14. júlí

14. júlí er 195. dagur ársins (196. á hlaupári) samkvæmt gregoríska tímatalinu. 170 dagar eru eftir af árinu.

Atburðir

939 - Stefán 8. varð páfi.
1614 - Svíar sigruðu Rússa í orrustunni við Bronnicy.
1641 - Svíar og Brandenborgarar sömdu um vopnahlé í Stokkhólmi.
1651 - Corfitz Ulfeldt flúði til Amsterdam frá Kaupmannahöfn með fjölskyldu sína eftir að hafa verið ákærður af Danakonungi fyrir tilraun til að eitra fyrir konungsfjölskyldunni.
1677 - Svíar unnu sigur á Dönum í orrustunni við Landskrona.
1683 - Tyrkir settust um Vínarborg.
1789 - Bastilludagurinn: Franska byltingin hófst þegar Parísarbúar réðust á Bastilluna.
1929 - Varðskipið Ægir var keypt fyrir landhelgisgæsluna.
1948 - Palmiro Togliatti, leiðtogi ítalska kommúnistaflokksins, var skotinn rétt fyrir utan þinghúsið.
1958 - Þjóðernissinnar steyptu konungi Íraks af stóli í írösku byltingunni.
1971 - Viðreisnarstjórnin lét af völdum eftir tólf ára stjórnarsetu eftir kosningaósigur í kosningunum daginn áður.
1974 - Hringvegurinn var fullgerður með opnun Skeiðarárbrúar.
1984 - 36 létust í lestarslysi í Júgóslavíu.
1988 - Fjárfestingarfélag Berlusconis, Fininvest, keypti verslunarkeðjuna Standa af Montedison.
1989 - Í Frakklandi var haldið upp á 200 ára afmæli Frönsku byltingarinnar.

2000 - Öflugt sólgos olli segulstormi á jörðu.
2002 - Maður skaut af byssu á Jacques Chirac meðan á hátíðahöldum vegna þjóðhátíðardagsins stóð en hitti ekki.
2004 - Filippseyjar ákváðu að draga herlið sitt frá Írak eftir gíslatöku.
2006 - Dómur féll í ítalska úrvalsdeildarhneykslinu: Liðin S. S. Lazio, Juventus og Fiorentina voru felld niður um deild. Dómnum var síðar áfrýjað og refsingar mildaðar.
2014 - Ashraf Ghani var kjörinn forseti Afganistans í annarri umferð forsetakosninga þar í landi.
2015 - Geimfarið New Horizons flaug framhjá Plútó og varð þannig fyrsta geimfarið til að komast í námunda við dvergreikistjörnuna.
2015 - Samningar náðust um kjarnorkuáætlun Írans sem fólu í sér takmarkanir á auðgun úrans.
2016 - 86 létust í Nice þegar vörubíl var ekið inn í hóp af fólki sem fagnaði Bastilludeginum á Promenade des Anglais.