668

668 (DCLXVIII í rómverskum tölum) var 68. ár 7. aldar og hlaupár sem hófst á laugardegi samkvæmt júlíska tímatalinu.

Árþúsund:	1. árþúsundið
Aldir:	6. öldin 7. öldin 8. öldin
Áratugir:	641–650 651–660 661–670 671–680 681–690
Ár:	665 666 667 668 669 670 671

Atburðir

Kort af Austrómverska ríkinu í valdatíð Konstans 2.

• 15. september - Keisarinn Konstans 2. var myrtur í baði í hallarbyltingu í Sýrakúsu á Sikiley. Hirðin sneri aftur til Konstantínópel eftir 5 ára fjarveru.
• Kínverskar hersveitir luku við að leggja Kóreuskaga undir keisarann Gao Zong og stofna þar leppríki. Konungsríkið Goguryeo leið undir lok.
• Theódór af Tarsus varð erkibiskup í Kantaraborg.
• Kotrag, konungur Stór-Búlgaríu, vann sigur á bróður sínum, Batbayan, og hélt suður yfir Kákasusfjöll.
• Austrómverski herforinginn Saborios óskaði eftir aðstoð Muawiyah 1. kalífa við að koma Konstantínusi 4. frá völdum. Kalífinn sendi her undir stjórn sonar síns, Yazid 1., og lagði Amorium í Litlu-Asíu undir sig.

Fædd

• Al-Walid 1. kalífi (d. 715).
• Gyōki, japanskur búddaprestur (d. 749).
• Jústiníanus 2. keisari Austrómverska ríkisins (d. 711).

Dáin

• Brahmagupta, indverskur stærðfræðingur (f. 597).
• 15. september - Konstans 2. keisari Austrómverska ríkisins (f. 630).
• Jodok, bretónskur dýrlingur (f. um 600).
• Saborios, austrómverskur herforingi.
• Wandregisel, frankverskur munkur.
• Zhiyan, kínverskur patríarki (f. 602).