Stella í framboði

Stella í framboði er íslensk kvikmynd frumsýnd 26. desember 2002. Myndin er sjálfstætt framhald myndarinnar Stella í orlofi frá 1986. Aðalhlutverk fara þau Edda Björgvinsdóttir, Þórhallur Sigurðsson og Gísli Rúnar Jónsson með. Leikstjóri og handritshöfundur er Guðný Halldórsdóttir. Myndin kom á VHS 18. september 2003.

Stella í framboði
Stella í framboði: x-Stella
Leikstjóri	Guðný Halldórsdóttir
Handritshöfundur	Guðný Halldórsdóttir
Framleiðandi	Halldór Þorgeirsson Umbi
Leikarar	Edda Björgvinsdóttir Þórhallur Sigurðsson Gísli Rúnar Jónsson
Frumsýning	26. desember, 2002
Tungumál	íslenska
Aldurstakmark	Leyfð
Undanfari	Stella í orlofi

Söguþráður

Stella og Salmómon reka saman fagurkerafyrirtæki, Framkoma.is. Salómon er ráðin af Antoni Skúlasyni, flugstjóra, til þess að fegra og umbreyta þorpi, sem hann hefur eignast. Stella verður eftir í bænum og tekur að sér að kenna stjórnmálamönnum að koma fram, enda kosningar í nánd. Af misskilningi þvælist Stella inn í framboð Centrumlistans, sem berst við höfuðandstæðing sinn, Miðflokkinn og veit ekki fyrr til en hún er komin á kaf í pólitík. Myndin segir frá hinni afdrifaríku ferð Salomóns (52) í þorpið og sigurgöngu Stellu Löve (50) í stjórnmálum. Fjölskyldumál Stellu blandast inn í frásögnina með stórslysum, eldsvoða, breiskju og mótlæti af öllu tagi, sem aðeins „Stellufólkið“ getur orðið fyrir á fáeinum vikum.