Intel Corporation
Intel Corporation (NASDAQ: INTC; SEHK: 4335) er bandarískt fyrirtæki sem framleiðir örgjörva og aðra hálfleiðara. Fyrirtækið var stofnað árið 1968 sem Integrated Electronics Corporation í Santa Clara, Kaliforníu, af Robert Noyce og Gordon Moore. Einnig framleiðir Intel móðurborð, kísilflögur, netkort, skjákísilflögur og önnur tölvutæki.
| Intel Corporation | |
.svg){kind=logo}
| |
| Rekstrarform | Fyrirtæki |
|---|---|
| Slagorð | „Leap ahead“ (eldra „Intel inside“) |
| Stofnað |  Kaliforníu (1968)
|
| Staðsetning | Santa Clara, Kaliforníu
|
| Starfsemi | Örgjörvar, hálfleiðarar |
| Vefsíða | www.intel.com |
Í upphafi framleiddi Intel eingöngu vinnsluminni (DRAM og SRAM), síðar örgjörva, s.s. Intel 4004 og örgjörva úr x86 fjölskyldunni sem Intel er nú þekktast fyrir hanna og framleiða, og hætti framleiðslu vinnsluminnis. Enn síðar hóf Intel framleiðslu á m.a. „flash“ minni, og annað svipað afrigði af þannig minni, sem þeir kalla Optane.
Sagan
breytaIntel var stofnað af Robert Noyce og Gordon Moore, sem hættu hjá Fairchild Semiconductor. Þriðji starfsmaður Intel var Andy S. Grove, sem lengst af vann sem forstjóri.
Með þriðju vöru sinni árið 1970, Intel 1103, vinnsluminniskubbi (DRAM) kom Intel sér á kortið, fyrsta vinnsluminnið á einni flögu (IC). Árið 1971 kom Intel fram með sinn fyrsta örgjörva Intel 4004 (var í áratugi talinn sá fyrsti, en stuttu áður hafði örgjörvi verið gerður með leynd fyrir herflugvélar), hannaðan af Federico Faggin, sem hafði líka unnið hjá Fairchild (og stofnaði síðar Zilog örgjörvafyrirtækið sem bjó til dæmis til Z80 örgjörvann sem var t.d. notaður í Sinclair ZX Spectrum tölvur og fyrir Pac-Man skilakassa, og bæði var vinsælt hér á landi).
Helstu örgjörvar frá Intel eru, sá fyrsti (4-bita) Intel 4004 (fyrsti örgjörvi á markað, en tölvur voru samt til áður) frá 1971 með 2250 smára, Intel iAPX 432 (sem gekk illa á markaðinum), og Itanium (sem er ekki lengur framleiddur, gekk mun verr en til stóð á markaðinum; var hannaður í samstarfi með HP) og úr x86 fjölskyldunni sem gengur vel. Í þeirri fjölskyldu eru sá fyrsti, Intel 8086 (16-bita) frá 1978, með 29 þúsund smára. Intel 8088 sem kom út ári seinna er samhæfður og ódýari og var notaður í IBM PC. Intel 8087 var hjálparkubbur fyrir 8086 sem sumar tölvur notuðu með, fyrri fleytitölureikninga, sem leiddi af sér IEEE 754-1985 staðalinn. Intel 80386 (32-bita uppfærsla) með 275 þúsund smára kom út árið 1985. Núorðið framleiðir Intel 64-bita örgjörva sem eru samhæfðir við þeirra eldra x86.
Intel framleiddi nokkrar fjölskyldur af örgjörvum sem ekki eru samhæfðar við x86 fjölskylduna, t.d. Intel i860 (32/64-bita, með 128-bit SIMD) sem hafði milljón smára frá árinu. Sama ár kom Intel 80486 út með 1.180.235 smára. Núverandi örgjarvar frá Intel og öðrum telja milljarða af smárum eða tugi.
Míkrókontrollerar frá Intel voru mjög vinsælir: Intel 8051 (8-bita) frá árinu 1980 með 50,000 smára (og þeirra fyrsti Intel 8048 frá 1976). Intel hefur hætt framleiðslu þeirra fyrir löngu, en sá fyrrnefni er enn mjög vinsæll og mörg fyrirtæki hafi búið til eftirlíkingar.
