1756

Ár

1753 1754 1755 – 1756 – 1757 1758 1759

Áratugir

1741–1750 – 1751–1760 – 1761–1770

Aldir

17. öldin – 18. öldin – 19. öldin

Árið 1756 (MDCCLVI í rómverskum tölum)

Húsið á Eyrarbakka.

Friðrik mikli.

Á Íslandi

• Febrúar - Kötlugosi lauk sem staðið hafði frá árinu áður.
• Ólafur Stephensen varð varalögmaður norðan og vestan.
• Tvær bækur með íslenskum fornsögum komu út á Hólum, Ágætar fornmannasögur og Nokkrir margfróðir söguþættir.
• Fyrsta þýdda skáldsagan kom út á Hólum. Hét hún Þess svenzka Gustav Landkrons og þess engelska Bertholds fábreytilegar Róbinsons eður lífs og ævisögur úr dönsku útlagðar af séra Þorsteini Ketilssyni prófasti í Vaðlaþingi.
• Friedrich Wilhelm Hastfer var sendur til Íslands af Friðrik 5. Danakonungi til að koma á fót sauðfjárbúi.
• Mikið hafísár. Hafís rak inn á hvern fjörð á Norðurlandi, fyrir allt Austurland og suður til Vestmannaeyja. Skip komust ekki til landsins og hafísinn hvarf ekki endanlega frá landinu fyrr en í ágústlok.
• Hörkufrost og snjóar víða á Norðurlandi í júlí og ágúst.
• Snorri Björnsson varð prestur á Húsafelli. Hann var prestur þar allt til dauðadags 1803.
• Húsið á Eyrarbakka var reist.
• Danskur kaupmaður, Laurids Christensen Stistrup, gaf 600 Biblíur og 1700 Nýjatestamenti til Íslands.
• Sárasóttarfaraldur kom upp á Íslandi og var talinn tengjast Innréttingunum í Reykjavík.
• Eggert Ólafsson og Bjarni Pálsson mældu Breiðamerkusand, töldu þeir um eina danska mílu (7,5 km) milli jökuls og fjöru.

Fædd

Dáin

• 29. janúar - Snorri Jónsson, prestur á Helgafelli (f. 1683).

Opinberar aftökur

• Þrír menn hengdir fyrir þjófnað og flótta, þar af tveir í Rangárþingi og einn í Norðursýslu.

Erlendis

• 10. febrúar - Fjöldamorð Spánverja og Portúgala á Gvaraní-frumbyggjum í Brasilíu. Yfir 1.500 létust.
• 17. maí - Sjö ára stríðið hófst þegar Bretar sögðu Frökkum formlega stríð á hendur en áður höfðu Frakkar gert innrás á Menorka, sem Bretar réðu þá. Frakkar unnu sigur eftir nokkurra vikna átök.
• 29. ágúst - Friðrik mikli Prússakonungur gerði innrás í Saxland.
• 16. nóvember - Thomas Pelham-Holles, hertogi af Newcastle, forsætisráðherra Bretlands, sagði af sér vegna ósigurs Breta gegn Frökkum á Menorka.
• Friðrik mikli neyddi prússneska bændur til að rækta kartöflur við litla hrifningu þeirra.
• Samfelldar reglubundnar veðurathuganir hófust í Englandi og í Svíþjóð.

Fædd

• 27. janúar - Wolfgang Amadeus Mozart, tónskáld (d. 1791).
• 31. janúar - Maria Theresa af Savoja, kona Karls 10., síðar Frakkakonungs (d. 1805).
• 3. mars - William Godwin, enskur rithöfundur (d. 1836).
• 14. júlí - Thomas Rowlandson, enskur listmálari og skopteiknari (d. 1827).

Dáin

• 10. apríl - Giacomo Antonio Perti, ítalskt tónskáld (f. 1661).
• 18. apríl - Jacques Cassini, franskur stjörnufræðingur (f. 1677).