Sveitarfélagið Skagafjörður

Sveitarfélagið Skagafjörður
Kjördæmi	Norðvesturkjördæmi
Flatarmál  – Samtals	7. sæti 4.167,6 km²
Mannfjöldi  – Samtals  – Þéttleiki	13. sæti 3.955 (2018) 0,95/km²
Sveitarstjóri	Guðmundur Guðlaugsson
Þéttbýliskjarnar	Sauðárkrókur (íb. 2.606) Hofsós (íb. 172) Varmahlíð (íb. 128) Hólar (íb. 100)
Sveitarfélagsnúmer	5200
Póstnúmer	550-570
Vefsíða sveitarfélagsins

Djúpidalur

Hólar

Sveitarfélagið Skagafjörður er sveitarfélag á norðvesturlandi sem þekur mest allt svæðið í kringum Skagafjörð.

Sveitarfélagið varð til 6. júní 1998 við sameiningu 11 sveitarfélaga í Skagafirði: Skefilsstaðahrepps, Sauðárkrókskaupstaðar, Skarðshrepps, Staðarhrepps, Seyluhrepps, Lýtingsstaðahrepps, Rípurhrepps, Viðvíkurhrepps, Hólahrepps, Hofshrepps og Fljótahrepps. Höfðu íbúar þeirra samþykkt sameininguna í kosningum 15. nóvember árið áður. Akrahreppur var eina sveitarfélagið í firðinum sem ákvað að vera ekki með.

Innan vébanda hins nýja sveitarfélags búa nú um 4.000 manns, þar af 2600 á Sauðárkróki, sem er langstærsti bærinn. Auk þess er þéttbýli á Hofsósi, á Hólum í Hjaltadal og í Varmahlíð.

Sveitastjórn

Aðalgrein: Sveitastjórn Sveitarfélagsins Skagafjarðar

Í sveitastjórn Sveitarfélagsins Skagafjarðar sitja 9 fulltrúar sem kjörnir eru hlutfallskosningu á fjögurra ára fresti. Síðast var kosið til sveitastjórnar í sveitarstjóranarkosningunum 29. maí 2010.