Opna aðalvalmynd

Kvikmyndamiðstöð Íslands

Kvikmyndamidstod.gif

Kvikmyndamiðstöð Íslands (KMÍ) (ensku: Icelandic Film Centre) er opinber stofnun sem var stofnuð með lögum sem sett voru 2001. Kvikmyndamiðstöð veitir styrki úr Kvikmyndasjóði og aðstoðar við kynningu á íslenskum kvikmyndum erlendis. Starfsfólk Kvikmyndamiðstöðvarinnar vinnur þannig að því að íslenskar myndir séu sýndar á kvikmyndahátíðum erlendis. Forstöðumaður er skipaður af menntamálaráðherra til fimm ára í senn. Núverandi forstöðumaður er Laufey Guðjónsdóttir.

Í kvikmyndalögum segir að verkefni Kvikmyndamiðstöðvar Íslands séu að:

  1. Styrkja framleiðslu og dreifingu íslenskra kvikmynda.
  2. Stuðla að kynningu, útbreiðslu og sölu á íslenskum kvikmyndum hér á landi og erlendis og afla upplýsinga um íslenskar kvikmyndir og gefa þær út.
  3. Efla kvikmyndamenningu á Íslandi.
  4. Stuðla að auknum samskiptum við erlenda aðila á sviði kvikmyndamála.

TenglarBreyta