24. janúar

Des – Janúar – Feb
Su	Má	Þr	Mi	Fi	Fö	La
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31
2025 Allir dagar

24. janúar er 24. dagur ársins samkvæmt gregoríska tímatalinu. 341 dagur (342 á hlaupári) er eftir af árinu.

Atburðir

1059 - Stuðningsmenn Gérard de Bourgogne biskups af Flórens hröktu Benedikt 10. mótpáfa frá Róm og krýndu Gérard sem Nikulás 2. páfa.
1118 - Gelasíus 2. (Giovanni Caetani) varð páfi.
1309 - Klængskirkja í Skálholti brann þegar eldingu laust niður í stöpulinn.
1328 - Játvarður 3. Englandskonungur gekk að eiga Filippu af Hainaut.
1336 - Pétur 4. varð konungur Aragóníu.
1458 - Matthías 1. varð konungur Ungverjalands.
1530 - Séra Þórður Einarsson var dæmdur frá prestskap í Hítardal í svonefndum Hítardalsdómi. Hann var sakaður um barneignir í frillulífi, skemmd á Skálholtskirkju, slagsmál við annan prest og óhlýðni við Ögmund Pálsson biskup.
1588 - Stuðningsmenn Maximilíans 3. voru sigraðir af stuðningsmönnum Sigmundar Vasa í orrustunni við Byczyna í Póllandi.
1607 - Friðrik 4. kjörfursti í Pfalz reisti virki gegnt Mannheim við Rínarfljót sem síðar varð borgin Ludwigshafen.
1679 - Karl 2. Englandskonungur leysti kavaleraþingið upp.
1742 - Karl 7. Albert varð keisari hins Heilaga rómverska ríkis.
1802 - Napoléon Bonaparte var kjörinn forseti Ítalska lýðveldisins á Norður-Ítalíu.
1848 - Gullæðið í Kaliforníu hófst með því að James W. Marshall fann gull í Coloma.
1855 - Kirkjan á Hvanneyri í Siglufirði fauk af grunninum og hafnaði á hliðinni í kirkjugarðinum.
1908 - Fjórar konur voru kjörnar í bæjarstjórn í Reykjavík. Þetta var í fyrsta sinn sem konur höfðu almennan kosningarétt í sveitarstjórnakosningum.
1924 - Rússneska borgin Sankti Pétursborg var nefnd Leníngrad.
1962 - Brian Epstein tók að sér umboð Bítlanna.
1975 - Djasspíanistinn Keith Jarrett lék Kölnarkonsertinn sem varð síðar mest selda hljómplata allra tíma með píanóeinleik.
1978 - Sovéski gervihnötturinn Kosmos 954 brann upp í gufuhvolfinu og dreifðist yfir Norðvesturhéruð Kanada.
1984 - Fyrsta Apple Macintosh-tölvan kom í verslanir.
1984 - Jón Páll Sigmarsson vann titilinn „sterkasti maður heims“ í fyrsta sinn, þá 25 ára gamall.
1986 - Voyager 2-geimkönnunarfarið komst í námunda við Úranus.
1989 - Bandaríski fjöldamorðinginn Ted Bundy var tekinn af lífi með rafmagnsstól.
1992 - Ofursti og liðþjálfi í Atlacatl-herfylkinu voru dæmdir fyrir morð á sex jesúítaprestum og húshjálp þeirra árið 1989.

2000 - Skæruliðahreyfingin Her guðs tók 700 gísla á sjúkrahúsi í Taílandi.
2001 - Borgaraflokkurinn var stofnaður í Póllandi.
2003 - Ráðstefnunni World Social Forum lauk í Porto Alegre í Brasilíu með ákalli um að hætt yrði að heyja fyrirbyggjandi stríð og að öryggisráðið beitti neitunarvaldi fyrir frið.
2008 - Friðarsamkomulag í Kivudeilunni í Kongó var undirritað.
2008 - Romano Prodi sagði af sér embætti forsætisráðherra Ítalíu.
2008 - Ólafur F. Magnússon tók við embætti borgarstjóra Reykjavíkur.
2011 - Að minnsta kosti 37 manns létu lífið í sjálfsmorðsárás á Domodedovo-flugvellinum í Moskvu.
2016 - Marcelo Rebelo de Sousa var kjörinn forseti Portúgals.
2018- Kínverskir vísindamenn sögðu frá því í tímaritinu Cell að þeim hefði tekist að einrækta apa með líkamsfrumukjarnaflutningi.

Fædd

76 - Hadríanus keisari Rómaveldis (d. 138).
1705 - Farinelli, ítalskur geldingur og söngvari (d. 1782).
1712 - Friðrik 2. Prússakonungur (d. 1786).
1749 - Charles James Fox, enskur stjórnmálamaður (d. 1806).
1776 - E. T. A. Hoffmann, þýskur rithöfundur (d. 1822).
1824 - Hilmar Finsen, landshöfðingi (d. 1886).
1828 - Ferdinand Cohn, þýskur örverufræðingur (d. 1898)
1850 - Hermann Ebbinghaus, þýskur heimspekingur og sálfræðingur (d. 1909).
1902 - Oskar Morgenstern, austurrísk-bandarískur hagfræðingur (d. 1977).
1917 - Ernest Borgnine, bandarískur leikari (d. 2012).
1917 - Hinrik Frehen, biskup kaþólsku kirkjunnar á Íslandi (d. 1986).
1933 - Gísli Alfreðsson, íslenskur leikari.
1940 - Joachim Gauck, forseti Þýskalands.
1941 - Neil Diamond, bandarískur söngvari.
1942 - Gísli Sigurkarlsson, íslenskt skáld (d. 2013).
1943 - Sharon Tate, bandarísk leikkona og fyrirsæta (d. 1969).
1953 - Moon Jae-in, forseti Suður-Kóreu.
1958 - Jools Holland, breskur tónlistarmaður.
1961 - Guido Buchwald, þýskur knattspyrnumaður.
1969 - Hilmir Snær Guðnason, íslenskur leikari.
1978 - Hjalti Þór Vignisson, bæjarstjóri Hornafjarðar.
1978 - Kristen Schaal, bandarísk leikkona.
1978 - Tomokazu Myojin, japanskur knattspyrnumaður.
1986 - Mischa Barton, ensk leikkona.
1987 - Luis Suárez, úrúgvæskur knattspyrnumaður.

Dáin

41 - Calígúla, Rómarkeisari (f. 12).
772 - Stefán 3. páfi (f. [[
1366 - Alfons mildi, konungur Aragón.
1913 - Eiríkur Magnússon, íslenskur þýðandi (f. 1833).
1948 - Bill Cody, kanadískur leikari af íslenskum ættum (f. 1891).
1965 - Winston Churchill, forsætisráðherra Bretlands, verðlaunahafi Nóbels (f. 1874).
1989 - Ted Bundy, bandarískur fjöldamorðingi (f. 1946).
2004 - Leônidas da Silva, brasilískur knattspyrnumaður (f. 1913).
2005 - Vladimir Savchenko, úkraínskur rithöfundur (f. 1933).
2006 - Chris Penn, bandarískur leikari (f. 1965).
2016 - Marvin Lee Minsky, bandarískur gervigreindarfræðingur (f. 1927).