Vesturgata

Vesturgata er gata í vesturbæ Reykjavíkur. Hún liggur frá Aðalstræti í austri til Ánanausta í vestri. Flest húsin við hana eru íbúðarhús, en þar eru einnig nokkur fyrirtæki. Hámarkshraði er 30 km/klst.

Sjómannsbýli við Vesturgötu árið 1836, sennilega kotið Helluland sem stóð norðan við Vesturgötu 11 nálægt þeim stað sem áður var veitingahúsið Naustið. Teikning eftir Auguste Mayer

Vesturgata seint á 19. öld til 1900.

Vesturgata 3

Vesturgata heitir svo vegna þess að hún liggur í vesturátt frá miðbænum, en hét áður Hlíðarhúsastígur, eftir kotinu Hlíðarhúsum sem forðum stóð við hana. Seinna hét hún Læknisgata, sem kom til vegna húss sem landlæknir bjó í og stóð á Hlíðarhúsavelli (nú Ránargata 13). Læknisgötunafnið varð Vesturbæingum þó aldrei munntamt. Þeir kölluðu hana alltaf Hlíðarhúsastíg, eða Stíginn, og Vesturgötu nafnið átti líka örðugt uppdráttar, því að langt fram yfir aldamótin 1900 töluðu menn um að fara vestur á Stíg.

Tengt efni

• Glasgow, húsið sem stóð við Vesturgötu (5A).

Tengill

• Úr sögu Hlíðarhúsa; grein í Lesbók Morgunblaðsins 1948
• Gamalt hús og horfnir vinir; grein í Lesbók Morgunblaðsins 1975
• Vesturbærinn - Vesturgatan; grein í Lesbók Morgunblaðsins 1977

  Þessi grein er stubbur. Þú getur hjálpað til með því að bæta við greinina.