Virginia Raggi
Virginia Elena Raggi er ítölsk stjórnmálakona og fyrrverandi borgarstjóri Rómar fyrir Fimmstjörnuhreyfinguna.
| Virginia Raggi | |
|---|---|
.jpg) Virginia Raggi árið 2018. | |
| Borgarstjóri Rómar | |
| Í embætti 22. júní 2016 – 21. október 2021 | |
| Persónulegar upplýsingar | |
| Fædd | 18. júlí 1978 Róm |
| Stjórnmálaflokkur | Fimmstjörnuhreyfingin |
| Maki | Andrea Severini |
| Börn | 1 |
| Starf | Stjórnmálamaður |
Æviágrip
breytaSósíaldemókratar með Ignazio Marino sem borgarstjóra höfðu farið með völd í borginni. Marino neyddist hinsvegar til að segja af sér vegna kæruleysislegrar notkunar á opinberu fé og fundu sósíaldemókratar því annan til að gegna embætti sem eftir væri kjörtímabils.
Fremur gekk brösuglega fyrir hægriflokkana að ganga til kosninga þetta árið. Gátu þeir ekki sameinast um frambjóðenda og gengu því klofnir til kosninga. Silvio Berlusconi studdi Alfío Marchini en Norðursambandið Giorgiu Meloni. Kosið var í tveimur umferðum og þar sem allir kjósendur hægriflokkana (90 % af stuðningsmönnum Marchini og 99% af stuðningsmönnum Meloni) völdu Raggi fram yfir frambjóðenda sósíaldemókrata var eftirleikurinn auðveldur fyrir Raggi. Eitt af því fyrsta sem Raggi gerði í embætti borgarstjóra var að draga til baka framboð Rómarborgar um að hýsa Ólympíuleikana árið 2024 þar sem hún taldi að borgin yrði sliguð af skuldum ef til þess kæmi.
Árið 2018 fóru fram fjöldamótmæli gegn hnignandi innviðum Rómarborgar undir stjórn Raggi.[1]
Í nóvember árið 2018 var Raggi sýknuð af ákæru um einkavinavæðingu. Hún hafði verið ákærð eftir að hún réð bróður eins nánasta aðstoðarmanns síns til að stýra ferðamannastefnu Rómar.[2]
Raggi bauð sig fram til endurkjörs í borgarstjórnarkosningum Rómar árið 2021 en lenti í fjórða sæti í fyrri umferð kosninganna með aðeins 19% atkvæðanna.[3]
Tilvísanir
breyta- ↑ „Rómverjar mótmæla Raggi“. RÚV. 28. október 2018. Sótt 10. nóvember 2018.
- ↑ „Raggi hreinsuð af ásökunum um einkavinavæðingu“. Vísir. 10. nóvember 2018. Sótt 10. nóvember 2018.
- ↑ Amante, Angelo; Jones, Gavin (4. október 2021). „Centre-left wins Italian mayoral elections, 5-Star loses Rome“. Reuters. Sótt 12. október 2021.