Snæfellsnes
Snæfellsnes er langt nes á Vesturlandi á milli Faxaflóa að sunnan og Breiðafjarðar að norðan. Fjallgarður liggur eftir nesinu endilöngu en hæsta fjallið á nesinu er Snæfellsjökull (1446 m) sem er eldkeila. Snæfellsjökull er frægur fyrir meinta dulræna krafta sem í honum eru sagðir búa og fyrir að vera upphafsstaður ævintýra söguhetjanna í bókinni Leyndardómar Snæfellsjökuls eftir Jules Verne.
![](http://upload.wikimedia.org/wikipedia/commons/thumb/6/63/Map_of_the_Sn%C3%A6fellsnes_peninsula.png/220px-Map_of_the_Sn%C3%A6fellsnes_peninsula.png)
![](http://upload.wikimedia.org/wikipedia/commons/thumb/9/9a/Sn%C3%A6fellsnes_fr%C3%A1_BS.jpg/220px-Sn%C3%A6fellsnes_fr%C3%A1_BS.jpg)
![](http://upload.wikimedia.org/wikipedia/commons/thumb/e/ef/Kalf%C3%A1rvellir-Sn%C3%A6fellsnes-Iceland-20030528.jpg/220px-Kalf%C3%A1rvellir-Sn%C3%A6fellsnes-Iceland-20030528.jpg)
![](http://upload.wikimedia.org/wikipedia/commons/thumb/e/e5/On_the_S._Coast_of_Sn%C3%A6fellsnes%2C_near_B%C3%BA%C3%B0ir._%284558229143%29.jpg/220px-On_the_S._Coast_of_Sn%C3%A6fellsnes%2C_near_B%C3%BA%C3%B0ir._%284558229143%29.jpg)
Byggð er nokkur meðfram ströndum nessins og nokkrir þéttbýliskjarnar á norðurströnd þess, þeir eru Stykkishólmur, Grundarfjörður, Ólafsvík, Rif og Hellissandur, talið frá austri til vesturs, en allt eru þetta þorp og bæir sem byggja afkomu sína að mestu á sjávarútvegi. Að sunnanverðu eru tveir smábæir, Arnarstapi og Hellnar. Vestan á nesinu var á árum áður útróðrarstöð í Dritvík og svo þorpið Beruvík, sem hefur verið í eyði í marga áratugi.