birti lokahluta Fimmtu matsskýrslu sinnar sem talaði um „alvarlegar og óafturkræfar afleiðingar“ loftslagsbreytinga.
2017 - Ný tegund órangútangapa, tapanúlíórangútang, var greind í Indónesíu.
2020 - Fellibylurinn Eta gekk á land í Mið-Ameríku þar sem yfir 100 fórust.

Fædd

867 - Mingzong keisari síðara Tangveldisins (d. 933).
1470 - Játvarður 5. Englandskonungur (d. 1483).
1734 - Daniel Boone, bandarískur veiðimaður og landkönnuður (d. 1820).
1755 - Marie Antoinette, Frakklandsdrottning (d. 1793).
1795 - James K. Polk, Bandaríkjaforseti (d. 1849).
1844 - Mehmed 5., Tyrkjasoldán (d. 1918).
1865 - Warren G. Harding, Bandaríkjaforseti (d. 1923).
1902 - Santos Iriarte, úrúgvæskur knattspyrnumaður (d. 1968).
1906 - Luchino Visconti, ítalskur kvikmyndaleikstjóri (d. 1976).
1909 - Ásgeir Blöndal Magnússon, málfræðingur og orðabókarhöfundur (d. 1987)
1910 - Lúðvík Þorgeirsson, íslenskur kaupmaður og formaður Knattspyrnufélagsins Fram (d. 1996).
1911 - Odysseas Elytis, grískt skáld (d. 1996).
1938 - Richard Serra, bandarískur listamaður.
1942 - Þorkell Helgason, íslenskur stærðfræðingur.
1953 - Kjartan Ólafsson, íslenskur stjórnmálamaður.
1955 - Koji Tanaka, japanskur knattspyrnumaður.
1966 - David Schwimmer, bandarískur leikari.
1968 - Samantha Ferris, kanadísk leikkona.
1975 - Ófeigur Sigurðsson, íslenskur rithöfundur.
1976 - Thierry Omeyer, franskur handknattleiksmaður.
1978 - Maajid Nawaz, breskur aðgerðasinni.
1981 - Katharine Isabelle, kanadísk leikkona.
1981 - Bergur Ebbi Benediktsson, íslenskur rithöfundur.
1987 - Yngvi Þ. Eysteinsson, íslenskur útvarpsmaður.

Dáin

472 - Olybrius Rómarkeisari.
1083 - Matthildur af Flæmingjalandi, Englandsdrottning (f. um 1031).
1327 - Jakob 2., konungur Aragon (f. 1267).
1340 - Niels Ebbesen, dönsk þjóðhetja.
1618 - Maximilían 3. erkihertogi yfir Austurríki (f. 1558).
1846 - Esaias Tegnér, sænskt skáld (f. 1782).
1887 - Sigurður B. Sívertsen, íslenskur prestur (f. 1808).
1947 - Steinþór Sigurðsson, íslenskur náttúrufræðingur (f. 1904).
1950 - George Bernard Shaw, írskt leikritaskáld og nóbelsverðlaunahafi (f. 1856).