Heimsmeistaramót landsliða í knattspyrnu karla 1998

(Endurbeint frá HM 1998)

Heimsmeistaramót landsliða í knattspyrnu karla 1998 var í 16. sinn sem mótið var haldið. Keppni fór fram í Frakklandi 10. júní til 12. júlí, en áður höfðu Frakkar haldið mótið árið 1938. Þátttökuliðum var fjölgað úr 24 í 32 í fyrsta sinn. Alls voru leiknir 64 leikir á mótinu sem fram fóru í tíu borgum.

Heimamenn Frakka urðu heimsmeistarar eftir 3:0 sigur á Brasilíu í úrslitum. Þetta var í sjötta sinn sem keppnin vannst á heimavelli.

Val á gestgjöfumBreyta

HM 1998 var úthlutað á fundi FIFA árið 1992. Svisslendingar hugðust sækjast eftir keppninni, en þurftu að draga sig til baka þar sem boð þeirra uppfyllti ekki kröfur alþjóðaknattspyrnusambandsins. Valið stóð því á milli Frakklands og Marokkó. Frakkar hlutu tólf atkvæði á móti sjö atkvæðum Norður-Afríkubúanna. Síðar komu fram ásakanir um að Marokkóstjórn hefði reynt að beita mútum til að hafa áhrif á valið.

UndankeppniBreyta

174 þjóðir skráðu sig til leiks, 24 fleiri en fjórum árum fyrr. Þær börðust um 30 sæti til viðbótar við heimamenn og ríkjandi heimsmeistara. Evrópuliðin kepptu í níu riðlum, sem hver um sig gaf eitt öruggt sæti í úrslitakeppninni. Skotar voru eina annars sætis liðið sem komst beint áfram en hin átta léku umspilsleiki um laus sæti. Athygli vakti að bronslið Svía frá fyrra móti komst ekki í úrslitin.

Áströlum mistókst að komast í úrslitakeppnina eftir að missa 2:0 forystu á heimavelli í umspilsleik gegn Íran niður í jafntefli. Suður-Afríka tryggði sér þátttökuréttinn á sínu fyrsta heimsmeistaramóti

ÞátttökuliðBreyta

24 þjóðir mættu til leiks frá fimm heimsálfum. Króatía, Japan, Jamaíka og Suður-Afríka kepptu í fyrsta sinn til úrslita.

LeikvangarBreyta

Saint-Denis Marseille Paris Lyon Lens
Stade de France Stade Vélodrome Parc des Princes Stade de Gerland Stade Félix-Bollaert
Áhorfendur: 80,000 Áhorfendur: 60,000 Áhorfendur: 48,875 Áhorfendur: 44,000 Áhorfendur: 41,300
         
Nantes Toulouse Saint-Étienne Bordeaux Montpellier
Stade de la Beaujoire Stadium de Toulouse Stade Geoffroy-Guichard Parc Lescure Stade de la Mosson
Áhorfendur: 39,500 Áhorfendur: 37,000 Áhorfendur: 36,000 Áhorfendur: 35,200 Áhorfendur: 34,000
         

KeppninBreyta

RiðlakeppninBreyta

Keppt var í átta riðlum, hverjum með fjórum keppnisliðum. Tvö efstu liðin fóru í 16-liða úrslit.

Riðill 1Breyta

Heimsmeistarar Brasilíumanna lentu í nokkru basli í riðlakeppninni. Þeir unnu nauman sigur á Skotum í opnunarleik mótsins, 2:1 og tryggðu sér sæti í næstu umferð með stórsigri á Marókkó. Afríska liðið vann 3:0 sigur á Skotum í lokaleiknum og virtist öruggt um að komast áfram, en tvö mörk Norðmanna gegn Brasilíu undir lokin tryggðu þeim sigur, 2:1. Norðmenn hafa aldrei tapað fyrir Brasilíu í landsleik karla í knattspyrnu.

Sæti Lið L U J T Sk Fe M.munur Stig
1   Brasilía 3 2 0 1 6 3 +3 6
2   Noregur 3 1 2 0 5 4 +1 5
3   Marokkó 3 1 1 1 5 5 0 4
4   Skotland 3 0 1 2 2 6 -4 1

10. júní - Stade de France, Saint-Denis

  •   Brasilía 2 : 1   Skotland

10. júní - Stade de la Mosson, Montpellier

  •   Marokkó 2 : 2   Noregur

16. júní - Parc Lescure, Bordeaux

  •   Skotland 1 : 1   Noregur

16. júní - Stade de la Beaujoire, Nantes

  •   Brasilía 3 : 0   Marokkó

23. júní - Stade Vélodrome, Marseille

  •   Brasilía 1 : 2   Noregur

23. júní - Stade Geoffroy-Guichard, Saint-Étienne

  •   Skotland 0 : 3   Marokkó

Riðill 2Breyta

Austurríkismenn skoruðu tvívegis í uppbótartíma, í jafnteflisleikjum gegn Kamerún og Síle. Það dugði liðinu þó ekki til að komast upp úr riðlinum. Ítalir tóku efsta sætið en Síle fylgdi þar á eftir.

Sæti Lið L U J T Sk Fe M.munur Stig
1   Ítalía 3 2 1 0 7 3 +4 7
2   Síle 3 0 3 0 4 4 0 3
3   Austurríki 3 0 2 1 3 4 -1 2
4   Kamerún 3 0 2 1 2 5 -3 2

11. júní - Parc Lescure, Bordeaux

  •   Ítalía 2 : 2   Síle

11. júní - Stade de Toulouse, Toulouse

  •   Kamerún 1 : 1   Austurríki

17. júní - Stade Geoffroy-Guichard, Saint-Étienne

  •   Síle 1 : 1   Austurríki

17. júní - Stade de la Mosson, Montpellier

  •   Ítalía 3 : 0   Kamerún

23. júní - Stade de France, Saint-Denis

  •   Ítalía 2 : 1   Austurríki

23. júní - Stade de la Beaujoire, Nantes

  •   Síle 1 : 1   Kamerún

Riðill 3Breyta

Heimamenn Frakka unnu alla þrjá leiki sína. Suður-Afríkumenn áttu kost á að komast áfram með stórsigri á Sádi-Arabíu í lokaleiknum en náðu aðeins jafntefli og Danir fóru í 16-liða úrslitin.

Sæti Lið L U J T Sk Fe M.munur Stig
1   Frakkland 3 3 0 0 9 1 +8 9
2   Danmörk 3 1 1 1 3 3 0 4
3   Suður-Afríka 3 0 2 1 3 6 -3 2
4   Sádi-Arabía 3 0 1 2 2 7 -5 1

12. júní - Stade Félix-Bollaert, Lens

  •   Sádi-Arabía 0 : 1   Danmörk

12. júní - Stade Vélodrome, Marseille

  •   Frakkland 3 : 0   Suður-Afríka

18. júní - Stade de Toulouse, Toulouse

  •   Suður-Afríka 1 : 1   Danmörk

18. júní - Stade de France, Saint-Denis

  •   Frakkland 4 : 0   Sádi-Arabía

24. júní - Stade de Gerland, Lyon

  •   Frakkland 2 : 1   Danmörk

24. júní - Parc Lescure, Bordeaux

  •   Suður-Afríka 2 : 2   Sádi-Arabía

Riðill 4Breyta

Spánverjar komust í tvígang yfir gegn Nígeríu en töpuðu að lokum 2:3. Það reyndist þeim dýrkeypt því markalaust jafntefli við Paragvæ kostaði liðið sæti í 16-liða úrslitum þrátt fyrir 6:1 stórsigur á lánlausum Búlögurm í lokaumferðinni. Nígeríumenn höfðu tryggt sér toppsætið fyrir síðasta leikinn og máttu því við tapi gegn Paragvæ sem einnig komst áfram.

Sæti Lið L U J T Sk Fe M.munur Stig
1   Nígería 3 2 0 1 5 5 0 6
2   Paragvæ 3 1 2 0 4 1 +2 5
3   Spánn 3 1 1 1 8 4 +4 4
4   Búlgaría 3 0 1 2 1 7 -6 1

12. júní - Stade de la Mosson, Montpellier

  •   Paragvæ 0 : 0   Búlgaría

13. júní - Stade de la Beaujoire, Nantes

  •   Spánn 2 : 3   Nígería

19. júní - Parc des Princes, Paris

  •   Nígería 1 : 0   Búlgaría

19. júní - Stade Geoffroy-Guichard, Saint-Étienne

  •   Spánn 0 : 0   Paragvæ

24. júní - Stade de Toulouse, Toulouse

  •   Nígería 1 : 3   Paragvæ

24. júní - Stade Félix-Bollaert, Lens

  •   Spánn 6 : 1   Búlgaría

Riðill 5Breyta

Belgar féllu taplausir úr keppni eftir þrjú jafntefli í 5. riðli. Holland og Mexíkó skiptu með sér toppsætunum með fimm stig hvort lið en Suður-Kórea rak lestina.

Sæti Lið L U J T Sk Fe M.munur Stig
1   Holland 3 1 2 0 7 2 +5 5
2   Mexíkó 3 1 2 0 7 6 +2 5
3   Belgía 3 0 3 0 3 3 0 3
4   Suður-Kórea 3 0 1 2 2 9 -7 1

13. júní - Stade de Gerland, Lyon

  •   Suður-Kórea 1 : 3   Mexíkó

13. júní - Stade de France, Saint-Denis

  •   Holland 0 : 0   Belgía

20. júní - Parc Lescure, Bordeaux

  •   Belgía 2 : 2   Mexíkó

20. júní - Stade Vélodrome, Marseille

  •   Holland 5 : 0   Suður-Kórea

25. júní - Stade Geoffroy-Guichard, Saint-Étienne

  •   Holland 2 : 2   Mexíkó

26. júní - Parc des Princes, Paris

  •   Belgía 1 : 1   Suður-Kórea

Riðill 6Breyta

Júgóslavar misstu niður tveggja marka forystu og gerðu jafntefli við Þjóðverja sem að lokum kostaði liðið toppsætið í 6. riðli. Íranir náðu þriðja sætinu eftir tilfinningaríkan sigur á Bandaríkjunum.

Sæti Lið L U J T Sk Fe M.munur Stig
1   Þýskaland 3 2 1 0 6 2 +4 7
2   Júgóslavía 3 2 1 0 4 2 +2 7
3   Íran 3 1 0 2 2 4 -2 3
4   Bandaríkin 3 0 1 2 1 7 -6 0

14. júní - Stade Geoffroy-Guichard, Saint-Étienne

  •   Júgóslavía 1 : 0   Íran

15. júní - Parc des Princes, Paris

  •   Þýskaland 2 : 0   Bandaríkin

21. júní - Stade Félix-Bollaert, Lens

  •   Þýskaland 2 : 2   Júgóslavía

21. júní - Stade de Gerland, Lyon

  •   Bandaríkin 1 : 2   Íran

25. júní - Stade de la Beaujoire, Nantes

  •   Bandaríkin 0 : 1   Júgóslavía

25. júní - Stade de la Mosson, Montpellier

  •   Þýskaland 2 : 0   Íran

Riðill 7Breyta

Búist var við því að Englendingar og Kólumbíumenn bitust um toppsætið í 7. riðli en Rúmenar lögðu báðar þessar þjóðir í fyrstu tveimur umferðunum og tryggðu sér toppsætið auðveldlega. England tók annað sætið eftir hreinan úrslitaleik gegn Kólumbíu, en Túnis rak lestina.

Sæti Lið L U J T Sk Fe M.munur Stig
1   Rúmenía 3 2 1 0 4 2 +2 7
2   England 3 2 0 1 5 2 +3 6
3   Jamaíka 3 1 0 2 1 3 -2 3
4   Túnis 3 0 1 2 1 4 -3 1

15. júní - Stade Vélodrome, Marseille

  •   England 2 : 0   Túnis

15. júní - Stade de Gerland, Lyon

  •   Rúmenía 1 : 0   Kólumbía

22. júní - Stade de la Mosson, Montpellier

  •   Kólumbía 1 : 0   Túnis

22. júní - Stade de Toulouse, Toulouse

  •   Rúmenía 2 : 1   England

26. júní - Stade Félix-Bollaert, Lens

  •   Kólumbía 0 : 2   England

26. júní - Stade de France, Saint-Denis

  •   Rúmenía 1 : 1   Túnis

Riðill 8Breyta

Áttundi riðill hafði að geyma þrjá af fjórum nýliðum heimsmeistaramótsins. Argentínumenn unnu alla sína leiki og Króatar fylgdu þeim áfram í 16-liða úrslitin.

Sæti Lið L U J T Sk Fe M.munur Stig
1   Argentína 3 3 0 0 7 0 +7 9
2   Króatía 3 2 0 1 4 2 +2 6
3   Jamaíka 3 1 0 2 3 9 -6 3
4   Japan 3 0 0 3 1 6 -3 0

14. júní - Stade de Toulouse, Toulouse

  •   Argentína 1 : 0   Japan

14. júní - Stade Félix-Bollaert, Lens

  •   Jamaíka 1 : 3   Króatía

20. júní - Stade de la Beaujoire, Nantes

  •   Japan 0 : 1   Króatía

21. júní - Parc des Princes, Paris

  •   Argentína 5 : 0   Jamaíka

26. júní - Parc Lescure, Bordeaux

  •   Argentína 1 : 0   Króatía

26. júní - Stade de Gerland, Lyon

  •   Japan 1 : 2   Jamaíka

ÚtsláttarkeppninBreyta

Tvö efstu liðin úr hverjum forriðli fóru áfram í 16-liða úrslit sem leikin voru með útsláttarfyrirkomulagi.

16-liða úrslitBreyta

Frakkar þurftu framlengingu til að leggja Paragvæ að velli í 16-liða úrslitunum. Þjóðverjar komust í hann krappann á móti Mexíkó en tryggðu sér sigurinn með tveimur mörkum á síðasta stundarfjórðungnum. Edgar Davids tryggði Hollendingum sæti í næstu umferð með marki í uppbótartíma gegn Júgóslavíu. Mesta dramatíkin var þó í viðureign Englendinga og Argentínumanna þar sem David Beckham var rekinn af velli fyrir að slæma fæti til Diego Simeone áður en grípa þurfti til framlengingar og vítaspyrnukeppni.

27. júní - Stade Vélodrome, Marseille, áh. 55.000

27. júní - Parc des Princes, París, áh. 45.400

28. júní - Stade Félix-Bollaert, Lens, áh. 31.800

28. júní - Stade de France, Saint-Denis, áh. 77.000

29. júní - Stade de la Mosson, Montpellier, áh. 29.800

29. júní - Stade de Toulouse, Toulouse, áh. 33.500

30. júní - Parc Lescure, Bordeaux, áh. 31.800

30. júní - Stade Geoffroy-Guichard, Saint-Étienne, áh. 30.600

FjórðungsúrslitBreyta

Líkt og á HM fjórum árum fyrr féllu Ítalir úr keppni eftir vítaspyrnukeppni. Brasilíumenn lentu í miklum vandræðum með spræka Dani og Króatar komu mjög á óvart með stórsigri á Þjóðverjum. Hollendingar komust í undanúrslitin með sigurmarki á lokamínútunni.

3. júlí - Stade de France, Saint-Denis, áh. 77.000

3. júlí - Stade de la Beaujoire, Nantes, áh. 35.500

4. júlí - Stade Vélodrome, Marseille, áh. 55.000

4. júlí - Stade de Gerland, Lyon, áh. 39.100

UndanúrslitBreyta

Patrick Kluivert jafnaði metin fyrir Hollendinga í blálokin á móti Brasilíu, en það kom fyrir lítið þar sem Suður-Ameríkumennirnir unnu í vítakeppni. Í hinni undanúrslitaviðureigninni virtist ævintýri Króata ætla að halda áfram þegar Davor Šuker kom þeim yfir en tvö mörk frá Lilian Thuram komu Frökkum í sinn fyrsta úrslitaleik í sögunni.

7. júlí - Stade Vélodrome, Marseille, áh. 54.000

8. júlí - Stade de France, Saint-Denis, áh. 76.000

BronsleikurBreyta

Króatar mættu einbeittari til leiks í viðureigninni um þriðja sætið, staðráðnir í að vinna til verðlauna á sínu fyrsta heimsmeistaramóti. Þeir lögðu ekki minni áherslu á að koma Šuker á markalistann til að tryggja honum gullskóinn. Hvort tveggja tókst.

11. júlí - Parc des Princes, Paris, áh. 45.500

ÚrslitaleikurBreyta

Í aðdraganda úrslitaleiksins hverfðust umræður manna um það hvort Ronaldo yrði með Brasilíumönnum. Í upphaflegri liðsuppstillingu var ekki gert ráð fyrir honum í byrjunarliði en því var þó breytt á síðustu stundu. Ronaldo virtist ekki sjálfum sér líkur í leiknum og kom lítið við sögu. Í kjölfarið fóru af stað háværar umræður um að hann hefði ekki verið leikfær en engu að síður látinn spila að kröfu styrktaraðilans Nike. Hvað sem því líður virtust Brasilíumenn illa tilbúnir í verkefnið og Zidane skoraði tvívegis í fyrri hálfleik. Emmanuel Petit gulltryggði sigurinn undi lokin, 3:0 og Frakkar fögnuðu sínum fyrsta heimsmeistaratitli í sögunni. Nokkrum dögum eftir sigurinn tilkynnti þjálfarinn Aimé Jacquet að hann hefði látið af störfum.

12. júlí - Stade de France, Saint-Denis, áh. 75.000

Markahæstu leikmennBreyta

Davor Šuker hreppti gullskó FIFA með sex mörk skoruð. Alls skiptu 112 leikmenn á milli sín 171 marki.

6 mörk
5 mörk
4 mörk