Framlög Íslands til forvals Óskarsins

Framlög Íslands til Óskarsins hafa verið valin af íslenska kvikmyndaiðnaðinum þau ár sem kvikmynd var framleidd sem uppfyllti skilyrði Bandarísku kvikmyndaakademíunnar. Frá stofnun Eddunnar árið 1999 hefur Íslenska kvikmynda- og sjónvarpsakademían séð um val á mynd ár hvert. Þrjú árin (1999, 2000 og 2001) voru kvikmyndir tilnefndar til framlagsins líkt og í öðrum verðlaunaflokkum á Edduhátíðinni.

Árið 1947 byrjaði Bandaríska kvikmyndaakademían að veita Óskarsverðlaun fyrir bestu erlendu kvikmyndina. Aðferðin sem notuð er við valið er einföld: Hverju landi er boðið að senda inn eina kvikmynd sem framleidd hefur verið á tilteknu tólf mánaða tímabili. Innsendar kvikmyndir fá sérstaka sýningu þar sem nefndin gefur einkunn fyrir þær myndir sem hún sér. Þær fimm myndir sem fá hæstu einkunn eru tilnefndar til Óskarverðlauna í flokknum „besta erlenda kvikmyndin“, en það er ekki fyrr en á sjálfri Óskarsverðlaunahátíðinni sem tilkynnt er um sigurvegara. Sú mynd sem hlýtur verðlaunin þarf ekki endilega að vera sú sem fékk hæstu stigin við valið á tilnefningum.

Ísland sendi sína fyrstu kvikmynd árið 1981 og var það kvikmyndin Land og synir sem var frumsýnd árið áður. Tvær íslenskar kvikmyndir hafa hlotið tilnefningu til Óskarsverðlaunanna frá upphafi; ein kvikmynd í fullri lengd og ein stuttmynd. Börn náttúrunnar eftir Friðrik Þór Friðriksson var tilnefnd árið 1992 í flokknum „besta erlenda kvikmyndin“. Árið 2006 var síðan Síðasti bærinn eftir Rúnar Rúnarsson tilnefnd í flokknum „besta leikna stuttmyndin“.

Kvikmyndir

Ártölin vísa til þess árs þegar Óskarsverðlaunin voru veitt:

Ár	Kvikmynd	Leikstjórn	Niðurstaða	Tilnefningar til framlags
1980 (53.)	Land og synir	Ágúst Guðmundsson	Ekki tilnefnd
1981 (54.)	Útlaginn	Ágúst Guðmundsson	Ekki tilnefnd
1982 (55.)	Okkar á milli	Hrafn Gunnlaugsson	Ekki tilnefnd
1983 (56.)	Húsið	Egill Eðvarðsson	Ekki tilnefnd
1984 (57.)	Hrafninn flýgur	Hrafn Gunnlaugsson	Ekki tilnefnd
1985 (58.)	Skammdegi	Þráinn Bertelsson	Ekki tilnefnd
1986 (59.)	Eins og skepnan deyr	Hilmar Oddsson	Ekki tilnefnd
1987 (60.)	Skytturnar	Friðrik Þór Friðriksson	Ekki tilnefnd
1988 (61.)	Í skugga hrafnsins	Hrafn Gunnlaugsson	Ekki tilnefnd
1989 (62.)	Kristnihald undir Jökli	Guðný Halldórsdóttir	Ekki tilnefnd
1990 (63.)	Pappírspési	Ari Kristinsson	Ekki tilnefnd
1991 (64.)	Börn náttúrunnar	Friðrik Þór Friðriksson	Tilnefnd til Óskarsins
1992 (65.)	Svo á jörðu sem á himni	Kristín Jóhannesdóttir	Ekki tilnefnd	Ingaló,Veggfóður, Sódóma Reykjavík
1993 (66.)	Hin helgu vé	Hrafn Gunnlaugsson	Ekki tilnefnd
1994 (67.)	Bíódagar	Friðrik Þór Friðriksson	Ekki tilnefnd
1995 (68.)	Tár úr steini	Hilmar Oddsson	Ekki tilnefnd
1996 (69.)	Djöflaeyjan	Friðrik Þór Friðriksson	Ekki tilnefnd	Benjamín Dúfa, Agnes
1997 (70.)	Blossi/810551	Júlíus Kemp	Ekki tilnefnd	Perlur og svín
1998 (71.)	Stikkfrí	Ari Kristinsson	Ekki tilnefnd	Dansinn, Sporlaust, Popp í Reykjavík
1999 (72.)	Ungfrúin góða og húsið	Guðný Halldórsdóttir	Ekki tilnefnd	(Ó)eðli
2000 (73.)	Englar alheimsins	Friðrik Þór Friðriksson	Ekki tilnefnd	Myrkrahöfðinginn, Fíaskó, 101 Reykjavík, Íslenski draumurinn
2001 (74.)	Mávahlátur	Ágúst Guðmundsson	Ekki tilnefnd	Íkingút, Óskabörn þjóðarinnar
2002 (75.)	Hafið	Baltasar Kormákur	Ekki tilnefnd
2003 (76.)	Nói albínói	Dagur Kári Pétursson	Ekki tilnefnd	Engar aðrar kvikmyndir tilnefndar
2004 (77.)	Kaldaljós	Hilmar Oddsson	Ekki tilnefnd
2005 (78.)	Í takt við tímann	Ágúst Guðmundsson	Ekki tilnefnd
2006 (77.)	Börn	Ragnar Bragason	Ekki tilnefnd	Blóðbönd
2007 (80.)	Mýrin	Baltasar Kormákur	Ekki tilnefnd	Köld slóð, Foreldrar, Astrópía, Veðramót
2008 (81.)	Brúðguminn	Baltasar Kormákur	Ekki tilnefnd	Heiðin, Stóra planið, Skrapp út, Sveitabrúðkaup, The Amazing Truth About Queen Raquela
2009 (82.)	Reykjavík - Rotterdam	Óskar Jónasson	Ekki tilnefnd
2010 (83.)	Mamma Gógó	Friðrik Þór Friðriksson	Ekki tilnefnd
2011 (84.)	Eldfjall	Rúnar Rúnarsson	Ekki tilnefnd
2012 (85.)	Djúpið	Baltasar Kormákur	Valin á stuttlista
2013 (86.)	Hross í oss	Benedikt Erlingsson	Ekki tilnefnd
2014 (87.)	Vonarstræti	Baldvin Z	Ekki tilnefnd
2015 (88.)	Hrútar	Grímur Hákonarson	Ekki tilnefnd
2016 (89.)	Þrestir	Rúnar Rúnarsson	Ekki tilnefnd
2017 (90.)	Undir trénu	Hafsteinn Gunnar Sigurðsson	Ekki tilnefnd
2018 (91.)	Kona fer í stríð	Benedikt Erlingsson	Ekki tilnefnd
2019 (92.)	Hvítur, hvítur dagur	Hlynur Pálmason	Ekki tilnefnd
2020 (93.)	Agnes Joy	Silja Hauksdóttir	Ekki tilnefnd
2021 (94.)	Dýrið	Valdimar Jóhannsson	Valin á stuttlista
2022 (95.)	Berdreymi	Guðmundur Arnar Guðmundsson	Ekki tilnefnd
2023 (96.)	Volaða land	Hlynur Pálmason	Valin á stuttlista