Heimsmeistaramót landsliða í knattspyrnu karla 1938

Heimsmeistaramót landsliða í knattspyrnu karla 1938 eða HM 1938 var haldið í Frakklandi dagana 4. júní til 19. júní. Þetta var þriðja heimsmeistarakeppnin og tókst Ítölum að verja titil sinn frá fjórum árum fyrr. Alls skráðu 37 lið sig til leiks, þótt allnokkur drægju sig síðar úr keppni. Sextán lið kepptu í úrslitakeppninni og léku þar alls átján leiki.

Val á gestgjöfum

Auk Frakka sóttust Þjóðverjar og Argentínumenn eftir því að halda keppnina. Kosið var milli landanna þriggja á þingi Alþjóðaknattspyrnusambandsins í Berlín árið 1936. Frakkland vann með yfirburðum, hlaut 19 af 23 atkvæðum. Argentínumenn brugðust ókvæða við niðurstöðunni, þar sem þeir töldu sig hafa vilyrði fyrir því að HM yrði til skiptis haldið í Evrópu og Suður-Ameríku. Argentína ákvað því að sniðganga keppnina og það sama gerði Úrúgvæ.

Forkeppni

37 þjóðir skráðu sig til leiks að berjast um 14 sæti í úrslitakeppninni, til viðbótar við heimamenn Frakka og ríkjandi heimsmeistara Ítala. Þegar til átti að taka drógu mörg þessara liða sig úr keppni. Þannig komust Kúbverjar í sína fyrstu og einu úrslitakeppni HM eftir að fimm önnur lið frá Mið- og Norður-Ameríku hættu við þátttöku. Í Asíukeppninni voru tvö lið skráð til leiks, en Japan dró sig til baka svo Hollensku Vestur Indíur (í dag Indónesía) komust áfram. Brasilía fékk sömuleiðis farmiðann til Frakklands án keppni.

23 lið tóku þátt í Evrópuhluta forkeppninnar, þar á meðal Egyptaland og Palestína. Egyptar drógust gegn Rúmenum en neyddust til að gefa leikinn þar sem liðin áttu að mætast í Ramadan. Lítið varð um óvænt úrslit í leikjunum. Austurríkismenn tryggðu sér sæti með sigri á Lettum, en eftir innlimun Austurríkis í Þýskaland var landsliðið lagt niður og léku nokkrir austurrísku leikmannanna undir merkjum Þýskalands á mótinu. Alþjóðaknattspyrnusambandið bauð Englendingum lausa sætið sem sigurvegurum í knattspyrnukeppni Stóra-Bretlands, en þeir afþökkuðu.

Þátttökulið

Sextán lið unnu sér þátttökurétt í mótinu, áður en að því kom drógu Austurríkismenn sig úr keppni eftir innlimun landsins í Þýskaland. Af þeim fimmtán liðum sem mættu til leiks komu tólf frá Evrópu en aðeins eitt frá Suður-Ameríku, sem og Norður-Ameríku og Asíu.

Leikvangar

Áætlað var að leikið yrði á ellefu leikvöngum í tíu borgum á mótinu. Ekkert varð þó úr leiknum sem fara átti fram í Lyon vegna fjarveru Austurríkismanna.

París	París	Marseille
Stade Olympique de Colombes	Parc des Princes	Stade Vélodrome
Áhorfendur: 60.000	Áhorfendur: 48.712	Áhorfendur: 48.000

Lyon	Toulouse	Bordeaux
Stade Gerland	Stade Chapou	Parc Lescure
Áhorfendur: 40.500	Áhorfendur: 35.472	Áhorfendur: 34.694

Strasbourg	Le Havre	Reims
Stade de la Meinau	Stade Municipal	Vélodrome Municipal
Áhorfendur: 30.000	Áhorfendur: 22.000	Áhorfendur: 21.684

Lille	Antibes
Stade Victor Boucquey	Stade du Fort Carré
Áhorfendur: 15.000	Áhorfendur: 7.000

Keppnin

Fyrsta umferð

Pólverjar og Brasilíumenn stilla sér upp fyrir leik sinn.

Keppt var með einföldu útsláttarkeppnisfyrirkomulagi. Liðunum var styrkleikaraðað á þann hátt að átta sterkustu þjóðirnar gátu ekki dregist saman í fyrstu umferð, en þar sem Austurríki var í þeim hópi sátu Svíar hjá í fyrstu umferð. Að frátöldum opnunarleiknum, sem fram fór 4. júní, voru allar viðureignirnar þann 5. júní. Tveimur leikjum lauk með jafntefli og mættust viðkomandi lið þá að nýju fáeinum dögum síðar enda vítaspyrnukeppni ekki komin til sögunnar.

Óvæntust urðu úrslitin í einvígi Sviss og Þýskalands. Sepp Herberger þjálfari Þjóðverja hafði byggt upp mjög sterkt lið sem talið var líklegt til afreka. Eftir innlimun Austurríkis, sem einnig hafði mjög sterku landsliði á að skipa bárust fyrirskipanir frá ráðamönnum í Berlín að sameina skyldi liðin tvö. Hið sameinaða lið reyndist hins vegar illa samhæft og lítil vinátta milli leikmanna af ólíkum þjóðernum og lítt þekkt lið frá Sviss reyndist sterkara í tveimur leikjum.

Æsilegasta viðureignin var á milli Brasilíu og Póllands þar sem Brasilíumaðurinn Leonidas sýndi snilli sína. Pólverjinn Ernst Willimowski skoraði fjögur mörk í leiknum, sem lengi var met.

4. júní 1938
	Sviss	1-1	Þýskaland	Parc des Princes, París Áhorfendur: 27.152 Dómari: John Langenus, Belgíu
	Abegglen 43		Gauchel 29

5. júní 1938
	Frakkland	3-1	Belgía	Stade Olympique de Colombes, Colombes Áhorfendur: 30.654 Dómari: Hans Wüthrich, Sviss
	Veinante 1, Nicolas 16, 69		Isemborghsl 38

5. júní 1938
	Tékkóslóvakía	3-0 (e.framl.)	Holland	Stade municipal, Le Havrel Áhorfendur: 11.000 Dómari: Lucien Leclerq, Frakklandi
	Košťálek 93, Zeman 111, Nejedlýl 118

5. júní 1938
	Ítalía	2-1 (e.framl.)	Noregur	Stade Vélodrome, Marseille Áhorfendur: 18.000 Dómari: Alois Beranek, Þýskalandi
	Ferraris 2, Piola 94		Brustad 83

5. júní 1938
	Kúba	3-3 (e.framl.)	Rúmenía	Stade du T.O.E.C., Toulouse Áhorfendur: 7.000 Dómari: Giuseppe Scarpi, Ítalíu
	Socorro 44, 103, Magriñá 69		Bindea 35, Baratky 88, Dobay 103

5. júní 1938
	Ungverjaland	6-0	Hollensku Vestur Indíur	Vélodrome Municipal, Reims Áhorfendur: 9.000 Dómari: Roger Conrié, Frakklandi
	Kohut 13, Toldi 15, Sárosi 28, 89, Zsengellér 35,76

5. júní 1938
	Brasilía	6-5 (e.framl.)	Pólland	Stade de la Meinau, Strasbourg Áhorfendur: 13.452 Dómari: Ivan Eklind, Svíþjóð
	Leônidas 18, 93, 104, Romeu 25, Perácio 44, 71, Zsengellér 35,76		Scherfke 23 (vítasp.), Wilimowski 53, 59, 89, 118

Svíþjóð sat hjá

Aukaleikir

9. júní 1938
	Sviss	2-1	Þýskaland	Parc Lescure, Bordeaux Áhorfendur: 20.025 Dómari: Ivan Eklind, Svíþjóð
	Walaschek 42, Bickel 64, Abegglen 75, 78		Hahnemann 8, Lörtscher (sjálfsm.) 22

9. júní 1938
	Kúba	2-1	Rúmenía	Parc des Princes, París Áhorfendur: 8.000 Dómari: Alfred Birlem, Þýskalandi
	Socorro 51, Fernández 57		Dobay 35

Fjórðungsúrslit

Heimamenn og Ítalir í alsvörtum búningi ganga inn á völlinn fyrir leik liðanna.

Svíar komust vandræðalaust í undanúrslitin og Ungverjar fóru sömu leið. Heimsmeistarar Ítala slógu gestgjafana úr keppni. Andstæðingar fasista efndu til mótmæla fyrir leikinn, en Ítalir svöruðu fyrir sig með því að mæta til leiks í alsvörtum búningi, einkennislit fasistahreyfingarinnar. Er það í eina skiptið sem ítalska landsliðið hefur leikið í slíkum búningi. Ekki var minni hiti í einvígi Tékka og Brasilíumanna sem fór í tvo leiki. Fyrri leikurinn þótti með eindæmum grófur og beinbrotnuðu tveir leikmenn Tékkóslóvakíu í honum.

12. júní 1938
	Svíþjóð	8-0	Kúba	Stade du Fort Carré, Antibes Áhorfendur: 7.000 Dómari: Augustin Krist
	H. Andersson 9, 81, 89, Wetterström 22, 37, 44, Keller 80, Nyberg 84

12. júní 1938
	Ungverjaland	2-0	Sviss	Stade Victor Boucquey, Lille Áhorfendur: 15.000 Dómari: Rinaldo Barlassina
	Sárosi 40, Zsengellér 89

12. júní 1938
	Ítalía	3-1	Frakkland	Stade Olympique de Colombes, Colombes Áhorfendur: 58.455 Dómari: Louis Baert
	Colaussi 8, Piola 51, 72		Heisserer 10

12. júní 1938
	Brasilía	1-1	Tékkóslóvakía	Parc Lescure, Bordeaux Áhorfendur: 22.021 Dómari: Pál von Hertzka
	Leônidas 30		Nejedlý 65

Aukaleikur

14. júní 1938
	Brasilía	2-1	Tékkóslóvakía	Parc Lescure, Bordeaux Áhorfendur: 18.141 Dómari: Georges Capdeville
	Leônidas 57, Roberto 62		Kopecký 25

Undanúrslit

Svíar komust yfir gegn Ungverjum með marki á fyrstu mínútu en sáu svo aldrei til sólar í undanúrslitaleiknum í París. Á sama tíma áttust Brasilía og Ítalía við í hörkuviðureign. Brasilíumenn voru sigurvissir og tóku þá furðulegu ákvörðun að hvíla aðalmarkaskorarann sinn, Leonidas í leiknum. Það reyndist dýrkeypt.

16. júní 1938
	Ungverjaland	5-1	Svíþjóð	Parc des Princes, París Áhorfendur: 20.000 Dómari: Lucien Leclerq
	Jacobsson 19 (sjálfsm.), Titkos 37, Zsengellér 39, 85, Sárosi 65		Nyberg 1

16. júní 1938
	Ítalía	2-1	Brasilía	Stade Vélodrome, Marseille Áhorfendur: 33.000 Dómari: Hans Wüthrich
	Colaussi 51, Meazza 60		Romeu 87

Bronsleikur

Leonidas skoraði tvö af fjórum mörkum Brasilíumanna í bronsleiknum og varð þannig einn markahæstur í mótinu með sjö mörk.

19. júní 1938
	Brasilía	4-2	Svíþjóð	Parc Lescure, Bordeaux Áhorfendur: 12.000 Dómari: John Langenus
	Romeu 44, Leônidas 63, 74, Perácio 80		Jonasson 28, Nyberg 38

Úrslitaleikur

Ítalir fagna sigri.

Úrslitaleikurinn var fjörlegur og með fjölda marka. Ítalir náðu forystunni í tvígang og urðu fyrsta liðið til að verja heimsmeistaratitil og það eina í sögunni til að vinna tvisvar undir stjórn sama þjálfara, Vittorio Pozzo. Eftir mótið komust á kreik sögur um að Mussolini hefði hótað leikmönnum ítalska liðsins dauða ef þeir ynnu ekki keppnina, en í dag eru þær almennt taldar flökkusagnir.

Með sigrinum varð ítalska liðið það fyrsta til að verða heimsmeistari utan heimalands síns. Þar sem síðari heimsstyrjöldin olli því að aflýsa þurfti HM í tvígang héldu Ítalir heimsmeistaratitlinum samfleytt í sextán ár, frá 1934 til 1950, lengur en nokkur önnur þjóð.

19. júní 1938
	Ítalía	4-2	Ungverjaland	Stade Olympique de Colombes, París Áhorfendur: 45.000 Dómari: Georges Capdeville
	Colaussi 6, 35, Piola 16, 82		Titkos 8, Sárosi 70

Markahæstu leikmenn

Leônidas frá Brasilíu varð markakóngur keppninnar. Alls voru 84 mörk skoruð af 42 leikmönnum, tvö þeirra voru sjálfsmark.

7 mörk

Leônidas

5 mörk

4 mörk

Heimildir

RSSSF, Heimsmeistarakeppnin 1938 úrslitagrunnur