Heimsmeistaramót landsliða í knattspyrnu karla 2014

(Endurbeint frá HM 2014)

Heimsmeistaramót landsliða í knattspyrnu karla 2014 var haldið í Brasilíu dagana 12. júní til 13. júlí 2014. Heimsmeistaramótið var það 20. í röðinni en það eru haldin á fjögurra ára fresti. Þetta var í annað skiptið sem keppnin var haldin í Brasilíu en heimsmeistaramótið fór einnig fram þar í landi árið 1950. Íslenska karlalandsliðið í knattspyrnu var nálægt því að komast á mótið en tapaði í umspili fyrir Króatíu með 1 marks mun.

Val á gestgjöfumBreyta

Árið 2003 tilkynnti FIFA að keppnin 2014 skyldi fara fram í Suður-Ameríku, það yrði jafnframt í fyrsta sinn í sögunni sem mótið yrði haldið utan Evrópu tvö skipti í röð. Aðildarlönd suður-ameríska knattspyrnusambandsins, CONMEBOL, ákváðu á fundi sínum árið 2004 að lýsa stuðningi við framboð Brasilíu sem var formlega skilað inn á árinu 2006. Þrátt fyrir samþykktina íhuguðu knattspyrnuyfirvöld í Argentínu að bjóða í keppnina og Kólumbíumenn gengu skrefi lengra og skiluðu inn umsókn. Vorið 2007 hættu Kólumbíumenn við og varð Brasilía því sjálfkjörin í hlutverk gestgjafa.

ÞátttökuliðBreyta

32 þjóðir mættu til leiks frá sex heimsálfum.

KnattspyrnuvellirBreyta

Rio de Janeiro, RJ
Estádio do Maracanã
Sætafjöldi: 76.935[1]
 
Belo Horizonte, MG
Estádio Mineirão
Sætafjöldi: 62.547
Salvador, BA
Arena Fonte Nova
Sætafjöldi: 56.000[2]
 
Cuiabá, MT
Arena Pantanal
Sætafjöldi: 42.968
(endurbyggður)
 
Fortaleza, CE
Estádio Castelão
Sætafjöldi: 64.846[3]
 
Porto Alegre, RS
Estádio Beira-Rio
Sætafjöldi: 51.300[4]
(endurbyggður)
 
Recife, PE
Arena Pernambuco
Sætafjöldi: 46.154
 
Curitiba, PR
Arena da Baixada
Sætafjöldi: 43.900
(uppfærður)
 
Brasilía, DF São Paulo, SP
Estádio Nacional Mané Garrincha[5] Arena de São Paulo
Sætafjöldi: 70.042[6] Sætafjöldi: 68.000
(nýr leikvangur)
   
Manaus, AM Natal, RN
Arena Amazônia Arena das Dunas
Sætafjöldi: 42.374
(endurbyggður)
Sætafjöldi: 42.086
(endurbyggður)
 

KeppninBreyta

RiðlakeppninBreyta

Keppt var í átta riðlum, hverjum með fjórum keppnisliðum. Tvö efstu liðin fóru í 16-liða úrslit.

A riðillBreyta

Króatar komust yfir í opnunarleiknum gegn heimamönnum en brasilíska liðinu tókst að snúa leiknum sér í vil með 3:1 sigri. Í næstu umferð tók við tilþrifalítið markalaust jafntefli gegn Mexíkó sem náði öðru sætinu á eftir Brasilíu. Kamerún lauk keppni án stiga.

Sæti Lið L U J T Sk Fe M.munur Stig
1   Brasilía 3 2 1 0 7 2 +5 7
2   Mexíkó 3 2 1 0 4 1 +3 7
3   Króatía 3 1 0 2 6 6 0 3
4   Kamerún 3 0 0 3 1 9 -8 0

12. júní - Arena de São Paulo, São Paulo

  •   Brasilía 3 : 1   Króatía

13. júní - Arena das Dunas, Natal

  •   Mexíkó 1 : 0   Kamerún

17. júní - Estádio Castelão, Fortaleza

  •   Brasilía 0 : 0   Mexíkó

18. júní - Arena da Amazônia, Manaus

  •   Kamerún 0 : 4   Króatía

23. júní - Estádio Nacional Mané Garrincha, Brasília

  •   Kamerún 1 : 4   Brasilía

23. júní - Itaipava Arena Pernambuco, Recife

  •   Króatía 1 : 3   Mexíkó

B riðillBreyta

Enn eitt heimsmeistaramótið í röð mistókst meisturunum frá fyrri keppni að komast upp úr riðlakeppninni þegar Spánverjar sátu eftir með þrjú stig, fyrir sigur á Áströlum sem töpuðu öllum sínum leikjum. Hollendingar voru funheitir og luku keppni með fullt hús stiga og Síle náði öðru sæti eftir 2:0 sigur á heimsmeisturunum.

Sæti Lið L U J T Sk Fe M.munur Stig
1   Holland 3 3 0 0 10 3 +7 9
2   Síle 3 2 0 1 5 3 +2 6
3   Spánn 3 1 0 2 4 7 -3 3
4   Ástralía 3 0 0 3 3 9 -6 0

13. júní - Itaipava Arena Fonte Nova, Salvador

  •   Spánn 1 : 5   Holland

13. júní - Arena Pantanal, Cuiabá

  •   Síle 3 : 1   Ástralía

18. júní - Estádio Beira-Rio, Porto Alegre

  •   Ástralía 2 : 3   Holland

18. júní - Estádio do Maracanã, Rio de Janeiro

  •   Spánn 0 : 2   Síle

23. júní - Arena da Baixada, Curitiba

  •   Ástralía 0 : 3   Spánn

23. júní - Arena de São Paulo, São Paulo

  •   Holland 2 : 0   Síle

C riðillBreyta

Það blés ekki byrlega fyrir Grikkjum sem töpuðu 3:0 fyrir Kólumbíu í fyrsta leik. Kólumbíska liðið endaði hins vegar á að vinna alla leiki sína. Japan sat rækilega á botninum með aðeins eitt stig eftir jafntefli við Grikki. Fílabeinsströndinni dugði því jafntefli í lokaleiknum gegn gríska liðinu og sú virtist ætla að verða raunin allt fram í þriðju múnútu uppbótartíma þegar Samaras skoraði sigurmarkið úr vítaspyrnu og Afríkumennirnir sátu eftir með sárt ennið.

Sæti Lið L U J T Sk Fe M.munur Stig
1   Kólumbía 3 3 0 0 9 2 +7 9
2   Síle 3 1 1 1 2 4 -2 4
3   Fílabeinsströndin 3 1 0 2 4 5 -q 3
4   Japan 3 0 1 2 2 6 -4 1

14. júní - Estádio Mineirão, Belo Horizonte

  •   Kólumbía 3 : 0   Grikkland

14. júní - Arena da Amazônia, Manaus

  •   Fílabeinsströndin 2 : 1   Japan

19. júní - Arena de São Paulo, São Paulo

  •   Kólumbía 2 : 1   Fílabeinsströndin

19. júní - Itaipava Arena Pernambuco, Recife

  •   Japan 0 : 0   Grikkland

24. júní - Arena das Dunas, Natal

  •   Japan 1 : 4   Kólumbía

24. júní - Estádio Mineirão, Belo Horizonte

  •   Grikkland 2 : 1   Fílabeinsströndin

D riðillBreyta

Úrslitin í D-riðli komu flestum á óvart. Kosta Ríka sem talið var lakasta liðið nældi sér í toppsætið með því að skella Úrúgvæ og Ítölum. Í lokaleiknum gerði liðið jafntefli við England og reyndist það eina stig Englendinga í keppninni. Úrúgvæ og Ítalía mættust í hreinum úrslitaleik um annað sætið þar sem Suður-Ameríkumennirnir urðu að sækja sigur. Það tókst en úrslitin reyndust dýrkeypt því þeirra helsti leikmaður, Luis Suárez, varð uppvís að því að bíta mótherja í leiknum og hlaut langt keppnisbann.

Sæti Lið L U J T Sk Fe M.munur Stig
1   Kosta Ríka 3 2 1 0 4 1 +3 7
2   Úrúgvæ 3 2 0 1 4 4 0 6
3   Ítalía 3 1 0 2 2 3 -1 3
4   England 3 0 1 2 2 4 -2 1

14. júní - Estádio Castelão, Fortaleza

  •   Úrúgvæ 1 : 3   Kosta Ríka

14. júní - Arena da Amazônia, Manaus

  •   England 1 : 2   Ítalía

19. júní - Arena de São Paulo, São Paulo

  •   Úrúgvæ 2 : 1   England

20. júní - Itaipava Arena Pernambuco, Recife

  •   Ítalía 0 : 1   Kosta Ríka

24. júní - Arena das Dunas, Natal

  •   Ítalía 0 : 1   Úrúgvæ

24. júní - Estádio Mineirão, Belo Horizonte

  •   Kosta Ríka 0 : 0   England

E riðillBreyta

Hondúras tapaði öllum þremur leikjum sínum í E-riðli á meðan Frakkar unnu tvo fyrstu leikina og dugði því markalaust jafntefli í lokaleiknum gegn Ekvador til að gulltryggja toppsætið. Ekvador hefði hins vegar þurft á sigri að halda og Svisslendingar tóku seinna sætið í 16-liða úrslitunum.

Sæti Lið L U J T Sk Fe M.munur Stig
1   Frakkland 3 2 1 0 8 2 +6 7
2   Sviss 3 2 0 1 7 6 +1 6
3   Ekvador 3 1 1 1 3 3 0 4
4   Hondúras 3 0 0 3 1 8 -7 0

15. júní - Estádio Nacional Mané Garrincha, Brasília

  •   Sviss 2 : 1   Ekvador

15. júní - Estádio Beira-Rio, Porto Alegre

  •   Frakkland 3 : 0   Hondúras

20. júní - Itaipava Arena Fonte Nova, Salvador

  •   Sviss 2 : 5   Frakkland

20. júní - Arena da Baixada, Curitiba

  •   Hondúras 1 : 2   Ekvador

25. júní - Arena da Amazônia, Manaus

  •   Hondúras 0 : 3   Sviss

25. júní - Estádio do Maracanã, Rio de Janeiro

  •   Ekvador 0 : 0   Frakkland

F riðillBreyta

Bosníumenn skoruðu fljótasta sjálfsmark í sögu HM, eftir tvær mínútur og níu sekúndur í tapleik gegn Argentínu. Argentínska liðið vann alla sína leiki en sigurmarkið gegn Írönum kom þó ekki fyrr en í uppbótartíma. Hinn eiginlegi úrslitaleikur um annað sætið var á milli Nígeríu og Bosníu í annarri umferðinni þar sem Afríkumennirnir unnu góðan sigur.

Sæti Lið L U J T Sk Fe M.munur Stig
1   Argentína 3 3 0 0 6 3 +3 9
2   Nígería 3 1 1 1 3 3 0 4
3   Bosnía 3 1 0 2 4 4 0 3
4   Íran 3 0 1 2 1 4 -3 1

15. júní - Estádio do Maracanã, Rio de Janeiro

  •   Argentína 2 : 1   Bosnía

16. júní - Arena da Baixada, Curitiba

  •   Íran 0 : 0   Nígería

21. júní - Estádio Mineirão, Belo Horizonte

  •   Argentína 1 : 0   Íran

21. júní - Arena Pantanal, Cuiabá

  •   Nígería 1 : 0   Bosnía

25. júní - Estádio Beira-Rio, Porto Alegre

  •   Nígería 2 : 3   Argentína

25. júní - Itaipava Arena Fonte Nova, Salvador

  •   Bosnía 3 : 1   Íran

G riðillBreyta

Búist var við hörkuviðureign milli Þýskalands og Portúgal í fyrsta leik en annað kom á daginn. Þjóðverjar unnu auðveldlega 4:0 þar sem Thomas Müller skoraði þrennu. Þessi skellur gerði það að verkum að jafntefli við Bandaríkin í næstu umferð setti Portúgali nær örugglega úr leik. Aron Jóhannsson kom inná fyrir bandaríska liðið í sigurleik á móti Gana í fyrstu umferð. Bandaríkjamenn fylgdu Þjóðverjum áfram en frammistaða Gana og Portúgal olli miklum vonbrigðum.

Sæti Lið L U J T Sk Fe M.munur Stig
1   Þýskaland 3 2 1 0 7 2 +5 7
2   Bandaríkin 3 1 1 1 4 4 0 4
3   Portúgal 3 1 1 1 4 7 -3 4
4   Gana 3 0 1 2 4 6 -2 1

16. júní - Itaipava Arena Fonte Nova, Salvador

  •   Þýskaland 4 : 0   Portúgal

16. júní - Arena das Dunas, Natal

  •   Gana 1 : 2   Bandaríkin

21. júní - Estádio Castelão, Fortaleza

  •   Þýskaland 2 : 2   Gana

22. júní - Arena da Amazônia, Manaus

  •   Bandaríkin 2 : 2   Portúgal

26. júní - Itaipava Arena Pernambuco, Recife

  •   Bandaríkin 0 : 1   Þýskaland

26. júní - Estádio Nacional Mané Garrincha, Brasília

  •   Portúgal 2 : 1   Gana

H riðillBreyta

Belgar þurftu ekki nema fjögur mörk til að landa þremur sigrum og fullu húsi stiga í H-riðlinum. Suður-Kórea náði aðeins einu stigi, í jafntefli á móti Rússum. Það reyndist þeim síðarnefndu dýrkeypti og Alsír hirti seinna sætið í útsláttarkeppninni.

Sæti Lið L U J T Sk Fe M.munur Stig
1   Belgía 3 3 0 0 4 1 +3 9
2   Alsír 3 1 1 1 6 5 +1 4
3   Rússland 3 0 2 1 2 3 -1 2
4   Suður-Kórea 3 0 1 2 3 6 -3 1

17. júní - Estádio Mineirão, Belo Horizonte

  •   Belgía 2 : 1   Alsír

17. júní - Arena Pantanal, Cuiabá

  •   Rússland 1 : 1   Suður-Kórea

22. júní - Estádio do Maracanã, Rio de Janeiro

  •   Belgía 1 : 0   Rússland

22. júní - Estádio Beira-Rio, Porto Alegre

  •   Suður-Kórea 2 : 4   Alsír

26. júní - Arena de São Paulo, São Paulo

  •   Suður-Kórea 0 : 1   Belgía

26. júní - Arena da Baixada, Curitiba

  •   Alsír 1 : 1   Rússland

ÚtsláttarkeppniBreyta

16. liða úrslitBreyta

Brasilía þurfti vítakeppni til að komast í fjórðungsúrslitin eftir leik við Síle sem var í járnum allan tímann. Lið Úrúgvæ var slegið út af laginu eftir langt keppnisbann Luis Suárez eftir lokaleik riðlakeppninnar. Kólumbíska liðið var mun sterkara í leik liðanna og James Rodríguez skoraði glæsimark sem valið var mark mótsins. Mexíkó virtist loksins ætla að komast í fjórðungsúrslit þar sem liðið leiddi gegn Hollendingum þegar þrjár mínútur voru eftir af venjulegum leiktíma en tvö hollensk mörk í lokin sneru dæminu við. Grikkir náðu að jafna í uppbótartíma gegn spútnikliði Kosta Ríka en máttu sætta sig við tap í vítaspyrnukeppni. Frakkar brutu ísinn gegn Nígeríu eftir slæm mistök markvarðar andstæðinganna og gulltryggðu sigur sinn í blálokin. Þjóðverjar og Alsíringar höfðu mæst í minnisstæðri viðureign á HM 1982, þá vann Alsír en Þjóðverjar komu fram hefndum eftir framlengingu að þessu sinni. Argentína mátti hafa mikið fyrir því að leggja Svisslendinga að velli. Þeir síðarnefndu vörðust stíft og voru nærri búnir að knýja fram vítaspyrnukeppni í blálokin en skot þeirra small í stönginni. Tim Howard, markvörður Bandaríkjanna, setti nýtt met í sögu úrslitakeppni HM þegar hann varð fimmtán skot gegn Belgum, en það dugði liði hans þó ekki til að komast áfram.

28. júní - Estádio Mineirão, Belo Horizonte, áh. 57.714

28. júní - Estádio do Maracanã, Rio de Janeiro, áh. 72.804

29. júní - Estádio Castelão, Fortaleza, áh. 58.817

29. júní - Itaipava Arena Pernambuco, Recife, áh. 41.242

30. júní - Estádio Nacional Mané Garrincha, Brasília, áh. 67.882

30. júní - Estádio Beira-Rio, Porto Alegre, áh. 43.063

1. júlí - Arena Corinthians, São Paulo, áh. 63.255

1. júlí - Itaipava Arena Fonte Nova, Salvador, áh. 51.227

FjórðungsúrslitBreyta

Argentínumenn, Brasilíumenn og Þjóðverjar unnu sínar viðureignir í fjórðungsúrslitum, í öllum tilvikum eftir að hafa komist yfir snemma leiks. Það varpaði þó skugga á sigur heimamanna að Neymar meiddist illa og gat ekki keppt meira á mótinu. Hollendingar þurftu vítaspyrnukeppni til að vinna sigur á spútnikliði Kosta Ríka.

4. júlí - Estádio do Maracanã, Rio de Janeiro, áh. 74.240

4. júlí - Estádio Castelão, Fortaleza, áh. 60.342

5. júlí - Estádio Nacional Mané Garrincha, Brasília, áh. 68.551

5. júlí - Itaipava Arena Fonte Nova, Salvador, áh. 51.179

UndanúrslitBreyta

Fjarvera Neymars vegna meiðsla sló brasilíska landsliðið gjörsamlega út af laginu og hrunið varð algjört á móti sterku þýsku liði. Lokastaðan, 1:7, reyndist stærsta tap Brasilíu frá árinu 1920. Í hinum undanúrslitaleiknum unnu Argentínumenn sigur á Hollendingum í vítaspyrnukeppni.

8. júlí - Estádio Mineirão, Belo Horizonte, áh. 56.141

9. júlí - Arena Corinthians, São Paulo, áh. 63.267

BronsleikurBreyta

Hrakfarir Brasilíumanna eftir undanúrslitin héldu áfram í leiknum um þriðja sætið. Vængbrotið lið heimamanna tapaði 3:0 og fékk því í allt fjórtán mörk á sig í keppninni, meira en nokkurt annað gestalið í sögunni. Vítaspyrnumark Robin van Persie á upphafsmínútunum kom honum í fjögur mörk.

12. júlí - Estádio Nacional Mané Garrincha, Brasília, áh. 68.034

ÚrslitaleikurBreyta

Þýskaland og Argentína mættust í þriðja sinn í úrslitum, sem var met. Áður höfðu þjóðirnar mæst á HM 1986 og HM 1990. Eftir markalaust jafntefli í venjulegum leiktíma þurfti að grípa til framlengingar þar sem Mario Götze skoraði eina markið e. 113 mínútur. Þjóðverjar urðu þar með fyrsta Evrópuþjóðin til að verða heimsmeistari í keppni sem fram fór á vesturhveli.

13. júlí - Estádio do Maracanã, Rio de Janeiro, áh. 74.738

Markahæstu leikmennBreyta

James Rodríguez hreppti gullskó FIFA, fyrstur Kólumbíumanna, með sex mörk skoruð. Alls voru 171 mark skorað af 121 leikmanni, þar af voru fimm sjálfsmörk.

6 mörk
5 mörk
4 mörk

Sjá einnigBreyta

Heimsmeistarmót landsliða í knattspyrnu karla 2018

HeimildirBreyta

  1. „Estadio do Maracana - Rio De Janeiro“. fifa.com. Afrit af upprunalegu geymt þann 21 október 2013. Sótt 2 June 2013.
  2. „Arena Fonte Nova - Salvador Stadium“. Afrit af upprunalegu geymt þann 22. október 2013. Sótt 19. júní 2013.
  3. „Estadio Castelao - Fortaleza“. Afrit af upprunalegu geymt þann 21. október 2013. Sótt 19. júní 2013.
  4. „Site oficial do Sport Club Internacional - Projeto Gigante Para Sempre“. Internacional.com.br. Afrit af upprunalegu geymt þann 7 apríl 2014. Sótt 25 May 2013.
  5. „Estádio Nacional Mané Garrincha“. FIFA.com. Afrit af upprunalegu geymt þann 23. október 2013. Sótt 14 de junho de 2013.
  6. Fifa admite adotar nome Mané Garrincha em estádio de Brasília na Copa