Erna Solberg

Fyrrum forsætisráðherra Noregs

Erna Solberg (fædd 24. febrúar 1961) er norskur stjórnmálamaður og fyrrverandi forsætisráðherra Noregs. Hún gegndi embætti forsætisráðherra frá 2013 til 2021 og hefur verið formaður norska Hægriflokksins síðan 2004. Solberg var endurkjörin árið 2017. Hún hefur setið á norska stórþinginu fyrir Hörðaland frá árinu 1989.

Erna Solberg
Forsætisráðherra Noregs
Í embætti
16. október 2013 – 14. október 2021
ÞjóðhöfðingiHaraldur 5.
ForveriJens Stoltenberg
EftirmaðurJonas Gahr Støre
Persónulegar upplýsingar
Fædd24. febrúar 1961 (1961-02-24) (63 ára)
Bergen, Noregi
ÞjóðerniNorsk
StjórnmálaflokkurHægriflokkurinn
MakiSindre Finnes
Börn2
HáskóliHáskólinn í Bergen

Solberg var héraðs- og sveitastjórnarráðherra Noregs frá 2001 til 2005 í stjórn Kjells Magne Bondevik. Í því embætti beitti hún sér sérstaklega fyrir styrkingu á velferðarkerfum norsku fylkjanna, fyrir sameiningu og fækkun sumra sveitarfélaganna, og fyrir samvinnu milli fylkisstjórnanna.[1] Solberg gerði einnig breytingar á stefnu Noregs í málum hælisleitenda og innflytjenda og lagði grunninn að flýtimeðferðum á hælisumsóknum.[1] Solberg fékk það orð á sig að vera mjög ströng í garð hælisleitenda og hlaut því viðurnefnið „Járn-Erna“.[2] Þó sýna talningar að ríkisstjórn Bondeviks veitti fleiri hæliseitendum dvalarleyfi í Noregi en miðvinstristjórnin sem tók við völdum árið 2005.[3]

Solberg var kjörin formaður Hægriflokksins árið 2004 og varð þingflokksformaður flokksins árið 2005. Síðan hún tók við formennsku hefur hún lagt áherslu á samfélagslega þætti í stjórnmálastefnu Hægriflokksins. Hún þykir einnig hafa lagt áherslu á meira raunsæi í stefnumótun flokksins.[4]

Eftir þingkosningar Noregs árið 2009 jókst stuðningur við Hægriflokkinn og við Solberg sem forsætisráðherraefni verulega í skoðanakönnunum.[4] Í sveitastjórnarkosningum árið 2011 hlaut Hægriflokkurinn sína bestu kosningu frá árinu 1979. Í aðdraganda þingkosninga ársins 2013 var það yfirlýst markmið Hægriflokksins að stofna til stjórnarsamstarfs Hægriflokksins og annarra hægrihreyfinga með Solberg sem forsætisráðherra.[5] Eftir kosningarnar stofnaði Solberg samsteypustjórn Hægriflokksins og Framfaraflokksins með þingstuðningi Venstre og Kristilega þjóðarflokksins.

Stjórn Solberg hélt ekki velli í þingkosningum í september 2021.[6] Solberg viðurkenndi ósigur eftir kosningarnar og veik úr embætti fyrir Jonas Gahr Støre í október sama ár.[7]

Tilvísanir breyta

  1. 1,0 1,1 Lars Hellberg. „Erna Solberg“ (norska). Sótt 28. nóvember 2018.
  2. Johannes Morken (8. maí 2009). „Erna Solberg varsler tøffere integrering“ (norska). Vårt Land. Afrit af upprunalegu geymt þann 30. júní 2009. Sótt 28. nóvember 2010.
  3. Helge O. Svela (13. september 2009). „Det (var) altså flere asylsøkere som kom til Norge under den forrige Bondevik-regjeringen som Erna var med i, enn det har kommet nå under den rød-grønne regjeringen“ (norska). Bergens Tidende. Afrit af upprunalegu geymt þann 30. júní 2009. Sótt 28. nóvember 2018.
  4. 4,0 4,1 Kjetil B. Alstadheim. „Solberg-og-dal-banen“, Dagens Næringsliv, 22. desember 2012, bls. 2. (norska)
  5. Robin Krüger og Kjetil Løset (6. janúar 2013). „Slik vil de borgerlige styre Norge“ (norska). TV 2. Sótt 28. nóvember 2018.
  6. Ingvar Þór Björnsson (13. september 2021). „Vinstriblokkin hafði betur í Noregi“. RÚV. Sótt 13. september 2021.
  7. „Erna Solberg viðurkennir ósigur“. mbl.is. 13. september 2021. Sótt 14. október 2021.


Fyrirrennari:
Jens Stoltenberg
Forsætisráðherra Noregs
(16. október 201314. október 2021)
Eftirmaður:
Jonas Gahr Støre


   Þetta æviágrip sem tengist stjórnmálum er stubbur. Þú getur hjálpað til með því að bæta við greinina.