1671

Ár

1668 1669 1670 – 1671 – 1672 1673 1674

Áratugir

1661-1670 – 1671-1680 – 1681-1690

Aldir

16. öldin – 17. öldin – 18. öldin

Árið 1671 (MDCLXXI í rómverskum tölum) var 71. ár 17. aldar sem hófst á fimmtudegi samkvæmt gregoríska tímatalinu en sunnudegi samkvæmt júlíska tímatalinu sem er tíu dögum á eftir.

Atburðir

Karl 2. í krýningarskrúða árið 1661 með veldissprota, ríkisepli og Játvarðskórónuna. Thomas Blood flatti kórónuna út með hamri til að ná að fela hana undir kufli sínum.

• Apríl - Orrustan við Saraighat þar sem herforingi Ahomkonungsríkisins, Lachit Borphukan, sigraði her Mógúlveldisins.
• 9. maí - Thomas Blood reyndi að stela bresku krúnudjásnunum úr Lundúnaturni en náðist strax.
• 22. júní - Tyrkjaveldi lýsti Póllandi stríð á hendur.

Ódagsettir atburðir

• Mikill landskjálfti í Grímsnesi og Ölfusi, hröpuðu hús víða.

Fædd

• 7. mars - Rob Roy MacGregor, skosk þjóðhetja (d. 1734).
• 21. apríl - John Law, skoskur hagfræðingur (d. 1729).
• 8. júní - Tomaso Albinoni, ítalskt tónskáld (d. 1751).
• 11. júní - Colley Cibber, enskt skáld (d. 1757).
• 1. október - Guido Grandi, ítalskur stærðfræðingur (d. 1742).
• 11. október - Friðrik 4. Danakonungur (d. 1730).

Dáin

• 8. maí - Sébastien Bourdon, franskur listmálari (f. 1616).
• 12. nóvember - Thomas Fairfax, enskur herforingi (f. 1612).

Opinberar aftökur

• Galdramál: Sigurður Jónsson úr Vatnsfirði, Ögurhreppi tekinn af lífi á Alþingi, með brennu, fyrir galdra. Sigurði var gefið að sök að hafa valdið veikindum Þuríðar Guðmundsdóttur.