Bandaríska kvikmyndaakademían
Þessi grein inniheldur engar heimildir. Vinsamlegast hjálpaðu til við að bæta þessa grein með því að bæta við tilvísunum í áreiðanlegar heimildir. Efni sem ekki styðst við heimildir gæti verið fjarlægt. |
Bandaríska kvikmyndaakademían (enska: Academy of Motion Picture Arts and Sciences, skammstafað AMPAS) er fagfélag í bandaríska kvikmyndaiðnaðinum sem er þekktast fyrir að veita Óskarsverðlaunin árlega fyrir kvikmyndagerð. Samtökin voru upphaflega stofnuð árið 1927 til að miðla málum í atvinnudeilum bandarísku kvikmyndaveranna og starfsfólks, og til að bæta ímynd kvikmyndaiðnaðarins út á við. Fyrstu Óskarsverðlaunin voru veitt árið 1929. Í dag er stjórn samtakanna mynduð af fulltrúum fagfélaga í kvikmyndagerð. Félagar eru tæplega 10.000. Aðild er bundin við boðsfélaga. Höfuðstöðvar samtakanna eru í Beverly Hills í Kaliforníu. Þar eru meðal annars Samuel Goldwyn-kvikmyndahúsið, Pickford-miðstöðin og Fairbanks-miðstöðin. Árið 2021 stofnaði Akademían Kvikmyndasafn Bandarísku kvikmyndaakademíunnar í Los Angeles.
