Mýrarbolti

Mýrarbolti, einnig kallað mýrarfótbolti (Enska: Swamp football), er útfærsla af fótbolta sem spilaður er í mýrum eða drullusvaði. Íþróttin er upprunnin í Finnlandi þar sem hún var upphaflega notuð sem æfing fyrir íþróttamenn og hermenn vegna þess styrks sem þarf til að hlaupa í mýri. Mýrarfótbolti er sérstaklega vinsæll í Kainuu-héraði.

Mýrarbolti

Fyrsta skipulagða meistaramótið var finnska meistaramótið sem haldið var 1998.

Auk Finnlands er mýrarbolti leikinn víðsvegar um heiminn, til dæmis í Þýskalandi, Rússlandi, Skotlandi og Indlandi. Á Íslandi var haldið árlegt mýrarboltamót á Ísafirði um 15 ára skeið, lengst af í tengslum við verslunarmannahelgina.