Walt Disney
Walter Elias Disney (5. desember 1901 – 15. desember 1966) var bandarískur teiknari og kvikmyndaframleiðandi sem er aðallega þekktur fyrir að hanna, leikstýra og framleiða teiknimyndir. Hann er ásamt bróður sínum Roy O. Disney stofnandi Walt Disney-fyrirtækisins.
Walt Disney | |
|---|---|
 Walter Elias Disney árið 1954. | |
| Fæddur | 5. desember 1901 |
| Dáinn | 15. desember 1966 (65 ára) Burbank, Kaliforníu, Bandaríkjunum |
| Þjóðerni | Bandarískur |
| Störf | Kvikmyndaframleiðandi, teiknari, athafnamaður, raddleikari |
| Maki | Lillian Disney (g. 1925) |
| Börn | Diane Marie Disney Miller (1933-2013) Sharon Mae Disney (1936-1993) |
| Foreldrar | Elias Disney (1859-1941) Flora Disney (1869-1938) |
| Undirskrift | |
 | |
Walt Disney og fyrirtæki hans sköpuðu margar eftirminnilegar teiknimyndapersónur; sú þekktasta er Mikki Mús. Mikki Mús var fyrsta persóna Disney kvikmyndafyrirtækisins. Meðal annarra eru Mína Mús, Andrés Önd, Guffi og Plútó. Walter gerði stuttmyndir um þessar persónur til ársins 1937 þegar fyrirtækið gerði sína fyrstu kvikmynd í fullri lengd Mjallhvíti og dvergana sjö (enska: Snow White and the Seven Dwarfs).
Walt Disney-samsteypan hefur búið til margar vinsælar kvikmyndir. Á meðan Disney sjálfur lifði komu út myndir á borð við Mjallhvíti, Gosa, Öskubusku og Mary Poppins, sem eru allar taldar til sígildra barna- og fjölskyldumynda í dag. Walt Disney lést nokkuð fyrir aldur fram 65 ára að aldri úr lungnakrabbameini, en hann hafði reykt mikið mest allt sitt líf.
