7. mars

7. mars er 66. dagur ársins (67. á hlaupári) samkvæmt gregoríska tímatalinu. 299 dagar eru eftir af árinu.

Atburðir

1793 - Frakkland sagði Spáni stríð á hendur.
1876 - Alexander Graham Bell fékk einkaleyfi á símanum.
1902 - Sögufélag var stofnað á Íslandi.
1912 - Roald Amundsen tilkynnti í fyrsta sinn opinberlega að leiðangur hans hefði komist á Suðurpólinn þann 14. desember 1911.
1918 - Finnland gekk í bandalag með Þýskalandi.
1922 - Ríkisstjórn Sigurðar Eggerz tók við völdum.
1926 - Símtal á milli London og New York-borgar tókst í fyrsta sinn.
1930 - Útvegsbanki Íslands var stofnaður sem arftaki Íslandsbanka (hins eldri).
1931 - Stormur braut sjötíu símastaura á milli Reykjavíkur og Hafnarfjarðar.
1944 - Fjórir fórust en 39 komust af er þrjú erlend skip strönduðu á söndunum í Vestur-Skaftafellssýslu.
1968 - Fyrstu orrustunni í Sægon lauk í Víetnamstríðinu.
1975 - Mannbjörg varð er flutningaskipið Hvassafell strandaði á Skjálfanda.
1981 - Lagið „Af litlum neista“ sigraði Söngvakeppni sjónvarpsins þegar hún var haldin í fyrsta sinn.
1986 - Landslið Íslands í handbolta varð í sjötta sætti á heimsmeistaramóti í Sviss og komst þar með á Ólympíuleikana árið 1988.
1986 - Kvikmyndin Hálendingurinn var frumsýnd í Bretlandi.
1987 - Lieyu-fjöldamorðin: Tævanski herinn myrti 19 óvopnaða flóttamenn frá Víetnam sem tóku land á eyjunni Litlu Kinmen.
1989 - Íran sleit stjórnmálasambandi við Bretland vegna Söngva Satans.

2001 - Sprenging í flugeldaverksmiðju í Fanglin í Kína varð tugum barna að bana. Börnin voru neydd til að búa til flugelda í skólanum.
2001 - Sjö manns voru dæmd fyrir peningaþvætti í Héraðsdómi Reykjavíkur. Þetta var í fyrsta skipti sem dæmt var eftir lögum um peningaþvætti á Íslandi.
2007 - Garuda Indonesia flug 200 hrapaði við Yogyakarta í Indónesíu með þeim afleiðingum að 20 farþegar og 1 áhafnarmeðlimur létust en 119 komust lífs af.
2009 - Geimsjónaukanum Kepler var skotið á braut um Sól. Hann á að leita að reikistjörnum utan sólkerfisins.
2009 - Tveir breskir hermenn voru skotnir til bana í Antrim-sýslu á Norður-Írlandi. Samtökin The Real IRA lýstu ábyrgð á hendur sér.
2010 - Kathryn Bigelow var fyrsta konan sem hlaut Óskarsverðlaun fyrir bestu leikstjórn fyrir kvikmyndina Sprengjusveitin (The Hurt Locker).
2021 - Íbúar í Sviss kusu að banna niqab og búrkur í þjóðaratkvæðagreiðslu með 51% meirihluta.