26. október

26. október er 299. dagur ársins (300. á hlaupári) samkvæmt gregoríska tímatalinu. 66 dagar eru eftir af árinu.

Atburðir

• 1235 - Bela 4. varð konungur Ungverjalands.
• 1406 - Eiríkur af Pommern giftist Filippu af Englandi.
• 1562 - Franskir kaþólikkar náðu Rouen á sitt vald undir stjórn Antoine de Bourbon, Navarrakonungs, sem sjálfur særðist til ólífis.
• 1714 - Karl 12. Svíakonungur fór frá Tyrklandi, þar sem hann hafði dvalið frá því Svíar töpuðu orrustunni við Poltava 1709, og reið þvert yfir Evrópu, um Vínarborg og Frankfurt am Main, til Stralsund í Pommern, sem þá var sænskt, 2152 km á 14 dögum. Mestallan tímann fylgdi honum aðeins einn maður.
• 1775 - Georg 3. tilkynnti breska þinginu að nýlendurnar vestanhafs hefðu gert uppreisn og við því yrði að bregðast á viðeigandi hátt.
• 1927 - Gagnfræðaskólinn á Akureyri fékk heimild til að útskrifa stúdenta og var eftir það nefndur Menntaskólinn á Akureyri.
• 1936 - Útvarpsþátturinn Um daginn og veginn hóf göngu sína og hefur orðið öðrum þáttum lífseigari.
• 1961 - Allmikið hraungos hófst í Öskju og stóð fram í desember.
• 1965 - Reykjanesbraut eða Keflavíkurvegurinn, fyrsti þjóðvegur á Íslandi utan þéttbýlis, sem lagður var bundnu slitlagi, var formlega opnuð eftir fimm ára framkvæmdir. Sett var á veggjald, sem innheimt var í tollskýli við Straumsvík þrátt fyrir mikla óánægju bílstjóra.
• 1973 - Bardögum lauk að mestu í Jom kippúr-stríðinu.

• 1977 - Síðasta náttúrulega bólusóttartilfellið uppgötvaðist í Sómalíu. Tveimur árum síðar taldist sjúkdómnum hafa verið útrýmt.
• 1979 - Yfirmaður kóresku leyniþjónustunnar, Kim Jae-gyu, myrti forseta Suður-Kóreu, Park Chung-hee.
• 1984 - Bandaríska spennumyndin Tortímandinn var frumsýnd.
• 1986 - Hallgrímskirkja í Reykjavík var vígð eftir 41 árs byggingarsögu. Við vígsluna gengu 2000 kirkjugestir til altaris og var það meiri fjöldi en áður hafði gerst í kirkjusögu Íslands.
• 1995 - Snjóflóð féll á Flateyri með þeim afleiðingum að tuttugu fórust.
• 2000 - Yfirvöld í Pakistan sögðu frá fundi múmíu persneskrar prinsessu í Balúkistan. Íran, Pakistan og Talíbanar gerðu öll tilkall til múmíunnar þar til ári síðar að sannað var að hún var fölsun.
• 2001 - George W. Bush undirritaði Patriot-lögin.
• 2007 - Stýrikerfið Mac OS X v10.5 („Leopard“) kom út.
• 2009 - Tilkynnt var að McDonald's á Íslandi yrði lokað.
• 2015 - 398 létust þegar jarðskjálfti reið yfir Hindu Kush-fjallgarðinn.

Fædd

• 1427 - Sigmundur erkihertogi af Austurríki (d. 1496).
• 1685 - Domenico Scarlatti, ítalskt tónskáld (d. 1757).
• 1759 - Georges Danton, franskur byltingarleiðtogi (d. 1794).
• 1856 - Baldvin L. Baldvinsson, vesturíslenskur ritstjóri (d. 1936).
• 1911 - Einar Kristjánsson, íslenskur rithöfundur (d. 1996).
• 1916 - François Mitterrand, forseti Frakklands (d. 1996).
• 1919 - Múhameð Resa Pahlavi, sja Írans (d. 1980).
• 1919 - Thomas Funck, sænskur rithöfundur (d. 2010).
• 1930 - Haraldur Guðbergsson, íslenskur myndlistarmaður.
• 1942 - Bob Hoskins, enskur leikari (d. 2014).
• 1947 - Hillary Clinton, bandarískur stjórnmalamaður.
• 1947 - Gísli H. Guðjónsson, íslenskur réttarsálfræðingur.
• 1959 - Evo Morales, forseti Bolivíu.
• 1973 - Seth MacFarlane, bandarískur kvikari.
• 1974 - Egill Heiðar Anton Pálsson, íslenskur leikari.
• 1980 - Cristian Chivu, rúmenskur knattspyrnumaður.
• 1983 - Dmitri Sychev, rússneskur knattspyrnumaður.
• 1984 - Adriano Correia Claro, brasilískur knattspyrnumaður.
• 1984 - Jefferson Farfán, perúskur knattspyrnumaður.

Dáin

• 899 - Alfreð mikli, Englandskonungur (f. um 849).
• 1235 - Andrés 3., konungur Ungverjalands (f. 1175).
• 1440 - Gilles de Rais, franskur aðalsmaður (hengdur) (f. 1404).
• 1580 - Anna af Austurríki, drottning Spánar og Portúgals (f. 1549).
• 1764 - William Hogarth, enskur listamaður (f. 1697).
• 1902 - Elizabeth Cady Stanton, bandarísk kvenréttindakona (f. 1815).
• 1932 - Margaret Brown, bandarísk aðgerðakona (f. 1867).
• 1972 - Uffa Fox, breskur skútuhönnuður (f. 1898).
• 1983 - Alfred Tarski, pólskur rökfræðingur (f. 1901).
• 1988 - Ragnar Kjartansson, íslenskur myndhöggvari (f. 1923).
• 2006 - Þorsteinn Thorarensen, íslenskur bókaútgefandi (f. 1926).