Wikipedia

Heimsmeistaramót landsliða í knattspyrnu karla 1994

Þessi grein þarfnast hreingerningar svo hún hæfi betur sem grein hér á Wikipediu.

Heimsmeistaramót landsliða í knattspyrnu karla 1994 var í 15. sinn sem heimsmeistaramótið var haldið. Keppnin var haldin í Bandaríkjunum 17. júní til 17. júlí árið 1994.

Val á gestgjöfumBreyta

Auk Bandaríkjanna sóttust Brasilía og Marokkó eftir að halda keppnina. Þegar atkvæði voru greidd þann 4. júlí 1988 þurfti einungis eina umferð þar sem Bandaríkin fengu rétt rúmlega helming atkvæða. Á þeim tímapunkti höfðu Bandaríkin ekki komist í úrlsitakeppni HM frá því í Brasilíu 1950, en FIFA batt miklar vonir við að keppnin gæti aukið áhuga á íþróttinni í landinu. Jákvæðar undirtektir Bandaríkjamanna við knattspyrnu á ÓL 1984 höfðu einnig áhrif á ákvörðunina.

Meðal skilyrða Alþjóðaknattspyrnusambandsins fyrir því að mótið færi fram í Bandaríkjunum var að komið yrði á laggirnar atvinnudeildarkeppni. Bandaríska úrvalsdeildin hóf göngu sína árið 1996. Öllum hugmyndum um að gera breytingar á reglunum til að auka áhuga bandarískra áhorfenda, s.s. að stækka mörkin eða taka upp aukaleikhlé var sópað út af borðinu.

UndankeppniBreyta

Forkeppnin hófst 21. mars 1992 og lauk þann 17. nóvember 1993. Júgóslavíu var vikið úr keppni vegna borgarastyrjaldar í landinu og Síle var enn í keppnisbanni eftir að hafa reynt að sviðsetja meiðsli markvarðar síns í forkeppni HM fjórum árum fyrr. Ekkert bresku landanna fjögurra komst í úrslitin en landslið Írlands var í fyrsta sinn með í úrslitum. Óvæntast var þó að Frakkar, Evrópumeistarar 1984 og gestgjafar næstu Heimsmeistarakeppni máttu sitja heima á kostnað búlgarska liðsins.

ÞátttökuliðBreyta

24 þjóðir mættu til leiks frá fimm heimsálfum.

LeikvangarBreyta

Pasadena, California
(Los Angeles) 		Stanford, California
(San Francisco) 		Pontiac, Michigan
(Detroit)
Stanford Stadium Pontiac Silverdome Giants Stadium
Áhorfendur: 84,147 Áhorfendur: 77,557 Áhorfendur: 76,322
     
East Rutherford, New Jersey
(New York/New Jersey) 		Dallas, Texas Chicago, Illinois
Rose Bowl Cotton Bowl Soldier Field
Áhorfendur: 94,194 Áhorfendur: 64,000 Áhorfendur: 63,160
     
Orlando, Florida Foxborough, Massachusetts
(Boston) 		Washington, D.C.
Citrus Bowl Foxboro Stadium Robert F. Kennedy Memorial Stadium
Áhorfendur: 62,387 Áhorfendur: 54,456 Áhorfendur: 53,121
     

LukkudýrBreyta

Hundurinn Striker var valinn sem lukkudýr keppninnar. Það var hundur með mannlega eiginleika í knattspyrnubúningi í bandarísku fánalitunum. Striker var hannaður af teiknurum Warner Bros.

KeppninBreyta

RiðlakeppninBreyta

Keppt var í sex riðlum, hverjum með fjórum keppnisliðum. Tvö efstu liðin fóru í 16-liða úrslit, auk þeirra fjögurra liða í þriðja sæti sem bestum árangri náðu.

Riðill ABreyta

Þrjú lið komust áfram úr A-riðlinum, en ekki þó kólumbíska landsliðið sem talið hafði verið líklegt til stórafreka í keppninni. 2:0 sigur þeirra á Svisslendingum í lokaleiknum dugði ekki til þar sem Rúmenar unu heimamenn á sama tíma og skutust þannig af botninum og upp í efsta sætið. Það varpaði skugga á mótið að Kólumbíumaðurinn Andrés Escobar sem skoraði sjálfsmark í fyrsta leik var myrtur í heimalandi sínu þegar heim var komið.

Sæti Lið L U J T Sk Fe M.munur Stig
1   Rúmenía 3 2 0 1 5 5 0 6
2   Sviss 3 1 1 1 5 4 +1 4
3   Bandaríkin 3 1 1 1 3 3 0 4
4   Kólumbía 3 1 0 2 4 5 -1 3

18. júní - Pontiac Silverdome, Pontiac

  •   Bandaríkin 1 : 1   Sviss

18. júní - Rose Bowl, Pasadena

  •   Kólumbía 1 : 3   Rúmenía

22. júní - Pontiac Silverdome, Pontiac

  •   Rúmenía 1 : 4   Sviss

22. júní - Rose Bowl, Pasadena

  •   Bandaríkin 2 : 1   Kólumbía

26. júní - Stanford Stadium, Stanford

  •   Sviss 0 : 2   Kólumbía

26. júní - Rose Bowl, Pasadena

  •   Bandaríkin 0 : 1   Rúmenía

Riðill BBreyta

Brasilíumenn fóru vandræðalítið upp úr riðlinum og þurftu einungis jafntefli í lokaleiknum við Svía eftir að hafa unnið tvo fyrstu leikina. Oleg Salenko kom Rússum yfir í leiknum við Svía en Skandinavarnir svöruðu með þremur mörkum, sem gerði út um vonir Rússa í keppninni. Þeir náðu þó að bjarga andlitinu með 6:1 stórsigri á Kamerún í lokaleiknum þar sem Salenko setti nýtt met á HM með því að skora fimm mörk. Kamerún endaði því á botninum með eitt stig, sem voru sár vonbrigði fyrir spútniklið keppninnar fjórum árum fyrr.

Sæti Lið L U J T Sk Fe M.munur Stig
1   Brasilía 3 2 1 0 6 1 +5 7
2   Svíþjóð 3 1 2 0 6 4 +2 5
3   Rússland 3 1 0 2 7 6 +1 3
4   Kamerún 3 0 1 2 3 11 -8 1

19. júní - Rose Bowl, Pasadena

  •   Bandaríkin 2 : 2   Svíþjóð

20. júní - Stanford Stadium, Stanford

  •   Kólumbía 2 : 0   Rússland

24. júní - Stanford Stadium, Stanford

  •   Rúmenía 3 : 0   Kamerún

24. júní - Pontiac Silverdome, Pontiac

  •   Bandaríkin 3 : 1   Rússland

28. júní - Stanford Stadium, Stanford

  •   Rússland 6 : 1   Kamerún

28. júní - Pontiac Silverdome, Pontiac

  •   Brasilía 1 : 1   Svíþjóð

Riðill CBreyta

Þjóðverjar unnu Bólivíu í opnunarleik keppninnar, 1:0. Sama dag komu Suður-Kóreumenn verulega á óvart með því að ná jafntefli gegn Spánverjum þrátt fyrir að hafa verið 2:0 undir þegar fimm mínútur voru eftir af venjulegum leiktíma. Litlu mátti muna að Asíubúarnir endurtækju afrekið í lokaleiknum gegn Þýskalandi, þar sem Þjóðverjar komust í 3:0 en leiknum lauk 3:2 og evrópsku liðin tvö komust áfram í næstu umferð.

Sæti Lið L U J T Sk Fe M.munur Stig
1   Þýskaland 3 2 1 0 5 3 +2 7
2   Spánn 3 1 2 0 6 4 +2 5
3   Suður-Kórea 3 0 2 1 4 5 -1 2
4   Bólivía 3 0 1 2 1 4 -3 1

17. júní - Rose Bowl, Pasadena

  •   Þýskaland 1 : 0   Bólivía

17. júní - Stanford Stadium, Stanford

  •   Spánn 2 : 2   Suður-Kórea

21. júní - Stanford Stadium, Stanford

  •   Þýskaland 1 : 1   Spánn

23. júní - Pontiac Silverdome, Pontiac

  •   Suður-Kórea 0 : 0   Bólivía

27. júní - Stanford Stadium, Stanford

  •   Bólivía 1 : 3   Spánn

27. júní - Pontiac Silverdome, Pontiac

  •   Þýskaland 3 : 2   Suður-Kórea

Riðill DBreyta

Argentínumenn voru af mörgum taldir sigurstranglegasta lið keppninnar og byrjuðu þeir með látum í 4:0 sigri á Grikkjum og því næst 2:1 sigri á Nígeríu, sem vakið hafði athygli fyrir stórsigur sinn á Búlgörum í fyrsta leik. Draumurinn breyttist snögglega í martröð þegar fyrirliðinn Diego Maradona féll á lyfjaprófi. Vængbrotnir Argenínumennirnir töpuðu lokaleiknum gegn Búlgörum og máttu sætta sig við þriðja sætið í riðlinum á jafnmörgum stigum en lakara markahlutfalli og innbyrðisviðureignum en Búlgarir og Nígeríumenn. Öll þrjú liðin komust þó áfram í næstu umferð.

Sæti Lið L U J T Sk Fe M.munur Stig
1   Nígería 3 2 0 1 6 2 +4 6
2   Búlgaría 3 2 0 1 6 3 +3 6
3   Argentína 3 2 0 1 6 3 +3 6
4   Grikkland 3 0 0 3 0 10 -10 0

21. júní - Foxboro Stadium, Foxborough

  •   Argentína 4 : 0   Grikkland

21. júní - Cotton Bowl, Dallas

  •   Nígería 3 : 0   Búlgaría

25. júní - Foxboro Stadium, Foxborough

  •   Argentína 2 : 1   Nígería

26. júní - Soldier Field, Chicago

  •   Búlgaría 4 : 0   Grikkland

30. júní - Cotton Bowl, Dallas

  •   Argentína 0 : 2   Búlgaría

30. júní - Foxboro Stadium, Foxborough

  •   Grikklands 0 : 2   Nígería

Riðill EBreyta

Átta mörk voru skoruð í leikjunum sex í E-riðli, sem lauk á þann hátt að öll liðin fjögur luku keppni með jafnmörg stig. Því þurfti að horfa til markatölu og innbyrðisleikja. Mexíkó, sem tapaði fyrir Noregi í fyrsta leik, fékk toppsætið út á flest mörk skoruð. Írar og Ítalir voru með markatöluna 2:2 bæði lið, en írska liðið hlaut annað sætið útaf sigri í innbyrðisleiknum. Þriðja sætið dugði Ítölum til að komast áfram í keppninni. Liðið hafði unnið Norðmenn í annarri umferðinni 1:0 þrátt fyrir að vera manni færri í sjötíu mínútur. Norska landsliðið, sem hafði hæst komist í annað sæti heimslista FIFA nokkrum mánuðum fyrir keppnina sat eftir með sárt ennið á botni riðilsins.

Sæti Lið L U J T Sk Fe M.munur Stig
1   Mexíkó 3 1 1 1 3 3 0 4
2   Írland 3 1 1 1 2 2 0 4
3   Ítalía 3 1 1 1 2 2 0 4
4   Noregur 3 1 1 1 1 1 0 4

18. júní - Giants Stadium, East Rutherford

  •   Ítalía 0 : 1   Írland

19. júní - RFK Stadium, Washington

  •   Noregur 1 : 0   Mexíkó

23. júní - Giants Stadium, East Rutherford

  •   Ítalía 1 : 0   Noregur

24. júní - Citrus Bowl, Orlando

  •   Mexíkó 2 : 1   Írland

28. júní - RFK Stadium, Washington

  •   Ítalía 1 : 1   Mexíkó

28. júní - Giants Stadium, East Rutherford

  •   Írland 0 : 0   Noregur

Riðill FBreyta

Hollendingar og Belgar voru taldir hafa dottið í lukkupottinn þegar dregið var í riðla, enda Marokkó og Sádi-Arabía ekki talin líkleg til stórræða. Belgar unnu tvo fyrstu leiki sína, gegn Marokkó og grönnum sínum Hollendingum en máttu þó sætta sig við þriðja sætið í riðlinum eftir tap gegn spútnikliði Sáda, sem náðu mjög óvænt öðru sæti. Marokkó hélt heim án stiga.

Sæti Lið L U J T Sk Fe M.munur Stig
1   Holland 3 2 0 1 4 3 +1 6
2   Sádi-Arabía 3 2 0 1 4 3 +1 6
3   Belgía 3 2 0 1 2 1 +1 6
4   Marokkó 3 0 0 3 2 5 -3 0

19. júní - Citrus Bowl, Orlando

  •   Belgía 0 : 1   Marokkó

20. júní - RFK Stadium, Washington

  •   Holland 1 : 0   Sádi-Arabía

25. júní - Giants Stadium, East Rutherford

  •   Sádi-Arabía 1 : 0   Marokkó

25. júní - Citrus Bowl, Orlando

  •   Belgía 2 : 1   Holland

29. júní - RFK Stadium, Washington

  •   Belgía 1 : 1   Sádi-Arabía

29. júní - Citrus Bowl, Orlando

  •   Marokkó 0 : 0   Holland

ÚtsláttarkeppninBreyta

Tvö efstu liðin úr hverjum forriðli fóru áfram í 16-liða úrslit sem leikin voru með útsláttarfyrirkomulagi.

16-liða úrslitBreyta

Ítalir komust í hann krappann gegn Nígeríumönnum, jöfnuðu undir lokin og knúðu að lokum fram sigur með vítaspyrnumarki í framlengingu. Grípa þurfti til vítaspyrnukeppni í leik Búlgara og Mexíkó, þar sem norður-ameríska liðið mátti enn og aftur sætta sig við að falla úr leik í fyrstu umferð útsláttarkeppninnar. Fjörugasta viðureignin var keppni Rúmena og Argentínu sem lauk með 3:2 sigri fyrrnefnda liðsins eftir harðar sóknarlotur andstæðinganna.

2. júlí - Soldier Field, Chicago, áh. 60.246

2. júlí - RFK-leikvangurinn, Washington, áh. 53.121

3. júlí - Cotton Bowl, Chicago, áh. 60.277

3. júlí - Rose Bowl, Pasadena, áh. 90.469

4. júlí - Citrus Bowl, Orlando, áh. 61.355

4. júlí - Stanford-leikvangurinn, Stanford, áh. 84.147

5. júlí - Foxboro-leikvangurinn, Foxborough, áh. 54.367

5. júlí - Giants-leikvangurinn, East Rutherford, áh. 71.030

FjórðungsúrslitBreyta

Ítalir voru fyrstir liða til að tryggja sér sæti í undanúrslitum eftir sigurmark á lokamínútunum gegn Spáni. Hollendingar lentu 0:2 undir gegn Brasilíumönnum, náðu að jafna metin en töpuðu þó að lokum 2:3. Óvæntustu úrslitin litu dagsins ljós þar sem Búlgarir skelltu heimsmeisturum Þjóðverja, 2:1 í æsispennandi leik. Eina viðureignin sem endaði með vítaspyrnukeppni var leikur Rúmena og Svía sem lauk með sigri þeirra síðarnefndu.

9. júlí - Foxboro-leikvangurinn, Foxborough, áh. 53.400

9. júlí - Cotton Bowl, Dallas, áh. 63.500

10. júlí - Giants-leikvangurinn, East Rutherford, áh. 72.000

10. júlí - Stanford-leikvangurinn, Stanford, áh. 83.500

UndanúrslitBreyta

Tvö mörk frá Roberto Baggio um miðjan fyrri hálfleik fóru langleiðina með að tryggja Ítölum sæti í sínum fyrsta úrslitaleik frá 1982. Síðar sama dag komust Brasilíumenn í úrslit í fyrsta sinn frá 1970 eftir sigur á Svíum sem misstu mann af velli eftir um klukkustundar leik.

13. júlí - Giants-leikvangurinn, East Rutherford, áh. 74.110

13. júlí - Rose Bowl, Pasadena, áh. 91.856

BronsleikurBreyta

Svíar áttu ekki í neinum vandræðum með úrvinda lið Búlgaríu í leiknum um þriðja sætið. Fjórir leikmenn skiptu á milli sínum mörkunum sem öll voru skoruð í fyrri hálfleik.

16. júlí - Rose Bowl, Pasadena, áh. 91.500

ÚrslitaleikurBreyta

Í fyrsta og eina sinn í sögunni tókst hvorugu liðinu í úrslitaleik HM að skora í venjulegum leiktíma eða framlengingu. Grípa þurfti til vítaspyrnukeppni þar sem Roberto Baggio, hetju Ítala á mótinu, brást bogalistinn á ögurstundu. Brasilíska liðið tileinkaði sigurinn landa sínum, ökuþórnum Ayrton Senna sem farist hafði í bílslysi nokkru áður.

17. júlí - Rose Bowl, Pasadena, áh. 94.194

Markahæstu leikmennBreyta

Hristo Stoichkov og Oleg Salenko deildu gullskó FIFA með sex mörk skoruð. Alls skipti 81 leikmaður á milli sín 141 marki, eitt þeirra var sjálfsmark.

6 mörk
5 mörk
4 mörk
Sótt frá „https://is.wikipedia.org/w/index.php?title=Heimsmeistaramót_landsliða_í_knattspyrnu_karla_1994&oldid=1774035“